റാസ് അൽ ഖൈമ : നിലവിൽ വിപണിയിൽ ലഭ്യമായ നിരക്കിനേക്കാൾ കുറഞ്ഞ നിരക്കില് വാഹന ഇൻഷ്വറൻസ് നൽകും എന്ന തരത്തിൽ സാമൂഹിക മാധ്യമങ്ങളിൽ പ്രചരിക്കുന്ന പരസ്യങ്ങൾ വ്യാജം എന്ന് പോലീസ് മുന്നറിയിപ്പ്.
വിശ്വസനീയമായ ഇൻഷ്വറൻസ് കമ്പനികളുടെയും അംഗീകൃത ബ്രോക്കര് മാരുടെയും പേരില് തന്നെ യാണ് ഇത്തരം പരസ്യങ്ങള് വരുന്നത് എന്നതിനാൽ ഇതിൽ ആകൃഷ്ടരായി പണം കൈമാറുന്നതിന് മുൻപായി പരസ്യ സ്രോതസ്സുകളുടെ ആധികാരികത ഉറപ്പു വരുത്തണം എന്നും റാസ് അൽ ഖൈമ പോലീസ് അറിയിച്ചു.
വളരെ കുറഞ്ഞ നിരക്കുകൾ ഓഫർ ചെയ്യുന്നവരെ സംശയത്തോടെ സമീപിക്കുക, അത്തരം സോഷ്യല് മീഡിയ എക്കൗണ്ടുകളെയും വെബ് സൈറ്റു കളെയും ജാഗ്രതയോടെ മാത്രം സമീപിക്കുക എന്നിങ്ങനെയുള്ള നിർദ്ദേശങ്ങൾ അധികൃതര് മുന്നോട്ടു വെക്കുന്നു.
ഡ്രൈവിംഗ് ലൈസൻസ് ഇല്ലാത്തവർക്കും വാഹനം സ്വന്തമായി ഇല്ലാത്തവർക്കും ഇത്തരത്തിൽ ഇൻഷ്വറൻസ് പുതുക്കുവാനും ഡ്രൈവിംഗ് ലൈസൻസിൽ പിഴ ഇല്ലാതാക്കുവാനും പാർക്കിംഗ് ഫീസ് കുറഞ്ഞ നിരക്കിൽ അടക്കാം എന്നുള്ള തരത്തിൽ ഫോണിൽ sMs ആയും വാട്സ് ആപ്പ് അടക്കമുള്ള സോഷ്യൽ മീഡിയ വഴിയും സന്ദേശങ്ങൾ ലഭിക്കാറുണ്ട്.
വിപണിയിൽ ആരും ഒന്നും നമുക്ക് വെറുതെ തരുന്നില്ല! അതിനാൽ ഇത്തരം സൗജന്യ വാഗ്ദാന ങ്ങളിൽ ചതി ഉണ്ടെന്നു മനസ്സിലാക്കുക.
അതു കൊണ്ട് സമൂഹം ജാഗ്രത പുലർത്തുക. ഇത്തരം കാര്യങ്ങൾ ശ്രദ്ധയിൽ പെട്ടാൽ അത് അധികൃതരെ അറിയിക്കാൻ മടിക്കരുത്.
- വ്യാജ സന്ദേശങ്ങള് : കരുതലോടെ പോലീസ്
- സോഷ്യൽ മീഡിയ തട്ടിപ്പുകൾക്ക് എതിരെ ജാഗ്രത പാലിക്കുക
- സമൂഹ മാധ്യമങ്ങളുടെ ഉപയോഗം : മുന്നറിയിപ്പുമായി പോലീസ്
- സോഷ്യല് മീഡിയ : അതിരു വിട്ടാൽ കടുത്ത ശിക്ഷ
- വാട്സാപ്പ് ഹാക്കിംഗ് : ഉപഭോക്താക്കൾക്ക് ജാഗ്രതാ നിര്ദ്ദേശം
- pma
അനുബന്ധ വാര്ത്തകള്
വായിക്കുക: ras-al-khaima, scam, social-media, തട്ടിപ്പ്, പോലീസ്, സാമ്പത്തികം
