അബുദാബി : മാധ്യമ പ്രവര്‍ത്തക രുടെ കൂട്ടായ്മ യായ ഇന്ത്യന്‍ മീഡിയ അബുദാബി, ഇന്ത്യന്‍ എംബസ്സി യുടെ സഹ കരണ ത്തോടെ ഗാന്ധി ജയന്തി യോട് അനുബന്ധിച്ച് അബുദാബി ഖാലിദിയ യിലെ ബ്ലഡ് ബാങ്കില്‍ നടത്തിയ രക്തദാന ക്യാംപില്‍ സ്ത്രീകള്‍ ഉള്‍പ്പെടെ ഒട്ടേറെ പേര്‍ പങ്കെടുത്തു.
ഇന്ത്യന്‍ എംബസ്സി ഫസ്റ്റ് സെക്രട്ടറി ദിനേശ് കുമാര്‍ രക്തം ദാനം ചെയ്യുന്നു
രക്തം നല്‍കി ക്കൊണ്ടാണ് ഇന്ത്യന്‍ സ്ഥാന പതി കാര്യാലയം സാമൂഹിക കാര്യ വിഭാഗം ഫസ്റ്റ് സെക്രട്ടറി ദിനേശ് കുമാര്‍ ക്യാംപ് ഉദ്ഘാടനം ചെയ്തത്. ക്യാമ്പിനു മുന്നോടി യായി നടന്ന ചടങ്ങില്‍ എം. എല്‍. എ. മാരായ വി. ടി. ബലറാം, കെ. എം. ഷാജി, അബുദാബി ബ്‌ളഡ് ബാങ്ക് പ്രതിനിധി ഡോക്ടര്‍ മറീന കാസിം, ഇന്ത്യന്‍ മീഡിയ പ്രസിഡന്റ് ജോണി തോമസ് എന്നിവര്‍ പ്രസംഗിച്ചു.
വിദേശ രാജ്യത്ത് ജീവിക്കുമ്പോഴും രാഷ്ട്ര പിതാവിനെ അനുസ്‌മരി ക്കാനും അദ്ദേഹ ത്തിന്റെ ജന്മദിന ത്തിൽ രക്‌ത ദാനം സംഘടി പ്പിക്കാനും കഴിഞ്ഞതു മാധ്യമ പ്രവർത്ത കർക്കു സമൂഹ ത്തോടുള്ള പ്രതിബദ്ധത തെളിയിക്കുന്നു എന്നും ഇത് എല്ലാ പൊതു പ്രവർത്ത കർക്കും മാതൃക യാണ് എന്നും ചടങ്ങിൽ ആശംസ നേർന്ന വി. ടി. ബൽറാം എം. എൽ. എ. പറഞ്ഞു.
ഇന്ത്യൻ മീഡിയ യുടെ ഈ സംരംഭ ത്തിൽ പങ്കു ചേർന്ന് രക്തം ദാനം ചെയ്തവർക്കെല്ലാം ഓൾ കേരള ബ്ലഡ് ഡൊണേഴ്‌സ് അസോസി യേഷന്റെ പ്രത്യേക പ്രിവിലേജ് കാർഡും സമ്മാനിക്കും. ഭാരവാഹി കളായ പി.എം. അബ്ദുള്‍ റഹ്മാന്‍, ടി. പി. ഗംഗാധരന്‍, അഹ്മദ്കുട്ടി, മുനീര്‍ പാണ്ട്യാല എന്നിവര്‍ പരിപാടി കൾക്ക് നേതൃത്വം നല്‍കി.
- pma
അനുബന്ധ വാര്‍ത്തകള്‍
വായിക്കുക: ജീവകാരുണ്യം, മാധ്യമങ്ങള്‍, സംഘടന, സാമൂഹ്യ സേവനം
