ജ്വാല ‘ഉത്സവ് 2025’ അരങ്ങേറി

May 20th, 2025

sharjah-jwala-kalaa-saamskaarika-vedhi-v-k-suresh-babu-inaugurate-ulsav-2025-ePathram

ഷാർജ : സാംസ്കാരിക കൂട്ടായ്മ ‘ജ്വാല’ കലാ സാംസ്കാരിക വേദി 12-ാം വാർഷിക ആഘോഷങ്ങൾ ‘ഉത്സവ് 2025’ ഷാർജ ഇന്ത്യൻ അസോസിയേഷൻ ഹാളിൽ വെച്ച് നടന്നു. പ്രമുഖ വാഗ്മിയും എഴുത്തുകാരനുമായ വി. കെ. സുരേഷ് ബാബു ഉദ്‌ഘാടനം ചെയ്തു.

ഷാർജ ഇന്ത്യൻ അസോസിയേഷൻ ജനറൽ സെക്രട്ടറി പി. ശ്രീപ്രകാശ്, ഇന്ത്യൻ സോഷ്യൽ സെൻറർ അജ്‌മാൻ സെക്രട്ടറി ചന്ദ്രൻ ബേപ്പ്, ജ്വാല ചെയർമാൻ കെ. ടി. നായർ, ഓഡിറ്റർ സുധീഷ് കുണ്ടം പാറ, വനിതാ ജ്വാല പ്രസിഡണ്ട് ലതാ കുഞ്ഞി രാമൻ, മനോജ് ഇടപ്പണി, ബാല ജ്വാല പ്രസിഡണ്ട് വിനായക് സുന്ദരേശൻ, മാധവൻ അണിഞ്ഞ, ഗംഗാധരൻ രാവണേശ്വരം തുടങ്ങിയവർ സംസാരിച്ചു.

രാജ ശേഖരൻ വെടിത്തറക്കൽ അദ്ധ്യക്ഷത വഹിച്ചു. അനൂപ് മേലത്ത് സ്വാഗതവും സുനിൽ കമ്പിക്കാനം നന്ദിയും പറഞ്ഞു.

പ്രശസ്ത ഗസൽ ഗായകൻ അലോഷിയുടെ ഗസൽ, വനിതാ ജ്വാലയുടെ ചെമ്പടമേളം അരങ്ങേറ്റം, നാടകം, കഥകളി, നൃത്ത-സംഗീത ആവിഷ്കാരം തുടങ്ങിയ വൈവിധ്യങ്ങളായ പരിപാടികൾ അരങ്ങേറി.

- pma

വായിക്കുക: , , , , , ,

Comments Off on ജ്വാല ‘ഉത്സവ് 2025’ അരങ്ങേറി

കുട്ടികളുടെ ഡ്രോയിങ് – പെയിന്റിംഗ് മത്സരം

May 19th, 2025

malabar-pravasi-uae-drawing-painting-competition-ePathram
ദുബായ് : അന്തരിച്ച പ്രശസ്ത നടൻ മാമുക്കോയയുടെ സ്മരണാർത്ഥം സാംസ്കാരിക കൂട്ടായ്മ മലബാർ പ്രവാസി യു. എ. ഇ. ഒരുക്കുന്ന ‘നമ്മുടെ സ്വന്തം മാമുക്കോയ’ മെഗാ ഷോ യോട് അനുബന്ധിച്ച് കുട്ടികൾക്കായി ഡ്രോയിങ് – പെയിന്റിംഗ് മത്സരം സംഘടിപ്പിക്കുന്നു.

2025 മെയ് 31 നു ദുബായ് സെഞ്ചുറി മാളിന് സമീപം ഫ്ലോക്ക് ലോർ സൊസൈറ്റി ഹാളിൽ നടക്കുന്ന പരിപാടിയിൽ ഭാഗമാവാൻ ആഗ്രഹിക്കുന്നവർ 050 179 9656, 050 281 0040, 052 743 4090 എന്നീ നമ്പറുകളിൽ ബന്ധപ്പെടുക.

- pma

വായിക്കുക: , , , , , , ,

Comments Off on കുട്ടികളുടെ ഡ്രോയിങ് – പെയിന്റിംഗ് മത്സരം

മലയാളി സമാജം യൂത്ത് ഫെസ്റ്റിവല്‍ മെയ് 16, 17, 18 തിയ്യതികളിൽ

May 16th, 2025

malayalee-samajam-youth-fest-2025-ePathram
അബുദാബി : യു. എ. ഇ. തലത്തിൽ അബുദാബി മലയാളി സമാജം സംഘടിപ്പിക്കുന്ന ശ്രീദേവി മെമ്മോറിയല്‍ ഓപ്പൺ സ്കൂൾ യൂത്ത് ഫെസ്റ്റിവല്‍ മെയ് 16, 17, 18 തിയ്യതികളിൽ നടക്കും എന്ന് സമാജം ഭാര വാഹികൾ വാർത്താ സമ്മേളനത്തിൽ അറിയിച്ചു.

മെയ് 16 വെള്ളിയാഴ്ച വൈകുന്നേരം 7 മണിക്ക് മലയാളി സമാജത്തിൽ വെച്ച് യുവജനോൽസവത്തിൻ്റെ ഉദ്ഘാടനം നടക്കും.

മുന്നൂറിൽപ്പരം കലാ പ്രതിഭകൾ മാറ്റുരക്കുന്ന മത്സരങ്ങള്‍ ആദ്യത്തെ രണ്ട് ദിവസങ്ങളില്‍ മുസ്സഫയിലെ മലയാളി സമാജത്തിലും അവസാന ദിവസമായ മെയ് 18 ഞായറാഴ്ച നടക്കുന്ന മത്സരങ്ങള്‍ അബുദാബി കേരള സോഷ്യല്‍ സെന്ററിലും ആയിരിക്കും.

നാട്ടിൽ നിന്നും എത്തുന്ന പ്രമുഖ കലാകാരന്മാരും യു. എ. ഇ. യിലെ അറിയപ്പെടുന്ന നൃത്ത അദ്ധ്യാപകരും വിധി കർത്താക്കൾ ആയിരിക്കും. സമാജം പ്രസിഡണ്ട് സലിം ചിറക്കല്‍, ജനറല്‍ സെക്രട്ടറി ടി. വി. സുരേഷ് കുമാര്‍, മറ്റു ഭാരവാഹികളായ യാസിര്‍ അറാഫത്ത്, ഷാജഹാന്‍ ഹൈദരലി, ജാസിര്‍, എം. എം. അന്‍സാര്‍ തുടങ്ങിയവർ വാര്‍ത്താ സമ്മേളനത്തില്‍ പങ്കെടുത്തു.

- pma

വായിക്കുക: , , , , ,

Comments Off on മലയാളി സമാജം യൂത്ത് ഫെസ്റ്റിവല്‍ മെയ് 16, 17, 18 തിയ്യതികളിൽ

പാലക്കാട് ജില്ല കെ. എം. സി. സി. സ്‌നേഹ സംഗമം

May 14th, 2025

iuml-palakkad-marakkar-marayamangalam-ePathram
അബുദാബി : പാലക്കാട് ജില്ലാ കെ. എം. സി. സി. സ്നേഹ സംഗമം എന്ന പേരിൽ അബുദാബി ഇന്ത്യൻ ഇസ്ലാമിക് സെന്ററിൽ സംഘടിപ്പിച്ച കുടുംബ സംഗമത്തിൽ മുസ്ലിം ലീഗ് നേതാക്കൾക്ക് സ്വീകരണം നൽകി. പാലക്കാട് ജില്ലാ മുസ്ലിം ലീഗ് പ്രസിഡണ്ട് മരക്കാർ മാരായമംഗലം, ജനറൽ സെക്രട്ടറി അഡ്വ. ടി. എ. സിദ്ദീഖ്, ട്രഷറർ സലാം മാസ്റ്റർ, യൂത്ത് ലീഗ് മുൻ ട്രഷറർ ഹസ്സൻകുട്ടി മാസ്റ്റർ എന്നിവർക്കാണ് സ്വീകരണം നൽകിയത്. റഫീഖ് മിഷ്‌കാത്തി ഖിറാഅത്ത് നടത്തി. മരക്കാർ മാരായമംഗലം മുഖ്യ പ്രഭാഷണം നിർവ്വഹിച്ചു

കെ. എം. സി. സി. നേതാക്കളായ യു. അബ്ദുള്ള ഫാറൂഖി, ഷുക്കൂര്‍ അലി കല്ലുങ്ങല്‍, ഹംസ നടുവിൽ, അൻവർ ചുള്ളിമുണ്ട, ഇ. ടി. എം. സുനീർ, ഷറഫുദ്ധീൻ കുപ്പം, ഹുസൈൻ സി. കെ, സി. സമീർ, ജാഫർ കുറ്റിക്കോട്, സുനീർ ചുണ്ടമ്പറ്റ തുടങ്ങിയവർ പ്രസംഗിച്ചു.

ഷിഹാബ് കരിമ്പനോട്ടിൽ അദ്ധ്യക്ഷത വഹിച്ചു. ഇസ്മായിൽ കണ്ടമ്പാടി സ്വാഗതവും ഉനൈസ് കുമരനല്ലൂർ നന്ദിയും പറഞ്ഞു. ജില്ല കെ. എം. സി. സി. മെയ് 31ന് സംഘടിപ്പിക്കുന്ന ‘അബുദാബി സൂപ്പർ കപ്പ്’ ഫുട് ബോൾ ടൂർണ്ണ മെൻറ് പോസ്റ്റർ പ്രകാശനവും ചടങ്ങിൽ നടന്നു.

കുട്ടികൾക്കായി നടത്തിയ പെൻസിൽ ഡ്രോയിങ് മത്സരങ്ങളിൽ വിവിധ വിഭാഗങ്ങളിലായി ജസ്ന ജമാൽ, അമാന ഫാത്തിമ, നഹ്ലാ നൂറിൻ, മിൻഹ ഫാത്തിമ, അലന ഫാത്തിമ, ഇസ്സ മോഹ വിഷ് എന്നിവർ വിജയികളായി.

- pma

വായിക്കുക: , ,

Comments Off on പാലക്കാട് ജില്ല കെ. എം. സി. സി. സ്‌നേഹ സംഗമം

മലബാർ പ്രവാസി : പായസ മത്സരം

May 7th, 2025

malabar-pravasi-payasam-competition-2025-ePathram

ദുബായ് : സാംസ്കാരിക കൂട്ടായ്മ മലബാർ പ്രവാസി യു. എ. ഇ. യുടെ രണ്ടാമത് മാമുക്കോയ പുരസ്കാര ദാന ചടങ്ങ് ‘നമ്മുടെ സ്വന്തം മാമുക്കോയ’ പരിപാടിയോട് അനുബന്ധിച്ച് കുടുംബിനികൾക്കായി പായസ മത്സരം സംഘടിപ്പിക്കുന്നു.

ദുബായ് ഫ്ലോക്ക് ലോർ സൊസൈറ്റി ഹാളിൽ 2025 മെയ് 31 നു വൈകുന്നേരം 4 മണിക്ക് ഒരുക്കുന്ന പായസ മത്സരത്തിൽ പങ്കെടുക്കാൻ താൽപ്പര്യമുള്ളവർ മുൻകൂട്ടി പേർ രജിസ്റ്റർ ചെയ്യണം എന്ന് സംഘാടകർ അറിയിച്ചു. വിജയികൾക്ക് ആകർഷകമായ സമ്മാനങ്ങൾ നൽകും.

കൂടുതൽ വിവരങ്ങൾക്ക് 050 858 4768, 055 123 4257, 056 914 5861. എന്നീ നമ്പറുകളിൽ ബന്ധപ്പെടാം.

- pma

വായിക്കുക: , , , ,

Comments Off on മലബാർ പ്രവാസി : പായസ മത്സരം

Page 7 of 149« First...56789...203040...Last »

« Previous Page« Previous « കെ. എം. സി. സി. ലീഗൽ സെൽ ഉത്ഘാടനവും നിയമ സെമിനാറും മെയ് 18 ന്
Next »Next Page » സ്‌കൂളുകളിൽ മൊബൈൽ ഫോൺ ഉപയോഗത്തിന് നിയന്ത്രണം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha