 |
 |
 |
 |
 |
 |
 |
 |
 |
 |
 |
 |
 |
 |
കോഴിക്കോട്: ഐസ്ക്രീം കേസില് വ്യവസായ മന്ത്രി പി. കെ കുഞ്ഞാലിക്കുട്ടിക്കെതിരെ വെളിപ്പെടുത്തലുമായി രംഗത്ത് വന്ന വിവാദ വ്യവസായി കെ. എ. റൗഫിന്റെ ഉടമസ്ഥതയിലുള്ള റബ്ബര് കമ്പനിക്കുനെരെ ഒരു സംഘം ആക്രമണം നടത്തി. വെസ്റ്റ് ഹില് ഇന്ഡസ്ട്രിയല് എസ്റ്റേറ്റിലെ നിലമ്പൂര് റബ്ബര് ഫാക്ടറിക്ക് നേരെ പുലര്ച്ചെ രണ്ടരയോടെയാണ് ആക്രമണം ഉണ്ടായത്. ഫാക്ടറിയുടെ മുന്ഭാഗത്തെ മുഴുവന് ചില്ലുകളും അടിച്ചു തകര്ത്തു. പോലീസെത്തി കേസെടുത്തു
-
വായിക്കുക: കേരള രാഷ്ട്രീയം, പീഡനം, വിവാദം
തിരുവനന്തപുരം: മുല്ലപെരിയാറില് പുതിയ ഡാം നിര്മ്മിക്കുന്നത് സംബന്ധിച്ച് കാല താമസം ഒഴിവാക്കണമെന്ന് ജലസേചന വകുപ്പ് മന്ത്രി പി. ജെ. ജോസഫ് പറഞ്ഞു. 30 ലക്ഷ ജനങ്ങളെ ബാധിക്കുന്ന ഈ വിഷയം അതീവ ഗൌരവത്തോടെയാണ് സര്ക്കാര് കാണുന്നത്. ജനങ്ങളുടെ ആശങ്കകള് ഇല്ലാതാകാന് വിഷയം പാര്ലിമെന്റില് ചര്ച്ച ചെയ്യണമെന്നും, ഈ വിഷയത്തില് ദേശീയ പാര്ട്ടികള് തങ്ങളുടെ നിലപാട് വ്യക്തമാക്കണമെന്നും പി. ജെ. ജോസഫ് ആവശ്യപ്പെട്ടു.
-
വായിക്കുക: അപകടം, എതിര്പ്പുകള്, കേരള രാഷ്ട്രീയം, ദുരന്തം, വിവാദം
തിരുവനന്തപുരം: നിരവധി ക്രിമിനല് കേസുകള് നിലനില്ക്കെ തച്ചങ്കരിയെ മാര്ക്കറ്റ് ഫെഡ് എം. ഡിയാക്കിയതും എ. ഡി. ജി. പിയായി ഉയര്ത്താനുളള നീക്കവും ശരിയല്ലെന്നു പ്രതിപക്ഷ നേതാവ് വി. എസ്. അച്യുതാനന്ദന് ശക്തമായ ഭാഷയില് തച്ചങ്കരിയുടെ നിയമനത്തെക്കുറിച്ചും പ്രമോഷനെപ്പറ്റിയും പ്രതികരിച്ചു. തച്ചങ്കരിയെ കുറ്റവിമുക്തനാക്കിക്കൊണ്ട് കേന്ദ്ര ആഭ്യന്തര വകുപ്പ് സര്ക്കാരിന് അറിയിപ്പു നല്കിയിട്ടുണ്ടോ എന്ന് മുഖ്യമന്ത്രി ഉമ്മന്ചാണ്ടി വ്യക്തമാക്കണമെന്ന് വി.എസ്. അച്യുതാനന്ദന് ആവശ്യപ്പെട്ടു. കൂടാതെ അനധികൃത സ്വത്തു സമ്പാദനം തെളിഞ്ഞതും കുറ്റപത്രം സമര്പ്പിക്കപ്പെട്ടതുമാണ്. അനധികൃതമായി വിദേശത്തുപോയി ദേശവിരുദ്ധ ശക്തികളുമായി രഹസ്യ ചര്ച്ച നടത്തിയെന്നതുള്പ്പെടെയുളള ഗുരുതരമായ ആരോപണങ്ങള്ക്ക് എന്.ഐ.എ. അന്വേഷണം നേരിടുന്ന ഉദ്യോഗസ്ഥനാണു തച്ചങ്കരി. കളളക്കടത്തടക്കം നിരവധി ആരോപണങ്ങളുമായി ബന്ധപ്പെട്ട കേസുകളും തച്ചങ്കരിക്കെതിരേ നടന്നുവരുന്നു.
-
തിരുവനന്തപുരം: കുറ്റാരോപിതനായ ഐ. ജി. ടോമിന് തച്ചങ്കരിയെ മാര്ക്കറ്റ് ഫെഡ് എം.ഡിയാക്കിയതും എ.ഡി.ജി.പിയായി സ്ഥാനക്കയറ്റം നല്കാനുളള ഡി.ജി.പിയുടെ ശിപാര്ശയും വിവാദത്തില്. സര്വീസില് തിരിച്ചെടുത്ത ശേഷം തസ്തിക നല്കിയിരുന്നില്ല. സര്വീസില് തിരിച്ചെടുത്തത് തന്നെ ഏറെ വിവാദങ്ങള്ക്ക് വഴി വെച്ചിരുന്നു. എന്നാല് ഈ നീക്കത്തിനെതിരെ കോണ്ഗ്രസിനകത്ത് നിന്ന് തന്നെ ശക്ത മായ എതിര്പ്പുകള് ഉയര്ന്നു കഴിഞ്ഞു. കുറ്റാരോപിതനായ തച്ചങ്കരിയെ ഒരുകാരണവശാലും എ.ഡി.ജി.പിയായി പ്രമോട്ട് ചെയ്യരുതെന്ന് മുതിര്ന്ന കോണ്ഗ്രസ് നേതാവ് വി.എം. സുധീരന് മുഖ്യമന്ത്രിയോട് ആവശ്യപ്പെട്ടു. “തച്ചങ്കരിക്ക് നിയമനം നല്കിയതു ശരിയായില്ല. കളങ്കിത ഉദ്യോഗസ്ഥനെന്ന പേരു വീണ ഉദ്യോഗസ്ഥനാണ് ടോമിന് തച്ചങ്കരിയെന്ന്” സുധീരന് പറഞ്ഞു.
-
വായിക്കുക: അഴിമതി, എതിര്പ്പുകള്, പോലീസ്, വിവാദം
മൂന്നാര്: ഏറെ വിവാദങ്ങള്ക്കൊടുവില് മന്ത്രി കെ എം മാണിയുടെ ബന്ധുകൂടിയായ മൂന്നാര് ട്രൈബ്യൂണല് പ്രോസിക്യൂട്ടര് എം എം മാത്യു രാജിവെച്ചു. പ്രതിപക്ഷ നേതാവ് വി. എസ് അച്യുതാനന്ദന്, ഇടുക്കി ഡി. സി. സി. റോയ്. കെ. പൌലോസ് എന്നിവര് ഈ നിയമനത്തിനെതിരെ ശക്തമായി രംഗത്ത് വന്നിരുന്നു. ഇദ്ദേഹത്തെ നിയമിച്ചത് കോഴിക്ക് കുറുക്കന്റെ കാവല് ഏര്പ്പെടുത്തിയതിന് തുല്യമാണെന്നാണ് പ്രതിപക്ഷ നേതാവ് വി. എസ്. അച്യുതാനന്ദന് ആരോപിച്ചത്. റിസോര്ട്ട് ഉടമകള്ക്കുവേണ്ടി മുമ്പ് കോടതിയില് ഹാജരായിട്ടുള്ള മാത്യുവിന് ചിത്തിരപുരത്ത് സ്വന്തമായി റിസോര്ട്ടുമുണ്ടെന്ന് ഒരു പ്രമുഖ ചാനല് റിപ്പോര്ട്ട് ചെയ്തതോടെയാണ് വിവാദം കൊഴുത്തത്. എന്നാല് തനിക്കെതിരെ അടിസ്ഥാന രഹിതമായ ആരോപണങ്ങളാണ് പുറത്തുവന്നതെന്നും ചിത്തിരപുരത്ത് തന്റെ പേരില് റിസോര്ട്ടില്ലെന്നും മാത്യു പറഞ്ഞു.
- ഫൈസല് ബാവ
വായിക്കുക: അഴിമതി, എതിര്പ്പുകള്, വിവാദം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
