അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി

March 25th, 2025

abudhabi-malayalees-ifthar-2025-at-abu-samra-farm-house-ePathram
അബുദാബി : സാധാരണക്കാരായ തൊഴിലാളികൾക്ക് ഒപ്പം പരിശുദ്ധ റമദാനിലെ ഇഫ്താർ നടത്തി മറ്റു കൂട്ടായ്മകൾക്ക് മാതൃകയാവുകയാണ് അബുദാബി മലയാളീസ്. അൽ ഐൻ റോഡിലെ അബു സമ്ര ഫാമിൽ വിവിധ രാജ്യക്കാരായ നൂറോളം തോട്ടം തൊഴിലാളികൾ, ആട്ടിടയന്മാർ അടക്കമുള്ള പ്രവാസി കളെ പങ്കെടുപ്പിച്ച് കൊണ്ടാണ് ഈ റമദാനിൽ അബുദാബി മലയാളീസ് എന്ന കൂട്ടായ്മ ഗ്രാൻഡ് ഇഫ്താർ മീറ്റ്-2025 സംഘടിപ്പിച്ചത്.

nourish-ramadan-kuttyppattakam-abudhabi-malayalees-ePathram

ഇവരോടൊപ്പം ADM എക്സിക്യൂട്ടീവ് അംഗങ്ങൾ, വളണ്ടിയർമാർ, കുടുംബാംഗങ്ങൾ, കുട്ടികൾ, ADM അഭ്യുദയ കാംക്ഷികളായ സാമൂഹ്യ പ്രവർത്തകരും അതിഥികളായി ഗ്രാൻഡ് ഇഫ്താർ മീറ്റിൽ പങ്കെടുത്തു.

റമദാൻ മാസത്തിൻ്റെ പവിത്രതയും ആത്മീയതയും സഹകരണത്തെയും ഉയർത്തിപ്പിടിച്ച ഈ സംഗമ ത്തിൽ സമൂഹത്തിൻറെ വിവിധ തുറകളിൽ ഉള്ളവർ ഒന്നിച്ചിരുന്നു നോമ്പ് തുറന്നത് മനുഷ്യ സ്നേഹം, പരസ്പര സഹായം, കരുണ തുടങ്ങിയ മാനുഷിക മൂല്യങ്ങളുടെ ഉദാത്ത ഉദാഹരണമായി.

team-abudhabi-malayalees-ifthar-abu-samra-farm-ePathram

സാധാരണ ഇഫ്താർ മീറ്റുകളിൽ നിന്ന് വ്യത്യസ്തമായി, ADM കുട്ടിപ്പട്ടാളം ടീമിന്റെ സജീവ പങ്കാളിത്ത ത്തോടെ നടന്ന ഈ ഇഫ്താർ വിരുന്ന്, സ്നേഹവും കരുണയും നിറഞ്ഞതായിരുന്നു.

അർഹരായവർക്കൊപ്പം ലളിതമായ ഒരിടത്ത് ഇഫ്താർ നടത്തിയത്, റമദാനിന്റെ യഥാർഥ സന്ദേശം പകർന്നു വെന്നത് സന്തോഷകരമാണ് എന്ന് സംഘാടകർ ഓർമ്മിപ്പിച്ചു.

siyad-anas-wahib-pma-team-adm-nourish-2025-ifthar-ePathram

മാത്രമല്ല ADM നൂറിഷ് റമദാൻ 2025 പദ്ധതിയിലൂടെ, ആരാലും എത്തിപ്പെടാത്ത റിമോട്ട് ഏരിയ കളിലെ ഒട്ടക ക്യാമ്പുകളിലും അടക്കം ആയിരത്തോളം ഇഫ്താർ കിറ്റുകളും 100 ഓളം ഗ്രോസറി കിറ്റുകളും വിതരണം ചെയ്തു.

പാവപ്പെട്ടവർക്കായി കൈ കോർക്കുമ്പോൾ അതിന്റെ സന്തോഷം ഇരട്ടിയാവുന്നു. സമൂഹത്തിന്റെ കരുണയും സഹകരണവും ADM നൂറിഷ് പദ്ധതിയുടെ വിജയത്തിന് ശക്തിയായ പിന്തുണയായി.

റമദാനിന്റെ ഈ മഹനീയ സന്ദേശം കൂടുതൽ ആളുകളിലേക്ക് എത്തിക്കണം എന്നും നന്മയുടെ പ്രവർത്തനങ്ങൾ തുടർന്നും വിപുലപ്പെടുത്തും എന്നും അബുദാബി മലയാളീസ് ഭാരവാഹികൾ അറിയിച്ചു. ADM Insta

 

- pma

വായിക്കുക: , , , , , , , , ,

Comments Off on അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി

ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി

March 25th, 2025

salam-pappinissery-meet-sheikh-hamad-bin-mohammed-al-sharqi-ruler-of-fujairah-ePathram

ഫുജൈറ: യു. എ. ഇ. സുപ്രീം കൗൺസിൽ അംഗവും ഫുജൈറ ഭരണാധികാരിയുമായ ശൈഖ് ഹമദ് ബിൻ മുഹമ്മദ് അൽ ഷർഖി ഫുജൈറ രാജ കൊട്ടാരത്തിൽ ഒരുക്കിയ അത്താഴ വിരുന്നിലേക്ക് പ്രത്യേക ക്ഷണ പ്രകാരം മലയാളി വ്യവസായിയും യാബ് ലീഗൽ സർവ്വീസസ് സി. ഇ. ഒ. സലാം പാപ്പിനിശ്ശേരി പങ്കെടുത്തു റമദാൻ ആശംസകൾ നേർന്നു.

ഫുജൈറ കിരീട അവകാശി ശൈഖ് മുഹമ്മദ് ബിൻ ഹമദ് ബിൻ മുഹമ്മദ് അൽ ഷർഖി, സ്വദേശി പൗര പ്രമുഖർ, വാണിജ്യ വ്യവസായ സംരംഭകർ അടക്കം നിരവധി പേർ സുഹൂർ വിരുന്നിൽ സംബന്ധിച്ചിരുന്നു.

- pma

വായിക്കുക: , , , , , ,

Comments Off on ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി

ഫൈസൽ ബാവ യുടെ ‘എ ഹെവൻ ഓഫ് നേച്വർ & നോളജ് ഇൻ വെളിയങ്കോട്’ പ്രകാശനം ചെയ്തു

March 25th, 2025

a-haven-of-nature-and-knowledge-in-veliyancode-book-of-faisal-bava-ePathram

വെളിയങ്കോട് : എം. ടി. എം. കോളേജിനു വേണ്ടി, പ്രമുഖ പരിസ്ഥിതി പ്രവർത്തകനും ഇ-പത്രം കോളമിസ്റ്റും കൂടിയായ ഫൈസൽ ബാവ തയ്യാറാക്കി, എം. ടി. എം. പബ്ലിക്കേഷൻ പ്രസിദ്ധീകരിച്ച എ ഹെവൻ ഓഫ് നേച്വർ & നോളജ് ഇൻ വെളിയങ്കോട് (A Haven of Nature &  Knowledge in Veliyancode) എന്ന പുസ്തകത്തിൻ്റെ പ്രകാശനം വെളിയങ്കോട് പഞ്ചായത്ത് വിദ്യാഭ്യാസ ആരോഗ്യ സ്റ്റാന്റിങ് കമ്മറ്റി ചെയർമാൻ സെയ്ദ് പുഴക്കര നിർവ്വഹിച്ചു.

പ്രകൃതിയെ അടുത്തറിയാൻ വിദ്യാർത്ഥികൾക്ക് ഇതൊരു മികച്ച റഫറൻസ് ഗ്രന്ഥമാണ് എന്ന് പുസ്‍തകം പ്രകാശിപ്പിച്ചു കൊണ്ട് അദ്ദേഹം പറഞ്ഞു. നാടക പ്രവർത്തകനും അഭിനേതാവുമായ ബേബി രാജ് ചെറായി പുസ്തകം ഏറ്റു വാങ്ങി.

എം. ടി. എം. ട്രസ്റ്റ് സെക്രട്ടറി പ്രൊഫസർ ഹവ്വാ ഉമ്മ പരിപാടി ഉദ്ഘാടനം ചെയ്തു. വെളിയങ്കോടിൻ്റെ പ്രകൃതിയെ സൂക്ഷ്മമായി നിരീക്ഷിക്കുകയും ഇവിടെ എത്തുന്ന ദേശാടന പക്ഷികൾ, മരങ്ങൾ, ഔഷധ ചെടികൾ, വംശ നാശം നേരിടുന്ന ചെറു ശുദ്ധ ജല മൽസ്യങ്ങൾ, രക്തശാലി നെല്ലിൻ്റെ വിളവെടുപ്പ് തുടങ്ങിയവയെ കുറിച്ച് വിശദമായി വിവരിക്കുന്ന പ്രകൃതിയെ ആഴത്തിൽ തൊട്ടറിഞ്ഞ മികച്ച ഒരു പുസ്തകം ആണെന്ന് ഉദ്ഘാടന പ്രസംഗത്തിൽ പറഞ്ഞു.

പ്രിൻസിപ്പൽ ജോൺ ജോസഫ് അദ്ധ്യക്ഷനായിരുന്നു. വിവിധ വിഭാഗം മേധാവികളായ മായ സി., ഫൗഷിബ. പി. കെ. എം., നന്ദകുമാർ സി. പി.  തുടങ്ങിയവർ  സംസാരിച്ചു.

എൻ. എസ്. എസ്. യുണിറ്റ് സെക്രട്ടറി റഹീഷ സ്വാഗതം പറഞ്ഞു. ഗ്രന്ഥകാരൻ ഫൈസൽ ബാവ മറുപടി പ്രസംഗവും നടത്തി.

- pma

വായിക്കുക: , , , , ,

Comments Off on ഫൈസൽ ബാവ യുടെ ‘എ ഹെവൻ ഓഫ് നേച്വർ & നോളജ് ഇൻ വെളിയങ്കോട്’ പ്രകാശനം ചെയ്തു

സൗഹൃദ സ്നേഹ സംഗമമായി സമൂഹ നോമ്പുതുറ

March 18th, 2025

ramadan-kareem-iftar-dates-ePathram

ദുബായ് : മലബാർ പ്രവാസി ( യു. എ. ഇ.) ദുബായ് കറാമ മൻഖൂൾ പാർക്കി ൽ സംഘടിപ്പിച്ച സമൂഹ നോമ്പുതുറ സൗഹൃദ സ്നേഹ സംഗമമായി. പ്രസിഡണ്ട് അഡ്വ. അസീസ് തോലേരി അദ്ധ്യക്ഷത വഹിച്ചു. മുഖ്യ രക്ഷാധികാരി മോഹൻ എസ്. വെങ്കിട്ട് ഉത്ഘാടനം ചെയ്തു.

മാധ്യമ പ്രവർത്ത കൻ നാസർ ബേപ്പൂർ റമദാൻ സന്ദേശം നൽകി. മൊയ്‌തു കുട്ട്യാടി, ഇ. കെ. ദിനേശൻ, അഡ്വ. മുഹമ്മദ് സാജിദ്, ഹാരിസ് സക്കറിയ പോൾ, ഷൈജ, സമീറ, ആബിദ, റെജി, അഡ്വ.ദേവദാസ്, ഇഖ്ബാൽ ചെക്യാട്, സുനിൽ പാറേമ്മൽ, ബഷീർ മേപ്പയൂർ സംസാരിച്ചു. സെക്രട്ടറി ശങ്കർ സ്വാഗതവും ട്രഷറർ ചന്ദ്രൻ പി. എം. നന്ദിയും പറഞ്ഞു.

മലബാറിലെ ആറ് ജില്ലകളിലെ പ്രവാസികളെ ഏകോപിപ്പിച്ചു ഒന്നര പതിറ്റാണ്ടോളമായി പ്രവർത്തി ക്കുന്ന യു. എ. ഇ. യിലെ പ്രമുഖ സൗഹൃദ കൂട്ടായ്മയാണ് മലബാർ പ്രവാസി (യു. എ. ഇ.). മലബാർ മേഖലയിലെ കലാ, സാംസ്കാരിക, സാമൂഹിക പ്രവർത്തകർ ഉൾപ്പെടെ സ്ത്രീകളും കുട്ടി കളും അടക്കം നൂറിൽ പരം ആളുകൾ പരിപാടിയിൽ പങ്കെടുത്തു.

- pma

വായിക്കുക: , , ,

Comments Off on സൗഹൃദ സ്നേഹ സംഗമമായി സമൂഹ നോമ്പുതുറ

ഇഖ്‌വ ഇഫ്‌താർ സൗഹൃദ സംഗമം

March 18th, 2025

ramadan-kareem-iftar-dates-ePathram

ദുബായ് : കുഞ്ഞാലിമരക്കാർ ഗ്രാമം ഇരിങ്ങൽ കോട്ടക്കൽ നിവാസി കളുടെ കൂട്ടായ്മ എമിറേറ്റ്സ്‌ കോട്ടക്കൽ വെൽഫെയർ അസോസിയേഷൻ (ഇഖ്‌വ) ദുബായ് അൽ തവാർ പാർക്കിൽ സംഘടിപ്പിച്ച ഇഫ്‌താർ സൗഹൃദ സംഗമം നിയാർക് ചെയർമാൻ അബ്ദുൽ ഖാലിഖ് ഉത്ഘാടനം ചെയ്തു. ജിനാസ് ഖാൻ വിശിഷ്ടാതിഥി ആയിരുന്നു.

ekwa-emirates-kottakkal-welfare-asociation-ifthar-meet-2025-ePathram

ഇഖ്‌വ പ്രസിഡണ്ട് അഡ്വ. മുഹമ്മദ് സാജിദ് അദ്ധ്യക്ഷത വഹിച്ചു. റിയാസ്, അബ്ഷർ, ഫസൽ, ഷിറാസ്, അബൂബക്കർ, സകരിയ്യ, നവാസ് എം. കെ., മുസ്തഫ യു. ടി. എന്നിവർ സംസാരിച്ചു.

സിറാജ് സി. പി., സിദ്ധീഖ്, ഷമീൽ, നജീർ, ഷാനു, ഷാഫി, ഷംനാസ്, മുഹമ്മദലി, ജാവീദ്, സമദ്, ജുനൈദ്, അജ്മൽ ടി. ടി., മുഹന്നദ് , തുടങ്ങിയവർ നേതൃത്വം നൽകി.

കുടുംബിനികൾ വീടുകളിൽ തയ്യാറാ ക്കിയ നാടൻ വിഭവങ്ങൾ ഇഫ്താറിന് കൊഴുപ്പേകി. സ്ത്രീകളും കുട്ടികളും ഉൾപ്പെടെ നൂറോളം പേർ ഇഖ്‌വ ഇഫ്‌താർ സൗഹൃദ സംഗമത്തിൽ പങ്കെടുത്തു.

- pma

വായിക്കുക: , , , ,

Comments Off on ഇഖ്‌വ ഇഫ്‌താർ സൗഹൃദ സംഗമം

Page 1 of 32212345...102030...Last »

« Previous « കേരള പുരസ്‌കാരങ്ങൾ സമ്മാനിച്ചു
Next Page » സൗഹൃദ സ്നേഹ സംഗമമായി സമൂഹ നോമ്പുതുറ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha