പൃഥ്വിരാജിനെ നായകനാക്കി ബി. ഉണ്ണികൃഷ്ണന്‍ സംവിധാനം ചെയ്യുന്ന പുതിയ ചിത്രത്തില്‍ നായികയായി നിശ്ചയിച്ചിരുന്ന പൂനം കൌറിനെ ഒഴിവാക്കി. മലയാള ഭാഷ ഉച്ചരിക്കുവാന്‍ ഉള്ള പ്രയാസമാണത്രെ ഇതിനു കാരണമായത്. ഷൂട്ടിങ്ങ് തുടങ്ങിയതിനു ശേഷമാണ് നടിയുടെ ലിപ് മൂവ്മെന്റ് ഒട്ടും ശരിയാകുന്നില്ല എന്നത് ശ്രദ്ധയില്‍ പെട്ടത്. തുടര്‍ന്ന് അവരെ മലയാളം ഉച്ചാരണം പരിശീലിപ്പിക്കുവാന്‍ ശ്രമിച്ചെങ്കിലും അതും ശരിയായില്ല. നായികക്ക് ഏറെ പ്രാധാന്യമുള്ള ഈ ചിത്രത്തില്‍ നടിയുടെ ഉച്ചാരണം ശരിയായില്ലെങ്കില്‍ അത് വലിയ അപാകതയാകും എന്നതിനാലാണ് നായികയെ മാറ്റാന്‍ തീരുമാനമായത്. മുന്‍ മിസ് ആന്ധ്രപ്രദേശ് ആയ പൂനം കൌറിനു പകരം ബാംഗ്ലൂരില്‍ നിന്നുള്ള മോഡല്‍ കാതറീന്‍ തെരേസയാണ് ചിത്രത്തിലെ പുതിയ നായിക.
പൂനം കൌര്‍
കാതറീന്‍ തെരേസ
കൊച്ചി : പ്രശസ്ത ചലച്ചിത്ര താരം കാവ്യാ മാധവന്‍ വിവാഹ മോചനം തേടി കുടുംബ കോടതി യില്‍. ഭര്ത്താവ് നിഷാല്‍ ചന്ദ്രനും കുടുംബാം ഗങ്ങളും മാനസിക മായും ശാരീരിക മായും തന്നെ പീഡിപ്പിക്കുന്നു. അതിനാല്‍ ഇനി വിവാഹ മോചന ത്തിനായി കോടതിയുടെ കാരുണ്യം തേടുന്നു എന്ന് കാവ്യ ഹര്‍ജിയില്‍ പറഞ്ഞു.
മമ്മൂട്ടിയെ നായകനാക്കി രഞ്ജിത്ത് സംവിധാനം ചെയ്യുന്ന പ്രാഞ്ചിയേട്ടന്‍ ആന്റ് സണ്‍സ് എന്ന ചിത്രത്തില്‍ നടി പ്രിയാമണി അഭിനയിക്കുന്നു. തൃശ്ശൂര്‍ അരിയങ്ങാടിയിലെ കച്ചവടക്കാരനായ പ്രാഞ്ചിയേട്ട നായിട്ടാണ് മമ്മൂട്ടി ഈ ചിത്രത്തില്‍ എത്തുന്നത്. ഒരു ഇന്റീരിയര്‍ ഡിസൈനറുടെ വേഷമാണ് പ്രാഞ്ചിയേട്ടനില്‍ പ്രിയാമണി അവതരിപ്പിക്കുന്നത്. പ്രിയാമണിക്ക് പുറമെ ഖുശ്ബുവും ഈ ചിത്രത്തില്‍ അഭിനയിക്കുന്നുണ്ട്.
ആത്മാര്‍ത്ഥതയും വിനയവും നിറഞ്ഞ ഭക്തയായിരുന്നു നടി രഞ്ജിതയെന്ന് വിവാദ സ്വാമി നിത്യാനന്ദ. തങ്ങളെ പറ്റിയുള്ള അപവാദം രഞ്ജിതയ്ക്കും കുടുംബത്തിനും മാത്രമല്ല തന്റെ ഭക്തര്‍ക്കും ഏറെ വേദന ഉണ്ടാക്കിയെന്നും, അതേ പറ്റിയാണ് താന്‍ ചിന്തിച്ചതെന്നും നിത്യാനന്ദ പറഞ്ഞു. യൂട്യൂബില്‍ പ്രത്യക്ഷപ്പെട്ട പ്രഭാഷണത്തിലാണ് നിത്യാനന്ദയുടെ ഈ പുതിയ വെളിപ്പെടുത്തലുകള്‍. രഞ്ജിതയ്ക്ക് ഉണ്ടായ അപമാനത്തില്‍ വേദന പ്രകടിപ്പിച്ച നിത്യാനന്ദന്‍ അവര്‍ക്ക് തന്റെ പ്രാര്‍ഥനയും അനുഗ്രഹവും എന്നും ഉണ്ടാകും എന്നും കൂട്ടിച്ചേര്‍ത്തു. 
എം. ടി. വാസുദേവന്‍ നായരുടെ തിരക്കഥയില്‍ ഒരുക്കിയ നീലത്താമരയ്ക്കു ശേഷം ലാല്‍ ജോസ് ഒരുക്കുന്ന ചിത്രമാണ് എത്സമ്മ എന്ന ആണ്‍കുട്ടി. കുഞ്ചാക്കോ ബോബന്‍ നായകനായി അഭിനയിക്കുന്ന ചിത്രത്തില്‍ ആന്‍ എന്ന പുതുമുഖ നായികയാണ് എത്സമ്മ എന്ന ടൈറ്റില്‍ റോളില്‍ എത്തുന്നത്. ജനാര്‍ദ്ദനന്‍, വിജയ രാഘവന്‍, ജഗതി ശ്രീകുമാര്‍, മണിയന്‍ പിള്ള രാജു, സുരാജ് വെഞ്ഞാറമൂട്, മണിക്കുട്ടന്‍, കെ. പി. എ. സി. ലളിത തുടങ്ങിയവരും ഈ ചിത്രത്തില്‍ അഭിനയിക്കുന്നു.
