അബുദാബി : ലുലു ഗ്രൂപ്പിന്റെ ഏറ്റവും വലിയ ഹൈപ്പര് മാര്ക്കറ്റ്, അബുദാബി മുസ്സഫ യിലെ മുഹമ്മദ് ബിന് സായിദ് സിറ്റി യിലെ കാപ്പിറ്റല് മാളില് ഒരുങ്ങുന്നു. 2013 ജനുവരി യില് പ്രവര്ത്തനം ആരംഭിക്കുന്ന വിധ ത്തിലാണ് ലുലുവിന്റെ 105ആം ഹൈപ്പര് മാര്ക്കറ്റ് ഒരുങ്ങുന്നത്.
ഇതിന്റെ പ്രാരംഭ നടപടിയായി കാപ്പിറ്റല് മാള് ഏറ്റെടുക്കല് ധാരണാ പത്ര ത്തില് ലുലു ഹൈപ്പര് മാര്ക്കറ്റ് ഗ്രൂപ്പും മനാസില് റിയല് എസ്റ്റേറ്റും ഒപ്പു വെച്ചു. എം. കെ. ഗ്രൂപ്പ് മാനേജിംഗ് ഡയറക്ടര് എം. എ. യൂസഫലി യും മനാസില് റിയല് എസ്റ്റേറ്റ് ചെയര്മാന് മുഹമ്മദ് അല് ഖുബൈസിയും അബുദാബി ഫെയര്മൗണ്ട് ഹോട്ടലില് നടന്ന ചടങ്ങിലാണ് ധാരണാ പത്ര ത്തില് ഒപ്പു വെച്ചത്.
2,20,000 ചതുരശ്ര അടി വിസ്തീര്ണ്ണമുള്ള കെട്ടിട ത്തില് ഏറ്റവും മികച്ച സംവിധാന ങ്ങളോടെ യാണ് ലുലു പ്രവര്ത്തനം ആരംഭിക്കുക. മൂന്നു നിലകളുള്ള കാപിറ്റല് മാളില് ഫാഷന്, ജ്വല്ലറി, ഇലക്ട്രോണിക്സ്, റീട്ടെയില് സ്റ്റോറുകള്, വിനോദ കേന്ദ്രങ്ങള്, ഭക്ഷണ ശാലകള്, കഫേകള് തുടങ്ങിയ വാണിജ്യ സ്ഥാപന ങ്ങള്ക്കായി മുന്നൂറോളം ഔട്ട്ലെറ്റു കളാണ് കാപ്പിറ്റല് മാളില് ആരംഭിക്കുക.
- pma
