ഐ. എസ്. സി. ‘യൂത്ത് ഫെസ്റ്റ്’ മൂന്നു ദിവസങ്ങളിൽ അരങ്ങേറും

January 28th, 2026

isc-open-youth-festival-2026-ePathram

അബുദാബി : ഇന്ത്യ സോഷ്യൽ സെൻറർ (ISC) സംഘടിപ്പിക്കുന്ന ‘യൂത്ത് ഫെസ്റ്റ് 2025–26’ ജനുവരി 30, 31, ഫെബ്രുവരി 1 (വെള്ളി, ശനി, ഞായർ) ദിവസങ്ങളിൽ ഐ. എസ്. സി. യിലെ വിവിധ വേദികളിലായി നടക്കും.

പങ്കാളിത്തം കൊണ്ടും വൈവിധ്യം കൊണ്ടും അബുദാബിയിലെ തന്നെ ഏറ്റവും വലിയ കലാ മേളയായി ഐ. എസ്. സി. യൂത്ത് ഫെസ്റ്റ് മാറി. കല, സംസ്‌കാരം, സർഗ്ഗാത്മകത, ആത്മ വിശ്വാസം എന്നിവയുടെ ആഘോഷം ആയിട്ടാണ് ഈ കലോത്സവത്തെ ഐ. എസ്. സി കാണുന്നത്. പ്രവാസികൾക്ക് തങ്ങളുടെ കഴിവുകൾ പ്രകടിപ്പിക്കാനും ഒപ്പം അച്ചടക്കം, ടീം വർക്ക്, കഠിനാധ്വാനം തുടങ്ങിയ ഗുണങ്ങൾ വളർത്താനും ഈ വേദി സഹായിക്കുന്നു എന്നും സംഘാടകർ അവകാശപ്പെട്ടു.

ക്ലാസിക്കൽ, ഫോക്ക്, കണ്ടംപററി തുടങ്ങിയ വിഭാഗങ്ങളിലായി എൺപതോളം മത്സരങ്ങളിലായി നാനൂറോളം പ്രതിഭകൾ മാറ്റുരക്കും. എണ്ണൂറിലധികം സ്റ്റേജ് പ്രകടനങ്ങളാണ് ഈ മൂന്ന് ദിവസങ്ങളിലായി അരങ്ങേറുന്നത്.

Image Credit :  FACEBOOK 

- pma

വായിക്കുക: , , , , , , , , ,

Comments Off on ഐ. എസ്. സി. ‘യൂത്ത് ഫെസ്റ്റ്’ മൂന്നു ദിവസങ്ങളിൽ അരങ്ങേറും

സമദാനിയുടെ റമദാൻ പ്രഭാഷണം ഫെബ്രുവരി 21 ന്

January 22nd, 2026

samadani-iuml-leader-ePathram

ദുബായ് : ‘കുടുംബം: മാനവികതയുടെ ആധാര ശില’ എന്ന വിഷയത്തിൽ പ്രമുഖ വാഗ്മി അബ്ദുസ്സമദ് സമദാനി പ്രഭാഷണം നടത്തുന്നു.

2026 ഫെബ്രുവരി 21 ശനിയാഴ്ച രാത്രി 9 മണിക്ക് ദേര അൽ ബറാഹയിലെ വിമൻസ് അസോസിയേഷൻ ഹാളിൽ റിസോഴ്സ് ആൻഡ് ഇന്റലക്റ്റ് ലേണിങ് ഇനിഷ്യേറ്റീവ് (RAIN) സംഘടിപ്പിക്കുന്ന റമദാൻ പ്രഭാഷണ പരിപാടിയിൽ പ്രമുഖ വ്യക്തിത്വങ്ങൾ സംബന്ധിക്കും.

വിവരങ്ങൾക്ക് : 052 546 2662, 050 394 5656, 055 532 2566.

- pma

വായിക്കുക: , , ,

Comments Off on സമദാനിയുടെ റമദാൻ പ്രഭാഷണം ഫെബ്രുവരി 21 ന്

ഇമ – വി. പി. എസ്. ഭവന പദ്ധതി : ആദ്യ വീടിന് തറക്കല്ലിട്ടു

January 20th, 2026

ima-vps-housing-project-to-help-expatriates-foundation-stone-laid-for-first-house-ePathram
അബുദാബി : സ്വന്തമായി ഒരു വീട് എന്ന സ്വപ്നം യാഥാർത്ഥ്യമാക്കാൻ കഴിയാത്ത പ്രവാസികളെ സഹായിക്കാൻ അബുദാബിയിലെ മാധ്യമ പ്രവർത്ത കരുടെ കൂട്ടായ്മ ഇന്ത്യൻ മീഡിയ അബുദാബി (ഇമ) യും പ്രമുഖ ആരോഗ്യ സേവന ദാതാക്കളായ വി. പി. എസ്. ഹെൽത്തും സംയുക്തമായി നടപ്പിലാക്കുന്ന ഭവന പദ്ധതിയിലെ ആദ്യ വീടിന്റെ തറക്കല്ലിടൽ ചടങ്ങ് പെരുമാതുറയിൽ നടന്നു.

തിരുവനന്തപുരം ജില്ലയിലെ പെരുമാതുറ മാടൻവിള സ്വദേശി മെഹ്ബൂബ് ശംസുദ്ധീൻ എന്ന പ്രവാസിയാണ് പദ്ധതിയുടെ ആദ്യ ഗുണ ഭോക്താവ്.

മാടൻവിള ജുമാ മസ്ജിദ് ഇമാം ജവാദ് ബാഖവി അൽ-ഹാദി വീടിന് തറക്കല്ലിട്ടു. ഇന്ത്യൻ മീഡിയ പ്രസിഡണ്ട് സമീർ കല്ലറ, സെക്രട്ടറി റാഷിദ് പൂമാടം എന്നിവർ പദ്ധതിയെ ക്കുറിച്ച് വിശദീകരിച്ചു.

മാധ്യമ പ്രവർത്തകരും വി. പി. എസ്. ഹെൽത്തും ചേർന്ന് നടത്തുന്ന കാരുണ്യ പ്രവർത്തനം ഏറെ മാതൃകാപരം ആണെന്ന് ചടങ്ങിൽ സംസാരിച്ചവർ അഭിപ്രായപ്പെട്ടു.

ജില്ലാ പഞ്ചായത്ത് അംഗം മിനി ജയചന്ദ്രൻ, അഴൂർ പഞ്ചായത്ത് അദ്ധ്യക്ഷ കീർത്തി കൃഷ്ണ, പഞ്ചായത്ത് അംഗങ്ങളായ നെസിയ സുധീർ, സജീവ് ചന്ദ്രൻ, മഞ്ജു അജയൻ, പെരുമാതുറ സ്നേഹ തീരം സെക്രട്ടറി സക്കീർ ഹുസൈൻ, പെരുമാതുറ വലിയ പള്ളി കമ്മിറ്റി പ്രസിഡണ്ട് നസീർ, സെക്രട്ടറി സുനിൽ, നാസർ വിള ഭാഗം എന്നിവർ സംസാരിച്ചു.

വീടിന്റെ നിർമ്മാണം അടുത്ത 3 മാസത്തിനുള്ളിൽ പൂർത്തിയാക്കി കൈ മാറാനാണ് ഇന്ത്യൻ മീഡിയ ലക്ഷ്യമിടുന്നത്. അർഹരായ കൂടുതൽ ആളുകളി ലേക്ക് വരും വർഷങ്ങളിൽ പദ്ധതി വ്യാപിപ്പിക്കും.

- pma

വായിക്കുക: , , , , ,

Comments Off on ഇമ – വി. പി. എസ്. ഭവന പദ്ധതി : ആദ്യ വീടിന് തറക്കല്ലിട്ടു

ഐ. സി. എ. ഐ. യുടെ ‘തരംഗ്-26’ ശ്രദ്ധേയമായി

January 20th, 2026

i-c-a-i-abu-dhabi-chapter-tarang-2026-ePathram
അബുദാബി : ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്റ്‌സ് ഓഫ് ഇന്ത്യ (ഐ. സി. എ. ഐ.) അബുദാബി ചാപ്റ്റർ 37-ാമത് വാര്‍ഷിക സെമിനാറും രണ്ടാമത് ജി. സി. സി. വാര്‍ഷിക സി. എ. കോണ്‍ഫറന്‍സും സംഘടിപ്പിച്ചു.

‘തരംഗ് 26 : വേവ്‌സ് ഓഫ് ട്രാന്‍സ്‌ഫോര്‍മേഷന്‍, ബ്രിഡ്ജിങ് നേഷന്‍സ്’ എന്ന പ്രമേയത്തിൽ അബുദാബി ഹോട്ടല്‍ കോണ്‍റാഡില്‍ നടന്ന സെമിനാറിലും കോണ്‍ഫറന്‍സിലും ലോകത്തിന്റെ വിവിധ ഭാഗങ്ങളില്‍ നിന്നുള്ള പ്രമുഖർ സംവദിച്ചു.

വ്യവസായ മന്ത്രാലയം ആക്ടിംഗ് അണ്ടർ സെക്രട്ടറി ഇബ്തിസാം അൽ സാദി, നീതിന്യായ മന്ത്രാലയം ഉദ്യോഗസ്ഥൻ ഡോക്ടർ അബ്ദുല്ല സുലൈമാൻ അൽ ഹമ്മാദി, ക്രിപ്റ്റോ പ്രസിഡണ്ട് മുഹമ്മദ് അൽ ഹാകിം, രാജ്യസഭാ മെമ്പർ രാഘവ് ചദ്ദ, മുൻ ക്രിക്കറ്റർ ഇർഫാൻ പത്താൻ, ഹാഷിം ഖുദ്സി, മിച്ച് ഹച് ക്രാഫ്റ്റ് തുടങ്ങിയ പ്രമുഖർ പ്രോഗ്രാമിന്റെ ഭാഗമായി.

ഡിജിറ്റല്‍ നവീകരണം, സുസ്ഥിരത, മാറുന്ന ബിസിനസ് മാതൃകകള്‍ എന്നിവ യിലൂടെ ആഗോള സാമ്പത്തിക രംഗത്തുണ്ടാകുന്ന മാറ്റങ്ങള്‍, രാജ്യങ്ങള്‍ തമ്മിലുള്ള സഹകരണം ശക്തമാക്കുന്നതില്‍ സാമ്പത്തിക വിദഗ്ധരുടെ പങ്ക് എന്നിവ സംബന്ധിച്ചുള്ള ചര്‍ച്ചകൾ നടന്നു.

സ്റ്റോക്ക് മാര്‍ക്കറ്റ് ട്രെന്‍ഡുകള്‍, സ്റ്റാര്‍ട്ടപ്പ് തന്ത്രങ്ങള്‍, ബേങ്കിങ് സൊല്യൂഷനുകള്‍ തുടങ്ങിയ വിഷയങ്ങളില്‍ പാനല്‍ ചര്‍ച്ചകളും മോട്ടിവേഷണല്‍ പ്രസംഗങ്ങളും നടന്നു. സമാപന ചടങ്ങില്‍ ബിസിനസ് എക്‌സലന്‍സ്, ഫിനാന്‍സ് എക്‌സലന്‍സ്, യൂത്ത് ലീഡര്‍ഷിപ്പ് അവാര്‍ഡുകള്‍ വിതരണം ചെയ്തു.

തുടര്‍ന്ന് പ്രശസ്ത ബോളിവുഡ് ഗായകന്‍ പാപ്പോന്‍ നേതൃത്വം നൽകിയ സംഗീത നിശയും അരങ്ങേറി. Image Credit : FB PAGE

- pma

വായിക്കുക: , , , , , , , , , ,

Comments Off on ഐ. സി. എ. ഐ. യുടെ ‘തരംഗ്-26’ ശ്രദ്ധേയമായി

യുണൈറ്റഡ് സി. പി. ടി. ഫൗണ്ടേഷൻ യു. എ. ഇ. കമ്മിറ്റി രൂപീകരിച്ചു

November 25th, 2025

logo-united-child-protection-team-cpt-foundation-uae-ePathram
ഷാർജ : നമുക്കൊന്നിക്കാം: സുരക്ഷിത ബാല്യങ്ങൾക്ക് എന്ന മുദ്രാവാക്യം ഉയർത്തി ഇന്ത്യയിലും ജി. സി. സി. രാജ്യങ്ങളിലും പ്രവർത്തിച്ചു വരുന്ന ബാലാവകാശ എൻ. ജി. ഒ. യുടെ യു. എ. ഇ. ചാപ്റ്റർ യുണൈറ്റഡ് സി. പി. ടി. ഫൗണ്ടേഷൻ രൂപീകരിച്ചു.

ഷാർജയിൽ നടന്ന രൂപീകരണ യോഗത്തിൽ യുണൈറ്റഡ് സി. പി. ടി. ഫൗണ്ടേഷൻ ഗ്ലോബൽ ചെയർമാൻ മഹമൂദ് പറക്കാട്ട് അദ്ധ്യക്ഷത വഹിച്ചു. ഗ്ലോബൽ കോഡിനേറ്റിങ് ഡയറക്ടർ ആർ. ശാന്തകുമാർ കർമ്മ പദ്ധതികൾ അവതരിപ്പിച്ചു.

ചൈൽഡ് വെൽഫെയർ കമ്മിറ്റി മുൻ ചെയർമാൻ അഡ്വ. മുഹമ്മദ്‌ സാജിദ് ബാല നീതി നിയമത്തെ (ജുവനൈൽ ജസ്റ്റിസ് ആക്ട്) കുറിച്ച് പ്രഭാഷണം നടത്തി.

united-child-protection-team-cpt-foundation-launches-uae-chapter-committee-ePathram

ഭാരവാഹികളായി ഗഫൂർ പാലക്കാട് (ചെയർമാൻ), അനസ് കൊല്ലം (വൈസ് ചെയർമാൻ), ⁠സുജിത് ചന്ദ്രൻ (കൺവീനർ), നദീർ ഇബ്രാഹിം (ജോ: കൺവീനർ), മനോജ്‌ കാർത്ത്യാരത്ത് (ട്രഷറർ), അൽ നിഷാജ് ഷാഹുൽ, ഷിജി അന്ന ജോസഫ്, അബ്ദുൾ സമദ് മാട്ടൂൽ (കോഡിനേറ്റർമാർ) എന്നിവരെ തെരഞ്ഞെടുത്തു.

വിവിധ എമിറേറ്റ് പ്രതിനിധികളായി സൂഫി അനസ് (ദുബായ്), ⁠സൂര്യ സുരേന്ദ്ര (ഷാർജ), ജംഷീർ എടപ്പാൾ (അബുദാബി), നസീർ ഇബ്രാഹിം (അജ്‌മാൻ) എന്നിവ രെയും പ്രവർത്തക സമിതി അംഗങ്ങളായി അഷ്ഹർ എളേറ്റിൽ, മുഹമ്മദ്‌ ഷഹദ്,⁠ മെഹബൂബ് കുഞ്ഞാണ, നിഷാദ് ഷാർജ, നാസർ വരിക്കോളി, ഷബ്‌ന, ജിയ ഡാനി എന്നിവരെയും തെരഞ്ഞെടുത്തു.

ഷഫീൽ കണ്ണൂർ, മുസമ്മിൽ മാട്ടൂൽ, അഡ്വ. മുഹമ്മദ്‌ സാജിദ്, ഹാരിസ് കോസ്മോസ്, ബിജു തിക്കോടി എന്നിവരാണ് രക്ഷാധികാരികൾ.

യുണൈറ്റഡ് ചൈൽഡ് പ്രൊട്ടക്ഷൻ ടീം ഫൗണ്ടേഷൻ  ഔദ്യോഗിക വെബ് സൈറ്റ് ഉദ്ഘാടനവും കുട്ടികൾക്ക് വേണ്ടിയുള്ള പ്രത്യേക പരിപാടികളും ഡിസംബറിൽ സംഘടിപ്പിക്കും എന്നും ഭാരവാഹികൾ അറിയിച്ചു.

ഗ്ലോബൽ എക്സിക്യൂട്ടീവ് നാസർ ഒളകര സ്വാഗതവും മനോജ്‌ നന്ദിയും പറഞ്ഞു. CPT 

- pma

വായിക്കുക: , , , , , , , , , , , ,

Comments Off on യുണൈറ്റഡ് സി. പി. ടി. ഫൗണ്ടേഷൻ യു. എ. ഇ. കമ്മിറ്റി രൂപീകരിച്ചു

Page 5 of 143« First...34567...102030...Last »

« Previous Page — « Previous « മെട്രോ കപ്പ് സീസൺ-2 ട്രോഫി ലോഞ്ചിംഗ്
Next » — Next Page » സിറ്റി ചെക്ക്-ഇൻ സേവനം മുറൂർ റോഡിലെ ഇത്തിഹാദ് ഓഫീസിൽ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha