 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യയുടെ സ്വാതന്ത്ര്യ ദിന ആഘോഷ ങ്ങളുടെ ഭാഗമായി അബുദാബി ഇന്ത്യൻ ഇസ്ലാമിക് സെന്റർ കൾച്ചറൽ വിംഗ് സംഘടിപ്പിക്കുന്ന ഓപ്പൺ ചിത്ര രചന മത്സരം (Open Drawing Competition) 2026 ആഗസ്റ്റ് 14 വെള്ളിയാഴ്ച സെന്റർ അങ്കണത്തിൽ നടക്കും.
വൈകുന്നേരം 6 മണി മുതലാണ് മത്സരങ്ങൾ ആരംഭിക്കുക. രജിസ്ട്രേഷനും മറ്റു വിശദ വിവരങ്ങൾക്കും 055 424 3561, 055 955 7395 എന്നീ നമ്പറുകളിൽ വാട്സാപ്പ് വഴിയും സെന്റർ ഓഫീസുമായും (02 642 4488) ബന്ധപ്പെടുക.
വിജയികൾക്ക് ട്രോഫിയും സർട്ടിഫിക്കറ്റും മറ്റ് ആകർഷക സമ്മാനങ്ങളും നൽകും.
- pma
വായിക്കുക: competition, islamic-center-, ചിത്രകല, പൂര്വ വിദ്യാര്ത്ഥി, പ്രവാസി, സംഘടന
അബുദാബി : കുട്ടികൾക്കായി കേരള സോഷ്യൽ സെന്റർ സംഘടിപ്പിക്കുന്ന വേനൽ അവധി ക്യാമ്പ് ‘വേനൽ തുമ്പികൾ’ വർണ്ണാഭമായ പരിപാടികളോടെ തുടക്കമായി.
കെ. എസ്. സി. അങ്കണത്തിൽ ചെണ്ട മേളത്തിന്റെയും ഘോഷ യാത്രയുടെയും അകമ്പടിയോടെയും നടന്ന സമ്മർ ക്യാമ്പിന്റെ ഉദ്ഘാടന ചടങ്ങിൽ കെ. എസ്. സി. പ്രസിഡണ്ട് ടി. കെ. മനോജ് അദ്ധ്യക്ഷത വഹിച്ചു. പൂജ അജിത് (എൽ. എൽ. എച്ച്. ആശുപത്രി ഡയറക്ടർ ഓഫ് ഓപ്പറേഷൻസ്) ഉദ്ഘാടനം ചെയ്തു.
ക്യാമ്പ് ഡയറക്ടർ ഷെറിൻ വിജയൻ, ശക്തി പ്രസിഡണ്ട് വി. പി. കൃഷ്ണ കുമാർ, കമ്മിറ്റി ഭാരവാഹികൾ, ഇതര സംഘടനാ സാരഥികൾ, പ്രമുഖ വ്യക്തിത്വങ്ങളും വനിതാ വിഭാഗം-ബാലവേദി അംഗങ്ങളും വിദ്യാർത്ഥികളും രക്ഷിതാക്കളും പങ്കെടുത്തു.
കേരളത്തിൽ നിന്ന് എത്തിയ പരിശീലകരായ അശ്വിൻ ആർ. എം , ശരത് കെ. എന്നിവരാണ് വേനൽ തുമ്പി കൾക്ക് നേതൃത്വം നൽകുന്നത്.
ഭാഷ, സംസ്കാരം, കല, സാമൂഹിക മൂല്യങ്ങൾ എന്നിവയുമായി കൂടുതൽ അടുപ്പിച്ച് കുട്ടികളുടെ ആത്മ വിശ്വാസവും അവരിലെ നേതൃത്വ പാടവവും സർഗാത്മകതയും വളർത്തിയെടുക്കാൻ കഴിയും വിധമാണ് വേനൽ തുമ്പികൾ രൂപ കൽപ്പന ചെയ്തിട്ടുള്ളത്.
2026 ആഗസ്റ്റ് 9 വരെ ശനി, ഞായർ ഒഴികെ എല്ലാ ദിവസവും വൈകുന്നേരം 6 മണി മുതൽ 9 മണി വരെയാണ് സമ്മർ ക്യാമ്പ് നടക്കുക. F B Page
- pma
വായിക്കുക: summer, കുട്ടികള്, കേരള സോഷ്യല് സെന്റര്, പൂര്വ വിദ്യാര്ത്ഥി, പ്രവാസി, സംഘടന
അബുദാബി : മലയാളി സമാജം കുട്ടികൾക്കായി സംഘടിപ്പിക്കുന്ന വേനൽ പ്പറവകൾ സമ്മർ ക്യാമ്പിന് തുടക്കമായി. മുസ്സഫയിലെ സമാജം അങ്കണത്തിൽ നടന്ന ചടങ്ങിൽ പ്രസിഡണ്ട് എ. എം. അൻസാർ ഉദ്ഘാടനം നിർവ്വഹിച്ചു.
ജനറൽ സെക്രട്ടറി റഫീഖ് പി. ടി., വൈസ് പ്രസിഡണ്ട് നസീർ പെരുമ്പാവൂർ, കോഡിനേഷൻ ചെയർമാൻ ബി. യേശു ശീലൻ, ജനറൽ കൺവീനർ സുരേഷ് പയ്യന്നൂർ, വനിതാ വിഭാഗം കൺവീനർ കവിത എന്നിവർ സംസാരിച്ചു.
മോട്ടിവേഷൻ സ്പീക്കറും സൈക്കോളജിസ്റ്റുമായ അസ്നത്ത് മൻസൂർ ക്യാംപിനു നേതൃത്വം നൽകും.
കുട്ടികൾക്ക് വിനോദവും വിജ്ഞാനവും പകർന്നു നൽകുകയും അതോടൊപ്പം അവരുടെ സർഗ്ഗ ശേഷി പരി പോഷിപ്പിക്കുവാനും ഉതകുന്ന പരിപാടികളാണ് വേനൽ പ്പറവകളിൽ ഒരുക്കിയിട്ടുള്ളത് എന്ന് ക്യാമ്പ് ഡയറക്ടർ അസ്നത്ത് മൻസൂർ അറിയിച്ചു. ഓരോ ദിവസവും വിശിഷ്ട വ്യക്തികളുടെ ട്രെയിനിങ് ക്ലാസ്സുകളും ഉണ്ടാവും.
കുട്ടികളുടെ സുരക്ഷ, ആരോഗ്യ സംരക്ഷണം തുടങ്ങിയ വിഷയങ്ങളിൽ ബോധ വൽക്കരണ ക്ലാസ്സുകളും ഉൾപ്പെടുത്തും. ആഗസ്റ്റ് രണ്ടിന് ക്യാമ്പ് സമാപനമാകും.
- pma
വായിക്കുക: summer, കുട്ടികള്, പൂര്വ വിദ്യാര്ത്ഥി, മലയാളി സമാജം, വിദ്യാഭ്യാസം, സംഘടന, സാമൂഹ്യ-സേവനം
അബുദാബി : ഇന്ത്യൻ ഇസ്ലാമിക് സെന്റർ വിദ്യാഭ്യാസ വിഭാഗം സംഘടിപ്പിക്കുന്ന ‘ഇൻസൈറ്റ്-2026’ സമ്മർ ക്യാമ്പ്, ജൂലായ് 9 വ്യാഴാഴ്ച മുതൽ 19 ഞായർ വരെ സെന്റർ അങ്കണത്തിൽ വെച്ച് നടക്കും.
പ്രസ്തുത ദിവസങ്ങളിൽ വൈകുന്നേരം 5 മണി മുതൽ രാത്രി 9 മണി വരെ ഒരുക്കുന്ന ‘ഇൻസൈറ്റ്-2026’ സമ്മർ ക്യാമ്പിനു പരിചയ സമ്പന്നരായ പരിശീലകരും ആദ്ധ്യാപകരും നേതൃത്വം നൽകും. കുട്ടികളുടെ സർഗാത്മകത, ചിന്താശേഷി, നേതൃത്വ ഗുണം, ആശയ വിനി മയ വൈദഗ്ധ്യം, സാങ്കേതിക വിജ്ഞാനം തുടങ്ങിയവ പരിപോഷിപ്പിക്കുവാനും ഭാവിയിൽ ഉപയോഗപ്പെടുത്തുവാനും ഉതകും വിധം കുട്ടികളെ തയ്യാറാക്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിക്കുന്നത്.
4 വയസ്സ് മുതൽ 8 വയസ്സ് വരെയുള്ള കുട്ടികൾക്കായി ബ്രെയിൻ ജിം, ശാസ്ത്ര പരിചയം, കലാ-കര കൗശല പരിശീലനം, ആശയ വിനിമയ നൈപുണ്യ വികസനം എന്നിവയും 9 – 12 പ്രായത്തിലുള്ളവർക്ക് സ്റ്റം (STEM) അധിഷ്ഠിത പ്രോജക്ട് ബേസ്ഡ്, പരിശീലനം, നേതൃത്വ പരിശീലനം, കോഡിംഗും റോബോട്ടിക്സും പൊതു പ്രസംഗ പരിശീലനം എന്നിവയും ഒരുക്കിയിട്ടുണ്ട്.
13 വയസ്സ് മുതൽ മുകളിൽ ഉള്ള വിദ്യാർത്ഥികൾക്കായി നേതൃത്വ അക്കാദമി-സംരംഭകത്വ വികസന പരിപാടി, പ്രോജക്ട് അധിഷ്ഠിത പഠനം, റോബോട്ടിക്സ്, കരിയർ വിലയിരുത്തലും മാർഗ്ഗ നിർദ്ദേശങ്ങളും ഉൾപ്പെടുന്ന പ്രത്യേക പരിശീലന പരിപാടികളും നടക്കും.
ക്യാമ്പിൽ ഭാഗമാകുവാൻ താൽപര്യമുള്ളവർ ഓൺ ലൈനിലൂടെ രജിസ്റ്റർ ചെയ്യണം എന്ന് സെന്റർ ഭാരവാഹികൾ അറിയിച്ചു.
- pma
വായിക്കുക: islamic-center-, summer, കുട്ടികള്, പൂര്വ വിദ്യാര്ത്ഥി, പ്രവാസി, വിദ്യാഭ്യാസം, സംഘടന
അബുദാബി : ഇന്ത്യൻ ഇസ്ലാമിക് സെന്റർ (IIC) സംഘടി പ്പിക്കുന്ന ‘പ്രൗഡ് ഓഫ് യു. എ. ഇ. സെലിബ്രേഷൻ’ എന്ന പ്രത്യേക പരിപാടി 2026 ജൂൺ 13 ശനിയാഴ്ച വൈകു ന്നേരം 7 മണിക്ക് സെന്റർ ഹാളിൽ നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.
യു. എ. ഇ. സഹിഷ്ണുത സഹവർത്തിത്വ വകുപ്പ് മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ, യു. എ. ഇ. പ്രസിഡണ്ടിന്റെ മത കാര്യ ഉപദേഷ്ടാവ് ശൈഖ് അലി അൽ ഹാഷിമി, കമ്മ്യൂണിറ്റി ഡെവലപ് മെന്റ് വകുപ്പ് ചെയർമാൻ ഷാമിസ് അലി ഖൽഫാൻ അൽ ദാഹിരി, യു. എ. ഇ. യിലെ ഇന്ത്യൻ അംബാസഡർ ഡോ. ദീപക് മിത്തൽ, എമിറേറ്റ്സ് സെന്റർ ഫോർ സ്ട്രാറ്റ ജിക് സ്റ്റഡീസ് ആൻഡ് റിസർച്ച് (ECSSR) വൈസ് ചെയർമാൻ പ്രൊഫ. ജമാൽ സനദ് അൽ സുവൈദി, ലുലു ഗ്രൂപ്പ് ചെയർമാൻ യൂസഫലി എം. എ. ലുലു ഫിനാൻഷ്യൽ ഹോൾഡിംഗ് മാനേജിംഗ് ഡയറക്ടർ അദീബ് അഹമ്മദ്, പി. ബാവ ഹാജി കൂടാതെ നിരവധി സർക്കാർ പ്രതിനിധികളും സാമൂഹിക സാംസ്കാരിക നേതാക്കളും പങ്കെടുക്കും.
യുണൈറ്റഡ് അറബ് എമിറേറ്റ്സിന്റെ വികസന നേട്ടങ്ങളെ ആദരിക്കുകയും, രാജ്യത്തിന്റെ പുരോഗതിയെ ശക്തി പ്പെടുത്തുന്ന ഐക്യം, സഹിഷ്ണുത, സഹ വാസം, നവീകരണം എന്നീ അടിസ്ഥാന മൂല്യങ്ങളെ ആഘോഷിക്കുകയും ചെയ്യുകയാണ് “പ്രൗഡ് ഓഫ് യു. എ. ഇ. സെലിബ്രേഷൻ” പ്രോഗ്രാമിന്റെ ലക്ഷ്യം.
പ്രതിസന്ധി ഘട്ടങ്ങളിൽ സ്വന്തം രാജ്യത്തെ ജനങ്ങൾക്കൊപ്പം വിദേശികളെയും ചേർത്ത് പിടിച്ച, ഓരോ പൗരനും ഇമാറാത്തി തന്നെ എന്ന് ഊന്നി പ്പറഞ്ഞ മഹത്തായ ഈ രാജ്യത്തിന്റെ ഭരണ നേതൃത്വത്തിനുള്ള ഇന്ത്യൻ പ്രവാസ സമൂഹത്തിന്റെ സ്നേഹവും നന്ദിയും കടപ്പാടും അറിയിക്കുക കൂടിയാണ് ഇതിലൂടെ എന്നും ഭാരവാഹികൾ അറിയിച്ചു.
യു. എ. ഇ. യുടെ ഐക്യവും പുരോഗതിയും ആഘോഷിക്കുന്നതിനൊപ്പം ഇരു രാജ്യങ്ങളും തമ്മിലുള്ള ദീർഘ കാല സൗഹൃദം കൂടുതൽ ശക്തി പ്പെടുത്തുന്ന ഒരു മനോഹരമായ സാംസ്കാരിക വേദിയായി മാറും. ഇന്ത്യയും അറബ് ലോകവും തമ്മിലുള്ള സൗഹൃദത്തെ പ്രതിഫലിപ്പിക്കുന്ന സാംസ്കാരിക–സംഗീത നിശയും അരങ്ങേറും.
അബിദ് കണ്ണൂർ, ആദിൽ അത്തു തുടങ്ങിയ കലാകാരന്മാർ ഈ സായാഹ്നത്തിൽ ഗാന വിരുന്നൊരുക്കും.
സെന്റർ ഭാരവാഹികളായ അബ്ദുൽ റൗഫ് അഹ്സനി, വി. പി. കെ. അബ്ദുള്ള, യു. അബ്ദുള്ള ഫാറൂഖി, അഡ്വ. കെ. വി. മുഹമ്മദ് കുഞ്ഞി, അസീസ് കാളിയാടാൻ, അബ്ദുള്ള നദ്വി, അബ്ദുൽ ബാസിത് കായക്കണ്ടി, സലിം നാട്ടിക, ഹൈദർ ബിൻ മൊയ്ദു, അഷ്റഫ് നജാത്ത് എന്നിവർ വാർത്താ സമ്മേളനത്തിൽ സംബന്ധിച്ചു.
മുസഫ, ബനിയാസ് തുടങ്ങിയ സ്ഥലങ്ങളിൽ നിന്നും വാഹന സൗകര്യം ലഭ്യമാണ്. വിവരങ്ങൾക്ക് സെന്റർ ഓഫീസുമായി ബന്ധപ്പെടുക : 02-642 44 88.
- pma
വായിക്കുക: expat, islamic-center-, nri, social-media, ആഘോഷം, ഇന്ത്യന് കോണ്സുലേറ്റ്, ബഹുമതി, മതം, മാധ്യമങ്ങള്, യു.എ.ഇ., യൂസഫലി, സംഗീതം, സംഘടന, സാംസ്കാരികം, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
