അബുദാബി : റമളാനിലെ ദിന രാത്ര ങ്ങളില്‍ പ്രാര്‍ത്ഥന യിലൂടെ നേടിയെടുത്ത ആത്മ ചൈതന്യം നില നിര്‍ത്തി ജീവിത വിശുദ്ധി കാത്തു സൂക്ഷിക്കണം എന്ന് അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്ലിയാര്‍ വിശ്വാസികളെ ഓര്‍മിപ്പിച്ചു .

കഴിഞ്ഞ മുപ്പത്തി അഞ്ചു വര്‍ഷമായി റമളാന്‍ പ്രഭാഷണം നടത്തി വരുന്ന അബുദാബി ദാഇറത്തുല്‍ മിആയിലെ വലിയ പള്ളിയില്‍ വാര്‍ഷിക റമളാന്‍ പ്രഭാഷണം നടത്തുക യായിരുന്നു അദ്ദേഹം. റമളാനിലെ അവസാന ദിന രാത്രങ്ങള്‍ വളരെ അധികം പുണ്യം ഉള്ളതാണന്നും പ്രാര്‍ത്ഥന കളില്‍ നമ്മുടെ രാജ്യത്തിന്റെയും യു എ ഇ യുടെയും അഭിവൃദ്ധിക്കും സമാധാന ത്തിനും വേണ്ടിയും ദു ആ ചെയ്യണമെന്നും കാന്തപുരം വിശ്വാസികളോട് പറഞ്ഞു.

പരിപാടി യില്‍ എസ് വൈ എസ് സംസ്ഥാന ജനറല്‍ സെക്രട്ടറി പേരോട് അബ്ദുറഹിമാന്‍ സഖാഫി പ്രസംഗിച്ചു. പ്രഭാഷണം ശ്രവിക്കാന്‍ ആയിരക്കണക്കിന് വിശ്വാസികളാണ് ദാഇറത്തുല്‍ മിആയിലെ വലിയ പള്ളില്‍ ഒത്തു ചേര്‍ന്നത്.

അബുദാബി : യു. എ. ഇ. പ്രസിഡന്റ് ശൈഖ് ഖലീഫ ബിന്‍ സായിദ് ആല്‍ നഹ്‌യാന്റെ അതിഥി യായ മഅ്ദിന്‍ ചെയര്‍മാന്‍ സയ്യിദ് ഇബ്രാഹീമുല്‍ ഖലീലുല്‍ ബുഖാരി തങ്ങള്‍ അബുദാബി കിരീട അവകാശിയും യു. എ. ഇ. ആംഡ് ഫോഴ്‌സസ് ഡെപ്യൂട്ടി കമാന്‍ഡറുമായ ശൈഖ് മുഹമ്മദ് ബിന്‍ സായിദ് സുല്‍ത്താന്‍ അല്‍ നഹ്‌യാനെ സന്ദര്‍ശിച്ച് റമദാന്‍ ആശംസകള്‍ നേര്‍ന്നു.

ജനക്ഷേമ ത്തിലും ധാര്‍മിക അടിത്തറയിലും ഊന്നി നിന്നു കൊണ്ട് വികസന ത്തിന്റെ വഴിയില്‍ മുന്നേറുന്ന യു. എ. ഇ. ലോക രാജ്യങ്ങള്‍ക്ക് മാതൃക യാണെന്ന് ഖലീല്‍ തങ്ങള്‍ പറഞ്ഞു. ലക്ഷ ക്കണക്കിന് ഇന്ത്യക്കാര്‍ ഉള്‍പ്പെടെ വിദേശ പൗരന്മാര്‍ക്ക് തൊഴിലും ജീവിത അവസരങ്ങളും നല്‍കുന്ന യു. എ. ഇ. യുടെ വിശാല കാഴ്ചപ്പാടും സ്‌നേഹവും തുല്യത ഇല്ലാത്തതാണെന്നും അദ്ദേഹം ശൈഖ് മുഹമ്മദിനെ അറിയിച്ചു.

ചടങ്ങില്‍ ഡോ. ശൈഖ് ഉസാമ സയ്യിദ് അസ്ഹരി (ഈജിപ്ത്) പ്രസംഗിച്ചു. പണ്ഡിതരുടെയും ഭരണ നേതൃത്വ ത്തിന്റെയും ശരിയായ രീതിയിലുള്ള ഇടപെടലുകള്‍ സമൂഹ ത്തിന്റെ വളര്‍ച്ചയില്‍ നിര്‍ണാ യകമാണെന്ന് അദ്ദേഹം പറഞ്ഞു. ഇതിന്റെ ഏറ്റവും വലിയ ഉദാഹരണ മാണ് യു. എ. ഇ.

ശൈഖ് സായിദ് അടിത്തറയിട്ട ഒരുമ യുടെ ഈ മാതൃക ശക്തി പ്പെടുത്തേണ്ടതുണ്ട്. ഇക്കാര്യത്തില്‍ പണ്ഡിത സമൂഹ ത്തിന്റെ സജീവമായ പിന്തുണ യുണ്ടാകും : അദ്ദേഹം ഓര്‍മിപ്പിച്ചു. ശൈഖ് സായിദിനു വേണ്ടിയുള്ള പ്രത്യേക പ്രാര്‍ത്ഥന യോടെ അവസാനിച്ച ചടങ്ങില്‍ യു. എ. ഇ. യിലെ നൂറുകണക്കിന് സുപ്രധാന വ്യക്തിത്വങ്ങളും പങ്കെടുത്തു

അബുദാബി : ദൈവ സ്മരണയാണ് നല്ല കുടുംബ ത്തിന്റെ ആധാരമെന്നും അതുവഴി മാത്രമേ നല്ല തലമുറ പിറക്കുകയുള്ളൂ എന്നും പ്രസിദ്ധ ഖുര്‍ ആന്‍ പണ്ഡിതന്‍ റഹ്മത്തുള്ള ഖാസിമി പ്രസ്താവിച്ചു.

യു. എ. ഇ. ഭരണാധിപതി ഷെയ്ഖ് ഖലീഫ ബിന് സായിദ് അല്‍ നഹ്യാന്റെ വിശിഷ്ടാതിഥി യായി എത്തിയ അദ്ദേഹം അബൂദാബി നാഷണല്‍ തിയേറ്ററില്‍ നടത്തിയ റംസാന്‍ പ്രഭാഷണ പരിപാടി യില്‍ മുഖ്യപ്രഭാഷണം നടത്തുക യായിരുന്നു.

കാലം അതി ദയനീയമായ സാഹചര്യങ്ങളിലൂടെ യാണ് കടന്നു പോയ്‌ക്കൊ ണ്ടിരിക്കുന്നത്. സമാധാനവും സന്തോഷവുമുള്ള പഴയ ഭൂമിക മരിച്ചു കൊണ്ടിരിക്കുകയാണ്. അറബികള്‍ ‘ഖൈറുള്ള’ എന്ന് വിളിച്ച ദൈവ ത്തിന്റെ സ്വന്തംനാടായ കേരളം പോലും മനുഷ്യ ക്കുരുതിയുടെയും വിദ്വേഷ വിധ്വംസന ങ്ങളുടെയും ഈറ്റില്ലമായി മാറിയിരിക്കുകയാണ്. ദൈവ സ്മരണയുള്ള നല്ലതലമുറ ജനിക്കാത്ത താണ് ഈ ദാരുണാവസ്ഥ യുടെ മൂല കാരണം. നല്ലതലമുറ ജനിക്കണമെങ്കില്‍ മാതാ പിതാക്കളിലും കുടുംബാന്തരീ ക്ഷത്തിലും ദൈവസ്മരണ നിലനില്‍ക്കണം. അതില്ലാത്ത കാലത്തോളം നല്ലൊരു സമൂഹം ഇവിടെ പുലരില്ലെന്നും ഈ ലോകം രക്ഷപ്പെടുകയില്ലെന്നും അദ്ദേഹം കൂട്ടിച്ചേര്‍ത്തു.

ഏതു തിരക്കിനിടയിലും മക്കളോടു കൂടെ ചിലവഴിക്കാന്‍ രക്ഷിതാക്കള്‍ സമയം കണ്ടെത്തണമെന്ന് ഷെയ്ഖ് ഖലീഫയുടെ വിശിഷ്ടാതിഥിയും പ്രമുഖ പണ്ഡിതനും സമസ്തകേരള ജം ഇയ്യത്തുല്‍ ഉലമയുടെ സെക്രട്ടറിയുമായ പ്രൊഫ. ആലിക്കുട്ടി മുസലിയാര്‍ അഭിപ്രായപ്പെട്ടു.

സെന്റര്‍ പ്രസിഡന്റ് ബാവ ഹാജി പരിപാടി ഉദ്ഘാടനംചെയ്തു. ഡോക്ടര്‍ അബ്ദുല്‍ റഹിമാന്‍ മൗലവി ഒളവട്ടൂര്‍ അധ്യക്ഷത വഹിച്ചു. എം. കെ. ഗ്രൂപ്പ് മാനേജിങ് ഡയരക്ടര്‍ എം. എ. യൂസഫലി ആശംസാ പ്രഭാഷണം നടത്തി. ഇസ്‌ലാമിക് സെന്റര്‍ ജനറല്‍ സെക്രട്ടറി എം. പി. എം. റഷീദ്‌ സ്വാഗതവും ട്രഷറര്‍ ഷുക്കൂറലി കല്ലുങ്ങല്‍ നന്ദിയും പറഞ്ഞു.