ദോഹ : ഖത്തറിലെ സംഗീത പ്രേമികള്‍ക്ക് എന്നും പുതുമയുള്ള പരിപാടികള്‍ മാത്രം കാഴ്ച്ച വെച്ചിട്ടുള്ള “ദോഹ വേവ്സ്” ഈ പുതുവര്‍ഷത്തില്‍ “ഗോള്‍ഡന്‍ ഹിറ്റ്സ് 2012 – മൈലാഞ്ചി” അവതരിപ്പിക്കുന്നു. ഫെബ്രുവരി 23 വ്യാഴാഴ്ച രാത്രി 8:30ന് ദോഹ സിനിമയില്‍ അരങ്ങേറുന്ന പരിപാടിയില്‍ ആദില്‍ അത്തു, മാഗ്ന ജലാല്‍, ഷമീര്‍ ചാവക്കാട്, ഷക്കീര്‍ ആലുവ, കുഞ്ഞു മൈലാഞ്ചി, സീന രമേശ്‌, ലുബി കൊച്ചിന്‍, അന്ഷാദ് തൃശൂര്‍, സലിം പാവറട്ടി, റിയാസ് കരിയാട്, ജിമ്സി ഖാലിദ്‌ എന്നിവര്‍ ഗാനങ്ങള്‍ ആലപിക്കുന്നു.
പഴയതും, പുതിയതുമായ മാപ്പിളപ്പാട്ടുകള്‍ കോര്‍ത്തിണക്കി ക്കൊണ്ടുള്ള ഈ സംഗീത സായാഹ്നം ബഷീര്‍ സി. കെ. സംവിധാനം ചെയ്യുന്നു. എല്ലാ തരം മാപ്പിളപ്പാട്ട് ആസ്വാദകര്‍ക്കും ഒരു പോലെ ഇഷ്ടപ്പെടുന്ന രീതിയിലാണ് ഈ പരിപാടി അണിയിച്ചൊരു ക്കിയിരിക്കുന്നതെന്ന് പ്രോഗ്രാം കോ – ഓര്‍ഡിനേറ്റര്‍ മുഹമ്മദ്‌ തൊയ്യിബ് പറഞ്ഞു.
പരിപാടിയുടെ ടിക്കറ്റുകള്‍ ദോഹ സിനിമ, കബായാന്‍ ഹൈപ്പര്‍ മാര്‍ക്കറ്റ്, നൈസ് റെസ്റ്റോറന്റ് എന്നിവിടങ്ങളില്‍ ലഭിക്കുന്നതാണ്.
ടിക്കറ്റ് നിരക്ക് : ഖത്തര്‍ റിയാല്‍ 75, 40
വിശദ വിവരങ്ങള്‍ക്ക് വിളിക്കുക – 77 30 92 46 , 66 55 82 48
– കെ. വി. അബ്ദുല്‍ അസീസ്‌ ചാവക്കാട്, ദോഹ – ഖത്തര്‍
- ജെ.എസ്.
