 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : മുസ്ലിം ലീഗ് സംസ്ഥാന കമ്മിറ്റി പ്രസിഡണ്ട് സയ്യിദ് സാദിഖലി ശിഹാബ് തങ്ങൾക്ക് യു. എ. ഇ. ഗോൾഡൻ വിസ അനുവദിച്ചു.
സാമൂഹിക, സാംസ്‌കാരിക, വൈജ്ഞാനിക രംഗങ്ങളിലെ സേവനങ്ങൾ മുൻ നിറുത്തിയാണ് യു. എ. ഇ. സര്‍ക്കാര്‍ ഗോൾഡൻ വിസ നല്‍കി സാദിഖലി തങ്ങളെ ആദരിച്ചിരിക്കുന്നത്. വിവിധ മേഖലകളിലെ സമഗ്ര സംഭാവനകൾ പരിഗണിച്ച് സംസ്‌കാരിക മന്ത്രാലയ ത്തിന്‍റെ ശുപാർശ പ്രകാരമാണ് ദുബായ് ഇമിഗ്രേഷൻ വകുപ്പ് ഗോൾഡൻ വിസ അനുവദിച്ചത്.
- pma
വായിക്കുക: golden-visa, visa-rules, കേരള രാഷ്ട്രീയ നേതാക്കള്‍, ദുബായ്, മതം, സാമൂഹികം
അബുദാബി : മാർത്തോമാ യുവജന സഖ്യം സുവർണ്ണ ജൂബിലി ലോഗോ പ്രകാശനം ചെയ്തു. മുസ്സഫയിലെ മാർത്തോമാ ദേവാലയത്തിൽ നടന്ന ചടങ്ങില്‍ മാർത്തോമാ സഭയുടെ പരമാദ്ധ്യക്ഷൻ ഡോക്ടര്‍. തിയോഡോഷ്യസ് മാർത്തോമാ മെത്രാപ്പോലീത്ത സുവർണ്ണ ജൂബിലി ലോഗോ പ്രകാശനം നിർവ്വഹിച്ചു.
മാർത്തോമാ സഭ റാന്നി – നിലക്കൽ ഭദ്രാസന അദ്ധ്യക്ഷൻ ഡോ. തോമസ് മാർ തിമോഥിയോസ്‌ എപ്പിസ്കോപ്പ അദ്ധ്യക്ഷത വഹിച്ച പ്രകാശന ചടങ്ങിൽ യുവജനസഖ്യം പ്രസിഡണ്ട് റവ. ജിജു ജോസഫ്, വൈസ് പ്രസിഡണ്ട് റവ. അജിത്ത് ഈപ്പൻ തോമസ്, സുവർണ്ണ ജൂബിലി പ്രോഗ്രാം ജനറൽ കൺ വീനർ ജിനു രാജൻ, സെക്രട്ടറി സാംസൺ മത്തായി, മീഡിയ കൺവീനർ ജെറിൻ ജേക്കബ്, പ്രോഗ്രാം കൺവീനർ ദിപിൻ പണിക്കർ തുടങ്ങിയവർ നേതൃത്വം നൽകി.
പുതുക്കം – കൃപയോടും കൃതജ്ഞതയോടും എന്ന ജൂബിലി ചിന്താ വിഷയത്തെ ആസ്‌പദമാക്കിയാണ് ലോഗോ തയ്യാറാക്കിയിരിക്കുന്നത്.
- pma
വായിക്കുക: mar-thoma-yuvajana-sakhyam-, പൂര്‍വ വിദ്യാര്‍ത്ഥി, പ്രവാസി, മതം
അബുദാബി : യു. എ. ഇ. യിലെ സര്‍ക്കാര്‍ ജീവനക്കാര്‍ക്ക് 2022 ജൂലായ് 8 വെള്ളിയാഴ്ച മുതല്‍ ജൂലായ് 11 തിങ്കളാഴ്ച വരെ നാലു ദിവസം (അറഫാ ദിനം മുതല്‍ മൂന്നാം പെരുന്നാള്‍ കൂടി) ബലി പെരുന്നാള്‍ അവധി ആയിരിക്കും.
ജൂണ്‍ 29 ബുധനാഴ്ച, സൗദി അറേബ്യയില്‍ മാസപ്പിറവി ദൃശ്യമായിരുന്നു. ഇതിന്‍റെ അടിസ്ഥാനത്തില്‍ യു. എ. ഇ. അടക്കമുള്ള ഗള്‍ഫ് രാജ്യങ്ങളില്‍ ഇന്ന് (ജൂൺ 30) ദുല്‍ഹജ്ജ് ഒന്ന് ആയി പ്രഖ്യാപിച്ചിരുന്നു.
- pma
വായിക്കുക: പ്രവാസി, മതം, യു.എ.ഇ., സൗദി അറേബ്യ
ഫുജൈറ : പ്രവാചക സ്നേഹികള്‍ക്ക് ‘അല്‍ ബദര്‍’ എന്ന പേരില്‍ പത്ത് ലക്ഷം ദിര്‍ഹം മൂല്യമുള്ള അവാര്‍ഡ് പ്രഖ്യാപിച്ച് ഫുജൈറ കിരീട അവകാശി ശൈഖ് മുഹമ്മദ് ബിന്‍ ഹമദ് അല്‍ ശര്‍ഖി. പ്രവാചകന്‍ മുഹമ്മദ് നബി (സ) യുടെ ആദരണീയമായ ജീവ ചരിത്രം, അതുമായി ബന്ധപ്പെട്ട ആധികാരിക സങ്കല്‍പങ്ങള്‍, പാഠങ്ങള്‍ എന്നിവയെക്കുറിച്ച് ഗവേഷണം നടത്തുന്ന വ്യത്യസ്തമായ ആഗോള സംരംഭം ആയിട്ടാണ് ‘അല്‍ ബദര്‍’ എന്ന പേരിലുള്ള അവാര്‍ഡ് പ്രഖ്യാപിച്ചത്.
പ്രവാചകരുടെ ജീവചരിത്രം പഠിക്കുകയും അവിടുന്ന് കാണിച്ച മിതത്വത്തിന്‍റെയും സഹിഷ്ണുതയുടെയും സന്ദേശം ലോകത്തില്‍ പ്രചരിപ്പിക്കുകയും ചെയ്യുന്ന തലമുറകളെ വളര്‍ത്തി എടുക്കുവാനായി ഫുജൈറ ഭരണാധികാരി, യു. എ. ഇ. സുപ്രീം കൗണ്‍സില്‍ അംഗവുമായ ശൈഖ് ഹമദ് ബിന്‍ മുഹമ്മദ് അല്‍ ശര്‍ഖിയുടെ നിര്‍ദ്ദേശങ്ങളുടെ ചുവടു പിടിച്ചാണ് ഈ അവാര്‍ഡ്.
അല്‍ ബദറില്‍ പങ്കാളിയാകുവാന്‍ രജിസ്റ്റര്‍ ചെയ്യു വാനുള്ള അവസാന തിയ്യതി : 25 സെപ്റ്റംബര്‍ 2022.
വര്‍ഷം മുഴുവന്‍ നടക്കുന്ന നിരവധി പരിപാടികള്‍, പദ്ധതികള്‍ തുടങ്ങിയവക്കുള്ള ആഗോള വേദിയായി ‘അല്‍ ബദര്‍’ പ്രവര്‍ത്തിക്കും.
മുഹമ്മദ് നബി (സ) യെ സ്തുതിക്കുന്നതില്‍ ശ്രദ്ധ കേന്ദ്രീകരിക്കുന്ന സര്‍ഗാത്മക സാഹിത്യങ്ങള്‍, കലാ പ്രവര്‍ത്തനങ്ങള്‍, വിവിധ മേഖല കളില്‍ പ്രാദേശികവും അന്തര്‍ ദേശീയവുമായ പങ്കാളിത്തം ഉറപ്പാക്കുന്ന ഒരു ബിനാലെ അവാര്‍ഡ് ആയിരിക്കും അല്‍ ബദര്‍. കവിത, ചിത്രരചന, കാലിഗ്രാഫി, മള്‍ട്ടി മീഡിയ എന്നീ വിഭാഗ ങ്ങളിലാണ് അല്‍ ബദര്‍ അവാര്‍ഡ് നല്‍കുക. വിശദ വിവരങ്ങള്‍ക്ക് അല്‍ ബദര്‍ പോര്‍ട്ടല്‍ സന്ദര്‍ശിക്കുക.
- pma
അബുദാബി : ഇന്ത്യൻ ഭാരതീയ ജനതാ പാർട്ടിയുടെ വക്താവ് നടത്തിയ പ്രവാചക നിന്ദാ പരാമർശത്തെ യു. എ. ഇ. അപലപിച്ചു.
പ്രവാചകൻ മുഹമ്മദ് നബിയെ നിന്ദിച്ച നടപടിയെ അപലപിക്കുകയും നിരസിക്കുകയും ചെയ്യുന്നതായി യു. എ. ഇ. പുറത്തിറക്കിയ പ്രസ്താവനയിൽ പറഞ്ഞു. ധാർമ്മികവും മാനുഷികവുമായ മൂല്യങ്ങൾക്കും തത്വങ്ങൾക്കും വിരുദ്ധമായ എല്ലാ രീതികളും പെരുമാറ്റങ്ങളും യു. എ. ഇ. നിരസിക്കുന്നു എന്ന് വിദേശ കാര്യ- അന്താരാഷ്ട്ര സഹകരണ മന്ത്രാലയം (MoFAIC) പുറത്തിറക്കിയ പ്രസ്താവനയിൽ പറഞ്ഞു.
മത ചിഹ്നങ്ങളെ ബഹുമാനിക്കണം എന്നും വിദ്വേഷ പ്രസംഗത്തെയും അക്രമത്തെയും നേരിടേണ്ടതിന്‍റെ ആവശ്യകതയും മന്ത്രാലയം വ്യക്തമാക്കി. വിവിധ മത വിശ്വാസികളുടെ വികാരത്തെ വ്രണപ്പെടുത്തുന്ന ഏതെങ്കിലും പ്രവണതകൾ തടയേണ്ടതാണ് എന്നും പ്രസ്താവന വ്യക്തമാക്കുന്നു.
- pma
വായിക്കുക: ഇന്ത്യന്‍ രാഷ്ട്രീയം, മതം, യു.എ.ഇ., വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
