അബുദാബി മലയാളി സമാജം സംഘടിപ്പിച്ച സമ്മര്‍ ക്യാമ്പിന്‍റെ ഭാഗമായി, പുതുമ യുള്ള ഒരു നാടക അവതരണ വുമായി പ്രശസ്ത നാടക പ്രവര്‍ത്ത കരായ അമല്‍ രാജ്, പത്നി ലക്ഷ്മി രാജ് എന്നിവര്‍ കൊച്ചു കുട്ടികള്‍ അടക്കമുള്ള പ്രേക്ഷക രുടെ കൈയടി നേടി. വൈക്കം മുഹമ്മദ് ബഷീറിന്‍റെ ‘പ്രേമലേഖനം’ എന്ന കൃതിയെ അടിസ്ഥാനമാക്കി ബഷീര്‍ മണക്കാട്‌ രചിച്ച് സൂര്യ കൃഷ്ണ മൂര്‍ത്തി സംവിധാനം ചെയ്ത പ്രേമലേഖനം, ഗ്രീക്ക് നാടക സമ്പ്രദായ മായ അരീനാ തിയ്യേറ്റര്‍ സംവിധാന ത്തിലാണ് അവതരിപ്പിച്ചത്.ജൂലായ്‌ 15 ന് ആരംഭിച്ച സമ്മര്‍ ക്യാമ്പിന് നേതൃത്വം നല്‍കുവാന്‍ എത്തി ച്ചേര്‍ന്ന തായിരുന്നു ഇവര്‍. ജൂലായ്‌ 30 വെള്ളിയാഴ്ച, ആകര്‍ഷക ങ്ങളായ വിവിധ കലാ പരിപാടി കളോടെ സമ്മര്‍ ക്യാമ്പ് സമാപിക്കും. ശബ്ദ ഘോഷ ങ്ങളില്ലാതെ, മൈക്ക്‌ പോലും ഉപയോഗി ക്കാതെ കാണികള്‍ക്ക് നടുവില്‍ അവരില്‍ രണ്ടു പേരായി ബഷീറിന്‍റെ കഥാപാത്രങ്ങള്‍ നിറഞ്ഞു നിന്നപ്പോള്‍ ‘പ്രേമലേഖനം’ കൂടുതല്‍ ആസ്വാദ്യ കരമായ അനുഭവമായി. വിവിധ രാജ്യ ങ്ങളിലായി നൂറോളം വേദി കളില്‍ അവതരിപ്പിച്ച ഈ നാടകം ഇവിടത്തെ നാടക പ്രേമികള്ക്ക് പുതിയ ഒരു അനുഭവ മായി മാറി.
അബുദാബി : ഇടതു പക്ഷ സര്‍ക്കാര്‍ ചെയ്യുന്ന നല്ല കാര്യങ്ങള്‍ ഒന്നും കാണാതെ അപകീര്‍ത്തി പ്പെടുത്താനാണ് മാധ്യമ ങ്ങള്‍ ശ്രമിക്കുന്നത് എന്ന് സഹകരണ വകുപ്പ് മന്ത്രി ജി. സുധാകരന്. അബുദാബി ശക്തി തിയേറ്റേഴ്സ് നല്കിയ സ്വീകരണത്തില്‍ സംസാരിക്കുക യായിരുന്നു അദ്ദേഹം. ഇടതുപക്ഷ സര്‍ക്കാറിന്‍റെ നാലു വര്‍ഷത്തെ പ്രവര്‍ത്തന ങ്ങളെ ക്കുറിച്ച് മന്ത്രി വിശദമാക്കി. ഓരോ വകുപ്പിലും ഉണ്ടായിട്ടുള്ള പുരോഗതി അദ്ദേഹം വിവരിച്ചു.
അബുദാബി : സഹകരണ മന്ത്രി ജി. സുധാകരന് അബുദാബി ശക്തി തിയറ്റഴ്സ് സ്വീകരണം നല്‍കുന്നു. അബുദാബി കേരള സോഷ്യല്‍ സെന്ററില്‍ ജൂണ്‍ 4 വെള്ളിയാഴ്ച വൈകീട്ട് 8:30 നാണ് സ്വീകരണം. എല്ലാവരെയും കുടുംബ സമേതം പരിപാടിയിലേക്ക് ക്ഷണിക്കുന്നതായി ശക്തി തിയറ്റഴ്സ് സാഹിത്യ വിഭാഗം സെക്രട്ടറി റഫീഖ്‌ സക്കറിയ അറിയിച്ചു.
അബുദാബി : ശക്തി തിയേറ്റേഴ്സ് അബുദാബി സാഹിത്യ വിഭാഗം പ്രവര്‍ത്തന ഉദ്ഘാടനം പ്രശസ്ത നാടക സിനിമാ സംവിധായകന്‍ പ്രിയനന്ദന്‍ നിര്‍വ്വഹിക്കുന്നു. മെയ്‌ 27, 2010 വ്യാഴാഴ്ച രാത്രി 08:30ന് കേരളാ സോഷ്യല്‍ സെന്ററില്‍ വെച്ച് നടക്കുന്ന ചടങ്ങില്‍ വെച്ച് സി. വി. സലാമിന്റെ “അയഞ്ഞ അതിരുകള്‍” എന്ന പുസ്തകത്തിന്റെ പ്രകാശനവും നടക്കും. പ്രിയനന്ദനില്‍ നിന്നും പുസ്തകം തോമസ്‌ വര്‍ഗ്ഗീസ്‌ ഏറ്റുവാങ്ങും. ജലീല്‍ ടി. കെ. പുസ്തകം പരിചയപ്പെടുത്തും.
അബുദാബി ഇന്ത്യാ സോഷ്യല്‍ സെന്റര് ഡ്രാമ ക്ലബ്ബ്‌ ഉദ്ഘാടന ത്തോട് അനുബന്ധിച്ച് മെയ്‌ 21 വെള്ളിയാഴ്ച രാത്രി 8 മണിക്ക് “ശ്രീഭൂവിലസ്ഥിര” എന്ന നൃത്ത സംഗീത നാടകം അരങ്ങിലെത്തും. മഹാ കവി കുമാരനാശാന്‍റെ വീണപൂവ്‌ എന്ന ഖണ്ഡ കാവ്യത്തെ അധികരിച്ച് പ്രൊഫ. ജി. ഗോപാല കൃഷ്ണന്‍ രചിച്ച ശ്രീഭൂവിലസ്ഥിര, മൂല കൃതിയുടെ ആശയ ങ്ങള്‍ക്കും ഭാവുക ത്വത്തിനും മികവ് നല്‍കി കവിതയുടെ തനിമ നഷ്ടപ്പെടാതെ സംവിധാനം ചെയ്ത് രംഗത്ത്‌ അവതരി പ്പിക്കുന്നത് പ്രവാസി മലയാളിയായ അജയ ഘോഷ്‌. 1974 ല്‍ അഞ്ച് സംസ്ഥാന അവാര്‍ഡുകള്‍ കരസ്ഥമാക്കിയ ഈ കലാ സൃഷ്ടി പുനര വതരിപ്പിക്കുന്നത് അബുദാബി സോഷ്യല്‍ ഫോറം. ആരതി ദേവദാസ്‌, ഷദാ ഗഫൂര്‍, ഐശ്വര്യാ ജയലാല്‍, സുലജാ കുമാര്‍, യമുനാ ജയലാല്‍, ആര്‍ദ്രാ വികാസ്‌, മന്‍സൂര്‍ കോഴിക്കോട്‌, വിനോദ് കരിക്കാട്‌, ഹരി അഭിനയ, സലിം ചേറ്റുവ, ഇരട്ടയം രാധാകൃഷ്ണന്‍, സജീവന്‍, കണ്ണന്‍ തുടങ്ങിയവര്‍ പ്രധാന വേഷങ്ങള്‍ അവതരിപ്പിക്കുന്നു. ആശാ നായര്‍, സാബിര്‍, ഫറൂഖ്‌ ചാവക്കാട് എന്നിവര്‍ ചിട്ട പ്പെടുത്തിയ നൃത്തങ്ങള്‍ ഈ നാടകത്തെ ആകര്‍ഷക മാക്കുന്നു. ഗാന രചന: രഘുനാഥ്, പി. എസ്. പറക്കോട്. സംഗീതം: അമ്പലം രവി. ഗായകര്‍: കല്ലറ ഗോപന്‍, രഞ്ജിനി. വസ്ത്രാലങ്കാരം: രാമ കൃഷ്ണന്‍, ചമയം: വക്കം ജയലാല്‍. പുത്തന്‍ നാടക സങ്കേതങ്ങള്‍ കണ്ടു ശീലിച്ച ഗള്‍ഫിലെ പുതിയ തല മുറയിലെ നാടക പ്രേമികള്ക്ക് ഈ നൃത്ത സംഗീത നാടകം വ്യത്യസ്തമായ ഒരു അനുഭവമായിരിക്കും എന്ന് സംഘാടകര്‍ അവകാശപ്പെടുന്നു.
