കൊച്ചി : ബംഗാള്‍ ഉള്‍ക്കടലില്‍ തിങ്കളാഴ്ച യോടെ വീണ്ടും ന്യൂന മര്‍ദ്ദം രൂപ പ്പെടാന്‍ സാദ്ധ്യത ഉള്ള തിനാല്‍ കൂടുതല്‍ ജാഗ്രത പാലി ക്കണം എന്ന് കാലാ വസ്ഥാ വകുപ്പ് മുന്നറി യിപ്പു നല്‍കി.

ന്യൂന മര്‍ദ്ദം രൂപപ്പെടുന്ന തോടെ സംസ്ഥാനത്ത് ആഗസ്റ്റ് 15 വരെ വീണ്ടും കനത്ത മഴക്കു സാദ്ധ്യത യുണ്ട്. മണി ക്കൂറില്‍ 40 മുതല്‍ 50 വരെ കിലോ മീറ്റര്‍ വേഗ ത്തില്‍ കാറ്റു വീശാന്‍ സാദ്ധ്യത ഉള്ള തിനാല്‍ മത്സ്യ ത്തൊഴി ലാളി കള്‍ കടലില്‍ പ്പോകരുത് എന്നുള്ള മുന്നറി യിപ്പുണ്ട്.

ഇനി രൂപം പ്രാപിച്ചേ ക്കാ വുന്ന ന്യൂന മര്‍ദ്ദ ത്തി ന്റെ തീവ്രത യും സ്വഭാവ വും കാലാ വസ്ഥാ വകുപ്പ് പ്രവചി ച്ചിട്ടില്ല. വരും ദിവസ ങ്ങളില്‍ ഇത് വ്യക്ത മാവും എന്നു കരുതുന്നു.

സംസ്ഥാനത്ത് ഓഗസ്റ്റ് 10 വരെ വിവിധ ജില്ലകളില്‍ അതിതീവ്രമായതോ അതിശക്തമായാതോ ആയ മഴക്കുള്ള സാധ്യത. ഇതു മുന്‍നിര്‍ത്തി കേന്ദ്ര കാലാവസ്ഥ നിരീക്ഷണ കേന്ദ്രം റെഡ്, ഓറഞ്ച്, യെല്ലോ അലെര്‍ട്ടുകള്‍ പ്രഖ്യാപിച്ചു.

റെഡ് പ്രഖ്യാപിക്കപ്പെട്ട ജില്ലകളില്‍ അതിതീവ്ര മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. സര്‍ക്കാര്‍ സംവിധാനങ്ങളും പൊതുജനങ്ങളും ജാഗ്രത പാലിക്കുവാനും ക്യാമ്പുകള്‍ തയ്യാറാക്കുകയുള്‍പ്പെടെയുള്ള മുന്നൊരുക്കങ്ങള്‍ നടത്തുക എന്നതുമാണ് റെഡ് അലേര്‍ട്ട് കൊണ്ട് ഉദ്ദേശിക്കുന്നത്. തുടര്‍ച്ചയായ ദിവസങ്ങളില്‍ അതിതീവ്ര മഴ പെയ്യുന്ന സാഹചര്യത്തില്‍ വെള്ളപ്പൊക്കം, ഉരുള്‍പൊട്ടല്‍ തുടങ്ങിയ പ്രകൃതി ദുരന്തങ്ങള്‍ക്ക് സാധ്യത വര്‍ധിക്കും.

ഓഗസ്റ്റ് ഏഴിന് എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളിലും
ഓഗസ്റ്റ് എട്ടിന് തൃശ്ശൂര്‍, പാലക്കാട്, വയനാട്, കണ്ണൂര്‍, കാസര്‍ഗോഡ് ജില്ലകളിലും ഓഗസ്റ്റ് ഒമ്പതിന് ഇടുക്കി, തൃശ്ശൂര്‍, മലപ്പുറം, കോഴിക്കോട്, വയനാട്, കാസര്‍ഗോഡ് ജില്ലകളിലും ഓറഞ്ച് അലേര്‍ട്ട് പ്രഖ്യാപിച്ചിട്ടുണ്ട്.