അബുദാബി : ലുലു ഇന്റര്നാഷണല് എക്സ്ചേഞ്ചിന്റെ നൂറാമത്തെ ശാഖ അബുദാബി ഹംദാന് സ്ട്രീറ്റില് തുറന്നു പ്രവര്ത്തനം ആരംഭിച്ചു. ലുലു ഗ്രൂപ്പ് മാനേജിംഗ് ഡയറക്ടര് എം. എ. യൂസഫലിയും പൌര പ്രമുഖനും ബിസിനസ്സ് രംഗത്തെ ശ്രദ്ധേയനുമായ ഹമദ് അല് ദര്മക്കി എന്നിവര് ചേര്ന്ന് നൂറാമത് ശാഖ യുടെ ഉദ്ഘാടനം നിര്വഹിച്ചു.
ചടങ്ങില് മുഖ്യ അതിഥിയായ ഇന്ത്യന് അംബാസഡര് ടി. പി. സീതാറാം, ലുലു ഇന്റര്നാഷണല് എക്സ്ചേഞ്ച് സി. ഇ. ഒ. അദീബ് അഹമ്മദ്, ലുലു ഗ്രൂപ്പ് എക്സിക്യൂട്ടീവ് ഡയറക്ടര് അഷ്റഫ് അലി, വി. പി. എസ്. ഹെല്ത്ത് കെയര് ഗ്രൂപ്പ് മാനേജിംഗ് ഡയരക്ടര് ഷംസീര് വയലില് തുടങ്ങിയ പ്രമുഖര് സംബന്ധിച്ചു.
അഞ്ചു വര്ഷത്തിനുള്ളില് ലുലു ഇന്റര്നാഷണല് എക്സ്ചേഞ്ചിന്റെ നൂറാമത്തെ ശാഖ തുറക്കാന് ആയതില് അതിയായ സന്തോഷം ഉണ്ടെന്നും എന്നും കൂടെ നില്ക്കുകയും പ്രോത്സാഹി പ്പിക്കുകയും ചെയ്ത എല്ലാ ഉപഭോക്താ ക്കള്ക്കുമായി പുതിയ ശാഖ സമര്പ്പിക്കുന്നു എന്നും എം. എ. യൂസഫലി പറഞ്ഞു.
- pma
