 |
 |
 |
 |
 |
 |
 |
 |
 |
 |
 |
 |
 |
 |
ന്യൂഡല്ഹി : മാജിക്കിലെ ‘ഓസ്കര്’ എന്ന് അറിയപ്പെടുന്ന മെര്ലിന് അവാര്ഡ് മജീഷ്യന് ഗോപിനാഥ് മുതുകാടിന്. മാജിക് രംഗത്തെ പ്രതിഭ കള്ക്കായി രാജ്യാന്തര തലത്തില് ഏര്പ്പെടുത്തി യിട്ടുള്ള ഏറ്റവും പ്രമുഖ പുരസ്കാര മാണ് മെര്ലിന് അവാര്ഡ്. മജീഷ്യന് പി. സി. സര്ക്കാറിന് ശേഷം ഈ പുരസ്കാരം നേടുന്ന രണ്ടാമത്തെ ഇന്ത്യാ ക്കാരനാണ് മുതുകാട്.
ഇന്റര് നാഷണല് മജീഷ്യന്സ് സൊസൈറ്റി യാണ് ഈ പുരസ്കാരം ഏര്പ്പെടുത്തി യിട്ടുള്ളത്.
- pma
വായിക്കുക: ബഹുമതി, ലോക മലയാളി
ബാംഗ്ലൂര് : ആണവ സ്ഥാപനങ്ങളുടെ പ്രവര്ത്തനങ്ങളില് കൂടുതല് സുതാര്യത വേണമെന്ന് പ്രധാന മന്ത്രി മന്മോഹന് സിംഗ് ആവശ്യപ്പെട്ടതിനു പിന്നാലെ രാജ്യത്തെ ആണവ വികസന പദ്ധതികള്ക്ക് മോറട്ടോറിയം പ്രഖ്യാപിക്കണം എന്ന് പ്രമുഖ ശാസ്ത്രജ്ഞരുടെ സംഘം ആവശ്യപ്പെട്ടു.
ബാംഗ്ലൂര് ഇന്ത്യന് ഇന്സ്റ്റിട്ട്യൂട്ട് ഓഫ് സയന്സ് ഡയറക്ടര് ഡോ. ബാല് റാമിന്റെ നേതൃത്വത്തില് 60 ശാസ്ത്രജ്ഞരാണ് ഈ ആവശ്യം ഉന്നയിച്ചത്.
സുരക്ഷിതത്വത്തിനും പൊതുജന അംഗീകാരത്തിനും മുന്തൂക്കം നല്കി ആണവ നിലയങ്ങളുടെ പുനപരിശോധന നടത്തണം എന്നാണ് ശാസ്ത്രജ്ഞരുടെ ആവശ്യം. ആണവ ഊര്ജ വകുപ്പിലെ ഉദ്യോഗസ്ഥര് അല്ലാത്തവരും സാമൂഹ്യ പ്രവര്ത്തകരും സംഘടനകളും ഉള്പ്പെട്ട സംഘമായിരിക്കണം ഈ പരിശോധന നടത്തേണ്ടത്. ഈ പരിശോധന കഴിയുന്നത് വരെ അടുത്ത കാലത്ത് അംഗീകാരം നല്കിയ ആണവ പദ്ധതികള്ക്ക് നല്കിയ അംഗീകാരം പിന്വലിക്കണം എന്നും ആണവ പരിപാടികള്ക്ക് മോറട്ടോറിയം പ്രഖ്യാപിക്കണം എന്നുമാണ് ശാസ്ത്രജ്ഞര് ആവശ്യപ്പെട്ടത്.
- ജെ.എസ്.
ന്യൂഡല്ഹി : സാമ്രാജ്യത്വ കുത്തക ശക്തികളുടെ കളിപ്പാവയായി വര്ത്തിക്കുന്ന കേന്ദ്ര സര്ക്കാര് നികുതി വര്ദ്ധിപ്പിച്ചും സബ്സിഡികള് ഇല്ലായ്മ ചെയ്തും സാധാരണക്കാരനെ പിഴിഞ്ഞ് ധനം സമാഹരിക്കുമ്പോള്, സ്വിസ്സ് ബാങ്കുകളില് അനധികൃതമായി ഇന്ത്യാക്കാര് നിക്ഷേപിച്ച കള്ളപ്പണമായ 65,785,630,000,000 രൂപ (1456 ബില്യന് അമേരിക്കന് ഡോളര്) തിരികെ ലഭിക്കാന് അതാത് രാജ്യങ്ങളിലെ സര്ക്കാരുകള് ഔദ്യോഗികമായി ആവശ്യപ്പെട്ടാല് ബാങ്ക് അക്കൌണ്ടുകളുടെ വിശദാംശങ്ങള് നല്കാം എന്ന് സ്വിസ്സ് ബാങ്കുകള് സമ്മതിച്ചിട്ടും ഇന്ത്യന് സര്ക്കാര് താല്പര്യം കാണിക്കാത്തത് ആരെയൊക്കെ സംരക്ഷിക്കാനാണ് എന്ന് വ്യക്തമാണ്.
രാജ്യത്തിന്റെ വിദേശ കടത്തിന്റെ പതിമൂന്നു ഇരട്ടിയാണ് സ്വാതന്ത്ര്യ ലബ്ധിക്കു ശേഷം ഇത്തരത്തില് ഇന്ത്യയെ കൊള്ളയടിച്ച് വിദേശ ബാങ്കുകളില് നിക്ഷേപിക്കപ്പെട്ടത്.
ഈ പണം തുല്യമായി വീതിച്ചാല് ദാരിദ്ര്യ രേഖയ്ക്ക് താഴെ നില്ക്കുന്ന ഇന്ത്യയിലെ ഓരോ വ്യക്തിക്കും ഒരു ലക്ഷം രൂപ വീതം ലഭിക്കും.
- ജെ.എസ്.
വായിക്കുക: അഴിമതി, ഇന്ത്യന് രാഷ്ട്രീയ നേതാക്കള്, മനുഷ്യാവകാശം, സാമ്പത്തികം
ന്യൂഡല്ഹി : കാര്ഷിക മേഖലയില് 100 ശതമാനം നേരിട്ടുള്ള വിദേശ നിക്ഷേപം കൊണ്ടു വരാന് കേന്ദ്ര സര്ക്കാര് തീരുമാനിച്ചു. ഇതു വരെ കാര്ഷിക മേഖലയില് നേരിട്ടുള്ള വിദേശ നിക്ഷേപം സാദ്ധ്യമല്ലായിരുന്നു. എന്നാല് അമേരിക്കന് പ്രസിഡണ്ട് ബരാക്ക് ഒബാമ ഇന്ത്യന് പാര്ലമെന്റില് പ്രസംഗിച്ചപ്പോള് അമേരിക്കയ്ക്ക് ഇന്ത്യയില് പൂര്ണ്ണമായി മുതല് മുടക്കാന് താല്പര്യമുണ്ട് എന്ന് വ്യക്തമാക്കിയതിന്റെ പിന്തുടര്ച്ച എന്നവണ്ണം ആണ് മന്മോഹന് സര്ക്കാരിന്റെ ഇപ്പോള് വന്ന ഈ നീക്കം. സാമ്രാജ്യത്വ കുത്തക ശക്തികളുടെ കളിപ്പാവയായാണ് കഴിഞ്ഞ കുറെ കാലമായി കേന്ദ്ര സര്ക്കാര് പ്രവര്ത്തിക്കുന്നത്.
കാര്ഷിക മേഖല സമ്പൂര്ണ്ണമായി ഇത്തരത്തില് വിദേശ കോര്പ്പൊറേറ്റുകള്ക്ക് തുറന്നു കൊടുക്കുന്നതോടെ കാര്ഷിക മേഖലയില് നിന്നും ചെറുകിട കര്ഷകരുടെ വന് തോതിലുള്ള കുടിയിറക്കത്തിനു കാരണമാകും.
കര്ഷക ആത്മഹത്യ എന്ന സമസ്യ അനുഭവിക്കുന്ന കേരളം പോലുള്ള സംസ്ഥാനങ്ങള് ആയിരിക്കും ഈ നയത്തിന്റെ ദൂഷ്യ ഫലങ്ങള് ഏറ്റവും കൂടുതല് അനുഭവിക്കുവാന് പോവുന്നത്.
കാര്ഷിക മേഖലയില് വിദേശ കമ്പനികള് കടന്നു വരുന്നതോടെ കേരളത്തിലെ കൃഷി യോഗ്യമായ ഭൂമി പൂര്ണ്ണമായും കോര്പ്പൊറേറ്റുകള് സ്വന്തമാക്കുക തന്നെ ചെയ്യും. ജല കൃഷിയും പൂര്ണ്ണമായി വിദേശ കമ്പനികള് കയ്യടക്കുന്നതോടെ നമ്മുടെ പുഴകളും നദികളും നഷ്ടമാകുവാനും കാരണമാകും എന്നും ആശങ്കയുണ്ട്.
സംസ്ഥാന തെരഞ്ഞെടുപ്പുകള്ക്ക് ശേഷം രാജ്യത്തെ ചില്ലറ വില്പ്പന മേഖല കൂടി യു. പി. എ. സര്ക്കാര് വിദേശ കുത്തകകള്ക്ക് തുറന്നു കൊടുക്കും എന്നാണ് സൂചന.
- ജെ.എസ്.
ന്യൂഡല്ഹി: ജപ്പാനിലെ ഇപ്പോഴത്തെ ആണവ അടിയന്തരാവസ്ഥയുടെ പശ്ചാത്തലത്തില്,ഇന്ത്യയിലെ എല്ലാ ആണവോര്ജ കേന്ദ്രങ്ങളുടെയും സുരക്ഷാ ക്രമീകരണങ്ങള് ശക്തമാക്കുമെന്ന് പ്രധാനമന്ത്രി മന്മോഹന് സിംഗ്. ആണവ ഊര്ജ നിയന്ത്രണ ബോര്ഡിന് സ്വയംഭരണാവകാശവും സുപ്രധാനമായ ആണവ തീരുമാനങ്ങളില് സര്വ്വ സ്വാതന്ത്ര്യവും നല്കും. ആണവ ശാസ്ത്രജ്ഞന്മാരെ ആദരിക്കുവാന് ന്യൂഡല്ഹിയില് ചേര്ന്ന ഒരു സമ്മേളനത്തിലാണ് പ്രധാന മന്ത്രി ഇങ്ങനെ പറഞ്ഞത്.
ആണവ സുരക്ഷയ്ക്ക് വേണ്ടിയാണ് ആണവ ഊര്ജ നിയന്ത്രണ ബോര്ഡ് (എ.ഇ.ആര്.ബി) പ്രവര്ത്തിക്കുന്നതെങ്കിലും ഇപ്പോള് ഇത് ആണവോര്ജ വകുപ്പിന് കീഴില് വരുന്നതിനാല് പല ആണവ സുരക്ഷ പ്രശ്നങ്ങളിലും എ.ഇ.ആര്.ബിക്ക് വിട്ടു വീഴ്ചകള് ചെയ്യേണ്ടി വരാറുണ്ട്. എന്നാല് പുതിയ ആണവ നയം അനുസരിച്ച് എ.ഇ.ആര്.ബിയുടെ അധികാരങ്ങള് ശക്തമാക്കും. ആണവ വിഷയങ്ങളുടെ സ്വകാര്യ സ്വഭാവം കൈ വെടിയുമെന്നും, ഇവ പൊതു ജങ്ങള്ക്ക് കൂടുതല് പ്രാപ്യമാക്കത്തക്ക വിധത്തില് സുതാര്യം ആക്കുമെന്നും പ്രധാന മന്ത്രി ഉറപ്പു നല്കി. ഇന്ത്യയിലെ എല്ലാ ആണവ നിലയങ്ങളിലെയും
സുരക്ഷാ സംവിധാനങ്ങള് മെച്ചപ്പെടുത്തും. ഈ സുരക്ഷാ സംവിധാനങ്ങള് ജനങ്ങളെ ബോധ്യപ്പെടുത്തേണ്ടി ഇരിക്കുന്നു. ഇന്ത്യയില് ഏതൊക്കെ ആണവ റിയാക്ടറുകള് സ്ഥാപിച്ചാലും അവയെല്ലാം കര്ശനമായ സുരക്ഷാ പരിശോധനകള്ക്ക് വിധേയമാക്കപ്പെടും. എന്നാല് രാജ്യത്തിന്റെ വളര്ന്നു വരുന്ന ഊര്ജ്ജ പ്രതിസന്ധിയെ നേരിടാന് ഇന്ത്യയില് കൂടുതല് ഊര്ജ്ജ നിലയങ്ങള് ആവശ്യമാണെന്നും ജപ്പാന് പ്രതിസന്ധിയുടെ പശ്ചാത്തലത്തില് ആണവോര്ജ്ജ പദ്ധതികളെ പാടെ അവഗണിക്കാന് സാധിക്കുകയില്ലെന്നും അദ്ധേഹം പറഞ്ഞു.
- ലിജി അരുണ്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
