 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : ഇന്ത്യൻ സ്വാതന്ത്ര്യ ദിന ആഘോഷങ്ങളുടെ ഭാഗമായി ദുബായ് കെ. എം. സി. സി. തൂലികാ ഫോറം ലേഖന മത്സരം സംഘടിപ്പിക്കുന്നു. ‘ഭരണ ഘടന : നീതി, സമത്വം, ജനാധിപത്യം’ എന്ന വിഷയത്തിൽ നാലു പേജിൽ കവിയാതെ പി. ഡി. എഫ്. ഫോർ മാറ്റിൽ തയ്യാറാക്കിയ ലേഖനം dubaikmccthoolika @ gmail.com എന്ന ഇ-മെയിൽ വിലാസത്തിൽ 2025 ജൂലായ് 31 നു മുൻപായി അയക്കുക. യു. എ. ഇ.പ്രവാസികൾക്ക് പങ്കെടുക്കാം. ആഗസ്റ്റ് 16 ന് ദുബായ് കെ. എം. സി. സി. ഹാളിൽ നടക്കുന്ന ചടങ്ങിൽ വിജയികൾക്ക് സമ്മാനങ്ങൾ നൽകും.
- pma
വായിക്കുക: competition, കെ.എം.സി.സി., ദുബായ്, പ്രവാസി, യു.എ.ഇ., സംഘടന, സാംസ്കാരികം, സാഹിത്യം
അബുദാബി : കവി അസ്മോ പുത്തൻ ചിറയുടെ സ്മരണാർത്ഥം യൂണിക് ഫ്രണ്ട്സ് ഓഫ് കേരള (യു. എഫ്. കെ.) ഒമ്പതാമത് അസ്മോ കഥ-കവിത രചനാ മത്സരം സംഘടിപ്പിക്കുന്നു. യു. എ. ഇ. യിൽ നിന്നുള്ള പ്രവാസി മലയാളികളുടെ രചനകളാണ് മത്സരത്തിൽ ഉൾപ്പെടുത്തുക.
മുൻപ് പ്രസിദ്ധീകരിക്കാത്തതും മൗലികവുമായ രചനകളാണ് അയക്കേണ്ടത്. ഒരാൾക്ക് ഒരു രചന മാത്രം സമർപ്പിക്കാം.
മികച്ച ഒരു കഥയും കവിതയുമാണ് പുരസ്കാരത്തിന് അർഹത നേടുക. ഷാർജ പുസ്തകോത്സവത്തിൽ വെച്ച് അസ്മോ പുരസ്കാരം 2025 സമ്മാനിക്കും. രചനകൾ artsteamufk @ gmail. com എന്ന ഇ-മെയിലിൽ 2025 ജൂലായ് 31 ന് മുൻപായി അയക്കുക. ഫോൺ : 055 627 5123.
- pma
വായിക്കുക: competition, remembering, social-media, കവിത, ചരമം, പ്രവാസി, സാഹിത്യം
അബുദാബി : ഇന്ത്യൻ ഇസ്‌ലാമിക് സെന്റർ സാഹിത്യ വിഭാഗത്തിന്റെ ആഭിമുഖ്യത്തിൽ വായനാ ദിനം ആചരിച്ചു. വിവിധ മേഖലയിൽ നിന്നുള്ളവർ തങ്ങളുടെ വായനാ ഓർമ്മകളും അനുഭവങ്ങളും പങ്കു വച്ചു. പുതു തലമുറയെ വായനയിലേക്ക് കൊണ്ട് വരുന്നതിന്റെ പ്രാധാന്യവും ആവശ്യകതയും അവർ ഓർമ്മിപ്പിച്ചു. സദസ്യർക്കും തങ്ങളുടെ വായനാ ഓർമ്മകൾ പങ്കു വെക്കാനും വായനാ ദിന ആചരണത്തിൽ അവസരം ഒരുക്കി. സെന്റർ ജനറൽ സെക്രട്ടറി ബി. ഹിദായത്തുള്ള, ട്രഷറര്‍ നസീർ രാമന്തളി, സാഹിത്യ വിഭാഗം സെക്രട്ടറി അബ്ദുള്ള ചേലക്കോട്, ജാഫർ കുറ്റിക്കോട്, ഷാഹിദ്, അൻവർ, അസൈനാർ, മുത്തലിബ്, കരീം, മുബീൻ, ജുബൈർ വെള്ളാടത്ത് തുടങ്ങിയവർ സംസാരിച്ചു.
- pma
വായിക്കുക: islamic-center-, സാഹിത്യം
അബുദാബി : ബലി പെരുന്നാളിനോട് അനുബന്ധിച്ച് ഇന്ത്യൻ ഇസ്‌ലാമിക് സെന്റർ സാഹിത്യ വിഭാഗം സംഘടിപ്പിച്ച സാഹിത്യ കൂട്ടായ്മ ‘അക്ഷര പ്പെരുന്നാൾ’ ശ്രദ്ധേയമായി. സെന്റർ ട്രഷറർ നസീർ രാമന്തളി ഉദ്ഘാടനം ചെയ്തു.
കവിയും പ്രവാസിയുമായ അക്ബർ അണ്ടത്തോട് സദസ്സിനോട്‌ സംവദിച്ചു. യുവ എഴുത്തു കാരിയായ ഖുലൂദ് സലാമിനെ അനുമോദിച്ചു. കെ. എം. സി. സി. നേതാക്കളായ ടി. കെ. അബ്ദുസ്സലാം, കോയ തിരുവത്ര, അഷറഫ് മൊവ്വൽ, അനീഷ് മംഗലം തുടങ്ങിയവർ ആശംസകൾ നേർന്നു.
കവിയും ഗാന രചയിതാവുമായ ഫത്താഹ് മുള്ളൂർക്കര, എഴുത്തുകാരനും സാമൂഹിക പ്രവർത്തകനുമായ കളപ്പാട്ടിൽ അബു ഹാജി, ഹാഷിം ആറങ്ങാടി തുടങ്ങിയവർ സംബന്ധിച്ചു. ജുബൈർ വെള്ളാടത്ത് മോഡറേറ്റർ ആയിരുന്നു. അഹമ്മദ് കുട്ടി തൃത്താല അദ്ധ്യക്ഷത വഹിച്ചു. അബ്ദുള്ള ചേലക്കോട് സ്വാഗതം ആശംസിച്ചു. ജാഫർ കുറ്റിക്കോട് നന്ദി പറഞ്ഞു.
- pma
വായിക്കുക: eid-celebrations, islamic-center-, ആഘോഷം, പ്രവാസി, സംഗീതം, സാഹിത്യം
അബുദാബി : കെ. എം. സി. സി. സംസ്ഥന കമ്മിറ്റി പ്രസിദ്ധീകരിച്ച ‘അന്നൊരു അബുദാബിക്കാലത്ത്’ ചരിത്ര പുസ്തകം റിലീസ് ചെയ്തു. ഇന്ത്യൻ ഇസ്‌ലാമിക് സെന്ററിൽ നടന്ന ചടങ്ങിൽ മുസ്‌ലിം ലീഗ് ദേശീയ വൈസ് പ്രസിഡണ്ട് കെ. സൈനുല്‍ ആബിദീന്‍ പുസ്തകം പ്രകാശനം ചെയ്തു.
നിരവധി സാമൂഹിക-സംസ്‌കാരിക-ജീവകാരുണ്യ പ്രവര്‍ത്തങ്ങള്‍ നടത്തുന്ന കെ. എം. സി. സി. യുടെ സേവനം ഒരു പുസ്തകമായി ക്രോഡീകരിച്ച അബുദാബി കെ. എം. സി. സി. യുടെ ശ്രമം ഏറെ പ്രശംസനീയം എന്നു പുസ്തകം പ്രകാശനം ചെയ്തു കൊണ്ട് അദ്ദേഹം പറഞ്ഞു.
മുസ്‌ലിം യൂത്ത്‌ ലീഗ് ജനറല്‍ സെക്രട്ടറി പി. കെ. ഫിറോസ് മുഖ്യ പ്രഭാഷണം നടത്തി. രചയിതാവ് ഷരീഫ് സാഗര്‍ പുസ്തകം പരിചയപ്പെടുത്തി.
ഇസ്‌ലാമിക് സെന്റ പ്രസിഡണ്ട് പി. ബാവാ ഹാജി, ജനറല്‍ സെക്രട്ടറി ടി. മുഹമ്മദ് ഹിദായത്തുള്ള കെ. എം. സി. സി. നേതാക്കൾ യു. അബ്ദുല്ല ഫാറൂഖി, സയ്യിദ് അബ്ദു റഹ്‌മാൻ തങ്ങള്‍, എം. പി. എം. റഷീദ്, വി. പി. കെ. അബ്ദുല്ല, അസീസ് കാളിയാടന്‍, സാംസ്കാരിക സംഘടനാ നേതാക്കൾ ടി. വി. സുരേഷ് കുമാര്‍, വി. ടി. വി. ദാമോദരന്‍, അൻസാർ, ബഷീര്‍ അഹമ്മദ്, മുഹമ്മദ് ആലം, ഹമീദ് അലി തുടങ്ങിയവർ സംബന്ധിച്ചു.
കെ. എം. സി. സി. സംസ്ഥാന കമ്മിറ്റി പ്രസിഡണ്ട് ഷുക്കൂര്‍ അലി കല്ലുങ്ങല്‍ അദ്ധ്യക്ഷത വഹിച്ചു. ടി. കെ. അബ്ദു സലാം സ്വാഗതവും പി. കെ. അഹമ്മ്ദ് ബല്ല കടപ്പുറം നന്ദിയും പറഞ്ഞു.
- pma
വായിക്കുക: കെ.എം.സി.സി., സംഘടന, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
