ദുബായ്‌ : ജോസഫ്‌ മാര്‍ത്തോമ്മ മെത്രാപ്പോലീത്ത സമൂഹത്തിനും സഭയ്ക്കും സ്നേഹത്തിന്റെ കരസ്പര്‍ശമായി മാറുന്ന വലിയ ഇടയനാണ് എന്ന് പ്രതിപക്ഷ നേതാവ്‌ ഉമ്മന്‍ ചാണ്ടി അഭിപ്രായപ്പെട്ടു. ദുബായ്‌ മാര്‍ത്തോമ്മ പാരീഷ്‌ തിരുമേനിയുടെ എണ്‍പതാം ജന്മ ദിനത്തോട് അനുബന്ധിച്ച് നടത്തിയ അനുമോദന സമ്മേളനത്തില്‍ മുഖ്യ പ്രസംഗം നടത്തുക യായിരുന്നു ഉമ്മന്‍ ചാണ്ടി.
അനുമോദന സമ്മേളനത്തില്‍ റവ. വി. കുഞ്ഞു കോശി അദ്ധ്യക്ഷത വഹിച്ചു. സഹ വികാരി റവ. തോമസ്‌ മാത്യു, യു. എ. ഇ. യൂത്ത്‌ ചാപ്ല്യന്‍ റവ. സഖറിയ അലക്സാണ്ടര്‍, റവ. സജു പാപ്പച്ചന്‍, ഇടവക സെക്രട്ടറി സാജന്‍ വേളൂര്‍, ട്രസ്റ്റി കെ. വി. തോമസ്‌, യോഹന്നാന്‍ ബേബി, കെ. എ. വര്‍ഗ്ഗീസ്‌ എന്നിവര്‍ പ്രസംഗിച്ചു.
അഡ്വ. വര്‍ഗ്ഗീസ്‌ മാമ്മന്‍, വര്‍ഗ്ഗീസ്‌ ടി. മാങ്ങാട്‌, വിക്ടര്‍ ടി. തോമസ്‌ എന്നിവര്‍ ചടങ്ങില്‍ പങ്കെടുത്തു.
- ജെ.എസ്.
(അയച്ചു തന്നത് : അഭിജിത് പാറയില്‍)
അനുബന്ധ വാര്‍ത്തകള്‍
വായിക്കുക: കേരള രാഷ്ട്രീയ നേതാക്കള്‍, മതം
