അബുദാബി : അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറി കാന്തപുരം എ. പി. അബൂ ബക്കര്‍ മുസ്‌ല്യാരുടെ ‘വിശുദ്ധ ഖുര്‍ആന്‍ വിശുദ്ധ റംസാന്‍’ പ്രഭാഷണം ആഗസ്റ്റ് 12 വെള്ളിയാഴ്ച രാത്രി 10 മണിക്ക് നടക്കും. അബുദാബി എയര്‍പോര്‍ട്ട് റോഡ്, മുറൂര്‍ റോഡുകള്‍ക്ക് മദ്ധ്യെ ഇത്തിഹാദ് പ്രസ്സിനു സമീപം നാഷണല്‍ തിയ്യേറ്ററിലാണ് പരിപാടി.
അബുദാബി മുനിസിപ്പാലിറ്റി യുടെ ബസ്സ് സര്‍വ്വീസുകളില്‍ ബസ്സ് നമ്പര്‍ 32, 52, 34, 44, 54, 56 എന്നി റൂട്ടുകളില്‍ നാഷണല്‍ തിയ്യേറ്ററില്‍ എത്തിച്ചേരാം. കൂടാതെ താഴെ പറയുന്ന മസ്ജിദ് പരിസര ങ്ങളില്‍ നിന്ന് പ്രത്യേക ബസ്‌ സൗകര്യം ഉണ്ടായിരിക്കും.
അബുദാബി എന്‍. എം. സി. ക്ക് സമീപം ബിന്‍ ഹമൂദ മസ്ജിദ്, അബ്ദുല്‍ഖാലിഖ് മസ്ജിദ് (ജവാസാത്ത് റോഡ്), പഴയ മലയാളി സമാജം സമീപത്തെ പള്ളി, സയാനി അറബ് ഉഡുപ്പിക്കു സമീപമുള്ള പള്ളി, ഖാലിദിയ്യ പെട്രോള്‍ പമ്പിന് പിറകു വശത്തെ പള്ളി എന്നിവിട ങ്ങളില്‍ നിന്നും, കൂടാതെ മുസഫ ഐകാഡ്, ശഅബിയ്യ, ബനിയാസ്, ശഹാമ എന്നീ സ്ഥല ങ്ങളില്‍ നിന്ന് ബസ്സ് സൗകര്യം ഉണ്ടായിരിക്കും എന്ന് സംഘാടകര്‍ അറിയിച്ചു.
