ദുബായ് : ഇന്ത്യന്‍ യൂണിയന്‍ മുസ്ലിം ലീഗിന്റെ 65ആമത് സ്ഥാപക ദിന ആഘോഷത്തിന്റെ ഭാഗമായി ദുബായ് തൃശൂര്‍ ജില്ല കെ. എം. സി. സി. സംഘടിപ്പിച്ച നേതൃ യോഗത്തില്‍ വെച്ച് നിയമ സഭ തെരഞ്ഞെടുപ്പ്‌ പ്രവര്‍ത്തനങ്ങളുടെ പ്രചാരണ പരിപാടികള്‍ ആരംഭിച്ചു.
പ്രവാസികള്‍ക്ക്‌ വോട്ടവകാശം ലഭ്യമായ ഈ തെരഞ്ഞെടുപ്പില്‍ സമ്മതി ദാന അവകാശം ഫലപ്രദമായി വിനിയോഗി ക്കുന്നതിനും വോട്ടര്‍ പട്ടികയില്‍ പേരുകള്‍ ചേര്‍ക്കുന്നതിനും കര്‍മ്മ പദ്ധതികള്‍ ആവിഷ്ക്കരിച്ചു. ലഘുലേഖ വിതരണം, സ്ക്വാഡ്‌ പ്രവര്‍ത്തനങ്ങള്‍, ടെലിഫോണ്‍, ബോര്‍ഡുകള്‍, വിവിധ പൊതു പരിപാടികള്‍ എന്നിവ സംഘടിപ്പിക്കും.
(അയച്ചു തന്നത് : മുഹമ്മദ് വെട്ടുകാട്‌)
