തിരുവനന്തപുരം : പ്രതീക്ഷിച്ച വിജയം നേടാന്‍ ആയില്ലെങ്കിലും സി. പി. എം. ന്റെ അടിത്തറ ഭദ്രമാണ് എന്ന് തെളിയിക്കുന്നതാണ് തെരഞ്ഞെടുപ്പ്‌ ഫലം എന്ന് സി. പി. എം. സംസ്ഥാന സെക്രട്ടറി പിണറായി വിജയന്‍ പ്രസ്താവിച്ചു.
കഴിഞ്ഞ ലോക്‌സഭാ തെരഞ്ഞെടുപ്പിനെക്കാള്‍ കണ്ണൂര്‍, ആലപ്പുഴ ജില്ലകളില്‍ യു.ഡി.എഫിനു വോട്ട്‌ കുറയുകയും ഇടതുമുന്നണിക്ക്‌ എല്ലാ ജില്ലകളിലും 10,64,233 വോട്ടിന്റെ വര്‍ധനയുണ്ടാവുകയും ചെയ്തു.
യു. ഡി. എഫ്. - ബി. ജെ. പി. കൂട്ടുകെട്ടില്‍ പലയിടങ്ങളിലും പൊതു ചിഹ്നമായിരുന്നു. യു. ഡി. എഫിന്‌ ഇത്തവണ വോട്ട്‌ വര്‍ധിച്ചത്‌ രാഷ്ട്രീയ പിന്‍ബലം കൊണ്ടല്ല എന്നത് വ്യക്തമാണ്.
കൈവെട്ട്‌ കേസിലെ പ്രതി അനസ്‌ വാഴക്കുളം ബ്ലോക്ക്‌ പഞ്ചായത്തിലേക്കു ജയിച്ചതു യു.ഡി.എഫ്. സഹായത്തോടെയാണ്‌. യു.ഡി.എഫിന്റെ വോട്ടാണ് എസ്.ഡി.പി.ഐ. ചിഹ്നത്തിലേക്കു പോയത് എന്നും പിണറായി ചൂണ്ടിക്കാട്ടി.
കൊച്ചി : സംസ്ഥാന സര്‍ക്കാരിന്‍റെ ഈ വര്‍ഷത്തെ എഴുത്തച്ഛന്‍ പുരസ്‌കാരത്തിന് പ്രശസ്ത സാഹിത്യ നിരൂപക ഡോ. എം. ലീലാവതി അര്‍ഹയായി. മലയാള ഭാഷ യ്ക്കും സാഹിത്യ ത്തിനും നല്‍കിയ സമഗ്ര സംഭാവന പരിഗണിച്ചാണ് പുരസ്കാരം. ഒരു ലക്ഷം രൂപയും പ്രശസ്തി പത്രവും ശില്‍പ്പവും അടങ്ങുന്ന പുരസ്കാരം, ഡിസംബര്‍ ആദ്യവാരം തിരുവനന്ത പുരം ദര്‍ബാര്‍ ഹാളില്‍ നടക്കുന്ന ചടങ്ങില്‍ മുഖ്യമന്ത്രി വി. എസ്. അച്യുതാനന്ദന്‍ സമ്മാനിക്കും.
