വ്യത്യസ്തമായ പരിപാടികളുമായി ഇസ്ലാമിക് സെന്റർ മെമ്പേഴ്സ് മീറ്റ്

August 11th, 2025

vpk-abdullah-inaugurate-islamic-center-members-meet-2025-ePathram

അബുദാബി: ഇന്ത്യൻ ഇസ്ലാമിക് സെന്റർ 2025-26 വർഷത്തെ മാനേജിംഗ് കമ്മിറ്റിയുടെ ഭാവി പ്രവർത്തനങ്ങൾ പ്രഖ്യാപിച്ചു കൊണ്ട് നടത്തിയ മെമ്പേഴ്സ് മീറ്റ് പരിപാടികളുടെ വൈവിധ്യത്താലും നടത്തിപ്പ് കൊണ്ടും വേറിട്ടതായി.

ഇസ്ലാമിക് സെന്റർ മെയിൻ ഹാളിൽ നടന്ന ചടങ്ങിൽ ആക്ടിംഗ് പ്രസിഡണ്ട് സയ്യിദ് അബ്ദുറഹിമാൻ തങ്ങൾ അദ്ധ്യക്ഷത വഹിച്ചു. മുൻ ജനറൽ സെക്രട്ടറി വി. പി. കെ. അബ്ദുല്ല ഉദ്ഘാടനം ചെയ്തു.

ഇന്ത്യൻ സ്വാതന്ത്ര്യ ദിന ആഘോഷ പരിപാടികൾ, നോർക്ക പ്രവാസി ക്ഷേമ നിധി പെൻഷൻ പദ്ധതികൾ, എം. പി. അബ്ദുസമദ് സമദാനി, സിംസാറുൽ ഹഖ് ഹുദവി എന്നിവരുടെ പ്രഭാഷണം, സ്മാർട്ട് ഐ. ഐ. സി പ്രൊജക്റ്റ്, സയൻസ് എക്സിബിഷൻ, ചെസ്സ് ടൂർണ്ണ മെന്റ്, ബാഡ്മിൻ്റൺ ടൂർണ്ണ മെന്റ്, പുസ്തക പ്രകാശനം, അവാർഡ് ദാനം തുടങ്ങി സെന്റർ മാനേജിംഗ് കമ്മിറ്റിയുടെ ഭാവി പ്രവർത്തനങ്ങളെ കുറിച്ച് വിവിധ വിഭാഗങ്ങളുടെ സെക്രട്ടറിമാർ വിശദീകരിച്ചു.

മെമ്പേഴ്സ് മീറ്റിൽ പങ്കെടുത്തവരെ നാല് ഗ്രൂപ്പുകളായി തിരിച്ച് ക്വിസ്സ്, ബോൾ പിക്കിംഗ്, ബോൾഡ് ഔട്ട്, പെനാൽറ്റി ഷൂട്ടൗട്ട്, വടംവലി, അന്താക്ഷരി തുടങ്ങിയ വിനോദ-വിജ്ഞാന-കായിക മത്സരങ്ങളിൽ ദയൂ ബന്ദ് ഗ്രൂപ്പ് ഒന്നാം സ്ഥാനവും, അൽ-അസ്ഹർ ഗ്രൂപ്പ് രണ്ടാം സ്ഥാനവും കരസ്ഥമാക്കി. ഓരോ മണിക്കൂറിലെയും നറുക്കെടുപ്പിലൂടെ തെരഞ്ഞെടുക്കപ്പെട്ട അംഗങ്ങൾക്ക് ആകർഷകമായ സമ്മാനങ്ങൾ വിതരണം ചെയ്തു.

സെന്റർ ജനറൽ സെക്രട്ടറി മുഹമ്മദ് ഹിദായത്തുള്ള, ട്രഷറർ നസീർ രാമന്തളി, അനീസ് മംഗലം, മുഹമ്മദ് കുഞ്ഞി കൊളവയൽ, മുഹമ്മദ് ശഹീം, അഡ്വ. കെ. വി. മുഹമ്മദ് കുഞ്ഞി, കബീർ ഹുദവി, ഇബ്രാഹിം മുസ്‌ലിയാർ തുടങ്ങിയവർ സംസാരിച്ചു.

- pma

വായിക്കുക: , , , , , , , , ,

Comments Off on വ്യത്യസ്തമായ പരിപാടികളുമായി ഇസ്ലാമിക് സെന്റർ മെമ്പേഴ്സ് മീറ്റ്

കെ. എ. ജബ്ബാരി അന്തരിച്ചു

July 30th, 2025

salafi-times-editor-k-a-jabbari-passed-away-ePathram
ദുബായ്‌ : സാമൂഹ്യ സാംസ്കാരിക രംഗങ്ങളിലെ സജീവ സാന്നിദ്ധ്യമായിരുന്ന കെ. എ. ജബ്ബാരി അന്തരിച്ചു. സലഫി ടൈംസ് ചീഫ്‌ എഡിറ്ററും ദുബായ് വായനക്കൂട്ടം (സഹൃദയ സാംസ്കാരിക വേദി) യുടെ അമരക്കാരനും കൂടിയായി രുന്നു കൊടുങ്ങല്ലൂർ എറിയാട് കറുക പ്പാടത്ത് ഉതുമാൻ ചാലിൽ അബ്ദുൽ ജബ്ബാർ എന്ന പ്രിയപ്പെട്ടവരുടെ ജബ്ബാരിക്ക.

2025 ജൂലായ് 30 (ബുധൻ) പുലർച്ചെ 2.30ന് മഞ്ചേരി കാരക്കുന്നിലെ ഭാര്യാ വസതിയിൽ വെച്ചായിരുന്നു അന്ത്യം. 78 വയസ്സ് ആയിരുന്നു.

അക്ഷരങ്ങൾക്ക് എന്തിനേക്കാളും വില കല്പിച്ചിരുന്ന ജബ്ബാരിയുടെ നേതൃത്വത്തിൽ എല്ലാ വർഷവും ദുബായിൽ ‘അന്താരാഷ്‌ട്ര സാക്ഷരതാ ദിനം’ ആചരിച്ചു വന്നിരുന്നു.

തൃശൂർ ജില്ലാ സർഗ്ഗധാര ചെയർമാൻ, കൈപ്പമംഗലം മണ്ഡലം കെ. എം. സി. സി. പ്രസിഡണ്ട്, കൂടാതെ നിരവധി സാംസ്കാരിക സംഘടനകളിലും പ്രവർത്തിച്ചിരുന്നു. ദുബായിലെ ഇന്ത്യന്‍ മീഡിയാ ഫോറം സ്ഥാപക അംഗവും  ആയിരുന്നു.

വിവിധ മേഖലകളിൽ മികവുറ്റ പ്രവർത്തനങ്ങൾക്ക് യു. എ. ഇ. യിലെയും നാട്ടിലെയും പ്രതിഭകൾക്ക് വായനക്കൂട്ടം പുരസ്കാരങ്ങൾ ജബ്ബാരിക്കയുടെ നേതൃത്വത്തിൽ സമ്മാനിച്ചിട്ടുണ്ട്. ശാരീരിക പ്രയാസങ്ങൾ കാരണം പ്രവാസം അവസാനിപ്പിച്ച് ഏതാനും വർഷങ്ങൾക്ക് മുൻപേ നാട്ടിൽ പോയി. അസുഖത്തെ തുടർന്ന് ചികിത്സയിൽ ആയിരുന്നു.

JABBARI : Personalities & ePathram Tag

- pma

വായിക്കുക: , , , , , , , , , , , , ,

Comments Off on കെ. എ. ജബ്ബാരി അന്തരിച്ചു

ചിരന്തന-ദർശന സാംസ്‌കാരിക വേദി മുഹമ്മദ് റഫി പുരസ്‌കാരങ്ങൾ പ്രഖ്യാപിച്ചു

July 27th, 2025

singer-muhammed-rafi-the legend-ePathram
ഷാർജ : വിഖ്യാത ഗായകൻ മുഹമ്മദ് റഫിയുടെ പേരിലുള്ള ചിരന്തന-ദർശന സാംസ്കാരിക വേദി പുരസ്കാരങ്ങൾക്ക് സാമൂഹിക പ്രവർത്തകരായ ശാഫി അഞ്ചങ്ങാടി, ഡോ. അൻജു, പി. പി. പ്രഭാകരൻ പയ്യന്നൂർ എന്നിവർ അർഹരായി.

chiranthana-darshana-muhammed-raffi-award-2025-for-shafi-anchangadi-ePathram

ശാഫി അഞ്ചങ്ങാടി, ഡോ. അൻജു, പി. പി. പ്രഭാകരൻ പയ്യന്നൂർ

മുഹമ്മദ് റഫിയുടെ 45 ആം ചരമ വാർഷിക ദിനമായ 2025 ജൂലായ് 31 വൈകുന്നേരം ഏഴു മണിക്ക് ഷാർജ ഇന്ത്യൻ അസോസിയേഷൻ ഹാളിൽ നടക്കുന്ന മുഹമ്മദ് റഫി നൈറ്റ് ചടങ്ങിൽ വെച്ച് പുരസ്കാരങ്ങൾ സമ്മാനിക്കും എന്ന് ഭാരവാഹികൾ അറിയിച്ചു. തുടർന്ന് വിവിധ എമിറേറ്റുകളിൽ നിന്നുള്ള പ്രശസ്ത ഗായകർ മുഹമ്മദ് റഫിയുടെ ഗാനങ്ങൾ ആലപിക്കും.

- pma

വായിക്കുക: , , , ,

Comments Off on ചിരന്തന-ദർശന സാംസ്‌കാരിക വേദി മുഹമ്മദ് റഫി പുരസ്‌കാരങ്ങൾ പ്രഖ്യാപിച്ചു

മലയാള രത്ന പുരസ്കാര ജേതാക്കളെ അനോര ആദരിച്ചു

July 27th, 2025

logo-anora-tvm-ePathram
അബുദാബി : കേരള സാംസ്കാരിക വേദി മലയാള രത്ന പുരസ്കാരങ്ങൾ നൽകി ആദരിച്ച അനോര ഗ്ലോബൽ പ്രസിഡണ്ട് ബി. ജയപ്രകാശ്, വൈസ് പ്രസിഡണ്ട് റോബിൻസൺ മൈക്കിൾ എന്നിവരെ അനോര എക്സിക്യൂട്ടീവ് യോഗത്തിൽ അനുമോദിച്ചു.

malayala-rathna-awards-for-anora-global-leaders-ePathram
അബുദാബി ഇന്ത്യ സോഷ്യൽ സെൻററിൽ നടന്ന ചടങ്ങിൽ അനോര ഗ്ലോബൽ ജനറൽ സെക്രട്ടറി താജുദ്ദീൻ എസ്. കെ., ട്രഷറര്‍ ആൻസർ ഫ്രാൻസിസ്, ഭാരവാഹികളായ നാസർ തമ്പി, സന്തോഷ് കുമാർ, ജോർജ് മനോജ്, എ. എം. ബഷീർ, ബി. യേശു ശീലൻ, അഡ്വക്കേറ്റ് സാബു, തോമസ് എബ്രഹാം, അമീർ കല്ലമ്പലം, മുഹമ്മദ് നിസാർ, ഷാനവാസ്, വിമൽ കുമാർ, രേഖീൻ സോമൻ, ഷുഹൈബ്, തുടങ്ങിയവർ പങ്കെടുത്തു സംസാരിച്ചു. ANORA

- pma

വായിക്കുക: , , , , , ,

Comments Off on മലയാള രത്ന പുരസ്കാര ജേതാക്കളെ അനോര ആദരിച്ചു

ഡോക്ടർ ധനലക്ഷ്മി അന്തരിച്ചു

July 22nd, 2025

doctor-dhana-lakshmi-llh-life-care-hospital-ePathram
അബുദാബി : സാമൂഹ്യ സാംസ്കാരിക രംഗങ്ങളിലെ സജീവ സാന്നിദ്ധ്യവും എഴുത്തുകാരിയുമായ മുസ്സഫ ലൈഫ് കെയർ ഹോസ്പിറ്റലിലെ ഡോക്ടർ ധന ലക്ഷ്മി (54) അന്തരിച്ചു. മുസ്സഫ ഷാബിയായിലെ താമസ സ്ഥലത്ത് മരിച്ച നിലയിൽ കണ്ടെത്തുകയായിരുന്നു. കണ്ണൂർ താണ സ്വദേശിനിയാണ്.

ഫോണിൽ വിളിച്ചു കിട്ടാത്തതിനെ തുടർന്ന് സുഹൃത്തുക്കൾ പോലീസിൽ വിവരം അറിയിച്ചു. തിങ്കളാഴ്ച ജോലി സ്ഥലത്തും എത്തിയില്ലായിരുന്നു. പോലീസ് എത്തി മൃതദേഹം ബനിയാസ് മോർച്ചറിയിലേക്ക് മാറ്റി.

അബുദാബിയിലെ സാമൂഹ്യ സാംസ്കാരിക ജീവ കാരുണ്യ രംഗങ്ങളിലെ മികവുറ്റ പ്രവർത്തനങ്ങൾക്ക് നിരവധി സംഘടനകളുടെ പുരസ്‌കാര ജേതാവാണ് ഡോക്ടർ ധനലക്ഷ്മി.

കണ്ണൂരിലെ ആനന്ദ കൃഷ്ണ ബസ്സ് സർവ്വീസ് ഉടമസ്ഥൻ ആയിരുന്ന പരേതനായ നാരായണൻ-ചന്ദ്രമതി ദമ്പതി കളുടെ മകളാണ്. സഹോദരങ്ങൾ: ആനന്ദ കൃഷ്ണൻ, ശിവറാം, ഡോ. സീതാലക്ഷ്മി.

- pma

വായിക്കുക: , , , , , ,

Comments Off on ഡോക്ടർ ധനലക്ഷ്മി അന്തരിച്ചു

Page 1 of 5712345...102030...Last »

« Previous « മുഹമ്മദ് റഫി നൈറ്റ് : സംഗീത മത്സരം ഒരുക്കുന്നു
Next Page » വി. എസ്. : പുതിയ അറിവുകള്‍ തേടാന്‍ പ്രായം തടസ്സമല്ല എന്ന് ഓര്‍മ്മിപ്പിച്ച നേതാവ് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha