ദുബായ് : ഭൂകമ്പത്തിന്റെ ദുരിത ഫലങ്ങള് അനുഭവിച്ചു കൊണ്ടിരിക്കുന്ന ഹെയ്തിയിലെ കുട്ടികള്ക്ക് സഹായവുമായി യു. എ. ഇ. യിലെ മാധ്യമ പ്രവര്ത്തകരുടെ കൂട്ടായ്മയായ ഇന്ഡ്യന് മീഡിയ ഫോറം രംഗത്തെത്തി. ഇതിനായി രൂപം കൊടുത്ത “ഇന്ഡ്യന് മീഡിയ ഫോറം ഹെയ്തി ഹെല്പ് സര്വ്വീസ് ”, ഈ ഉദ്യമത്തില് സഹകരിക്കുന്നവരുടെ പക്കല് നിന്നും ശേഖരിച്ച പുതിയ വസ്ത്രങ്ങള്ക്ക് പുറമെ അംഗങ്ങളില് നിന്നും സ്വരൂപിച്ച തുക ഉപയോഗിച്ച് വാങ്ങിയ പുതിയ വസ്ത്രങ്ങളും ചേര്ത്ത്, ദുബായിലെ റെഡ് ക്രെസെന്റ് സൊസൈറ്റിയില് നാളെ വൈകീട്ട് ഏല്പ്പിക്കും.
ലക്ഷക്കണക്കിന് ആളുകള്ക്ക് ജീവനും കിടപ്പാടവും നഷ്ടപ്പെട്ട ഈ കൊടും ദുരിതത്തില് ദുരന്ത ഭൂമിയില് നേരിട്ട് ചെന്ന് സഹായിക്കാന് കഴിഞ്ഞില്ലെങ്കിലും ദുബായ് റെഡ് ക്രെസെന്റ് സൊസൈറ്റി വഴി ആവുന്ന സഹായം എത്തിക്കണം എന്ന ഉദ്ദേശത്തോടെയാണ് ഇന്ഡ്യന് മീഡിയ ഫോറം ഹെല്പ് സര്വ്വീസിന് തുടക്കമിട്ടത്.
അബുദാബി : രാഷ്ട്രീയ എതിരാളികള് പോലും സ്നേഹിക്കുകയും ബഹുമാനിക്കുകയും ചെയ്ത സ. ജ്യോതി ബസുവിന്റെ നിര്യാണം ഇന്ത്യന് കമ്മ്യൂണിസ്റ്റ് പ്രസ്ഥാന ത്തിന് മാത്രമല്ല, രാഷ്ട്രത്തിനും തീരാ നഷ്ടമാണെന്നും, ആ വേര്പാടിന്റെ വേദനയില് അദ്ദേഹത്തിന്റെ പ്രസ്ഥാനത്തോടും കുടുംബത്തോടും ഇന്ത്യന് ജനതയോടും കൂടെ അബുദാബി ശക്തി തിയേറ്റേഴ്സും പങ്കു ചേരുന്നതായി പ്രസിഡന്റ്റ് എം. യു. വാസു അറിയിച്ചു.
അബുദാബി : 32 വര്ഷത്തെ പ്രവാസ ജീവിതം പൂര്ത്തിയാക്കി നാട്ടിലേയ്ക്ക് മടങ്ങുന്ന വട്ടേക്കാട് പ്രവാസി വെല്ഫെയര് ട്രസ്റ്റ് ചെയര്മാന് അറക്കല് ഹംസ ഹാജിക്ക് വട്ടേക്കാട് മഹല് കമ്മറ്റിയുടേയും വെല്ഫെയര് ട്രസ്റ്റിന്റെയും സംയുക്താ ഭിമുഖ്യത്തില് ഹൃദ്യമായ യാത്രയയപ്പ് നല്കി. വൈസ് പ്രസിഡണ്ട് ഇന്തിക്കാഫ് അദ്ധ്യക്ഷത വഹിച്ചു. പി. കെ. ഹസ്സമോന് പ്രാര്ത്ഥന നടത്തി. യോഗത്തില് രക്ഷാധികാരി ആര്. എന്. അബ്ദുള് ഖാദര് ഹാജി കമ്മറ്റിയുടെ ഉപഹാരം നല്കി. 
ദുബായ് : മയ്യില്, കുറ്റ്യാട്ടൂര്, കോളച്ചേരി എന്നീ പ്രദേശങ്ങളിലെ നിവാസികളുടെ കൂട്ടായ്മയായ ‘മയ്യില് എന്. ആര്. ഐ ഫോറ’ ത്തിന്റെ 4-ാം വാര്ഷിക പൊതു യോഗത്തിന്റെ ഭാഗമായി വിവിധ കലാ പരിപാടികളോടെ ‘വസന്തോത്സവം’ സംഘടിപ്പിച്ചു. ദെയ്റ ഫ്ലോറ ഗ്രാന്ഡ് ഹോട്ടലില് വെച്ച് നടന്ന ചടങ്ങില് പി. അജയ കുമാര് അദ്ധ്യക്ഷത വഹിച്ചു. സെക്രട്ടറി ഒ. വി. വിനോദ് റിപ്പോര്ട്ട് അവതരിപ്പിച്ചു. പ്രമുഖ ഗായകനും, ഏഷ്യാനെറ്റ് റേഡിയോ അവതാരകനും ആയ രാജീവ് കോടമ്പള്ളി വസന്തോത്സവം ഉല്ഘാടനം ചെയ്തു. നിഷ ഗോപിനാഥ് സ്വാഗതം പറഞ്ഞു. ചടങ്ങില് പുതിയ സെക്രട്ടറിയായി തിരഞ്ഞെടുക്കപ്പെട്ട പുരുഷോത്തമന് ബാബുവിനെയും, ഇബ്രാഹിം കുഞ്ഞിനെയും അനുമോദിച്ചു.
