അബുദാബി : അബുദാബി ശക്തി തിയറ്റേഴ്‌സിന്റെ ആഭിമുഖ്യ ത്തില്‍ മെയ് 18 ന് വെള്ളിയാഴ്ച അബുദാബി കേരള സോഷ്യല്‍ സെന്ററില്‍ ഹ്രസ്വ ചലച്ചിത്ര മേള സംഘടിപ്പിക്കുന്നു.
ടൈറ്റില്‍ ഉള്‍പ്പെടെ അഞ്ചു മിനിറ്റില്‍ കുറയാത്തതും പത്ത് മിനിറ്റില്‍ കൂടാത്തതു മായ യു. എ. ഇ. യില്‍ നിന്ന് ചിത്രീകരിച്ച മലയാള ചിത്രങ്ങളായിരിക്കും ചലച്ചിത്ര മേളയില്‍ പ്രദര്‍ശനത്തിനായി പരിഗണിക്കുക.
യു. എ. ഇ. യുടെ സാംസ്‌കാരിക പശ്ചാത്തല ത്തില്‍ പ്രദര്‍ശന യോഗ്യമായ ഏതു വിഷയവും സിനിമയ്ക്ക് തിരഞ്ഞെടുക്കാ വുന്നതാണ്. സംവിധായകരും അഭിനേതാക്കളും യു. എ. ഇ. റെസിഡന്റ് വിസ ഉള്ളവരായിരിക്കണം.
ചലച്ചിത്ര രംഗത്തെ പ്രഗത്ഭര്‍ വിധി കര്‍ത്താക്കളായി എത്തുന്ന മത്സര ത്തില്‍ നിന്നും തിരഞ്ഞെടുക്കപ്പെടുന്ന മികച്ച ചിത്രം, സംവിധാനം, തിരക്കഥ, ഛായാഗ്രഹണം, നടന്‍, നടി, ബാലതാരം, സംഗീത മിശ്രണം, എഡിറ്റിംഗ് എന്നിവയ്ക്ക് അവാര്‍ഡുകള്‍ നല്‍കുന്ന തായിരിക്കും.
മത്സര ത്തില്‍ പങ്കെടുക്കാന്‍ ആഗ്രഹിക്കുന്നവര്‍ ഏപ്രില്‍ മുപ്പതിനകം പൂരിപ്പിച്ച അപേക്ഷാ ഫോറവും മെയ് പത്തിനകം ഡി. വി. ഡി. ഫോര്‍മാറ്റി ലുള്ള ചിത്ര ത്തിന്റെ കോപ്പിയും എത്തിക്കേണ്ടതാണ്.
കൂടുതല്‍ വിവര ങ്ങള്‍ക്ക് 050 78 90 398 – 050 69 21 018 – 050 68 99 494 എന്നീ നമ്പറുകളില്‍ ബന്ധപ്പെടുക എന്ന് ശക്തി തിയറ്റേഴ്‌സ് സാഹിത്യ വിഭാഗം സെക്രട്ടറി സഫറുള്ള പാലപ്പെട്ടി അറിയിച്ചു.
- pma
അനുബന്ധ വാര്‍ത്തകള്‍
വായിക്കുക: അബുദാബി, ശക്തി തിയേറ്റഴ്സ്, സിനിമ
