അബുദാബി : ബോഡോ കലാപ കാരികളുടെ അക്രമത്തിനിര യായി സര്‍വ്വതും നഷ്ടപ്പെട്ടു അഭയാര്‍ത്ഥി ക്യാമ്പു കളില്‍ കഴിയുന്ന ആസാമിലെ സഹോദര ങ്ങള്‍ക്ക് സഹായം നല്കാന്‍ പാണക്കാട് ഹൈദരലി ശിഹാബ് തങ്ങളുടെ ആഹ്വാനം അനുസരിച്ചു അബുദാബി കുറ്റിയാടി മണ്ഡലം കെ. എം. സി. സി. സമാഹരിച്ച അര ലക്ഷം രൂപ, മണ്ഡലം കമ്മിറ്റിക്കു വേണ്ടി പ്രസിഡണ്ട് ലത്തീഫ് കടമേരിയും ജനറല്‍ സെക്രട്ടറി അബ്ദുള്ള കാക്കുനിയും ചേര്‍ന്ന് സംസ്ഥാന ആക്ടിംഗ് പ്രസിഡണ്ട് ശറഫുദ്ധീന്‍ മംഗലാടിന്റെ സാന്നിദ്ധ്യ ത്തില്‍ ജനറല്‍ സെക്രട്ടറി ടി. കെ. ഹമീദ് ഹാജി ക്ക് കൈമാറി. ചടങ്ങില്‍ ജില്ലാ ഭാരവാഹികള്‍ സംബന്ധിച്ചു.
കന്നുകാലി കളും മനുഷ്യരും ഒന്നിച്ചു കിടന്നുറങ്ങുന്ന ക്യാമ്പുകളില്‍ വിശപ്പടക്കാന്‍ സന്നദ്ധ സംഘടന കള്‍ നല്‍കുന്ന ഭക്ഷണ ത്തിന് അടിപിടി കൂടുന്ന കാഴ്ച ഭയനകരമാണ്. ആയിര ക്കണക്കിന് രോഗികളും വൃദ്ധരും കുട്ടികളും സ്ത്രീകളുമുള്ള ക്യാമ്പുകളില്‍ ആവശ്യമായ വൈദ്യ സഹായം എത്തിക്കുകയും സമാധാന അന്തരീക്ഷം പുന:സ്ഥാപിക്കാനും സര്‍ക്കാര്‍ അടിയന്തിര ശ്രദ്ധ ചെലുത്തണമെന്ന് മണ്ഡലം കെ. എം. സി. സി. കേന്ദ്ര സര്‍ക്കാരിനോട് ആവശ്യപ്പെട്ടു.
- pma
അനുബന്ധ വാര്‍ത്തകള്‍
വായിക്കുക: കെ.എം.സി.സി., ജീവകാരുണ്യം
കൂടുതല്‍ വിഭവങ്ങള്‍ ഇനിയും അതത് ദിവസങ്ങളില്‍ ലഭ്യമാകുമെന്ന് പ്രതീക്ഷിക്കുന്നു