മീരയുടെ വിവാഹ നിശ്ചയം റദ്ദാക്കി

April 4th, 2012
meera-pakistani-actress-epathram
പ്രശസ്ത പാക്കിസ്ഥാന്‍ നടി മീരയുടെ വിവാഹ നിശ്ചയം വരന്റെ പിതാവിന്റെ ഇടപെടലിനെ തുടര്‍ന്ന് റദ്ദാക്കി. യു. സില്‍ പൈലറ്റായി ജോലി നോക്കുന്ന നവീദുമായിട്ടായിരുന്നു മീരയുടെ വിവാഹം നിശ്ചയിച്ചിരുന്നത്. നിശ്ചയത്തോടനുബന്ധിച്ച് നല്‍കിയ മെഹര്‍ തിരിച്ചു നല്‍കുവാന്‍ വരന്റെ വീട്ടുകാര്‍ മീരയോട് ആവശ്യപ്പെട്ടിട്ടുണ്ട്. മീര മുന്‍ ഭര്‍ത്താവില്‍ നിന്നും വിവാഹ മോചനം വാങ്ങിയിട്ടില്ല എന്നതിനാലാണ് നിശ്ചയം റദ്ദു ചെയ്യുവാന്‍ കാരണമായി പറയുന്നത്.
മീര വിവാഹിതയാകുവാന്‍ പോകുന്നു എന്ന വാര്‍ത്തകള്‍ക്ക് പുറകെ അവരുടെ ആദ്യ ഭര്‍ത്താവ് എതിര്‍പ്പുമായി രംഗത്തെത്തിയിരുന്നു. നിയമ പ്രകാരം തന്റെ ഭാര്യയായ മീരക്ക് രണ്ടാം വിവാഹത്തിനു സാധ്യമല്ലെന്ന് അദ്ദേഹം വ്യക്തമാക്കിയിരുന്നു. വിവാഹവുമായി ബന്ധപ്പെട്ട് ഒരു കേസ് ലാഹോര്‍ ഹൈക്കോര്‍ട്ടില്‍ നിലവിലുണ്ടെന്നും മീര തന്റെ ആദ്യ വിവാഹത്തെ കുറിച്ച് ജനങ്ങളോട് തുറന്ന് പറയുവാന്‍ ആര്‍ജ്ജവം കാണിക്കണമെന്നും അദ്ദേഹം പറഞ്ഞു.

- എസ്. കുമാര്‍

വായിക്കുക: ,

അഭിപ്രായം എഴുതുക »

ബ്യാരി സിനിമക്കെതിരെ സാറാ അബൂബക്കര്‍

March 15th, 2012

byari-epathram

ദേശീയ പുരസ്കാരം നേടിയ സുവീരന്റെ ബ്യാരി എന്ന ചിത്രത്തിനെതിരെ കഥകാരി സാറാ അബൂബക്കര്‍. ചന്ദ്രഗിരിയുടെ തീരത്ത് എന്ന തന്റെ കന്നട നോവലിനെ ആസ്പദമാക്കിയാണ് സിനിമ നിര്‍മ്മിച്ചിരിക്കുന്നതെന്നും ഇതിനു തന്റെ അനുമതി തേടിയിരുന്നില്ലെന്നുമാണ് അവര്‍ പറയുന്നത്. ഈ നോവലിനെ ആസ്പദമാക്കി തമിഴില്‍ ജമീല എന്ന സിനിമ നിര്‍മ്മിച്ചിട്ടുണ്ടെന്നും ഇതനുസരിച്ചുള്ള കരാര്‍ പ്രകാരം 15 വര്‍ഷത്തെക്ക് മറ്റു ഭാഷകളില്‍ നോവല്‍ സിനിമയാക്കാന്‍ സാധ്യമല്ലെന്നുമാണ് സാറാ അബൂബക്കര്‍ പറയുന്നത്. മലയാളം,കന്നഡ, ഹിന്ദി, ഓറിയ, ഇംഗ്ലീഷ് തുടങ്ങിയ ഭാഷകളില്‍ ഇറങ്ങിയ നോവല്‍ വിവിധ സര്‍വ്വകലാശാലകളില്‍ പാഠപുസ്തകവുമാണ്. സിനിമയില്‍ തന്റെ പേര്‍ ചേര്‍ത്തിട്ടില്ലെന്നും അവര്‍ വ്യക്തമാക്കി

- എസ്. കുമാര്‍

വായിക്കുക: ,

Comments Off on ബ്യാരി സിനിമക്കെതിരെ സാറാ അബൂബക്കര്‍

കല്‍ക്കി : മലയാളത്തിലെ ആദ്യ ഉഭയലിംഗ നായിക

March 11th, 2012

kalki-epathram

പുതുമുഖ നായികാ നായകന്മാര്‍ക്ക് പഞ്ഞമില്ലാത്ത മലയാള സിനിമയില്‍ തികച്ചും പുതുമയാര്‍ന്ന ഒരു താരോദയം. അതെ, മലയാളത്തിലെ ആദ്യ ഉഭയലിംഗ താരമാകുകയാണ് കല്‍ക്കി സുബ്രമണ്യം. നേരത്തെ ഉഭയലിംഗമുള്ളവരുടെ വിഷയം കൈകാര്യം ചെയ്ത നര്‍ത്തകി എന്ന തമിഴ് ചിത്രത്തില്‍ കല്‍ക്കി പ്രധാന റോളില്‍ അഭിനയിച്ചിരുന്നു. പുതിയ മലയാള  ചിത്രവും ഉഭയലിംഗമുള്ളവർ അഭിമുഖീകരിക്കുന്ന പ്രശ്നങ്ങള്‍ക്കായിരിക്കും പ്രാധാന്യം നല്‍കുക. എം. എസ്.  ഹാലിന്‍ നിര്‍മ്മിക്കുന്ന ചിത്രത്തിന്റെ തിരക്കഥയില്‍ തന്റെ അനുഭവങ്ങള്‍ കൂടെ കല്‍ക്കി ചേര്‍ത്തിട്ടുണ്ട്.
ക്യാമറക്ക് മുമ്പില്‍ ഒരു കളിമണ്ണു പോലെ ഏതു വേഷവും തനിക്ക് വഴങ്ങുമെന്ന് പറയുന്ന കല്‍ക്കിക്ക് തന്റെ കഴിവുകളില്‍ വിശ്വാസമുണ്ട്. സ്മിതാ പാട്ടീല്‍, രേവതി, അഞ്ജലിനാ ജോളി തുടങ്ങിയ അഭിനേത്രിമാരെ ഇഷ്ടപ്പെടുന്ന കല്‍ക്കിക്ക് മഞ്ജു വാര്യര്‍ വിവാഹ ശേഷം സിനിമയില്‍ നിന്നും വിട്ടു നില്‍ക്കുന്നതില്‍ നിരാശയുമുണ്ട്.
ഉഭയലിംഗമുള്ളവരുടെ ഉന്നമനത്തിനായി പ്രവര്‍ത്തിക്കുന്ന സഹോദരി എന്ന സംഘടനയുടെ അമരക്കാരിയാണ് കല്‍ക്കി. ഉഭയലിംഗമുള്ളവർക്ക് നേരെ നടക്കുന്ന അക്രമങ്ങള്‍ക്കെതിരെ ഈ സംഘടന ശക്തമായ പോരാട്ടമാണ് നടത്തുന്നത്. അറിയപ്പെടുന്ന ബ്ലോഗ്ഗര്‍ ആയ കല്‍ക്കി തന്റെ ബ്ലോഗ്ഗിലൂടെ ഉഭയലിംഗമുള്ളവരുമായി ബന്ധപ്പെട്ട കാര്യങ്ങള്‍ ലോകത്തെ അറിയിക്കുവാന്‍ ശ്രദ്ധ വെയ്ക്കുന്നു.  മറ്റു താര നിര്‍ണ്ണയങ്ങള്‍ നടന്നു വരുന്നതേ ഉള്ളൂ എങ്കിലും  “സുന്ദരിയായ” കല്‍ക്കിയുടെ മലയാളത്തിലെ അരങ്ങേറ്റം ഒരു സംഭവമാക്കുവാനാണ് അണിയറ പ്രവര്‍ത്തകരുടെ ശ്രമം.

- എസ്. കുമാര്‍

വായിക്കുക: ,

അഭിപ്രായം എഴുതുക »

നടി അല്‍‌ഫോണ്‍സ ആത്മഹത്യക്ക് ശ്രമിച്ചു

March 6th, 2012
alphonsa-epathram
ചെന്നൈ: രജനീകാന്ത്, മോഹന്‍ ലാല്‍ തുടങ്ങി മെഗാസ്റ്റാറുകളുടെ ചിത്രങ്ങളില്‍ ഐറ്റം ഡാന്‍സ് നടത്തി ശ്രദ്ധിക്കപ്പെട്ട നര്‍ത്തകിയും തെന്നിന്ത്യന്‍ നടിയുമായ അല്‍‌ഫോണ്‍സ ആത്മഹത്യക്ക് ശ്രമിച്ചു. ആല്‍‌ഫോണ്‍സയുടെ ലിവിങ്ങ് പാര്‍ട്ട്‌ണര്‍ എന്നറിയപ്പെട്ടിരുന്ന ചലച്ചിത്ര നര്‍ത്തകന്‍ വിനോദ് കുമാര്‍ തിങ്കളാഴ്ച പുലര്‍ച്ചെ തൂങ്ങി മരിച്ചിരുന്നു. ഇയാളുടെ മരണത്തെ  തുടര്‍ന്ന് മനം നൊന്താണ് നടി  വിരുമ്പാക്കത്തുള്ള ഫ്ലാറ്റില്‍ ഉറക്ക ഗുളികള്‍ കഴിച്ച് ആത്മഹത്യക്ക് ശ്രമിച്ചതെന്ന് കരുതുന്നു. ആല്‍‌ഫോണ്‍സയെ പിന്നീട് വടപളനിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. നേരത്തെ വിവാഹിതയായിരുന്ന അല്‍‌ഫോണ്‍സ പിന്നീട് ഭര്‍ത്താ‍വുമായി വേര്‍ പിരിയുകയായിരുന്നു. കഴിഞ്ഞ ഒരു വര്‍ഷമായി വിനോദിനൊപ്പമാണ് നടി താമസിച്ചിരുന്നത്. ദുബായില്‍ ഒരു പ്രോഗ്രാമ്മില്‍പങ്കെടുത്ത് തിങ്കളാ‌ഴ്ച പുലര്‍ച്ചെയാണ് അല്‍‌ഫോണ്‍സ മടങ്ങിയെത്തിയത്.  ഫ്ലാറ്റില്‍ എത്തിയ അല്‍‌ഫോണ്‍സ വിനോദുമായി വഴക്കിട്ടിരുന്നതായും പറയപ്പെടുന്നു. വിനോദിന്റെ മരണവുമായി ബന്ധപ്പെട്ട് അല്‍‌ഫോണ്‍സയെ പോലീസ് ചോദ്യം ചെയ്തിരുന്നു.
രജനീകാന്ത് നായകനായ ‘ബാഷ“യില്‍ ആല്‍‌ഫോണ്‍സ അവതരിപ്പിച്ച ഐറ്റം ഡാന്‍സ് ഏറെ ശ്രദ്ധിക്കപ്പെട്ടിരുന്നു. മോഹന്‍ ലാലിന്റെ എക്കാലത്തേയും സൂപ്പര്‍ ഹിറ്റായ “നരസിംഹം” എന്ന ചിത്രത്തിലും നടി മാദകനൃത്തം അവതരിപ്പിച്ചിട്ടുണ്ട്. ഇടക്കാലത്ത് അവസരം കുറഞ്ഞതോടെ എണ്ണത്തോണി പോലുള്ള ബി ഗ്രേഡ് ചിത്രങ്ങളിലും ആല്‍‌ഫോണ്‍സ പ്രത്യക്ഷപ്പെട്ടിരുന്നു.

- ലിജി അരുണ്‍

വായിക്കുക: , ,

1 അഭിപ്രായം »

മമ്മൂട്ടിക്ക്‌ പ്രിയാമണിയെ വേണ്ട പകരം സംവൃത

March 4th, 2012

samvritha-sunil-epathram

ജോണി ആന്റണി മമ്മൂട്ടിയെ നായകനാക്കി സംവിധാനം ചെയ്യാനൊരുങ്ങുന്ന ‘താപ്പാന’യില്‍ മമ്മൂട്ടിക്ക്‌ പ്രിയാമണിയെ നായികയായി വേണ്ട എന്ന് തറപ്പിച്ചു പറഞ്ഞുവെന്നാണ്‌ അണിയറ വാര്‍ത്തകള്‍. രഞ്‌ജിത്തിന്റെ ‘പ്രാഞ്ചിയേട്ടന്‍ ആന്റ്‌ ദി സെയിന്റ്‌’ എന്ന ചിത്രത്തിലാണ്‌ ഇതിനു മുന്‍പ്‌ മമ്മൂട്ടിയും പ്രിയാമണിയും ഒരുമിച്ചത്‌. മമ്മുട്ടി ഇങ്ങനെ ഒരു കടുത്ത തീരുമാനമെടുക്കാന്‍ എന്താണ് കാരണമെന്ന് അറിയില്ലെങ്കിലും പ്രാഞ്ചിയേട്ടനിലെ സെറ്റില്‍ വെച്ചുണ്ടായ ചില തര്‍ക്കമാണ് കാരണമെന്ന് പറയുന്നു. പ്രിയാമണിക്ക് പകരം താപ്പാനയിലെ നായികയായി സംവൃത സുനില്‍ വരുമെന്നാണ് അവസാനം കിട്ടിയ വിവരം.

- ന്യൂസ് ഡെസ്ക്

വായിക്കുക: , , , ,

അഭിപ്രായം എഴുതുക »

22 of 34« First...10...212223...30...Last »

« Previous Page« Previous « എം.ടി-ഹരിഹരന്‍ ചിത്രം വീണ്ടും നായകന്‍ ഇന്ദ്രജിത്ത്
Next »Next Page » നടി അല്‍‌ഫോണ്‍സ ആത്മഹത്യക്ക് ശ്രമിച്ചു »



ജോണ്‍ എബ്രഹാം സ്മാരക ഹ്രസ...
രജനികാന്ത് ചിത്രത്തിൽ മഞ്...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...
എവിടെ ജോണ്‍?...
ജോസ് പ്രകാശിന് ജെ. സി ഡാ...
നടന്‍ ജഗതിശ്രീകുമാറിനു കാ...
ബാരി മികച്ച ചിത്രം; വിദ്യ...
ജോണ്‍ അബ്രഹാം പ്രത്യേക പു...
പത്മശ്രീ ഭരത് ഡോക്ടര്‍ സര...
പ്രണയം : മലയാളിയുടെ ലൈംഗി...
ബ്ലെസിയുടെ ‘പ്രണയം’ കോപ്...
കോളിളക്കം വീണ്ടും വരുന്നു...
എം. ജി. ശ്രീകുമാറും പാട്ട...
പ്രാഞ്ചിയേട്ടന്‍റെ ഒന്നാം...
ആദാമിന്റെ മകന്‍ അബുവിനു വ...
നടി ശ്വേതാ മേനോന്‍ വിവാഹി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine