ദുബായ് : മുസ്‌ലിം ലീഗ് തൃശ്ശൂർ ജില്ലാ കമ്മിറ്റി മുന്‍ പ്രസിഡണ്ടും ഗുരുവായൂര്‍ എം. എൽ. എ. യും ആയിരുന്ന അന്തരിച്ച ബി. വി. സീതി തങ്ങളുടെ സ്മരണാര്‍ത്ഥം ദുബായ് കെ. എം. സി. സി. മണലൂർ നിയോജക മണ്ഡലം കമ്മിറ്റി നടത്തിയ ഫുട് ബോള്‍ ടൂര്‍ണ്ണ മെന്‍റില്‍ പാവറട്ടി പഞ്ചായത്ത് ജേതാക്കളായി.
ചൂണ്ടൽ, തൈക്കാട്, വെങ്കിടങ്ങ് പഞ്ചായത്തുകൾ യഥാക്രമം രണ്ട്, മൂന്ന്, നാല് സ്ഥാനങ്ങൾ നേടി. അബ്ഷീര്‍ (ബെസ്റ്റ് ഗോള്‍ കീപ്പര്‍), ഷുഹൈബ് (ടോപ്പ് സ്‌കോറര്‍), മര്‍വാന്‍ (ബെസ്റ്റ് പ്ലെയര്‍) എന്നിവര്‍ വ്യക്തി ഗത സമ്മാനങ്ങള്‍ കരസ്ഥമാക്കി.
സംസ്ഥാന സെക്രട്ടറി പി. എ. ഫാറൂഖ് പട്ടിക്കര, ജില്ലാ പ്രസിഡണ്ട് ജമാൽ മനയത്ത്, ജനറൽ സെക്രട്ടറി അഷ്റഫ് കിള്ളിമംഗലം, ഓർഗനൈസിംഗ് സെക്രട്ടറി ഗഫൂർ പട്ടിക്കര, യു. എ. ഇ. കെ. എം. സി. സി. ജില്ലാ സെക്രട്ടറി മുഹമ്മദ് വെട്ടുകാട്, വൈസ് പ്രസിഡണ്ട് ആർ. വി. എം. മുസ്തഫ, സെക്രട്ടറിമാരായ ബഷീർ നാട്ടിക, മുസ്തഫ വടുതല എന്നിവർ വിജയികള്‍ക്ക് ട്രോഫികൾ സമ്മാനിച്ചു.
നിയോജക മണ്ഡലം പ്രസിഡണ്ട് ആര്‍. എ. താജുദ്ദീന്‍ വെട്ടുകാട് അദ്ധ്യക്ഷത വഹിച്ചു. ജനറല്‍ സെക്രട്ടറി ഷക്കീര്‍ കുന്നിക്കല്‍ സ്വാഗതം പറഞ്ഞു. ട്രഷറര്‍ ഷാജഹാന്‍ വലിയകത്ത്, ഓര്‍ഗനൈസിംഗ് സെക്രട്ടറി ജംഷീര്‍ പാടൂര്‍, സെക്രട്ടറി റഷീദ് പുതുമനശ്ശേരി, അന്‍വര്‍ സാദത്ത് തുടങ്ങിയവര്‍ നേതൃത്വം നല്‍കി.
- pma
അനുബന്ധ വാര്‍ത്തകള്‍
വായിക്കുക: chavakkad, foot-ball, കായികം, കെ.എം.സി.സി., ദുബായ്, സംഘടന
