പ്രമേഹ പരിചരണം : സമഗ്രമായ മാറ്റം അനിവാര്യം എന്ന് മുന്നറിയിപ്പ്

November 16th, 2026

diabetes-care-beyond-blood-sugar-management-ePathram
ന്യൂഡൽഹി : ഇന്ത്യയില്‍ പ്രമേഹ ബാധിതരുടെ എണ്ണം ക്രമാതീതമായി വർദ്ധിച്ചു വരുന്ന സാഹചര്യത്തില്‍ രക്തത്തിലെ പഞ്ചസാരയുടെ അളവ് പരിശോധിക്കുക എന്നതിനും അപ്പുറം സമഗ്രമായ ആരോഗ്യ പരിരക്ഷ ഉറപ്പാക്കേണ്ട സമയം അതിക്രമിച്ചു എന്നും വിദഗ്ധരുടെ മുന്നറിയിപ്പ്.

നിലവില്‍ മുതിര്‍ന്ന ആളുകളില്‍ 101 ദശലക്ഷം പ്രമേഹ ബാധിതരും പ്രമേഹത്തിന് തൊട്ടു മുമ്പുള്ള പ്രീ-ഡയബറ്റിസ് ഘട്ടത്തില്‍ കഴിയുന്ന 136 ദശലക്ഷം ആളുകളും ഇന്ത്യയില്‍ ഉണ്ട് എന്നാണു കണക്ക്.

രോഗം സ്ഥിരീകരിച്ചതിന് ശേഷം ചികിത്സ തുടങ്ങുക എന്ന രീതിയില്‍ നിന്നും മാറി, പ്രാരംഭ കണ്ടെത്തൽ എന്നുള്ള നിലയിലേക്കും രോഗ പ്രതിരോധ നടപടികൾ എടുക്കുന്നതിലേക്കും മാറണം എന്നും ആരോഗ്യ വിദഗ്ദർ മുന്നറിയിപ്പ് നൽകുന്നു.

തങ്ങൾ പ്രമേഹ രോഗബാധിതർ ആണെന്ന് പോലും അറിയാതെ ദശലക്ഷക്കണക്കിന് ആളുകള്‍ ഇന്ത്യയിൽ ജീവിക്കുന്നുണ്ട്.

ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചിന്റെ റിപ്പോര്‍ട്ട് പ്രകാരം, ഐ. ഡി. എഫ്. (രാജ്യാന്തര പ്രമേഹ ഫെഡറേഷന്‍)  നേരത്തെ കണക്കാക്കിയിരുന്ന 8.98 കോടി എന്ന അനുമാനം രാജ്യം മറി കടന്നു കഴിഞ്ഞു.

ആഗോള തലത്തില്‍ 20 വയസ്സ് മുതൽ 79 വയസ്സ് വരെ പ്രായമുള്ള 58.9 കോടി ആളുകള്‍ പ്രമേഹ ബാധിതർ ആണെന്നും 2050 ഓടെ ഇത് 85.3 കോടിയായി ഉയരും എന്നാണു റിപ്പോർട്ടുകൾ.

പ്രമേഹ ബാധിതരില്‍ ടൈപ്പ് 2 പ്രമേഹമാണ് 90 % പേരിലും കാണപ്പെടുന്നത്. വര്‍ഷങ്ങളെടുത്ത് പതുക്കെ ശരീരത്തില്‍ വികസിക്കുന്ന ഈ രോഗാവസ്ഥയുടെ പ്രാരംഭ ഘട്ടത്തില്‍ പ്രകടമായ ലക്ഷണങ്ങള്‍ ഉണ്ടാകാറില്ല.

ശരീരത്തില്‍ ഇന്‍സുലിന്‍ ഉത്പാദനം നിലക്കുന്ന ഓട്ടോ ഇമ്മ്യൂണ്‍ അവസ്ഥയായ ടൈപ്പ് 1 പ്രമേഹം ഇന്‍സുലിന്‍ ചികിത്സ ആവശ്യം ഉള്ളത് ആണെങ്കിൽ, ഇന്‍സുലിന്‍ പ്രതിരോധം മൂലമാണ് പ്രധാനമായും ടൈപ്പ് 2 പ്രമേഹം ഉണ്ടാകുന്നത്.

അമിതമായ ദാഹം, വിശപ്പ്, രാത്രി കാലങ്ങളില്‍ അടിക്കടിയുള്ള മൂത്രമൊഴിക്കല്‍, ശരീര ഭാരം കുറയുക, കഠിനമായ ക്ഷീണം, കാഴ്ച്ച മങ്ങല്‍, കൈ കാലുകളിലെ തരിപ്പ്, മുറിവുകള്‍ ഉണങ്ങാന്‍ വൈകുന്നത് എന്നിവയാണ് പ്രമേഹത്തിന്റെ പ്രധാന മുന്നറിയിപ്പുകൾ. എന്നാല്‍ ലക്ഷണങ്ങള്‍ ഒന്നും പ്രകടമാകാതെയും പ്രമേഹം ബാധിക്കുന്നതിനാല്‍ ചിട്ടയായ പരിശോധനകള്‍ അനിവാര്യമാണ്.

അമിത വണ്ണം, അനാരോഗ്യ ഭക്ഷണ രീതികള്‍, വ്യായാമം ഇല്ലായ്മ, പുകയില ഉപയോഗം, ഉയര്‍ന്ന രക്ത സമ്മര്‍ദ്ദം തുടങ്ങിയവ പ്രമേഹ സാദ്ധ്യത വർദ്ധിപ്പിക്കും.

സൈക്ലിംഗ്, നീന്തല്‍, നടത്തം (ആഴ്ചയില്‍ കുറഞ്ഞത് 150 മിനിറ്റ് വേഗത്തിലുള്ള നടത്തം) തുടങ്ങിയ ചിട്ടയായ വ്യായാമങ്ങള്‍ ശീലമാക്കുക. നാരുകള്‍ അടങ്ങിയ ഭക്ഷണങ്ങള്‍, പച്ചക്കറികള്‍, ധാന്യങ്ങള്‍, പഴങ്ങള്‍ എന്നിവ ഭക്ഷണ ത്തില്‍ ഉള്‍പ്പെടുത്തുക, പഞ്ചസാര യുടെയും സംസ്‌കരിച്ച ഭക്ഷണങ്ങളുടെയും ഉപയോഗം നിയന്ത്രിച്ച് ഭക്ഷണം ക്രമീകരിക്കുക, ഫാസ്റ്റിങ് ബ്ലഡ് ഗ്ലൂക്കോസ്, ഓറല്‍ ഗ്ലൂക്കോസ് ടോളറന്‍സ് തുടങ്ങിയ ലളിതമായ രക്ത പരിശോധനകള്‍ കൃത്യമായ ഇടവേളകളില്‍ നടത്തുക തുടങ്ങി സമയ ബന്ധിതമായ ഇടപെടലുകളിലൂടെ ടൈപ്പ് 2 പ്രമേഹത്തെ തടയാനും രോഗബാധ വൈകിപ്പിക്കാനും സാധിക്കും.

പ്രമേഹത്തെക്കുറിച്ചുള്ള അവബോധം എന്നതിനും അപ്പുറം മുന്‍ കരുതലുകളും കൃത്യമായ പ്രമേഹ പരിശോധനകളും ജാഗ്രതയോടെ  സ്വീകരിക്കുക. അതിലൂടെ മാത്രമേ ഇന്ത്യക്ക് ഈ പൊതു ജനാരോഗ്യ വെല്ലുവിളിയെ പ്രതിരോധി ക്കാന്‍ സാധിക്കൂ എന്നും വിദഗ്ദർ മുന്നറിയിപ്പ് നൽകി.

- pma

വായിക്കുക: , , , , , ,

Comments Off on പ്രമേഹ പരിചരണം : സമഗ്രമായ മാറ്റം അനിവാര്യം എന്ന് മുന്നറിയിപ്പ്

ക്യാന്‍സര്‍ മരുന്നുകളുടെ വില നിയന്ത്രണം പ്രാബല്യത്തില്‍ വന്നു

November 10th, 2026

covid-19-medicine-ePathram
ന്യൂഡല്‍ഹി : ക്യാന്‍സര്‍ രോഗികള്‍ക്ക് ഏറെ ആശ്വാസം പകരുന്ന നടപടിയുമായി കേന്ദ്രം. രാജ്യത്ത് ക്യാന്‍സര്‍ മരുന്നുകളുടെ വില നിയന്ത്രണം നവംബർ 9 മുതൽ പ്രാബല്യത്തില്‍ വന്നു. സർക്കാർ ട്രേഡ് മാർജിനുകൾ 30% വരെ വില കുറക്കും. അമിതമായ വ്യാപാര മാർജിൻ പ്രശ്ന പരിഹാരത്തിനായി 137 നോൺ-ഷെഡ്യൂൾഡ് ക്യാൻസർ വിരുദ്ധ മരുന്നുകളുടെ ലാഭ വിഹിതം എം. ആര്‍. പി. യുടെ 30 ശതമാനത്തില്‍ നിന്നും കൂടരുത് എന്നുള്ള എൻ. പി. പി. എ. (നാഷണൽ ഫാർമസ്യൂട്ടിക്കൽ പ്രൈസിംഗ് അതോറിറ്റി) യുടെ നിർദ്ദേശ പ്രകാരമാണ് വില കുറച്ചത്.

പുതുക്കിയ എം. ആര്‍. പി. രേഖപ്പെടുത്തി മരുന്നുകള്‍ വിപണിയില്‍ എത്തിച്ചു. ജീവന്‍ രക്ഷാ മരുന്നുകളും ചികിത്സകളും സാധാരണക്കാരായ കൂടുതൽ ആളുകളിലേക്ക് എത്തിക്കുക, രോഗികളുടെ സാമ്പത്തിക ഭാരം കുറക്കുക തുടങ്ങിയവ ലക്‌ഷ്യം വെച്ച് കൊണ്ട് നടപ്പിലാക്കുന്ന പദ്ധതി വഴി സര്‍ക്കാര്‍-സ്വകാര്യ ആശുപത്രികളിലും ചില്ലറ മരുന്ന് കട കളിലും ഈ പുതുക്കിയ വിലകള്‍ നടപ്പാക്കൽ നിർബ്ബന്ധമാണ് എന്നും നിർദ്ദേശം നൽകിയിട്ടുണ്ട്.

ചില മരുന്നുകളുടെ വിലയില്‍ 96 ശതമാനം വരെ കുറവു വരുത്തി. വില നിയന്ത്രണ പട്ടികയില്‍ ഉള്‍പ്പെടാത്ത 137 ക്യാൻസർ മരുന്നുകളുടെ ലാഭ വിഹിതം 30 ശതമാനം എന്ന് പരിമിതപ്പെടുത്തി. ബ്രാന്‍ഡഡ്, പേറ്റന്റ് ഉള്ള 543 മരുന്നുകളുടെ വിലയിലും കുറവ് വരുത്തി. അതുവഴി അവയുടെ വിലയില്‍ 20 മുതല്‍ 70 ശതമാനം വരെ കുറവ് വരും.

- pma

വായിക്കുക: , , , , , , ,

Comments Off on ക്യാന്‍സര്‍ മരുന്നുകളുടെ വില നിയന്ത്രണം പ്രാബല്യത്തില്‍ വന്നു

ആയുർവ്വേദ ദിനാചരണം സംഘടിപ്പിച്ചു

September 28th, 2026

national-ayurveda-day-2026-celebrate-in-abudhabi-indian-embassy-ePathram
അബുദാബി : ദേശീയ ആയുർവ്വേദ ദിനാചരണത്തോട് അനുബന്ധിച്ച് അബുദാബി ഇന്ത്യൻ എംബസ്സിയുടെ സഹകരണത്തോടെ ‘ആയുർവ്വേദ ദിനം 2026’ എന്ന പേരിൽ എമിറേറ്റ്സ് ആയുർവ്വേദ ഗ്രാജ്വേറ്റ്സ് അസോസിയേഷൻ (EAGA) ബോധ വൽക്കരണ പരി പാടികൾ സംഘടിപ്പിച്ചു.

‘മെച്ചപ്പെട്ട ആരോഗ്യ ഫലങ്ങൾക്കായി സംയോജിത ആരോഗ്യ പരിപാലന മാതൃക’ (Integrative Healthcare Model) എന്ന വിഷയത്തിൽ ചർച്ച നടത്തി. യു.എ. ഇ. യിലെ ഇന്ത്യൻ അംബാസഡർ ഡോ. ദീപക് മിത്തൽ, പത്നി ഡോ. അൽപന മിത്തൽ, യു.എ.ഇ. ഇന്റഗ്രേറ്റീവ് മെഡിസിൻ കൗൺസിൽ അംഗം ഡോ. മറിയം അൽ അലി തുടങ്ങിയവർ സംബന്ധിച്ചു.

ഇന്ത്യയിലെ ആയുഷ് (AYUSH) മേഖലയിലെ വികസന പ്രവർത്തനങ്ങളെക്കുറിച്ചും സംയോജിത ആരോഗ്യ പരിപാലന രീതിയുടെ ആവശ്യകതയെ ക്കുറിച്ചും ഇന്ത്യൻ അംബാസഡർ വിശദീകരിച്ചു.

‘ആരോഗ്യകരമായ നാളേയ്ക്കായി ആയുർവ്വേദ’ എന്ന വിഷയത്തിലുള്ള ബോധ വൽക്കരണ വീഡിയോയും പ്രമുഖ വ്യക്തികളുടെ അനുഭവക്കുറിപ്പുകളും ഉൾപ്പെടുത്തി ക്കൊണ്ടാണ് പരിപാടി അരങ്ങേറിയത്. ഡോ. ഐശ്വര്യ ഗോപാലകൃഷ്ണൻ ചർച്ചക്ക് നേതൃത്വം നൽകി. അബുദാബിയിലെ ആരോഗ്യ പ്രവർത്തകരും മേഖല യിലെ സംരംഭകരും ഉൾപ്പെടെ നൂറോളം ചർച്ചയിൽ പങ്കെടുത്തു.

ആയുഷ് മന്ത്രാലയ ത്തിന്റെ ആഹ്വാന പ്രകാരം 2016 മുതല്‍ ആയുർവ്വേദത്തിന്റെ പ്രചരണാര്‍ത്ഥം ദേശീയ ആയുർവ്വേദ ദിനം ആചരിച്ചു വരുന്നു.

- pma

വായിക്കുക: , , , , , , , , , ,

Comments Off on ആയുർവ്വേദ ദിനാചരണം സംഘടിപ്പിച്ചു

ദേശീയ ആയുർവ്വേദ ദിനാചരണം : തൃശ്ശൂരിൽ പരിപാടി സംഘടിപ്പിച്ചു

September 24th, 2026

national-ayurveda-day-2026-ayurveda-for-a-healthy-tomorrow-ePathram
തൃശ്ശൂർ : ദേശീയ ആയുർവ്വേദ ദിനാചരണത്തോട് അനുബന്ധിച്ച് തൃശ്ശൂരിൽ ജില്ലാ തല ആഘോഷ പരിപാടികൾ സംഘടിപ്പിച്ചു. ഭാരതീയ ചികിത്സാ വകുപ്പ്, നാഷണൽ ആയുഷ് മിഷൻ, ആയുർവ്വേദ മെഡിക്കൽ വിദ്യാഭ്യാസ വകുപ്പ്, ആയുർ വ്വേദ മെഡിക്കൽ അസോസിയേഷൻ ഓഫ് ഇന്ത്യ എന്നിവർ ചേർന്ന് ‘ആരോഗ്യ പൂർണ്ണമായ നാളേക്കായി ആയുർവ്വേദം’ എന്ന സന്ദേശം നൽകിയാണ് ദിനാചരണം സംഘടിപ്പിച്ചത്.

ആയുഷ് മന്ത്രാലയത്തിന്റെ ആഹ്വാന പ്രകാരം 2016 മുതല്‍ ആയുർ വ്വേദത്തിന്റെ പ്രചരണാര്‍ത്ഥം ദേശീയ ആയുർവ്വേദ ദിനം ആചരിച്ചു വരുന്നു. ഓരോ ഇന്ത്യക്കാരനും ആയുര്‍വ്വേദത്തെ അറിയുക, പ്രയോജനപ്പെടുത്തുക എന്നതാണ് ഇതിന്റെ ലക്ഷ്യം.

ദിനാചരണത്തിന്റെ ഭാഗമായി ഓരോ വര്‍ഷവും ഒരു സന്ദേശം സമൂഹത്തിന് നല്‍കാറുണ്ട്. ‘ആരോഗ്യ പൂർണ്ണമായ നാളേക്കായി ആയുർവ്വേദം’ എന്നതാണ് ഇത്തവണത്തെ സന്ദേശം.

തൃശ്ശൂർ സാഹിത്യ അക്കാദമി ഹാളിൽ സംഘടിപ്പിച്ച പരിപാടി ജില്ലാ പഞ്ചായത്ത് പ്രസിഡണ്ട് മേരി തോമസ് ഉദ്ഘാടനം ചെയ്തു. കോർപ്പറേഷൻ ഡെപ്യൂട്ടി മേയർ എം. പ്രസാദ് അദ്ധ്യക്ഷത വഹിച്ചു. ജില്ലാ കളക്ടർ ശിഖ സുരേന്ദ്രൻ മുഖ്യാതിഥിയായി.

ജില്ലാ പഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർ പേഴ്‌സൺ ഷീല ജോർജ്ജ്, തൃശ്ശൂർ കോർപ്പറേഷൻ കൗൺസിലർ അഡ്വ. അഗസ്റ്റിൻ, ഭാരതീയ ചികിത്സാ വകുപ്പ് ജില്ലാ മെഡിക്കൽ ഓഫീസർ ഡോ. ബീന കുമാരി, ആരോഗ്യ വകുപ്പ് ഡെപ്യൂട്ടി ഡി. എം. ഒ. ഡോ. സുജ അലോഷ്യസ്, ഹോമിയോ വകുപ്പ് ഡി. എം. ഒ. ഡോ. ലീന റാണി, നാഷണൽ ആയുഷ് മിഷൻ ഡി. പി. എം. ഡോ. ജാസ് ലക്ഷ്മി, ഐ. എസ്. എം. സീനിയർ സൂപ്രണ്ട് വിനോദ് കുമാർ, പ്രോഗ്രാം കൺവീനർ ഡോ. ലെസ്ലി വില്ലി, എ. എം. എ. ഐ. സ്റ്റേറ്റ് എക്‌സിക്യൂട്ടീവ് മെമ്പർ ഡോ. ഗോപിദാസ്, വിവിധ സംഘടനാ പ്രതിനിധികൾ തുടങ്ങിയവർ പങ്കെടുത്തു.

ആയുർവ്വേദ ദിനാചരണത്തിന്റെ ഭാഗമായി ജില്ലയിലെ സ്‌കൂളുകളിൽ ബോധവൽക്കരണ പരിപാടികളും മെഡിക്കൽ ക്യാമ്പുകളും സെമിനാറുകളും സംഘടിപ്പിച്ചു. ആരോഗ്യകരമായ ഭക്ഷണം, ജ്യൂസ് നിർമ്മാണം, സ്‌കൂൾ കുട്ടികൾക്കായി ക്വിസ്, ചിത്ര രചന, റീൽസ് എന്നീ മത്സരങ്ങളും നടത്തി വിജയി കൾക്ക് സമ്മാനങ്ങൾ വിതരണം ചെയ്തു. PRD, Ayush

- pma

വായിക്കുക: , , , , , ,

Comments Off on ദേശീയ ആയുർവ്വേദ ദിനാചരണം : തൃശ്ശൂരിൽ പരിപാടി സംഘടിപ്പിച്ചു

ജൂബിലി മിഷൻ ആശുപത്രി നഴ്സസ് സമരം ഒത്തു തീർന്നു

August 5th, 2026

illegal-strike-of-nurses-in-kerala-private-hospitals-ePathram
തൃശൂർ : ജൂബിലി മിഷൻ ആശുപത്രിയിൽ നടന്നു വരുന്ന നഴ്‌സുമാരുടെ സമരം അവസാനിപ്പിക്കാൻ ധാരണയായി. തൃശൂർ ജില്ലാ ലേബർ ഓഫീസർ സി. വിനോദ് കുമാറിന്റെ സാന്നിദ്ധ്യത്തിൽ സമരക്കാരായ യുണൈറ്റഡ് നഴ്സസ് അസോസിയേഷൻ പ്രതിനിധി കളും ആശുപത്രി മാനേജ് മെന്റും തമ്മിൽ നടത്തിയ ചർച്ചയിലാണ് സമരം അവസാനിപ്പിക്കാൻ ധാരണയായത്.

സമരം ചെയ്ത ജീവനക്കാർക്ക് എതിരെ യാതൊരു വിധ പ്രതികാര നടപടികളും സ്വീകരിക്കുകയില്ല എന്ന് സമ്മതിച്ച് മാനേജ്‌ മെന്റും ധാരണാ പത്രത്തിൽ ഒപ്പു വച്ചിട്ടുണ്ട്. എറണാകുളം റീജിയണൽ ജോയിന്റ് ലേബർ കമ്മീഷണർ ഡി. സുരേഷ് കുമാറിന്റെ നേതൃത്വത്തിൽ കഴിഞ്ഞ ദിവസങ്ങളിൽ നടന്ന ചർച്ചയുടെ തുടർച്ചയായിരുന്നു ഈ അനുരഞ്ജന ചർച്ച. തൃശൂർ സിറ്റി അസി.പോലീസ് കമ്മീഷണർ ടി. ആർ. രാജേഷും സന്നിഹിതനായിരുന്നു.

സമരത്തിൽ പങ്കെടുത്ത മുഴുവൻ ജീവനക്കാരെയും ഈ മാസം 30-നകം ഘട്ടം ഘട്ടമായി, അവർ മുൻപ് ജോലി ചെയ്തിരുന്ന സമാന വിഭാഗങ്ങളിലേക്ക് തിരിച്ചെടുക്കും.

മേൽപ്പറഞ്ഞ ജീവനക്കാരെ ആദ്യത്തെ ഒന്നര മാസത്തിനുള്ളിൽ 40% ജീവനക്കാരെയും തുടർന്ന് ബാക്കി 40% ജീവന ക്കാരെയും അവർ മുൻപ് ജോലി ചെയ്തിരുന്ന അതേ വിഭാഗങ്ങളിൽ തന്നെ പ്രവേശിപ്പിക്കും എന്നുള്ള മാനേജ്മന്റ് തീരുമാനം യൂണിയൻ അംഗീകരിച്ചു.

കരാർ വ്യവസ്ഥയിൽ നിയമിച്ചിട്ടുള്ള നഴ്‌സിംഗ് ജീവനക്കാരെ ആദ്യം 1 വർഷത്തേക്കും പിന്നീട് 3 വർഷത്തേക്കും തുടർന്ന് 5 വർഷത്തേക്കും നിയമിക്കും എന്നും മാനേജ്‌ മെന്റ് സമ്മതിച്ചു. ശമ്പള വർദ്ധനവ് അടക്കമുള്ള മറ്റ് തർക്ക വിഷയങ്ങളിൽ ആശുപത്രി മാനേജ് മെന്റും യൂണിയനും തമ്മിൽ തൊഴിൽ വകുപ്പിന്റെ മധ്യസ്ഥതയിൽ തുടർ ചർച്ചകൾ നടത്തി രമ്യമായി പരിഹരിക്കും എന്നും ഇരു വിഭാഗങ്ങളും സമ്മതിച്ചു.

2026 ആഗസ്ത് നാലിന് നടന്ന ചർച്ചയിൽ മാനേജ്മെന്റ് പ്രതിനിധി ഡോ. ബെന്നി ജോസഫ് നീലങ്കാവിൽ, ഫാദർ. ജസ്റ്റിൻ പൂഴിക്കുന്നേൽ, ജോഷി പാവിൽ, യൂണിയൻ പ്രതിനിധികളായ എം. ജാസ്മിൻ ഷാ, ലിജോ ജോസഫ് എന്നിവരും സംബന്ധിച്ചു. P R D 

- pma

വായിക്കുക: , , , , ,

Comments Off on ജൂബിലി മിഷൻ ആശുപത്രി നഴ്സസ് സമരം ഒത്തു തീർന്നു

Page 1 of 13212345...102030...Last »

« Previous « വെര്‍ച്വല്‍ ക്യൂ ദര്‍ശന സൗകര്യം ആരംഭിച്ചു
Next Page » കർക്കിടകം പെയ്തിറങ്ങി : ദുരിത ജീവിതം തുടരുന്നു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha