അബുദാബി : ലോക നാടക ദിനത്തില്‍ അബുദാബി നാടക സൌഹൃദം ഒരുക്കുന്ന നാടകാസ്വാദന സദസ്സ് അബുദാബിയില്‍. ഇതില്‍ നാടകങ്ങളെ കുറിച്ചുള്ള ചര്‍ച്ചകള്‍ പ്രഭാഷണങ്ങള്‍ നാടക ഗാനങ്ങള്‍ ചിത്രീകരണം എന്നിവ ഉണ്ടാകും.
ലോക നാടക ദിനമായ മാര്‍ച്ച് 27 ചൊവ്വാഴ്ച രാത്രി 8 മണിക്ക് കേരളാ സോഷ്യല്‍ സെന്ററില്‍ നടക്കുന്ന പരിപാടി യില്‍ പ്രമുഖ നാടക പ്രവര്‍ത്ത കരായ ഓ. ടി. ഷാജഹാന്‍ ( തിയ്യേറ്റര്‍ ദുബായ് ), ജലീല്‍ ടി. കുന്നത്ത് (ശക്തി തിയ്യറ്റേഴ്സ് ) എന്നിവര്‍ പങ്കെടുക്കും.
കേരളാ സോഷ്യല്‍ സെന്റര്‍ വൈസ്‌ പ്രസിഡന്റ് ബാബു വടകര ഉദ്ഘാടനം ചെയ്യും. നാടക സൌഹൃദം പ്രസിഡന്റ് കെ. കൃഷ്ണകുമാര്‍ അദ്ധ്യക്ഷത വഹിക്കുന്ന ചടങ്ങില്‍ പ്രസക്തി യു. എ. ഇ. യുടെ ഭാരവാഹികള്‍ പങ്കെടുക്കും.
തുടര്‍ന്ന് അനൂപ്‌ കടാങ്കോട്ട് രചനയും സംവിധാനവും നിര്‍വ്വഹിച്ച കടല്‍ കടക്കുമ്പോള്‍ എന്ന ചിത്രീകരണവും അരങ്ങേറും.
- pma
അനുബന്ധ വാര്‍ത്തകള്‍
വായിക്കുക: നാടകം
