അബുദാബി : ബനിയാസ് കെ. എം. സി. സി. ഒരുക്കുന്ന സെവൻസ് ഫുട് ബോൾ ഫെസ്റ്റ് – 2023 ൻ്റെ പോസ്റ്റർ പ്രകാശനം അബുദാബി കെ. എം. സി. സി. പ്രസിഡണ്ട് ഷുക്കൂർ അലി കല്ലുങ്ങൾ നിർവ്വഹിച്ചു.
അബുദാബി ഇന്ത്യൻ ഇസ്ലാമിക് സെൻറർ ആക്ടിംഗ് പ്രസിഡണ്ട് ഇബ്രാഹിം ബഷീർ, ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി, ട്രഷറർ എം. ഹിദായത്തുള്ള, കെ. എം. സി. സി. ഭാരവാഹികളായ അൻവർ ചുള്ളിമുണ്ട, ഖാദർ ഒളവട്ടൂർ, അനീസ് പെരിഞ്ചീരി, മൊയ്തീൻ കുഞ്ഞി ഹാജി, ജാബിർ ആലുങ്ങൽ എന്നിവർ പോസ്റ്റർ പ്രകാശന ചടങ്ങിൽ സംബന്ധിച്ചു.
2023 നവംബർ 18 ശനിയാഴ്ച വൈകുന്നേരം 7 മണി മുതൽ ബനിയാസ് ഗ്രേവ് യാർഡിന് സമീപമുള്ള അൽ നജ്മ ഫുട് ബോൾ സ്റ്റേഡിയത്തിൽ വെച്ച് നടക്കുന്ന ടൂർണ്ണ മെന്‍റിൽ യു. എ. ഇ. യിലെ പ്രമുഖ ടീമുകൾ മറ്റുരക്കും. വിജയികള്‍ ആവുന്ന ഒന്നും രണ്ടും മൂന്നും നാലും സ്ഥാനക്കാർക്ക് യഥാക്രമം 4000, 2000, 1000, 500 ദിർഹം വീതം സമ്മാനം നല്‍കും.
- pma
അനുബന്ധ വാര്‍ത്തകള്‍
വായിക്കുക: foot-ball, കായികം, കെ.എം.സി.സി., സംഘടന
