ദുബായ്: ഫേസ്ബുക്ക് ഇന്ന് ലോകത്ത് മാറ്റി നിറുത്താന്‍ കഴിയാത്ത വിധം ഒരു സോഷ്യല്‍ നെറ്റ്വര്‍ക്ക്‌ ശൃംഖലയായി മാറി കഴിഞ്ഞു. അത് കൊണ്ട് തന്നെ ഫേസ്ബുക്ക് സംബധിച്ചു വരുന്ന വാര്‍ത്തകളും നിരവധിയാണ്. ഫേസ്ബുക്കിലൂടെ തന്റെ സഹോദരിയെ അപമാനിച്ചുവെന്ന് വെന്നു പറഞ്ഞു കൊണ്ട് ഒരു കൊലപാതകം ദുബായില്‍ നടന്നിരിക്കുന്നു. കൊന്നതും കൊല്ലപ്പെട്ടതും മലയാളിയാണ് എന്നതാണ് ഇതിന്റെ മറ്റൊരു ദുരന്തം. ദുബായിലെ ഹോട്ടല്‍ അപ്പാര്‍ട്ട്മെന്റില്‍ ജോലി ചെയ്യുന്ന തൃശൂര്‍ സ്വദേശിയായ യുവാവിനെ അപ്പാര്‍ട്ട്മെന്റിന്റെ ബെസ്മെന്റില്‍ വിളിച്ചുവരുത്തി കുത്തികൊലപ്പെടുത്തുകയായിരുന്നു എന്നാണു പ്രാഥമിക വിവരം ഇരുവരുടെയും പേര് വിവരങ്ങള്‍ ഇതുവരെ പോലിസ്‌ പുറത്തു വിട്ടിട്ടില്ല. കൊലയുമായി ബന്ധപ്പെട്ട്‌തിരുവനന്തപുരം കഴക്കൂട്ടം സ്വദേശിയായ യുവാവിനെ പോലിസ്‌ പിടികൂടിയെന്നും പ്രതി കുറ്റം സമ്മതിച്ചതായും പോലിസ്‌ പറഞ്ഞു.
