ഭരത് മുരളി നാടകോത്സവം : ടോയ്‌ മാൻ അരങ്ങിലെത്തി

January 13th, 2024

drama-toyman-by-sharjah-chamayam-theaters-ePathram
അബുദാബി : ഭരത് മുരളി നാടകോത്സവം ആറാം ദിവസം, ഷാർജ ചമയം തിയ്യറ്റേഴ്‌സ് രംഗ വേദിയിൽ എത്തിച്ച ടോയ്‌ മാൻ എന്ന നാടകം പ്രേക്ഷക ശ്രദ്ധ പിടിച്ചു പറ്റി. വൈക്കം മുഹമ്മദ് ബഷീറിൻ്റെ വിശ്വ വിഖ്യാതമായ മൂക്ക് എന്ന കൃതിയിൽ നിന്നുള്ള പ്രചോദനം ഉൾക്കൊണ്ട് അഭിമന്യു വിനയ കുമാർ രചിച്ച് സംവിധാനം ചെയ്ത ടോയ്‌ മാൻ എന്ന രാഷ്ട്രീയ ആക്ഷേപ ഹാസ്യ നാടകം ഭയപ്പെടുത്തുന്ന വർത്തമാന ഇന്ത്യൻ സാമൂഹിക രാഷ്ട്രീയ സാഹചര്യത്തെ അനാവരണം ചെയ്യുന്നു.

സമൂഹത്തിൽ കോളിളക്കം സൃഷ്ടിക്കുന്ന ഭയാനകമായ പ്രത്യയ ശാസ്ത്രമായി ഫാസിസം എങ്ങനെ പരിണമിക്കുന്നു എന്ന് നാടകം പറയുന്നു.

നൗഷാദ് ഹസ്സൻ, അഷ്‌റഫ് കിരാലൂർ, സുജ അമ്പാട്ട്, പൂർണ്ണ, കവിത ഷാജി, പ്രീത തുടങ്ങിയവർ പ്രധാന കഥാ പാത്രങ്ങളെ അവതരിപ്പിച്ചു.

- pma

വായിക്കുക: , , , , ,

അഭിപ്രായം എഴുതുക »

നമ്മുടെ സ്വന്തം മാമുക്കോയ : ചിത്ര രചനയും പായസ മത്സരവും

January 11th, 2024

actor-mamukkoya-ePathram

ദുബായ് : മലബാർ പ്രവാസി (യു. എ. ഇ.) ജനുവരി 27 നു ദുബായിൽ സംഘടിപ്പിക്കുന്ന മാമുക്കോയ അനുസ്മരണ പരിപാടിയായ ‘നമ്മുടെ സ്വന്തം മാമുക്കോയ’ യുടെ ഭാഗമായി കുട്ടികൾക്കു വേണ്ടി ചിത്ര രചന / കളറിംഗ് മത്സരവും കുടുംബിനികൾക്കു വേണ്ടി പായസ മത്സരവും നടത്തുന്നു.

അന്നേ ദിവസം 3 മണിക്ക് ആരംഭിക്കുന്ന മത്സര പരിപാടിയിൽ പങ്കെടുക്കുവാൻ ആഗ്രഹിക്കുന്നവർ മുൻകൂട്ടി പേര് രജിസ്റ്റർ ചെയ്യണം എന്ന് സംഘാടകർ അറിയിച്ചു.

ജേതാക്കൾ ആവുന്നവർക്ക് ആകർഷകമായ സമ്മാനങ്ങളും മുഴുവൻ മത്സരാർത്ഥികകൾക്കും സർട്ടിഫിക്കറ്റുകളും സമ്മാനിക്കും.

വിവരങ്ങൾക്ക് : 054 449 04 94, 050 578 69 80.

- pma

വായിക്കുക: , , , , , ,

അഭിപ്രായം എഴുതുക »

ശൈഖ് സായിദ് ഫെസ്റ്റിവെല്‍ സിറ്റിയിൽ ഇന്ത്യ പവിലിയൻ

January 11th, 2024

consular-inaugurate-india-pavilion-in-sheikh-zayed-festival-ePathram

അബുദാബി : അൽ വത്ബയിലെ ശൈഖ് സായിദ് ഫെസ്റ്റിവെല്‍ സിറ്റിയിലെ ഇന്ത്യ പവിലിയൻ്റെ ഔപചാരിക ഉദ്ഘാടനം ഇന്ത്യൻ എംബസ്സി കോൺസുലർ ഡോക്ടർ ബാലാജി രാമസ്വാമി നിർവ്വഹിച്ചു. ഫെസ്റ്റിവെൽ ഡയറക്ടർ ഗാനിം അഹ്മദ് ഗാനിം, സംഘാടകരായ ബാരാകാത്ത്‌ എക്സിബിഷൻസ് സി. ഇ. ഒ. ചന്ദ്രൻ ബേപ്പ്, ജനറൽ മാനേജർ അനിൽ ബേപ്പ്, ഓപ്പറേഷൻ മാനേജർ ശ്രീനു, ഇവൻ്റ് മാനേജർ ഹിമാൻഷു കശ്യപ് തുടങ്ങിയർ സംബന്ധിച്ചു.

ലോക പ്രശസ്തമായ വൈവിധ്യങ്ങളായ ഇന്ത്യൻ ഉൽപ്പന്നങ്ങൾ കൊണ്ട് സജീവമായ ഇത്തരം മേളകൾ ഇന്ത്യൻ ഉൽപ്പന്നങ്ങൾക്ക് മാർക്കറ്റ് ലഭ്യമാക്കുന്നതിന് സഹായകം എന്ന് ഡോക്ടർ ബാലാജി രാമസ്വാമി പറഞ്ഞു.

2024 മാർച്ച് 9 വരെ നീണ്ടു നില്‍ക്കുന്ന ശൈഖ് സായിദ് ഫെസ്റ്റിവെലിൽ ഇന്ത്യ അടക്കം 18 പ്രമുഖ രാജ്യങ്ങളുടെ പവലിയനുകൾ, നിരവധി രാജ്യങ്ങളിൽ നിന്നുള്ള ഭക്ഷണ സ്റ്റാളുകൾ, കുട്ടികൾക്കായുള്ള റൈഡുകൾ, വൈവിധ്യമാർന്ന കലാ സംഗീത നൃത്ത പരിപാടികൾ എന്നിവ ഉൾക്കൊള്ളിച്ചിട്ടുണ്ട്. എല്ലാ ശനിയാഴ്ചകളിലും സന്ദർശകരെ വിസ്മയിപ്പിക്കുന്ന കരിമരുന്നു പ്രയോഗവും (വെടിക്കെട്ട്) അരങ്ങേറുന്നു. India Pavilion

- pma

വായിക്കുക: , , , ,

അഭിപ്രായം എഴുതുക »

ഇ- സിഗരറ്റുകൾക്ക് നിരോധനം : നിയമം വീണ്ടും കർശ്ശനമാക്കി ഒമാൻ

January 11th, 2024

sultanate-of-oman-banned-e-cigarettes-and-e-sheesha-ePathram
മസ്കത്ത് : ഇലക്ട്രോണിക് സിഗരറ്റ്, ശീഷ, അനുബന്ധ സാധനങ്ങളും ഒമാനിൽ നിരോധിച്ച് ഉപഭോക്തൃ സംരക്ഷണ അഥോറിറ്റി (Consumer Protection Authority) നിലവിലുള്ള നിയമം (No. 698/2015) കൂടുതൽ കർശ്ശനമാക്കി പിഴ തുക വർദ്ധിപ്പിക്കുകയും ചെയ്തു കൊണ്ടാണ് ഉപഭോക്തൃ സംരക്ഷണ അഥോറിറ്റി പുതിയ നിയമം (N0. 756/2023) നടപ്പിലാക്കുന്നത്.

ഇ- സിഗരറ്റുകൾ, ശീഷ എന്നിവയുടെ ഉപയോഗത്തിന് നേരത്തെ 500 റിയാൽ പിഴയായി ഈടാക്കിയിരുന്നു. ഇപ്പോൾ പിഴത്തുക ഇരട്ടിയാക്കി. നിയമ ലംഘകർക്ക് 2,000 റിയാല്‍ വരെ പിഴ ലഭിക്കാവുന്ന കുറ്റകൃത്യം ആണിത്. പിടിച്ചെടുക്കുന്ന ഇ-സിഗരറ്റുകൾ, ഇ- ഹുക്ക മറ്റു അനുബന്ധ സാധനങ്ങൾ എന്നിവ അധികാരികൾ നശിപ്പിക്കുകയും ചെയ്യും. LaW

- pma

വായിക്കുക: , , , , ,

അഭിപ്രായം എഴുതുക »

ഐ. എസ്. സി. – യു. എ. ഇ. ഓപ്പണ്‍ യൂത്ത് ഫെസ്റ്റിവെൽ വെള്ളിയാഴ്ച തുടക്കമാവും

January 10th, 2024

isc-youth-festival-2023-24-ePathram
അബുദാബി : ഇന്ത്യ സോഷ്യല്‍ ആന്‍ഡ് കള്‍ച്ചറല്‍ സെൻറർ സംഘടിപ്പിക്കുന്ന ഐ. എസ്. സി. – യു. എ. ഇ. ഓപ്പണ്‍ യൂത്ത് ഫെസ്റ്റിവെൽ ജനുവരി 12, 13, 14 (വെള്ളി, ശനി, ഞായർ) ദിവസങ്ങളിൽ ഐ. എസ്. സി. യിലെ വിവിധ വേദികളിലായി നടക്കും.

യു. എ. ഇ. യിലെ 35 സ്‌കൂളുകളില്‍ നിന്നുള്ള 3 മുതല്‍ 18 വയസ്സ് വരെയുള്ള അഞ്ഞൂറോളം വിദ്യാര്‍ത്ഥികള്‍ നാല് വിഭാഗ ങ്ങളിലായി യൂത്ത് ഫെസ്റ്റിവെലിൽ മാറ്റുരക്കും എന്ന് ഭാരവാഹികൾ വാർത്താ സമ്മേളന ത്തിൽ അറിയിച്ചു.

press-meet-isc-youth-festival-2023-24-ePathram

നൃത്ത വിഭാഗങ്ങളിൽ ഇന്ത്യന്‍ ക്ലാസിക്കല്‍, സെമി ക്ലാസിക്കല്‍, ഫോക് ഡാന്‍സ് എന്നിവയും സംഗീത വിഭാഗത്തിൽ കര്‍ണാടിക്, ഹിന്ദുസ്ഥാനി, സിനിമാ ഗാനങ്ങള്‍, ലളിത ഗാനങ്ങള്‍ എന്നിവയും മൂന്നാമത് വിഭാഗത്തിൽ ഉപകരണ സംഗീതം (ഈസ്റ്റേൺ & വെസ്റ്റേൺ), നാലാമത് വിഭാഗത്തിൽ മോണോ ആക്ട്, ഡ്രോയിങ്, പെയിന്റിങ്, കളറിംഗ്, ഫാന്‍സി ഡ്രസ്സ് എന്നിങ്ങനെ 26 ഇനങ്ങളിലാണ് മത്സരങ്ങൾ നടക്കുക.

ഏറ്റവും കൂടുതൽ പോയിൻറുകൾ  നേടുന്ന ആൺ കുട്ടിക്ക് ‘ഐ. എസ്. സി. പ്രതിഭ 2023-24’ പുരസ്കാരവും പെൺ കുട്ടിക്ക് ‘ഐ. എസ്. സി. തിലക് 2023-24’ പുരസ്കാരവും മൊത്തം പോയിന്റു നേടിയതിന്റെ അടിസ്ഥാനത്തിൽ സ്കൂളിന് ‘ബെസ്റ്റ് ഇന്ത്യന്‍ ആര്‍ട്ട് ആന്‍ഡ് കള്‍ച്ചറല്‍ സ്‌കൂള്‍ 2023-24’ പുരസ്കാരവും സമ്മാനിക്കും.

ഐ. എസ്‌. സി. അംഗം റോബിന്‍സണ്‍ മൈക്കിളിൻ്റെ മകന്‍ ഹാരോള്‍ഡ് റോബിന്‍സൻ്റെ സ്മരണാര്‍ത്ഥം ഏര്‍പ്പെടുത്തിയ പ്രത്യേക അവാർഡ്, യൂത്ത് ഫെസ്റ്റിവെലിലെ മികച്ച ഗായകനും നര്‍ത്തകനും സമ്മാനിക്കും.

സമാപന സമ്മേളനത്തില്‍ ഇന്ത്യന്‍ എംബസി കൗണ്‍സിലര്‍ ഡോ. ബാലാജി രാമസ്വാമി മുഖ്യ അതിഥി ആയിരിക്കും.

ഐ. എസ്. സി. പ്രസിഡണ്ട് ജോണ്‍ പി. വര്‍ഗ്ഗീസ്, ജനറല്‍ സെക്രട്ടറി വി. പ്രദീപ് കുമാര്‍, ട്രഷറര്‍ ദിലീപ് കുമാര്‍, സാഹിത്യ വിഭാഗം സെക്രട്ടറി ഗോപാല്‍ സിഡ്ഡുല, യൂത്ത് ഫെസ്റ്റിവെല്‍ കണ്‍വീനര്‍ രാജ ശ്രീനിവാസ റാവു ഐത, ഭവന്‍സ് സ്‌കൂള്‍ പ്രിന്‍സിപ്പല്‍ സുരേഷ് വി. ബാലകൃഷ്ണന്‍, അഡ്മിനിസ്‌ട്രേഷന്‍ മാനേജര്‍ പ്രശാന്ത് ബാലചന്ദ്രന്‍, റിക്കു വര്‍ഗീസ് എന്നിവർ വാര്‍ത്താ സമ്മേളനത്തില്‍ സംബന്ധിച്ചു.

- pma

വായിക്കുക: , , , , , , , , , , , ,

അഭിപ്രായം എഴുതുക »


« Previous Page« Previous « ഡ്രൈവിംഗ് ടെസ്റ്റ് ‘മഹ്ബൂബ്’ വാട്‌സാപ്പ് വഴി ബുക്ക് ചെയ്യാം
Next »Next Page » ഇ- സിഗരറ്റുകൾക്ക് നിരോധനം : നിയമം വീണ്ടും കർശ്ശനമാക്കി ഒമാൻ »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine