പുല്പ്പള്ളി : വനത്തിനുള്ളിലെ റോഡിലൂടെ പോകുകയായിരുന്ന വിദ്യാര്ഥിനി കാട്ടാനയുടെ ആക്രമണത്തില് കൊല്ലപ്പെട്ടു. പുല്പ്പള്ളിയ്ക്കടുത്ത് പെരുവമ്പത്തെ ബാബുവിന്റെ മകള് റിന്സിയാണ് (14) കൊല്ലപ്പെട്ടത്. അപ്രതീക്ഷിതമായി ആനയുടെ മുമ്പില് എത്തിപ്പെടുകയായിരുന്നു റിന്സി. കളക്ടര് അടക്കമുള്ള ഉദ്യോഗസ്ഥര് സ്ഥലത്ത് എത്തണമെന്ന് ആവശ്യപ്പെട്ട് സംഭവ സ്ഥലത്തു നിന്നും റിന്സിയുടെ മൃതദേഹം നീക്കുവാന് നാട്ടുകാര് വിസ്സമ്മതിച്ചു.
പ്രദേശത്ത് കാട്ടാനകളുടെ ശല്യം രൂക്ഷമാണെങ്കിലും അധികൃതരുടെ ഭാഗത്തു നിന്നും വേണ്ട നടപടികള് എടുക്കുന്നില്ലെന്ന പരാതിയുണ്ട്. വേനല് രൂക്ഷമാകുന്നതോടെ കാട്ടാനകള് ഉള്പ്പെടെയുള്ള വന്യ മൃഗങ്ങള് വെള്ളത്തിനായും ഭക്ഷണത്തിനായും വനത്തോടു ചേര്ന്നുള്ള പ്രദേശങ്ങളില് വരുന്നതിനുള്ള സാധ്യത കൂടുതലാണ്. ഇതു തടയുന്നതിനാവശ്യമായ വൈദ്യുതി വേലികളോ കിടങ്ങുകളൊ ഇനിയും നിര്മ്മിച്ചിട്ടില്ല.
ഏങ്ങണ്ടിയൂര്: തൃശ്ശൂര് ജില്ലയിലെ ഏങ്ങണ്ടിയൂരിലെ പൊക്കുളങ്ങര ഭഗവതി ക്ഷേത്രത്തിലെ ഉത്സവം മാര്ച്ച് 11 ന് നടക്കും. രാവിലെ ശീവേലിക്ക് ശേഷം ഉച്ചക്ക് മൂന്നു മണിയോടെ ഏങ്ങണ്ടിയൂരിന്റെ വിവിധ ഭാഗങ്ങളില് നിന്നും വിവിധ ഉത്സവ ക്കമ്മറ്റികളില് നിന്നുമായി ആന എഴുന്നള്ളിപ്പിനൊപ്പം കാവടി, ശിങ്കാരി മേളം, തെയ്യം എന്നിവയുടെ അകമ്പടിയോടെ തിരുമംഗലം ശിവ ക്ഷേത്രത്തില് എത്തും. ശ്രീദുര്ഗ്ഗാ ഉത്സവ കമ്മറ്റിയുടെ നേതൃത്വത്തില് തെയ്യങ്ങള്ക്കൊപ്പം തിരുമംഗലം ശിവ ക്ഷേത്രം വലം വച്ച് പൊക്കുളങ്ങര ക്ഷേത്രത്തില് എത്തും. വൈകീട്ട് നാലു മണിയോടെ പൊക്കുളങ്ങര ക്ഷേത്ര നടയില് കൂട്ടിയെഴുന്നള്ളിപ്പ് ആരംഭിക്കും. ഇരുപത്തി ഒന്ന് ആനകള് പങ്കെടുക്കുന്ന ഉത്സവത്തില് ഗുരുവായൂര് വലിയ കേശവന് ഭഗവതിയുടെ തിടമ്പേറ്റും. മംഗലാംകുന്ന് കര്ണ്ണന്, ചുള്ളിപ്പറമ്പില് വിഷ്ണു ശങ്കര്, കൊല്ലം പുത്തന്കുളം അനന്ത പത്മനാഭന്, ചെര്പ്ലശ്ശേരി പാര്ഥന് തുടങ്ങിയ ഗജ വീരന്മാര് പങ്കെടുക്കും. സന്ധ്യക്ക് നീലിമ സൌണ്ട് ഒരുക്കുന്ന ദീപാലങ്കാരവും ഗംഭീര വെടിക്കെട്ടും ദീപാരാധനയും ഉണ്ടാകും. രാത്രി ഏഴു മണി മുതല് പതിനൊന്നു മണി വരെ കനലാട്ടം, കരകാട്ടം തുടങ്ങിയ കലാ പരിപാടികള് ഉണ്ടായിരിക്കും.
