 |
 |
 |
 |
 |
 |
 |
 |
 |
 |
 |
 |
 |
 |
തിരൂര്‍: കൂട്ടായിക്കടുത്ത് മണല്‍ ലോറിയും മത്സ്യ തൊഴിലാളികള്‍ സഞ്ചരിച്ചിരുന്ന ലോറിയും കൂട്ടിയിടിച്ച് 3 പേര്‍ മരിച്ചു. 2 പേര്‍ സംഭവസ്ഥലത്തും ഒരാള്‍ ആശുപത്രിയിലെക്കുള്ള യാത്രാമദ്ധ്യേയുമാണ് മരിച്ചത്. രോക്ഷാകുലരായ മത്സ്യ തൊഴിലാളികള്‍ സംഭവസ്ഥലത്ത് എത്തിയ എസ്.ഐ ഷാജിയെ കൈയ്യേറ്റം ചെയ്തു. സംഭവ സ്ഥലത്തും ആശുപത്രിയിലും സംഘര്‍ഷാവസ്ഥ തുടരുന്നു.
- ലിജി അരുണ്‍
വായിക്കുക: അപകടം, ക്രമസമാധാനം, പോലീസ് അതിക്രമം
കൊല്ലം: ചവറയിലെ കെ. എം. എം. എല്‍ കമ്പനിയില്‍ നിന്നും വാതകം ചോര്‍ന്നതിനെ തുടര്‍ന്ന് 40 ഓളം പേരെ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച പുലര്‍ച്ചെയാണ്‌ സംഭവം. മൂന്ന് പേരുടെ നില ഗുരുതരമാണ്. വാതകം ശ്വസിച്ചവര്‍ക്ക് ശ്വാസംമുട്ടലും ഛര്‍ദിയുമാണ്‌ അനുഭവപ്പെട്ടത്‌. കമ്പനിക്ക്‌ സമീപം താമസിക്കുന്നവര്‍ക്കും അസ്വസ്ഥത ഉണ്ടായി. അധികൃതര്‍ എത്തി കമ്പനിയുടെ പ്രവര്‍ത്തനം നിര്‍ത്തിവച്ചിരിക്കുകയാണ്
- ഫൈസല്‍ ബാവ
കണ്ണൂര്‍ : വി എസിന്റെ സന്ദര്‍ശനത്തിനു പിന്നാലെ കോണ്ഗ്രസ് നേതാവ് കെ. സുധാകരന് എം.പിയും ബെര്‍ലിന്‍ കുഞ്ഞനന്തന്‍ നായരെ സന്ദര്‍ശിച്ചു. വി എസിന്റെ സന്ദര്‍ശനം ഏറെ വിവാദമായ സാഹചര്യത്തില്‍ ഈ സന്ദര്‍ശനത്തിനും രാഷ്ട്രീയ മാനമുണ്ടെന്നാണ് രാഷ്ട്രീയ നിരീക്ഷകരുടെ വിലയിരുത്തല്‍ . എന്നാല്‍ സുധാകരന്റെ സന്ദര്‍ശനത്തെ വി എസിനെതിരെ ആയുധമാക്കാന്‍ സി. പി. എം ഔദ്യോഗിക പക്ഷം തയ്യാറാവാന്‍ സാധ്യതയുണ്ട്. കെ. സുധാകരന് വേണ്ടി കഴിഞ്ഞ തെരഞ്ഞെടുപ്പ് സമയത്ത് പരസ്യമായി ബെര്‍ലിന്‍ രംഗത്ത് വന്നിരുന്നു. എന്നാല്‍ ഇത് വെറും സൌഹൃദ സന്ദര്‍ശനം മാത്രമാണെന്നാണ് ബെര്‍ലിന്‍ പറഞ്ഞത്‌
-
വായിക്കുക: കേരള രാഷ്ട്രീയം, വിവാദം
തൃശൂര്‍ : പ്രതിപക്ഷ നേതാവ് വി. എസ്. അച്യുതാനന്ദനുമായി വ്യവസായിയും മന്ത്രി പി. കെ. കുഞ്ഞാലികുട്ടിയുടെ ബന്ധുവുമായ കെ. എ റൗഫ്‌ കൂടികാഴ്ച നടത്തി. തൃശ്ശൂര്‍ രാമനിലയത്തില്‍ വെച്ച് നടന്ന കൂടികാഴ്ച അര മണിക്കൂറോളം നീണ്ടുനിന്നു. പി. കെ കുഞ്ഞാലിക്കുട്ടിക്കെതിരെ ശക്തമായ ആരോപണവുമായി രംഗത്ത് വന്ന റൗഫ്‌ ഈയിടെ മഹാരാഷ്ട്രയില്‍ തന്റെ ഭൂമി കേരളത്തിലെ ഒരു സൂപ്പര്‍ സ്റ്റാര്‍ അടക്കം ഭൂമാഫിയ തട്ടിയെടുക്കാന്‍ ശ്രമിക്കുന്നു എന്ന ആരോപണം ഉന്നയിച്ചിരുന്നു. കോഴിക്കോട്‌ ഐസ്ക്രീം പാര്‍ലര്‍ പെണ്‍വാണിഭ കേസില്‍ നിര്‍ണ്ണായക വെളിപ്പെടുത്തലോടെയാണ് റൗഫ്‌ കേരള രാഷ്ട്രീയത്തില്‍ ശ്രദ്ധാ കേന്ദ്രമാകുന്നത്. കഴിഞ്ഞ നിയമസഭാ തെരഞ്ഞെടുപ്പില്‍ റൗഫിന്റെ വെളിപ്പെടുത്തല്‍ പ്രധാന ചര്‍ച്ചാവിഷയമായിരുന്നു. പി.കെ കുഞ്ഞാലിക്കുട്ടിക്കും മറ്റു പല പ്രമുഖര്‍ക്കുമെതിരെ വിജിലന്‍സ്‌ അന്വേഷണം വേണമെന്ന് ആവശ്യപ്പെട്ട അബ്ദുല്‍ അസീസും കൂടിക്കാഴ്ചയില്‍ റൗഫിനോടൊപ്പം . സൌഹൃദ സന്ദര്‍ശനമായിരുന്നു എന്നാണു ഈ കൂടിക്കഴച്ചയെപറ്റി റൗഫ്‌ പറഞ്ഞത്‌. എന്നാല്‍ റൗഫിന്റെ കേസുമായി ബന്ടപ്പെട്ടാണ് കൂടിക്കാഴ്ചയെന്നാണ് വി. എസ് പ്രതികരിച്ചത്.
-
വായിക്കുക: കേരള രാഷ്ട്രീയം, വിവാദം
കോഴിക്കോട്‌: പാണക്കാട് മുഹമ്മദലി ശിഹാബ്‌ തങ്ങളെ വീട്ടില്‍ ചെന്ന് കണ്ടതില്‍ തെറ്റില്ല എന്ന് മുന്‍ ബി. ജെ. പി സംസ്ഥാന പ്രസിഡണ്ട് പി. ശ്രീധരന്‍പിള്ള. മാറാട്‌ കലാപത്തെ തുടര്‍ന്ന് സമാധാനാന്തരീക്ഷം പുലരാന്‍ പാണക്കാട് തങ്ങളുമായി ഒരുമിച്ച് ചര്‍ച്ച നടത്തിയിരുന്നു. അദ്ദേഹത്തെ വീട്ടില്‍ പോയി കണ്ടതും ചര്‍ച്ച നടത്തിയതും യഥാസമയം തന്നെ ഒ. രാജഗോപാലിന് അറിയാമായിരുന്നു എന്നും അദ്ദേഹം സമ്മതം നല്‍കിയിരുന്നു എന്നും ശ്രീധരന്‍പിള്ള പറഞ്ഞു. പാണക്കാട് മുഹമ്മദലി ശിഹാബ്‌ തങ്ങള്‍ ഒരുപാട് നന്മയുള്ള വെക്തിയായിരുന്നു എന്നും ശ്രീധരന്‍ പിള്ള അനുസ്മരിച്ചു
-
വായിക്കുക: കേരള രാഷ്ട്രീയം, ക്രമസമാധാനം
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
