 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : പ്രവാസ ലോകത്തെ സർഗ്ഗ പ്രതിഭകളെ പ്രോത്സാഹിപ്പിക്കുന്നതിന് വേണ്ടി മെഹ്ഫിൽ ഇന്റർ നാഷണൽ ദുബായ് ഒരുക്കുന്ന മൂന്നാമത് ചെറുകഥാ മത്സരത്തിലേക്കു കഥകൾ ക്ഷണിച്ചു.
യു. എ. ഇ. യിലെ പ്രവാസി എഴുത്തുകാർക്കു പങ്കെടുക്കാം. ഇതുവരെ പ്രസിദ്ധീകരിച്ചിട്ടില്ലാത്ത മൗലികമായ രചനകൾ 2026 മെയ് 31 നു മുൻപായി mehfil.dxb @ gmail. com എന്ന മെയിലിൽ അയക്കുക. കഥകൾ എഴു പേജിൽ കവിയരുത്. കൂടുതൽ വിവരങ്ങൾക്ക് ബന്ധപ്പെടുക : 055 440 3693.
- pma
വായിക്കുക: competition, social-media, ദുബായ്, പ്രവാസി, സാഹിത്യം
അബുദാബി : ഇന്ത്യ സോഷ്യൽ സെൻറർ (ISC) സംഘടിപ്പിക്കുന്ന ‘യൂത്ത് ഫെസ്റ്റ് 2025–26’ ജനുവരി 30, 31, ഫെബ്രുവരി 1 (വെള്ളി, ശനി, ഞായർ) ദിവസങ്ങളിൽ ഐ. എസ്. സി. യിലെ വിവിധ വേദികളിലായി നടക്കും.
പങ്കാളിത്തം കൊണ്ടും വൈവിധ്യം കൊണ്ടും അബുദാബിയിലെ തന്നെ ഏറ്റവും വലിയ കലാ മേളയായി ഐ. എസ്. സി. യൂത്ത് ഫെസ്റ്റ് മാറി. കല, സംസ്കാരം, സർഗ്ഗാത്മകത, ആത്മ വിശ്വാസം എന്നിവയുടെ ആഘോഷം ആയിട്ടാണ് ഈ കലോത്സവത്തെ ഐ. എസ്. സി കാണുന്നത്. പ്രവാസികൾക്ക് തങ്ങളുടെ കഴിവുകൾ പ്രകടിപ്പിക്കാനും ഒപ്പം അച്ചടക്കം, ടീം വർക്ക്, കഠിനാധ്വാനം തുടങ്ങിയ ഗുണങ്ങൾ വളർത്താനും ഈ വേദി സഹായിക്കുന്നു എന്നും സംഘാടകർ അവകാശപ്പെട്ടു.
ക്ലാസിക്കൽ, ഫോക്ക്, കണ്ടംപററി തുടങ്ങിയ വിഭാഗങ്ങളിലായി എൺപതോളം മത്സരങ്ങളിലായി നാനൂറോളം പ്രതിഭകൾ മാറ്റുരക്കും. എണ്ണൂറിലധികം സ്റ്റേജ് പ്രകടനങ്ങളാണ് ഈ മൂന്ന് ദിവസങ്ങളിലായി അരങ്ങേറുന്നത്.
Image Credit : FACEBOOK
- pma
വായിക്കുക: social-media, youth-festival, ആഘോഷം, ഇന്ത്യന് സോഷ്യല് സെന്റര്, കുട്ടികള്, പൂര്വ വിദ്യാര്ത്ഥി, സംഗീതം, സംഘടന, സാംസ്കാരികം, സാഹിത്യം
കണ്ണൂർ : ഗൾഫ് പ്രവാസമാണ് കേരളത്തിന്റെ ചരിത്രം തിരുത്തിക്കുറിച്ചത് എന്നും പൊതു സമൂഹം പ്രവാസി കളുടെ ജീവിതം പഠിക്കേണ്ടത് കാല ഘട്ടത്തിന്റെ അനിവാര്യതയാണ് എന്നും രാജ് മോഹൻ ഉണ്ണിത്താൻ എം. പി. എഴുത്തുകാരൻ ജലീൽ രാമന്തളിയുടെ ഏറ്റവും പുതിയ പുസ്തകം ‘പ്രവാസ ത്തുടിപ്പുകൾ’ പ്രകാശനം ചെയ്തു സംസാരിക്കുകയായിരുന്നു അദ്ദേഹം.
രാമന്തളി വടക്കുമ്പാട് ഗവ. മാപ്പിള സ്കൂളിൽ വെച്ചു നടന്ന ചടങ്ങിൽ രാജ് മോഹൻ ഉണ്ണിത്താൻ എം. പി. ‘പ്രവാസ ത്തുടിപ്പുകൾ’ സുറൂർ മൊയ്തു ഹാജി കാഞ്ഞങ്ങാടിന് നൽകി പ്രകാശനം നിർവ്വഹിച്ചു. പ്രസാധക സമിതി ചെയർമാൻ വി. പി. കെ. അബ്ദുല്ല അദ്ധ്യക്ഷത വഹിച്ചു. രാമന്തളി ഗ്രാമ പഞ്ചായത്ത് പ്രസിഡണ്ട് ഒ. കെ. ശശി ചടങ്ങ് ഉദ്ഘാടനം ചെയ്തു. ജമാൽ കടന്നപ്പള്ളി പുസ്തകം പരിചയപ്പെടുത്തി.
രാമന്തളി ഖതീബ് ഫൈസൽ ഹുദവി പാണ്ടിക്കാട്, ബഷീർ ആറങ്ങാടി, പി. കെ. സുരേഷ് കുമാർ, എ. ഹമീദ് ഹാജി, സി. എം. വിനയചന്ദ്രൻ, എ. എം. ഹസ്സൻ, കെ. ശശീന്ദ്രൻ മാസ്റ്റർ, ഉണ്ണികൃഷ്ണൻ വി. വി., മഹമൂദ് മാട്ടൂൽ, ജാബിർ മലയിൽ, ആയിഷ ഫർസാന, വി. സുരേഷ് മാസ്റ്റർ, മുഹമ്മദ് കുഞ്ഞി ഉദിനൂർ, വി. പി. മുഹമ്മദലി മാസ്റ്റർ, ഉള്ളി അബ്ദു റഹ്മാൻ, നുസൈബ, ശൈലജ, ബൽക്കീസ്, ഇ. അബൂബക്കർ, കക്കുളത്ത് അബ്ദുൽ ഖാദർ, റഫീഖ് കമാൽ, സുലൈമാൻ പി. പി. എന്നിവർ ആശംസകൾ നേർന്നു.
പ്രസാധക സമിതി ജനറൽ കൺവീനർ ഉസ്മാൻ കരപ്പാത്ത് സ്വാഗതവും ഗ്രന്ഥ കർത്താവ് ജലീൽ രാമന്തളി നന്ദിയും പറഞ്ഞു.
- pma
വായിക്കുക: book, കേരള രാഷ്ട്രീയ നേതാക്കള്, കേരള സാംസ്കാരിക വ്യക്തിത്വം, പ്രവാസി, സാഹിത്യം, സ്ത്രീ
അബുദാബി : പ്രശസ്ത എഴുത്തുകാരൻ ജലീൽ രാമന്തളിയുടെ ‘പ്രവാസ ത്തുടിപ്പുകൾ’ എന്ന ഗൾഫ് അനുഭവ കുറിപ്പുകൾ പ്രകാശനം ചെയ്യുന്നു. 2026 ജനുവരി 22 വ്യാഴാഴ്ച രാവിലെ പത്തര മണിക്ക് രാമന്തളി വടക്കുമ്പാട് ജി. എം. യു. പി. സ്കൂളിൽ നടക്കുന്ന ചടങ്ങിൽ കാസർഗോഡ് എം. പി. രാജ് മോഹൻ ഉണ്ണിത്താനും സേഫ് ലൈൻ ചെയർമാൻ അബൂബക്കർ കുറ്റിക്കോലും ചേർന്ന് ‘പ്രവാസ ത്തുടിപ്പുകൾ’ പ്രകാശനം ചെയ്യും.
ചടങ്ങിൽ ടി. ഐ. മധു സൂദനൻ എം. എൽ. എ., രാമന്തളി ഗ്രാമ പഞ്ചായത്ത് പ്രസിഡണ്ട് ഒ. കെ. ശശി, ബഷീർ ആറങ്ങാടി, എ. ഹമീദ് ഹാജി, സുറൂർ മൊയ്തു ഹാജി, വി. പി. കെ. അബ്ദുല്ല, ഉസ്മാൻ കരപ്പാത്ത്, സി. എം. വിനയ ചന്ദ്രൻ, ജമാൽ കടന്നപ്പള്ളി, പി. കെ. സുരേഷ് കുമാർ തുടങ്ങിയ പ്രമുഖർ സംബന്ധിക്കും.
അബുദാബിയിലെ മാധ്യമ പ്രവർത്തകരുടെ കൂട്ടായ്മ ഇന്ത്യൻ മീഡിയ അബുദാബി യുടെ സ്ഥാപക നേതാവും കൂടിയാണ് ദീർഘ കാലം അബുദാബിയിൽ ജോലി ചെയ്തിരുന്ന ജലീൽ രാമന്തളി.
യു. എ. ഇ. യുടെ രാഷ്ട പിതാവ് ശൈഖ് സായിദ് ബിൻ സുൽത്താൻ അൽ നഹ്യാന്റെ ജീവ ചരിത്രം ആദ്യമായി ഇന്ത്യന് ഭാഷയില് തയ്യാറാക്കിയ ‘ശൈഖ് സായിദ്’ എന്ന കൃതി ഏറെ ചർച്ച ചെയ്യപ്പെട്ടതും വായനക്കാരുടെ പ്രശംസ ഏറ്റു വാങ്ങിയതുമാണ്.
പ്രവാസികളുടെ യഥാർത്ഥ ജീവിതം വരച്ചു കാട്ടുന്ന മരുഭൂമികള് പറയുന്നത് ; പറയാത്തതും, ഗള്ഫ് സ്കെച്ചുകള്, ഒട്ടകങ്ങള് നീന്തുന്ന കടല്, നഗരത്തിലെ കുതിരകള്, നേര്ച്ച വിളക്ക്, അഭയം തേടി, സ്നേഹം ഒരു കടങ്കഥ, ഇരുള് മുറ്റിയ വഴിയമ്പലങ്ങള് തുടങ്ങിയ നിരവധി പുസ്തകങ്ങള് ജലീല് രാമന്തളി യുടേതായി പ്രസിദ്ധീകരിച്ചിട്ടുണ്ട്.
നിരവധി പുരസ്കാരങ്ങൾ നേടിയ ദൂരം (Tele Cinema) അടക്കം ഒട്ടനവധി ഹ്രസ്വ സിനിമകൾക്കും ടെലി വിഷൻ പ്രോഗ്രാമുകൾക്കു തിരക്കഥ രചിച്ചു.
സമഗ്ര സംഭാവനക്കുള്ള സഹൃദയ- അഴീക്കോട് പുരസ്കാരം, മാടായി പഞ്ചായത്ത് കെ. എം. സി. സി. യുടെ മാധ്യമ പുരസ്കാരം, ചിരന്തന സാംസ്കാരിക വേദിയുടെ അടക്കം നിരവധി പുരസ്കാരങ്ങള് നേടിയിട്ടുണ്ട്.
- pma
വായിക്കുക: കവിത, ടെലിവിഷന്, സംഗീതം, സാംസ്കാരികം, സാഹിത്യം, സിനിമ
അബുദാബി : അകാലത്തിൽ വിട വാങ്ങിയ എഴുത്തു കാരിയും ദന്ത ഡോക്ടറുമായ ഡോ. ധന ലക്ഷ്മിയുടെ മരണത്തിനു ആമുഖമായി എഴുതിയത് എന്ന് കരുതുന്ന കവിതാ സമാഹാരം ‘ഇനി എത്ര നാൾ’ പബ്ലിഷ് ചെയ്തു.
ഡോ. ധന ലക്ഷ്മി എഴുതി പ്രസിദ്ധീകരിക്കാതെ പോയ മരണവും പ്രണയവും പ്രമേയമായ കവിതകളാണ് യു. എ. ഇ. യിൽ പ്രകാശനം ചെയ്തത്. കഴിഞ്ഞ ജൂലായിൽ അബുദാബി മുസ്സഫ യിലെ താമസ സ്ഥലത്ത് ഡോ. ധന ലക്ഷ്മിയെ മരിച്ച നിലയിൽ കണ്ടെത്തിയിരുന്നു.
‘എല്ലാ വാക്കുകളും എന്റെ കൂടെ പൊടി പിടിച്ച് മണ്ണിൽ തിരിഞ്ഞു പോവട്ടെ’ ജീവിതം പാതി വഴിയിൽ അവസാനിപ്പിക്കുന്നതിന് മുൻപ് ഡോക്ടർ കുറിച്ചു വച്ചു. എന്നെങ്കിലും പ്രകാശിപ്പിക്കാം എന്ന ആഗ്രഹത്തോടെ ഹരിതം ബുക്സിന്റെ പ്രതാപൻ തായാട്ടിന് ആ കവിത കൾ അയച്ചു കൊടുത്തു.
ഡോ. ധന ലക്ഷ്മി സേവനമനുഷ്ഠിച്ചിരുന്ന എൽ. എൽ. എച്ച്. ഗ്രൂപ്പിന്റെ മുസ്സഫ ലൈഫ് കെയർ ഹോസ്പിറ്റൽ ഉൾപ്പെടുന്ന ബുർജീൽ ഹോൾഡിംഗ്സ് സ്ഥാപകനും ചെയർമാനുമായ ഡോ. ഷംഷീർ വയലിലിന് ‘ഇനി എത്ര നാൾ’ എന്ന പുസ്തകം കൈമാറി.
ഷാർജ അന്താരാഷ്ട്ര പുസ്തക മേളയിലും അബുദാബി മലയാളി സമാജത്തിലും പുസ്തകം അവതരിപ്പിച്ചു. സമാജം പ്രസിഡണ്ട് സലിം ചിറക്കൽ, കുടുംബാഗം ജയകൃഷ്ണൻ, മൻസൂർ പള്ളൂർ, അഡ്വ. ഹാഷിക്, അബ്ദുൾ ജലീൽ തുടങ്ങിയവർ സംബന്ധിച്ചു. ഡോ. ധന ലക്ഷ്മിയുടെ ഇംഗ്ലീഷ് നോവൽ ‘അൺഫിറ്റഡ്’ ഉടനെ പ്രസിദ്ധീകരിക്കും എന്നും കുടുംബാംഗങ്ങൾ അറിയിച്ചു.
കണ്ണൂർ തളാപ്പ് സ്വദേശിയായിരുന്ന ഡോ. ധനലക്ഷ്മി മലയാളം കഥകളും കവിതകളും അടങ്ങുന്ന നാല് പുസ്തകങ്ങളു ടെയും ഒരു ഇംഗ്ലീഷ് കവിതാ സമാഹാര ത്തിന്റെയും രചയിതാവാണ്.
- pma
വായിക്കുക: remembering, vps-burjeel, പ്രവാസി, ബഹുമതി, സാഹിത്യം, സ്ത്രീ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
