ന്യൂഡല്ഹി: അഴിമതിക്കും കള്ളപ്പണത്തിനുമെതിരെ ഹസാരെ സംഘം നടത്തുന്ന സമരത്തിനായി അമേരിക്കന് ഫണ്ടിംഗ് ലഭിക്കുന്നു എന്ന് കേന്ദ്ര പ്രവാസികാര്യമന്ത്രി വയലാര് രവി . അണ്ണാ ഹസാരെയുടെ സംഘത്തിലെ എല്ലാവരും നിഷ്കളങ്കരല്ലെന്നും അദ്ദേഹം കൂട്ടിച്ചേര്ത്തു. ഹസാരെ സംഘത്തിലെ പ്രധാനികളായ കിരണ് ബേദി, അരവിന്ദ് കെജ്രിവാള് എന്നിവര് അമേരിക്കന് സംഘടനകള് നല്കുന്ന മാഗ്സാസെ അവാര്ഡ് ജേതാക്കളാണെന്ന കാര്യം മന്ത്രി ചൂണ്ടിക്കാട്ടി. ഇന്ത്യയെ അസ്ഥിരപ്പെടുത്താനുള്ള ഗൂഡാലോചനയാണോ ഇതിനു പിന്നിലെന്ന് സംശയിക്കേണ്ടിയിരിക്കുന്നതായും വയലാര് രവി കൂട്ടിച്ചേര്ത്തു.
