 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പുതു വർഷ പിറവി ദിനമായ 2025 ജനുവരി 1 ബുധനാഴ്ച യു. എ. ഇ. യിലെ സര്‍ക്കാര്‍ ജീവനക്കാര്‍ക്ക് പൊതു അവധി ആയിരിക്കും എന്ന് ഫെഡറല്‍ അതോറിറ്റി ഫോര്‍ ഗവണ്‍മെന്റ് ഹ്യൂമന്‍ റിസോഴ്സ്. വരുന്ന വര്‍ഷത്തില്‍ രാജ്യത്തെ ആദ്യത്തെ പൊതു അവധിയായിരിക്കും ഇത്.
രാജ്യത്തെ സ്വകാര്യ മേഖലക്കും പുതു വത്സര പിറവി ദിനം വേതനത്തോട് കൂടിയ അവധി ആയിരിക്കും എന്ന് മനുഷ്യ വിഭവ സ്വദേശി വത്കരണ മന്ത്രാലയം (MoHRE) അറിയിച്ചു.
- pma
മസ്കറ്റ് : മത വിദ്യാഭ്യാസമല്ല ദൈവിക മാർഗ്ഗങ്ങളാണ് മനുഷ്യന് അന്യമായിക്കൊണ്ടിരിക്കുന്നത് എന്ന് സുൽത്വാനിയ ഫൗണ്ടേഷൻ പ്രസിഡണ്ട് ശൈഖ് മുഹമ്മദ് ബാവ ഉസ്താദ്. ഒമാനിലെ മബേലയിൽ സുൽത്വാനിയ കോൺക്ലേവ് ഉദ്ഘാടനം ചെയ്തു സംസാരിക്കുക യായിരുന്നു അദ്ദേഹം.
മത കലാലയങ്ങളും മത പഠനങ്ങളും എവിടെയും ലഭ്യമാണിന്ന്. എന്നാൽ, കർമ്മങ്ങളുടെ സ്വീകാര്യത ദൈവ മാർഗ്ഗം സ്വീകരിച്ചവർക്ക് മാത്രമാണ്. സംഘടന വളർത്തലും മതം വളർത്തലും വർഗ്ഗീയത, കലാപങ്ങൾ എന്നിവയിലേക്കാണ് ലോകത്തെ എത്തിക്കുന്നത്. വിശുദ്ധരായ ആളുകളുടെ കൈകളിലാണ് ദൈവ മാർഗ്ഗം നില കൊള്ളുന്നത്.
തിരുനബി (സ്വ) യുടെ അനന്തരാവകാശികളായ പ്രതിനിധികളെയാണ് അല്ലാഹു അതിന് നിയോഗിച്ചിട്ടുള്ളത്. അബ്ദുൽ ഖാദിർ ജീലാനി, സ്വാഹിബുൽ മിർബാത് എന്നിവരെപ്പോലുള്ള മഹാന്മാരുടെ പിന്തുടർച്ചക്കാരിലാണ് ഇന്ന് അതുള്ളത്.
ഒമാൻ അടക്കമുള്ള അറബ് രാഷ്ട്രങ്ങളോട് ലോകം കടപ്പെട്ടവരാണ്. ദാരിദ്ര്യത്തിൽ കഴിഞ്ഞിരുന്ന ഏഷ്യൻ രാജ്യങ്ങൾ പലതും അറബ് രാഷ്ട്രങ്ങളെ കൊണ്ട് ഉയർന്നു വന്നവരാണ്. മലയാളികളായ നമ്മുടെ ജീവിത നിലവാരം ഉയർത്തുന്നതിൽ അറബ് ദേശങ്ങൾ നിർണ്ണായക പങ്ക് വഹിച്ചിട്ടുണ്ട്.
ഒരു പറ കൊയ്ത് മെതിച്ചു കിട്ടുന്ന ഒരു നാരായം നെല്ല് കൊണ്ട് ജീവിതം പുലർത്തിയിരുന്ന നാടുകൾ ആയിരുന്നു നമ്മുടേത്. നമ്മുടെ പ്രാർത്ഥനകളിൽ അറബ് നാടുകളും ഉണ്ടായിരിക്കണം. അതേസമയം ജീവിതത്തിൻ്റെ ലക്ഷ്യം മറന്ന് നാം സുഖ സൗകര്യ ങ്ങളെ ലക്ഷ്യം വെക്കുന്നവരായി മാറി പ്പോകുന്നതിനെ സൂക്ഷിക്കണം എന്നും ശൈഖ് മുഹമ്മദ് ബാവ ഉസ്താദ് പറഞ്ഞു.
ഒമാനിലെ ഖാദിരിയാ സൂഫീ മാർഗ്ഗത്തിലെ ഖലീഫ ശൈഖ് അബ്ദുൽ മജീദ് അൽ-മൈമനി അൽ ഖാദിരി മുഖ്യ അതിഥിയായിരുന്നു. സയ്യിദ് അബ്ദുൽ കരീം അൽ ബുഖാരി ഉദ്ഘാടനം ചെയ്തു.
ഡോ. ശൈഖ് അബ്ദുൽ നാസിർ മഹ്ബൂബി, ജാസിം മഹ്ബൂബി, സ്വാലിഹ് മഹ്ബൂബി, ആരിഫ് സുൽത്വാനി, അബ്ദുൽ അസീസ് അസ്ഹരി, അസീം മന്നാനി, താജുദ്ദീൻ മുസ്ലിയാർ, അബ്ദുൽ ഹകീം കോട്ടയം, ജൈസൽ തിരൂർ സംസാരിച്ചു.
- pma
ന്യൂഡല്‍ഹി : തബല മാന്ത്രികന്‍ ഉസ്താദ് സാക്കിര്‍ ഹുസൈന്‍ (73) അന്തരിച്ചു. അമേരിക്കയിൽ വെച്ചാണ് അന്ത്യം. ഹൃദയ സംബന്ധമായ പ്രശ്‌നങ്ങളെ തുടര്‍ന്ന് ഐ. സി. യു. വില്‍ പ്രവേശിപ്പിച്ച ആദ്ദേഹത്തിൻ്റെ ആരോഗ്യ സ്ഥിതി ഗുരുതരമായി തുടരുകയായിരുന്നു.
പ്രശസ്ത തബല വാദകൻ ഉസ്താദ് അല്ലാഹ് രഖാ ഖാൻ്റെ മകനായി 1951-ല്‍ മുംബൈയിലാണ് സാക്കിര്‍ ഹുസൈൻ ജനിച്ചത്. പിതാവ് തന്നെയായിരുന്നു. അദ്ദേഹത്തിൻറെ ഗുരു.
12-ാം വയസ്സു മുതല്‍ കച്ചേരികള്‍ അവതരിപ്പിക്കാന്‍ തുടങ്ങി. മുംബൈ സെന്റ് സേവ്യേഴ്സ് കോളേജിലെ പഠനം പൂര്‍ത്തിയാക്കിയ സക്കീര്‍ ഹുസൈന്‍ 1970 ല്‍ അമേരിക്കയില്‍ സിത്താര്‍ മാന്ത്രികന്‍ രവി ശങ്കറിനൊപ്പം പതിനെട്ടാമത്തെ വയസില്‍ കച്ചേരി അവതരിപ്പിച്ചു.
പ്രമുഖരായ സംഗീതജ്ഞര്‍ക്കൊപ്പം തബല വായിച്ചു തുടങ്ങിയ സക്കീര്‍ ഹുസൈന്‍ താളവാദ്യ വിദഗ്ധന്‍, സംഗീത സംവിധായകന്‍ (മലയാളത്തിൽ വാന പ്രസ്ഥം), ചലച്ചിത്ര നടന്‍ (ഹീറ്റ് ആന്റ് ഡസ്റ്റ്, ദി പെര്‍ഫക്റ്റ് മര്‍ഡര്‍, മിസ് ബ്യൂട്ടിസ് ചില്‍ഡ്രന്‍, സാസ് എന്നീ സിനിമകൾ) തുടങ്ങിയ മേഖലകളിൽ തിളങ്ങി.
പത്മശ്രീ, പത്മഭൂഷണ്‍, പത്മ വിഭൂഷണ്‍ എന്നീ പുരസ്‌കാരങ്ങള്‍ നല്‍കി രാജ്യം അദ്ദേഹത്തെ ആദരിച്ചു.
പോപ്പ് ബാന്‍ഡ് ‘ദി ബീറ്റില്‍സ്’ ഉള്‍പ്പെടെ നിരവധി പാശ്ചാത്യ സംഗീതജ്ഞരുമായി സഹകരിച്ചു. തബല എന്ന വാദ്യോപകരണത്തെ ലോക പ്രശസ്തി യിലേക്ക് ഉയര്‍ത്തുന്നതില്‍ പ്രധാന പങ്കു വഹിച്ചിട്ടുണ്ട്.
അമേരിക്കയിലെ പരമ്പരാഗത കലാകാരന്‍മാര്‍ക്കും സംഗീതജ്ഞര്‍ക്കും നല്‍കുന്ന ഏറ്റവും ഉയർന്ന ബഹുമതി യുണൈറ്റഡ് നാഷണല്‍ എന്‍ഡോവ്‌ മെന്റ് ഫോര്‍ ആര്‍ട്‌സ് നാഷണല്‍ ഹെറിറ്റേജ് ഫെലോഷിപ്പ് കരസ്ഥമാക്കി.
ലോകരാജ്യങ്ങളിലെ താളവാദ്യ വിദഗ്ധരെ ഒരുമിപ്പിച്ച് പ്ലാനറ്റ് ഡ്രം എന്ന പേരില്‍ അമേരിക്കന്‍ സംഗീതജ്ഞൻ മിക്കി ഹാര്‍ട്ട് തയ്യാറാക്കിയ സംഗീത ആല്‍ബത്തില്‍ ഇന്ത്യയില്‍ നിന്നും തബലയിൽ സക്കീര്‍ ഹുസ്സൈൻ, കൂടെ ഘടം വിദഗ്ധന്‍ വിക്കു വിനായക റാം എന്നിവരും ഭാഗമായി.
1991ലെ ലോകത്തിലെ മികച്ച സംഗീത ആല്‍ബ ത്തിനുള്ള ഗ്രാമി പുരസ്‌കാരം ഈ ആല്‍ബത്തിലൂടെ ആദ്യമായി സക്കീര്‍ ഹുസൈന്‍ കരസ്ഥമാക്കി. നാലു തവണ ഗ്രാമി അവാര്‍ഡ് നേടിയ പ്രതിഭ യായിരുന്നു ഉസ്താദ് സക്കീർ ഹുസ്സൈൻ. കഥക് നര്‍ത്തകിയും അദ്ധ്യാപികയുമായ അന്റോണിയ മിനെക്കോളയാണ് ഭാര്യ. മക്കൾ : അനിസ ഖുറേഷി ഇസബെല്ല ഖുറേഷി എന്നിവർ.
- pma
വായിക്കുക: music-maestro, remembrance, ചരമം, പ്രവാസി, സംഗീതം, സിനിമ
അബുദാബി : ചാവക്കാട്ടുകാരുടെ സൗഹൃദക്കൂട്ടായ്മ ‘നമ്മൾ ചാവക്കാട്ടുകാർ – ഒരാഗോള സൗഹൃദക്കൂട്ട്’ യു. എ. ഇ. ചാപ്റ്റർ സംഘടിപ്പിച്ച കുടുംബ സംഗമം ’നമ്മൾസ് സ്നേഹോത്സവം’ എന്ന പേരിൽ ഷാർജ മദാമ്മിലുള്ള ഫാം ഹൗസ്സിൽ നടന്നു. കൂട്ടായ്മയുടെ രക്ഷാധികാരികൾ ആയിരുന്ന ഇ. പി. മൂസ ഹാജി, അഷ്‌റഫ്‌ കാനാമ്പുള്ളി, കെ. എച്ച്. താഹിർ എന്നിവ ർ മുഖ്യഅതിഥികളായി സംബന്ധിച്ചു.
ആക്ടിംഗ് പ്രസിഡണ്ട് ഇ. പി. അബ്ദു റഹ്മാൻ കൂട്ടായ്മ യുടെ പ്രവർത്തനങ്ങളെ കുറിച്ച് വിശദീകരിച്ചു. ജനറൽ സെക്രട്ടറി അലാവുദ്ധീൻ സ്വാഗതം പറഞ്ഞു.
ഗ്ലോബൽ കൺവീനർ അബൂബക്കർ ഗ്ലോബൽ തല പ്രവർത്തനങ്ങൾ വിശദീകരിച്ചു. പ്രോഗ്രാം കൺവീനർ ഷാജഹാൻ സിംഗം, ട്രഷറർ ടി. വി. ഫിറോസ്, സെക്രട്ടറിമാരായ അൻവർ ഹുസൈൻ, ശറഫുദ്ധീൻ മങ്ങാട്ട്, തുടങ്ങിയവർ സംസാരിച്ചു.
അംഗങ്ങളും കുടുംബാംഗങ്ങളും വിവിധ ഗ്രൂപ്പുകളായി തിരിഞ്ഞു ആവേശകരമായ രീതിയിൽ കലാ കായിക മത്സരങ്ങൾ സംഘടിപ്പിച്ചു. കമ്പ വലി, സുന്ദരിക്ക് പൊട്ടുകുത്തൽ തുടങ്ങിവ ഏറെ ശ്രദ്ധേയമായി. തരംഗ് ഓർക്കസ്ട്ര അവതരിപ്പിച്ച സംഗീത നിശയും അരങ്ങേറി.
എക്സിക്യൂട്ടീവ് അംഗങ്ങളായ മുബാറക്ക് ഇമ്പാറക്ക്, സാദിഖ് അലി, മുസ്തഫ കണ്ണാട്ട്, ഷുക്കൂർ ചാവക്കാട്, കമറുദ്ധീൻ, അഷ്‌റഫ്‌ കാസിം, സക്കരിയ, അസ്ഗർ അലി, അബ്ദുൽ സലാം, അബ്ദുൽ നാസർ, ഷാഹു മോൻ, മുജീബ് റഹ്മാൻ, ഷാജി എം. അലി, ഫിറോസ് അലി, മുഹമ്മദ് അക്ബർ, ഹാറൂൺ, അഭിലാഷ്, മുഹാദ്, നൗഷാദ് ടി. വി., ഉണ്ണി പുന്നാര, ആഷിഫ് റഹ്മാൻ, ആഷിക്, എന്നിവർ പരിപാടികൾക്ക് നേതൃത്വം നൽകി. FB PAGE : ePathram TAG
- pma
വായിക്കുക: chavakkad, ആഘോഷം, കുട്ടികള്‍, പൂര്‍വ വിദ്യാര്‍ത്ഥി, പ്രവാസി, സംഘടന, സ്ത്രീ
അബുദാബി : സംസ്ഥാന കെ. എം. സി. സി. സംഘടിപ്പിക്കുന്ന ഓൾ ഇന്ത്യ കബഡി ടൂർണ്ണ മെന്റ്, ഡിസംബർ 15 ഞായറാഴ്ച മുഷ്‌രിഫ് ലിവ ഇന്റർ നാഷണൽ സ്കൂൾ ഇൻഡോർ സ്റ്റേഡിയത്തിൽ വെച്ച് നടക്കും. രാവിലെ പതിനൊന്ന് മണിക്ക് മത്സരങ്ങൾ ആരംഭിക്കും. കേരളത്തിലെ എട്ടു ജില്ലകളെ പ്രതിനിധീകരിച്ചു ഇന്ത്യയിലെ പ്രമുഖ കബഡി ടീമുകളാണ് മത്സരത്തിൽ മാറ്റുരക്കുന്നത്.
ഫ്രണ്ട്സ് ആറാട്ടു കടവ് (പാലക്കാട്), ന്യൂ മാർക്ക് മാംഗ്ലൂർ (കാസർ ഗോഡ്), റെഡ് വേൾഡ് കൊപ്പൽ (എറണാകുളം), ബ്രദേഴ്സ് കണ്ടൽ (മലപ്പുറം) എന്നീ ടീമുകൾ ഗ്രൂപ്പ് – എ യിലും റെഡ് സ്റ്റാർ ദുബായ് (തൃശൂർ), ടീം ഫൈമുസ്‌ 02 പൊന്നാനി (കണ്ണൂർ), ടീം തമിഴ്നാട് (തിരുവന്തപുരം), ബട്കൽ ബുൾസ് (കോഴിക്കോട്) എന്നീ ടീമുകൾ ഗ്രൂപ്പ് -ബി യിലുമാണ് മത്സരിക്കുന്നത്.
നാസിർ അമ്മികുപ്പാട്ടി, അജി കണ്ടൽ, മൻസൂർ കണ്ടൽ, സാഗർ സൂരജ് ഹരിയാന, സന്ദീപ് നർവാൽ ഹരിയാന, അമൽ രാജ്, ആദർശ് കൊപ്പാൽ, നിവേദ് കൊപ്പാൽ, റഷീദ് ബാനർജി, ആഫ്രീദ്, കലന്തർ സഫ്രാസ് തുടങ്ങിയ പതിനെട്ടോളം പ്രമുഖ പ്രൊ-ഇന്ത്യ കബഡി ടീം അംഗങ്ങൾ മത്സരങ്ങളിൽ പങ്കാളികളാകും. ഓരോ ടീമിലും രണ്ട് ഇന്ത്യൻ പ്രൊ-കബഡി ടീം അംഗങ്ങൾ മത്സരിക്കും.
അന്തർ ദേശീയ മത്സരങ്ങളിൽ പരിചയ സമ്പന്നരായ ഏഴോളം റഫറിമാരാണ് മത്സരങ്ങൾ നിയന്ത്രിക്കുക. ഒന്നാം സ്ഥാനക്കാർക്ക് 5000 ദിർഹവും ട്രോഫിയും മെഡലും രണ്ടാം സ്ഥാനക്കാർക്ക് 3000 ദിർഹം ട്രോഫിയും മെഡലും മൂന്നും നാലും സ്‌ഥാനക്കാർക്കു 1000 ദിർഹം ട്രോഫി എന്നിങ്ങനെ യാണ് സമ്മാനം. കൂടാതെ മികച്ച റൈഡർ, മികച്ച ക്യാച്ചർ, എമേർജിങ് പ്ലേയർ തുടങ്ങിയവർക്ക്‌ ട്രോഫികളും സമ്മാനിക്കും.
- pma
വായിക്കുക: kabaddi, social-media, കായികം, കെ.എം.സി.സി., പ്രവാസി, സംഘടന
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
