കൊച്ചി : കൊച്ചി മെട്രോ തീവണ്ടി പദ്ധതിയ്ക്ക് ടെണ്ടര്‍ ക്ഷണിക്കുന്ന നടപടി ക്രമങ്ങളില്‍ നിന്നും ഡല്‍ഹി മെട്രോ റെയില്‍ കോര്‍പ്പൊറേഷനെ ഒഴിവാക്കിയ നടപടി ഇടപാടുകളില്‍ അഴിമതി നടത്താനുള്ള സൗകര്യം ഒരുക്കുവാനാണ് എന്ന് മുന്‍ മന്ത്രി ഡോ. തോമസ്‌ ഐസക്‌ പറഞ്ഞു. കൊച്ചി മെട്രോ പദ്ധതി ഇടതു പക്ഷ സര്‍ക്കാര്‍ ഡല്‍ഹി മെട്രോ റെയില്‍ കോര്‍പ്പൊറേഷനെ എല്പ്പിച്ചതായിരുന്നു. ഇതിന്റെ പ്രാരംഭ നടപടികള്‍ അവര്‍ തുടങ്ങിയതുമാണ്. എന്നാല്‍ ഇപ്പോള്‍ ഡല്‍ഹി മെട്രോ റെയില്‍ കോര്‍പ്പൊറേഷനെ ടെണ്ടര്‍ നടപടി ക്രമങ്ങളില്‍ നിന്നും ഒഴിവാക്കിയത്‌ കൊച്ചി മെട്രോ റെയില്‍ പദ്ധതിയില്‍ അഴിമതിയുടെ വാതിലുകള്‍ തുറന്നു കൊടുക്കുവാനാണ് എന്ന് അദ്ദേഹം ചൂണ്ടിക്കാട്ടി.
