അബുദാബി സിറ്റി ടെർമിനൽ ഔപചാരികമായി ഉദ്ഘാടനം ചെയ്തു

November 29th, 2022

abudhabi-air-port-city-terminal-by-morafik-aviation-ePathram
അബുദാബി : മിനായിലെ അബുദാബി ക്രൂയിസ് ടെർമിനലില്‍ മൊറാഫിക് സിറ്റി ടെർമിനൽ ചെക്ക് ഇന്‍ സർവ്വീസ് സഹിഷ്ണുത, സഹ വർത്തിത്വ മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ ഔപചാരികമായി ഉദ്ഘാടനം ചെയ്തു.

യാത്രയ്ക്കു 24 മണിക്കൂർ മുതൽ 4 മണിക്കൂർ മുൻപ് വരെ സിറ്റി ടെർമിനലിൽ ചെക്ക് ഇൻ ചെയ്യാനുള്ള സൗകര്യം ഒരുക്കിയിട്ടുണ്ട്. നിലവിൽ ഇത്തിഹാദ് എയർവേയ്സ്, വിസ് എയർ, ഈജിപ്ത് എയർ എന്നീ വിമാനങ്ങളിലെ യാത്രക്കാർക്ക് സിറ്റി ചെക്ക് ഇൻ സേവനം ലഭ്യമാണ്. സമീപ ഭാവിയിൽ തന്നെ മറ്റു വിമാന യാത്രക്കാർക്കും സിറ്റി ചെക്ക് ഇന്‍ സേവനം ലഭ്യമാക്കും.

രാവിലെ 9 മണി മുതൽ രാത്രി 9 മണി വരെ യാണ് പ്രവൃത്തി സമയം. ലഗ്ഗേജ് ഇവിടെ നൽകി ബോർഡിംഗ് പാസ്സുമായി വിമാന ത്താവളത്തിൽ എത്തിയാൽ മതി. മുതിർന്നവർക്കു 45 ദിർഹം, കുട്ടികൾക്ക് 25 ദിർഹം, 2 വയസ്സിൽ താഴെയുള്ള കുഞ്ഞുങ്ങള്‍ക്ക് 15 ദിർഹം എന്നിങ്ങനെയാണ് സേവന നിരക്ക് ഈടാക്കുന്നത്. നാലംഗ കുടുംബത്തിന് 120 ദിർഹം മതി. എയർ പോർട്ടിലെ തിരക്കിൽ നിന്നു രക്ഷപ്പെടാനും ആയാസ രഹിതമായി യാത്രാ നടപടികൾ പൂർത്തിയാക്കാനും സിറ്റി ചെക്ക് ഇൻ സേവനം പ്രയോജനപ്പെടും.

അബുദാബി പോർട്ട്, എ. ഡി. പോർട്ട് ഗ്രൂപ്പ്, കാപ്പിറ്റൽ ട്രാവൽ, ഇത്തിഹാദ് എയർ പോർട്ട് സർവ്വീസസ്, ഒയാസിസ് മിഡിൽ ഈസ്റ്റ്, ടൂറിസം 365 എന്നിവയുടെ സംയുക്ത സംരംഭമായ മൊറാഫിക് ഏവിയേഷൻ സർവ്വീസസ് ആണ് സിറ്റി ടെർമിനൽ ചെക്ക് ഇന്‍ സേവനത്തിനു ചുക്കാൻ പിടിക്കുന്നത്.

- pma

വായിക്കുക: , , , , ,

അഭിപ്രായം എഴുതുക »

തിരുനബിയുടെ കുടുംബം : ഐ. സി. എഫ്. മാസ്റ്റര്‍ മൈന്‍ഡ് ’22 മത്സരം സംഘടിപ്പിച്ചു

November 29th, 2022

masjid-u-nabawi-green-dome-madeena-ePathram
ദുബായ് : ഐ. സി. എഫ്. മീലാദ് കാമ്പയിന്‍റെ ഭാഗമായി വിദ്യാര്‍ത്ഥികള്‍ക്കായി സംഘടിപ്പിച്ച മാസ്റ്റര്‍ മൈന്‍ഡ് ’22 യു. എ. ഇ. നാഷണല്‍ തല ക്വിസ് മത്സരം സൂം ഓണ്‍ ലൈന്‍ പ്ലാറ്റ് ഫോമില്‍ നടന്നു.

‘തിരുനബിയുടെ കുടുംബം’ എന്ന വിഷയത്തില്‍ ജൂനിയര്‍, സീനിയര്‍ വിഭാഗങ്ങളിലായി വിദ്യാര്‍ത്ഥി – വിദ്യാര്‍ത്ഥിനി കള്‍ക്ക് പ്രത്യേകമായി സംഘടിപ്പിച്ച മത്സരത്തില്‍ യു. എ. ഇ. യുടെ വിവിധ ഭാഗങ്ങളില്‍ നിന്നുള്ള 53 പ്രതിഭകള്‍ മാറ്റുരച്ചു.

master-mind-22-icf-dubai-meelad-campaign-zoom-meet-ePathram

ഐ. സി. എഫ്. മാസ്റ്റര്‍ മൈന്‍ഡ് ’22 സൂം മീറ്റ് മത്സരാര്‍ത്ഥികള്‍

സീനിയര്‍ ബോയ്‌സ് വിഭാഗത്തില്‍ മുഹമ്മദ് ഷയാന്‍ (മുസ്സഫ), അബ്ദുല്ല മൊയ്തീന്‍ (അജ്മാന്‍), സീനിയര്‍ ഗേള്‍സ് – നഫീസ ഖാസിം (മുസ്സഫ), ഖദീജ ഹസ്‌വ (അല്‍ ഐന്‍), ജുനിയര്‍ ബോയ്‌സ് – മുഹമ്മദ് ഹാഷിര്‍ ബിന്‍ അസീഫ് (അബുദാബി), മുഹമ്മദ് ഇബ്രാഹിം (ഫുജൈറ), ജുനിയര്‍ ഗേള്‍സ് – ഫാത്തിമ ഷാസാന മെഹ്‌റിന്‍ (അജ്മാന്‍), ഐഷാ ഫഹ്‌മ (മുസ്സഫ) എന്നിവരും യഥാക്രമം ഒന്ന് രണ്ട് സ്ഥാനങ്ങള്‍ കരസ്ഥമാക്കി.

ഡിസംബര്‍ 2 ന് നടക്കുന്ന ഐ. സി. എഫ്. ഇന്‍ര്‍ നാഷണല്‍ മാസ്റ്റര്‍ മൈന്‍ഡ് മത്സരത്തില്‍ പങ്കെുടുക്കുവാന്‍ ഇവര്‍ അര്‍ഹത നേടി.

ഐ. സി. എഫ്. എജുക്കേഷന്‍ സെക്രട്ടറി ശരീഫ് കാരശ്ശേരി വിജയികളെ പ്രഖ്യാപിച്ചു. വിവിധ മത്സര ങ്ങള്‍ക്ക് മുഹമ്മദ് സഖാഫി ചേലക്കര, ഉനൈസ് സഖാഫി അബുദാബി, നാസര്‍ കൊടിയത്തൂര്‍, സലാം മാസ്റ്റര്‍ കാഞ്ഞിരോട്, സാബിത് വാടിയില്‍, സക്കരിയ്യ മേലാറ്റൂര്‍ കൂടാതെ യു. എ. ഇ. ഹാദിയ അംഗങ്ങളും നേതൃത്വം നല്‍കി.

- pma

വായിക്കുക: , , , , , , , ,

അഭിപ്രായം എഴുതുക »

എനര്‍ജി വോയ്സസ് 2023 : യു. എ. ഇ. പൗരന്മാര്‍ക്ക് കാലാവസ്ഥാ വ്യതിയാന ബോധ വത്കരണ കാമ്പയിന്‍

November 28th, 2022

sunilan-menothu-parambil-german-gulf-engineering-consultants-energy-voices-2023-ePathram
അബുദാബി : യുവ സ്വദേശികള്‍ക്ക് ഊര്‍ജ്ജ സംരക്ഷണ പരിശീലനവുമായി അബുദാബിയിലെ പ്രമുഖ സ്ഥാപനം ജര്‍മന്‍ ഗള്‍ഫ് എഞ്ചിനീയറിംഗ് കണ്‍സള്‍ട്ടന്‍റ്സ്. എനര്‍ജി വോയ്സസ് 2023 എന്ന പ്രോഗ്രാ മിലൂടെ യാണ് മലയാളി ഉടമസ്ഥതയിലുള്ള ജര്‍മന്‍ ഗള്‍ഫ് എഞ്ചിനീയറിംഗ് കണ്‍സള്‍ട്ടന്‍റ്സ് രംഗത്ത് വന്നിട്ടുള്ളത്.

യു. എ. ഇ. യൂണിവേഴ്‌സിറ്റിയുമായി സഹകരിച്ച് ‘സേവ് എനര്‍ജി കാമ്പയിന്‍’ പദ്ധതിയോട് അനുബന്ധിച്ചാണ് സ്വദേശി യൂണിവേഴ്സിറ്റി വിദ്യാർത്ഥികൾക്കായി എനര്‍ജി മാനജ്‌മെന്‍റ്, ഓഡിറ്റ് ഇന്‍റേണ്‍ഷിപ്പ്, സുസ്ഥിര നാളേക്കായുള്ള പരിശീലനം എന്നിവ ലക്ഷ്യം വെച്ചാണ് ഇത് സംഘടിപ്പിച്ചത്.

യു. എ. ഇ. യുടെ എനര്‍ജി സ്ട്രാറ്റജിയായ നെറ്റ് സീറോ ബൈ 2050, അടുത്ത വർഷം യു. എ. ഇ. ആതിഥ്യം വഹിക്കുന്ന കാലാവസ്ഥാ ഉച്ചകോടിക്കു (COP28) മുന്നോടിയായി സംഘടിപ്പിക്കുന്ന പരിപാടിക്ക് പ്രത്യേക പ്രാധാന്യം ആണുള്ളത് എന്ന് ജര്‍മന്‍ ഗള്‍ഫ് എഞ്ചിനീയറിംഗ് കണ്‍സള്‍ട്ടന്‍റ്സ് മാനേജിംഗ് ഡയറക്ടര്‍ സുനിലന്‍ മേനോത്തു പറമ്പില്‍ പറഞ്ഞു.

energy-voices-2023-climate-change-awarness-campaign-for-uae-nationals-ePathram

ഇതേ സമയം, എനര്‍ജി വോയ്സസ് 2023′ ഭാഗമായി റീഫില്‍ ചെയ്ത വാട്ടര്‍ ബോട്ടിലുകളുടെ ഉപയോഗം പ്രോല്‍സാഹിപ്പിക്കാനുള്ള മറ്റൊരു കാമ്പയിനും നടക്കും. കാര്‍ബണ്‍ ന്യൂട്രല്‍ ഭാവിക്കായി യുവ സ്വദേശി സമൂഹത്തില്‍ സുസ്ഥിരതയുടെ ഉത്തരവാദിത്വം സംബന്ധിച്ച ബോധ വത്കരണത്തിനു വേണ്ടിയാണ് ഇത്.

ഒറ്റത്തവണ ഉപയോഗിക്കുന്ന പ്‌ളാസ്റ്റിക് നിരോധിക്കാന്‍ ഉള്ള പരിശ്രമങ്ങളെ പിന്തുണക്കുന്ന തിന്‍റെ ഭാഗമായി അബുദാബിയിലെ 5 യൂണി വേഴ്‌സിറ്റികളിലെ വിദ്യാര്‍ത്ഥികള്‍ക്ക് വീണ്ടും നിറച്ച് ഉപയോഗിക്കുവാൻ കഴിയുന്ന വാട്ടര്‍ ബോട്ടിലു കള്‍ നല്‍കും. പ്രോഗ്രാമിന് കീഴില്‍ അബു ദാബി യൂണിവേഴ്‌സിറ്റി, സായിദ് യൂണിവേഴ്‌സിറ്റി എന്നിവ ഉള്‍പ്പെടെ അഞ്ച് സര്‍വ്വ കലാ ശാലകളില്‍ നിന്നുള്ള തെരഞ്ഞെടുത്ത സ്വദേശി കളായ 50 വിദ്യാര്‍ത്ഥികള്‍ക്ക് പെയ്ഡ് ഇന്‍റേണ്‍ ഷിപ്പും നല്‍കും. അഡ്‌നോക് ഉള്‍പ്പെടെയുള്ള പ്രമുഖ കമ്പനികളുടെ പിന്തുണയുമുണ്ട്.

climate-action-campaign-by-german-gulf-engineering-consultants-ePathram

പരിശീലനത്തിന് എത്തുന്നവരും സംഘാടക പങ്കാളി കളും എനര്‍ജി വോയ്സസുമായി ബന്ധപ്പെട്ട വരും റീഫില്ലബ്ള്‍ വാട്ടര്‍ ബോട്ടി ലുകള്‍ ഉപയോഗിക്കാനും ഒറ്റത്തവണ ഉപയോഗിക്കാവുന്ന പ്‌ളാസ്റ്റിക് ഇല്ലായ്മ ചെയ്യാനും പ്രതിജ്ഞാ ബദ്ധരായിരിക്കും എന്ന് സുനിലന്‍ മേനോത്തു പറമ്പില്‍ പറഞ്ഞു.

പരിശീലന, കാലാവസ്ഥാ വ്യതിയാന ബോധ വത്കരണ കാമ്പയിനിലെ മുഴുവന്‍ പങ്കാളികള്‍ക്കും റീഫില്ലബ്ള്‍ വാട്ടര്‍ ബോട്ടിലുകള്‍ വിതരണം ചെയ്യും എന്നും അദ്ദേഹം വ്യക്തമാക്കി.

വീട്ടില്‍ ഊര്‍ജ്ജം ലാഭിക്കല്‍, നടത്തം, ബൈക്ക് റൈഡിംഗ് / പൊതു ഗതാഗത ഉപയോഗം, ഭക്ഷണ ത്തില്‍ കൂടുതല്‍ പച്ച ക്കറികള്‍ ഉള്‍ പ്പെടുത്തല്‍, ഭക്ഷണം പാഴാക്കുന്നത് തടയല്‍, വസ്തുക്കളുടെ പുനരുപയോഗം എന്നിങ്ങനെയുള്ള തീമുകളിള്‍ ഉടനീളം ഊര്‍ജ്ജം ലാഭിക്കുവാനുള്ള 10 പോയിന്‍റ്സ് പ്രവര്‍ത്തനം പ്രോത്സാഹിപ്പിക്കലും ഈ പ്രോഗ്രാമില്‍ ഉള്‍പ്പെടുത്തിയിട്ടുണ്ട്.

climate-change-awarness-campaign-by-sunilan-mb-ePathram

റിപ്പയര്‍ & റീസൈക്‌ളിംഗ്, പാരമ്പര്യ ഊര്‍ജ്ജത്തില്‍ നിന്ന് പുനരുപയോഗ ഊര്‍ജ്ജ ത്തിലേക്ക് മാറല്‍, പരിസ്ഥിതി സൗഹൃദ ഉല്‍പന്നങ്ങളെ പിന്തുണക്കല്‍ മുതലായ കാര്യങ്ങള്‍ നല്ല ആരോഗ്യവും ക്ഷേമവും മുന്‍ നിര്‍ത്തിയുള്ള യു. എന്‍. എസ്ഡിജി-3 യെ പ്രോത്സാഹിപ്പിക്കും എന്നും 2050 ലെ യു. എ. ഇ. യുടെ നെറ്റ് സീറോ ലക്ഷ്യത്തിലേക്ക് വഴി നടത്തും എന്നും സുനിലന്‍ മേനോത്തു പറമ്പില്‍ അഭിപ്രയപ്പെട്ടു. സമൂഹത്തിന് തിരികെ നല്‍കുക എന്ന ലക്ഷ്യം മുന്‍ നിര്‍ത്തിയുള്ള സി. എസ്. ആര്‍. സംരംഭം കൂടിയാണിത് എന്നും അദ്ദേഹം കൂട്ടി ച്ചേര്‍ത്തു.

ഫലപ്രദമായ ഊര്‍ജ്ജ ഓഡിറ്റ്, റിയല്‍ എസ്റ്റേറ്റ് മേഖലയിലെ ഊര്‍ജ്ജ മാനേജ്‌മെന്‍റ് രീതികള്‍, കെട്ടിട ങ്ങളിലെ ഊര്‍ജ്ജ സംരക്ഷണം, ഊര്‍ജ്ജ കാര്യക്ഷമതാ ഉപകരണങ്ങള്‍, സാങ്കേതിക വിദ്യകള്‍ എന്നിവ യില്‍ ആയിരിക്കും പരിശീലന ത്തിന്‍റെ ഊന്നല്‍.

uae-net-zero-2050-refill-water-bottles-ePathram

വിദ്യാര്‍ത്ഥികള്‍ക്ക് പുറമെ, മറ്റുള്ളവര്‍ക്കും പ്രോഗ്രാമില്‍ എന്റോള്‍ ചെയ്യാം. അബുദാബിയിലെ ഊര്‍ജ്ജ കാര്യക്ഷമതയുടെ ലക്ഷ്യത്തെ ചുറ്റി പ്പറ്റിയുള്ള നിരവധി പ്രവര്‍ത്തനങ്ങളും ആസൂത്രണം ചെയ്തിട്ടുണ്ട്.

ഈ പ്രവര്‍ത്തനങ്ങളില്‍ വെബിനാറുകള്‍, ഉപന്യാസ മത്സരങ്ങള്‍, കുട്ടികള്‍ക്കുള്ള പെയിന്‍റിംഗ്, ഷോര്‍ട്ട് ഫിലിം മത്സരം, ഗ്രീനത്തോണ്‍ സൈക്കിള്‍ മാരത്തണ്‍ എന്നിവ ഉള്‍പ്പെടുത്തി 3 മാസം നീളുന്ന ബോധ വല്‍ക്കരണ കാമ്പയിന്‍ സംഘടിപ്പിക്കും എന്നും സുനിലന്‍ മേനോത്തു പറമ്പില്‍ വ്യക്തമാക്കി.

- pma

വായിക്കുക: , , , , ,

അഭിപ്രായം എഴുതുക »

ഐ. എസ്. സി. ഇന്ത്യാ ഫെസ്റ്റ് ഡിസംബര്‍ രണ്ടു മുതല്‍

November 24th, 2022

logo-isc-abudhabi-india-social-center-ePathram
അബുദാബി : ഇന്ത്യാ സോഷ്യൽ സെന്‍റര്‍ (ഐ. എസ്. സി.) ഒരുക്കുന്ന ഇന്ത്യാ ഫെസ്റ്റ് സീസൺ–11, ഡിസംബർ 2, 3, 4 തീയ്യതി കളിലായി (വെള്ളി, ശനി, ഞായര്‍ ദിവസങ്ങളില്‍) വൈവിധ്യമാര്‍ന്ന കലാ സാംസ്കാരിക പരിപാടികളോടെ നടക്കും.

യു. എ. ഇ. യുടെ 51ാം ദേശീയ ദിന ആഘോഷം പ്രമാണിച്ച് ഇന്തോ അറബ് സാംസ്കാരിക ഉല്‍സവം എന്ന നിലയില്‍ ആദ്യ ദിവസം പ്രത്യേക പരിപാടികളും അരങ്ങേറും. അറബിക് പരമ്പരാഗത നൃത്തത്തോടെ യാണ് ഒന്നാം ദിനം പരിപാടികൾക്ക് തുടക്കമാവുക എന്നു ഭാര വാഹികള്‍ വാര്‍ത്താ സമ്മേളനത്തില്‍ അറിയിച്ചു.

isc-india-fest-11-th-season-press-meet-ePathram

പതിനൊന്നാമത് ഐ. എസ്. സി. ഇന്ത്യാ ഫെസ്റ്റ് വാര്‍ത്താ സമ്മേളനം

രണ്ടാം ദിവസം ഡിസംബർ 3 ശനിയാഴ്ച രാത്രി 8 മണിക്ക് ചലച്ചിത്ര പിന്നണി ഗായകന്‍ ശ്രീനിവാസ്, ശരണ്യ എന്നിവര്‍ അവതരിപ്പിക്കുന്ന സംഗീത സന്ധ്യ അരങ്ങേറും.

ചെണ്ടമേളം, നൃത്ത നൃത്യങ്ങള്‍, സംഗീത മേളകള്‍ തുടങ്ങി 3 ദിവസങ്ങളിലും വിവിധ കലാ പരിപാടി കൾ. ഭക്ഷ്യ മേള, പുസ്തക മേള, വസ്ത്ര-ആഭരണ വിപണി, ട്രാവൽ -ടൂറിസം, റിയൽ എസ്റ്റേറ്റ് തുടങ്ങി വിവിധ സ്റ്റാളുകൾ ഉണ്ടാകും. കുട്ടികൾക്കായി പ്രത്യേക വിനോദ പരിപാടികളും ഒരുക്കും.

10 ദിർഹം വിലയുള്ള പ്രവേശന ടിക്കറ്റ് നറുക്കെടുത്ത് മെഗാ വിജയിക്ക് അൽ മസഊദ് ആട്ടോ മൊബൈൽസ് നൽകുന്ന കോലിയോസ് റിനോ കാർ സമ്മാനിക്കും. കൂടാതെ 20 പേർക്ക് വിവിധ ആകർഷക സമ്മാന ങ്ങളും സമാപന ദിവസം നല്‍കും.

യു. എ. ഇ. യിലെ വിവിധ ഇന്ത്യൻ സ്‌കൂളുകളിൽ എണ്ണായിരം വിദ്യാർത്ഥികൾക്ക് ഇന്ത്യാ ഫെസ്റ്റിന്‍റെ എൻട്രി ടിക്കറ്റ് സൗജന്യമായി നൽകും. വ്യാപാര പ്രദര്‍ശന പവലിയനുകൾ, പുസ്തക വില്‍പന ശാലകൾ, വിനോദ യാത്രാ സ്റ്റാളുകൾ, സൗന്ദര്യ വസ്തുക്കളുടെ വിപണിയും കളിക്കോപ്പ് വില്‍പന കേന്ദ്രങ്ങൾ അടക്കം 80 സ്റ്റോളു കളാണ് ഇത്തവണ ഇന്ത്യാ ഫെസ്റ്റിന് മാറ്റു കൂട്ടുക.

ആദ്യ രണ്ടു ദിവസങ്ങളിലും വൈകുന്നേരം 5 മണി മുതൽ രാത്രി 12 മണി വരെയാണ് ഫെസ്റ്റിവല്‍ നടക്കുക. മൂന്നാം ദിവസം രാത്രി പത്തു മണിയോടെ കലാ സാംസ്കാരിക പരിപാടികള്‍ അവസാനി ക്കുകയും തുടര്‍ന്ന് എന്‍ട്രി കൂപ്പണ്‍ നറുക്കെടുപ്പിലൂടെ വിജയികള്‍ക്ക് സമ്മാനങ്ങള്‍ വിതരണവും നടക്കും.

വാര്‍ത്താ സമ്മേളനത്തില്‍ ഐ. എസ്. സി. പ്രസിഡണ്ട് ഡി. നടരാജൻ, വൈസ് പ്രസിഡണ്ട് സന്തോഷ് മൂർക്കോത്ത്, ജനറൽ സെക്രട്ടറി പി. സത്യ ബാബു, ട്രഷറർ ലിംസൻ കെ. ജേക്കബ്ബ്, മുഖ്യ പ്രായോജകരായ ജെമിനി ഗ്രൂപ്പ് ഡയറക്ടർ വിനീഷ് ബാബു, അൽ മസഊദ് ആട്ടോ മൊബൈൽസ് അബുദാബി ജനറൽ മാനേജർ ജീൻ പിയറെ ഹോംസി, മാർക്കറ്റിംഗ് സ്പെഷ്യലിസ്റ്റ് ദിക്ഷ ജെറെല്ല എന്നിവർ സംബന്ധിച്ചു.

- pma

വായിക്കുക: , , , , , , , , ,

അഭിപ്രായം എഴുതുക »

പെരുമ പയ്യോളി പുനഃസംഘടിപ്പിച്ചു

October 31st, 2022

logo-peruma-payyyoli-ePathram
ഷാർജ : സാംസ്കാരിക കൂട്ടായ്മ പെരുമ പയ്യോളി യു. എ. ഇ. കമ്മിറ്റി പുനഃസംഘടിപ്പിച്ചു.സാജിദ് പുറത്തൂട്ട് (പ്രസിഡണ്ട്), സുനിൽ പാറേമ്മൽ (ജനറല്‍ സെക്രട്ടറി), ഷമീർ കാട്ടടി (ട്രഷറർ) എന്നിവരാണ് പ്രധാന ഭാരവാഹികള്‍.

payyoli-peruma-uae-committee-2022-2023-ePathram

രാജൻ കൊളാവിപ്പാലം, ബഷീർ തിക്കോടി, ഇസ്മായിൽ മേലടി, അസിസ് മേലടി, അബ്ദുറഹിമാൻ അങ്ങാടി കടവത്ത്, സഹദ് പുറക്കാട് (രക്ഷാധികാരികൾ). അഡ്വ. മുഹമ്മദ് സാജിദ്, ജ്യോതിഷ് ഇരിങ്ങൽ, സുരേഷ് പള്ളിക്കര (വൈസ് പ്രസിഡണ്ട്). കരീം വടക്കയിൽ, ശ്രീജേഷ് കൊടക്കാട്, ഷഹനാസ് തിക്കോടി (ജോയിന്‍റ് സെക്രട്ടറി). വേണു പുതുക്കുടി (ജോയിന്‍റ് ട്രഷറർ) എന്നിവരെയും തെരഞ്ഞെടുത്തു.

ചടങ്ങിൽ അസീസ് മേലടി, പ്രമോദ് തിക്കോടി, ബിജു പണ്ടാരപ്പറമ്പിൽ, ഷാജി ഇരിങ്ങൽ, സതീശൻ പള്ളിക്കര, റമീസ് മേലടി, റിയാസ് കാട്ടടി, സത്യൻ പള്ളിക്കര, മൊയ്തീൻ പട്ടായി, ഷാമിൽ മൊയ്തീൻ, ഷാജി പള്ളിക്കര എന്നിവർ സംസാരിച്ചു. ബാബു വയനാട് തെരഞ്ഞെടുപ്പ് നിയന്ത്രിച്ചു.

- pma

വായിക്കുക: , , , ,

അഭിപ്രായം എഴുതുക »

10 of 53910112030»|

« Previous Page« Previous « ​പ​താ​ക ​ദി​നം ന​വം​ബ​ർ മൂ​ന്നി​ന്
Next »Next Page » തിരുമുൽ കാഴ്ച അരങ്ങേറി »



  • ജിമ്മി ജോർജ്ജ് വോളി : ലൈഫ് ടൈം അച്ചീവ് മെന്റ് അവാർഡ് മാണി സി. കാപ്പന്
  • ജിമ്മി ജോർജ്ജ് സ്മാരക റമദാൻ വോളി : മാർച്ച് 27 ന് അബുദാബിയിൽ തുടക്കം
  • ദുബായ് സർക്കാരിന് പുതിയ ലോഗോ
  • ഇഖ്‌വ ഇഫ്‌താർ സംഗമം സംഘടിപ്പിച്ചു
  • ശൈഖ് മുഹമ്മദ് ബിൻ സായിദ് സമൂഹ ഇഫ്താറിൽ : വീഡിയോ വൈറൽ
  • മൂന്നാമത് ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെന്റിന് വർണ്ണാഭമായ തുടക്കം
  • ഗാസയിലെ പരിക്കേറ്റവർക്ക് 2 ദശ ലക്ഷം ദിര്‍ഹത്തിൻ്റെ മെഡിക്കൽ സഹായം എത്തിച്ച് ബുര്‍ജീല്‍ ഹോൾഡിംഗ്സ്
  • ഇ. കെ. നായനാര്‍ സ്മാരക ഫുട് ബോൾ ടൂർണ്ണ മെൻ്റ് മാർച്ച് 16, 17 തിയ്യതികളിൽ
  • അൽ ഐൻ മലയാളി സമാജം പുതിയ കമ്മിറ്റി
  • ജിമ്മി ജോർജ്ജ് മെമ്മോറിയൽ വോളി ബോൾ ടൂർണ്ണ മെൻ്റ് മാർച്ച് 27 മുതൽ
  • മികച്ച നേട്ടം കൈവരിച്ച് ബുര്‍ജീല്‍ ഹോൾഡിംഗ്സ്
  • ബാ​പ്സ് ഹി​ന്ദു മ​ന്ദി​റി​ലേ​ക്ക് പു​തി​യ ബസ്സ് (203) സർവ്വീസ്
  • റമളാൻ ഹദിയ : ബ്രോഷർ പ്രകാശനം ചെയ്തു
  • അൽ ഐൻ ഓര്‍ത്തഡോക്‌സ് പള്ളിയില്‍ ഓർമ്മപ്പെരുന്നാളും പൊതു സമ്മേളനവും
  • വ്യക്തി കേന്ദ്രീകൃതമായ ചികിത്സയിലൂടെ അർബുദത്തെ നേരിടുന്നതിൽ വൻ മുന്നേറ്റം ഉണ്ടാക്കുവാൻ കഴിയും : പ്രൊഫ. ജെയിംസ് ആലിസൺ
  • സായിദ് എയർ പോർട്ടിൽ ആരോഗ്യ സേവനങ്ങൾക്കായി ബുർജീലിനെ തെരഞ്ഞെടുത്തു
  • മലപ്പുറം ജില്ലാ കെ. എം. സി. സി. യുടെ TASKCON പ്രഖ്യാപനം
  • ഫുഡ്‌ ഫെസ്റ്റ് സീസൺ-2 : വിജയികൾക്ക് സമ്മാനങ്ങൾ വിതരണം ചെയ്തു
  • ഗൂഗിള്‍ ക്രോം ഉപയോക്താക്കള്‍ക്ക് മുന്നറിയിപ്പ്
  • ഖുർആൻ പാരായണ മത്സരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine