അബുദാബി : ഹ്രസ്വ സന്ദര്‍ശനാര്‍ത്ഥം ഗള്‍ഫില്‍ എത്തിയ പ്രശസ്ത ചലച്ചിത്ര സംവിധായകന്‍ അക്കു അക്ബറിന് അബുദാബിയില്‍ തൃശ്ശൂര്‍ കേരളവര്‍മ കോളേജ് അലുംമ്‌നി സ്വീകരണം നല്കി. ഈ യിടെ പുറത്തിറങ്ങിയ സൂപ്പര്‍ ഹിറ്റ് സിനിമ യായ വെള്ളരി പ്രാവിന്റെ ചങ്ങാതി, വെറുതെ ഒരു ഭാര്യ, കാണാ കണ്മണി തുടങ്ങിയ സിനിമകളുടെ സംവിധായകനായ അക്കു അക്ബരി നോടൊപ്പം വെള്ളരി പ്രാവിന്റെ ചങ്ങാതിയിലെ ശ്രദ്ധേയ മായ പാട്ടുകള്‍ പാടിയ അബുദാബിക്കാരായ ഗായകന്‍ കബീര്‍ , പ്രിയ അജി എന്നിവരും സംബന്ധിച്ചു. അലുംമ്‌നി പ്രസിഡന്റ് സുരേന്ദ്രനാഥ് അദ്ധ്യക്ഷത വഹിച്ചു. ചടങ്ങില്‍ മാധ്യമ പ്രവര്‍ത്തകന്‍ ടി. പി. ഗംഗാധരന്‍ ആശംസാ പ്രസംഗം ചെയ്തു.
നല്ല കഥ നന്നായി അവതരിപ്പിച്ചാല്‍ മലയാള സിനിമയ്ക്ക് ഒരു പ്രതിസന്ധിയും ഉണ്ടാവില്ല എന്ന് സ്വീകരണ യോഗത്തില്‍ പങ്കെടുത്ത് അക്കു അക്ബര്‍ പറഞ്ഞു. പുതിയ സംവിധായകരും പുതിയ പ്രമേയങ്ങളും മലയാള സിനിമ യില്‍ ചലന ങ്ങള്‍ സൃഷ്ടിക്കുന്നുണ്ട്. 2011ല്‍ പുറത്തിറങ്ങിയ പല സിനിമകളും ഏറെ പ്രതീക്ഷ കളോടെ യാണ് പ്രേക്ഷക സമൂഹം സ്വീകരിച്ചത്. സൂപ്പര്‍ താരങ്ങളുടെ സാന്നിദ്ധ്യം ഇല്ലാതെയും പല ചിത്രങ്ങളും ഗംഭീര വിജയ ങ്ങളായി. പ്രവാസ ഭൂമിയില്‍ ജീവിക്കുന്ന കബീറിനെയും പ്രിയ യെയും താന്‍ ‘വെള്ളരിപ്രാവിനു’ വേണ്ടി പാടാന്‍ ക്ഷണിച്ചത് പരീക്ഷണ മായിരുന്നു. ആ പരീക്ഷണം വിജയിച്ചു എന്ന് അവരുടെ പാട്ടുകള്‍ തെളിയിക്കുന്നു – അക്കു അക്ബര്‍ പറഞ്ഞു. കേരള വര്‍മ കോളേജ് പൂര്‍വ്വ വിദ്യാര്‍ത്ഥി കൂടിയായ കബീര്‍ പ്രിയ യോടൊപ്പം ചേര്‍ന്ന് തന്റെ ഹിറ്റ് ഗാനം ആലപിച്ചു.
- pma
അനുബന്ധ വാര്‍ത്തകള്‍
വായിക്കുക: പൂര്‍വ വിദ്യാര്‍ത്ഥി, സംഗീതം
