ചേറ്റുവോത്സവം ഞായറാഴ്ച

June 16th, 2023

chettuwa-association-chettuwoltavam-2023-ePathram
ഷാർജ : തൃശ്ശൂർ ജില്ലയിലെ ചേറ്റുവ സ്വദേശികളുടെ യു. എ. ഇ. യിലെ സാംസ്കാരിക കൂട്ടായ്മ ചേറ്റുവ അസ്സോസിയേഷൻ സംഘടിപ്പിക്കുന്ന 18-ാമത് ‘ചേറ്റുവോത്സവം-2023’ ജൂൺ 18 ഞായറാഴ്ച ഉച്ചക്ക് 2 മണി മുതൽ രാത്രി 10 മണി വരെ ഷാർജ മുവൈലയിലെ ഡൽഹി പ്രൈവറ്റ് സ്കൂൾ ഓഡിറ്റോറിയത്തിൽ നടക്കും.

സാംസ്‌കാരിക സമ്മേളനം, ശിങ്കാരി മേളം, സ്റ്റാർ സിംഗേഴ്സ്‌ നൈറ്റ്‌, ‘അപ്പൂപ്പൻ താടി’ മ്യൂസിക്‌ ബാൻഡ് അവതരണം, കുട്ടികളുടെ വിവിധ കലാ പരിപാടികൾ എന്നിവയും ഉണ്ടായിരിക്കും എന്ന് മുഖ്യ രക്ഷാധികാരി പി. ബി. ഹുസൈൻ, പ്രസിഡണ്ട് ബഷീർ കന്നത്ത് പടി, സെക്രട്ടറി നിസാർ, ട്രഷറർ ഇയ്യാസ് എന്നിവർ അറിയിച്ചു.

- pma

വായിക്കുക: , , , , , ,

Comments Off on ചേറ്റുവോത്സവം ഞായറാഴ്ച

മലപ്പുറം ഫെസ്റ്റ് : ‘മഹിതം മലപ്പുറം’ ജൂൺ 17, 18 തിയ്യതികളിൽ ഇസ്ലാമിക് സെന്‍ററിൽ

June 14th, 2023

logo-mahitham-malappuram-kmcc-fest-2023-ePathram

അബുദാബി : മലപ്പുറം ജില്ലാ കെ. എം. സി. സി. ഒരുക്കുന്ന മലപ്പുറം ഫെസ്റ്റ് ‘മഹിതം മലപ്പുറം’ എന്ന പേരില്‍ ജൂൺ 17, 18 ശനി, ഞായര്‍ ദിവസങ്ങളില്‍ അബുദാബി ഇന്ത്യൻ ഇസ്ലാമിക് സെന്‍ററിൽ അരങ്ങേറും എന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.

മലപ്പുറം ജില്ലയുടെ മഹിതമായ മത മൈത്രിയും ഊഷ്മളമായ പാരമ്പര്യങ്ങളും സമ്പന്നമായ കലാ കായിക സാഹിത്യ സാംസ്കാരിക പൈതൃകവും മലപ്പുറത്തിന്‍റെ തനതായ രുചി വൈവിധ്യങ്ങളും അനുഭവിച്ചറിയാനുമുള്ള വേദിയായിരിക്കും ‘മഹിതം മലപ്പുറം’ എന്ന് സംഘാടകര്‍ പറഞ്ഞു. പ്രവേശനം സൗജന്യം ആയിരിക്കും.

kmcc-mahitham-malappuram-fest-ePathram

2023 ജൂൺ 17 ശനിയാഴ്ച വൈകുന്നേരം 4 മണി മുതൽ രാത്രി 11 മണി വരെയും ജൂൺ 18 ഞായറാഴ്ച രാവിലെ 9 മണി മുതൽ രാത്രി 11 മണി വരെയും നടക്കുന്ന മലപ്പുറം ഫെസ്റ്റില്‍ പ്രശസ്ത കലാകാരൻ മധുലാൽ കൊയിലാണ്ടിയുടെ കലാ പ്രകടനവും അബുദാബി യിലെ കലാ കൂട്ടായ്മകളുടെ വേറിട്ട പ്രകടനങ്ങളും രണ്ടു ദിവസങ്ങളിലുമായി അരങ്ങേറും.

ഇസ്ലാമിക് സെന്‍ററില്‍ ഒരുക്കുന്ന വിവിധ സ്റ്റാളുകളില്‍ നാടിന്‍റെ തനതു രുചികളില്‍ ഭക്ഷണ പലഹാര പാനീയങ്ങള്‍ ലഭ്യമാകും.

അബുദാബി സംസ്ഥാന കെ. എം. സി. സി.ക്കു കീഴിലുള്ള ഏറ്റവും വലിയ ജില്ലാ കമ്മിറ്റിയാണ് മലപ്പുറം ജില്ലാ കെ. എം. സി. സി. പതിനാറ് മണ്ഡലം കമ്മറ്റികളിൽ നിന്നായി പതിനായിരത്തോളം അംഗങ്ങൾ അബുദാബി മലപ്പുറം ജില്ലാ കെ. എം. സി. സി. ക്ക് കീഴിൽ ഉണ്ട്. അതു കൊണ്ട് തന്നെ ഒരു പ്രവാസി സംഘടനാ അബുദാബിയിൽ നടത്തുന്ന ഏറ്റവും വലിയ ഉത്സവം ആയിരിക്കും മഹിതം മലപ്പുറം എന്ന മലപ്പുറം ഫെസ്റ്റ്.

അബുദാബി കെ. എം. സി. സി. സംസ്ഥാന കമ്മിറ്റി പ്രസിഡണ്ട് ഷുക്കൂറലി കല്ലുങ്കൽ, മഹിതം മലപ്പുറം ഉപദേശക സമിതി അംഗം ടി. കെ. അബ്ദുൽ സലാം, മലപ്പുറം ജില്ലാ കെ. എം. സി. സി. നേതാക്കളായ അസീസ് കാളിയാടൻ, കെ. കെ. ഹംസ ക്കോയ, അഷ്‌റഫ് അലി പുതുക്കുടി, നൗഷാദ് തൃപ്രങ്ങോട്, മഹിതം മലപ്പുറം മുഖ്യ പ്രായോജകരായ ബുർജീൽ ഹോൾഡിംഗ്സ് പ്രതിനിധി ഡോക്ടർ. നവീൻ ഹൂദ് അലി, സഹ പ്രായോജക പ്രതിനിധി മുഹമ്മദ് ശരീഫ് എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.

- pma

വായിക്കുക: , , , ,

Comments Off on മലപ്പുറം ഫെസ്റ്റ് : ‘മഹിതം മലപ്പുറം’ ജൂൺ 17, 18 തിയ്യതികളിൽ ഇസ്ലാമിക് സെന്‍ററിൽ

അബുദാബി സാംസ്കാരിക വേദി പുതിയ കമ്മിറ്റി

June 14th, 2023

logo-face-book-samskarikha-vedhi-kerala-9-ePathram
അബുദാബി : കലാ സാംസ്കാരിക ജീവ കാരുണ്യ കൂട്ടായ്മ അബുദാബി സാംസ്കാരിക വേദിക്ക് പുതിയ നേതൃത്വം.  മുസ്സഫയിലെ മലയാളീ സമാജത്തില്‍ നടന്ന സാംസ്കാരിക വേദി വാര്‍ഷിക ജനറല്‍ ബോഡി യിലാണ് 2023-24 പ്രവര്‍ത്തന വര്‍ഷത്തേക്കുള്ള പുതിയ കമ്മിറ്റിയെ തെരഞ്ഞെടുത്തത്.

ടി. വി. സുരേഷ് കുമാർ (പ്രസിഡണ്ട്), സാബു അഗസ്‌റ്റിൻ (വർക്കിംഗ് പ്രസിഡണ്ട്), ബിമൽ കുമാർ (ജനറൽ സെക്രട്ടറി), മുജീബ് അബ്ദുൽ സലാം (ട്രഷറർ) എന്നിവരാണ് പ്രധാന ഭാരവാഹികള്‍.

അനൂപ് നമ്പ്യാർ (മുഖ്യ രക്ഷാധികാരി), കേശവൻ ലാലി, മൊയ്തീൻ അബ്ദുൾ അസീസ്, ഷാനവാസ് മാധവൻ, മത്താർ മോഹനൻ എന്നിവരാണ് മറ്റു രക്ഷാധികാരിമാര്‍.

abu-dhabi-samskarika-vedhi-new-committee-2023-24-ePathram

അനീഷ് ഭാസി, റോയിസ്‌ ജോർജ്ജ്, എം. രാജേഷ് കുമാർ (വൈസ് പ്രസിഡണ്ടുമാർ) അൻസർ വെഞ്ഞാറമൂട്, ഹരൂൺ മുരുക്കും പുഴ, രാജീവ് വൽസൺ (സെക്രട്ടറിമാർ), ഓ. പി. സഗീർ. (ചീഫ് കോഡിനേറ്റർ), എം. കെ. ഫിറോസ് (ഇവന്‍റ്), സലിം നൗഷാദ് (വെൽഫയർ സെക്ര.), റാഫി പെരിഞ്ഞനം (ആർട്സ് സെക്ര.), ശ്യം പൂവത്തൂർ (മൂസിക് ക്ലബ്ബ് സെക്ര.),  രാജേഷ് കുമാർ കൊല്ലം (സ്പോർട്സ് സെക്ര.), സിർജാൻ അബ്ദുൾ വഹീദ് (മീഡിയ സെക്ര.), രജീഷ് കോടത്ത് (വെൽ ഫയർ അസി. സെക്ര.), മുഹമ്മദ് ഷഹൽ (ആർട്സ് അസി. സെക്ര.), ദിർഷാൻ സാലി (മൂസിക് ക്ലബ്ബ് അസി. സെക്ര.), എ. സി. അലി (സ്പോർട്സ് അസി. സെക്ര.), സുനിൽ കുമാർ (ജോ. ട്രഷറർ), ഉമേഷ് കാഞ്ഞങ്ങാട് (മീഡിയ അസി. സെക്ര.), സന്തോഷ് ബാബു, അബ്ദുൾ വഹാബ് (കോഡിനേഷന്‍) എന്നിവരാണ് മറ്റു ഭാര വാഹികൾ.

ശങ്കർ സത്യൻ, ജയകുമാർ പെരിയ, രതീഷ് വർക്കല, റോജി വർഗ്ഗീസ്, ശ്രീജിത്ത് കുറ്റിക്കോൽ, ഹരീഷ് ആയംമ്പാറ, ഹിഷാം ഷറഫുദ്ദീൻ, രാഹുൽ ബാബു ചെത്തിക്കാട്ടിൽ, മുസ്തഫ പാടൂർ എന്നിവര്‍ എക്സികൂട്ടിവ് കമ്മിറ്റി അംഗങ്ങൾ.

അനൂപ് നമ്പ്യാരുടെ അദ്ധ്യക്ഷതയിൽ ചേർന്ന ജനറൽ ബോഡിയിൽ ടി. വി. സുരേഷ് കുമാർ പ്രവർത്തന റിപ്പോർട്ടും സാബു അഗസ്‌റ്റിൻ വരവ് ചെലവ് കണക്കും അവതരിപ്പിച്ചു. സുനിൽ കുമാർ നന്ദി പറഞ്ഞു.

സിന്ധു ലാലി, ദീപ ജയകുമാർ, കേശവൻ ലാലി, മത്താർ മോഹനൻ, അനീഷ് ഭാസി, മുജീബ് അബ്ദുൽ സലാം, സഗീർ, ഷാനവാസ് മാധവൻ, ബിമൽ കുമാർ, സലിം നൗഷാദ്, ശ്രീജിത്ത് കുറ്റിക്കോൽ എന്നിവർ സംസാരിച്ചു. യു. എ. ഇ. യിൽ നിന്ന് മറ്റൊരു വിദേശ രാജ്യത്തേക്ക് പോകുന്ന സാംസ്‌കാരിക വേദി അംഗം സുവിഷ് ഭാസിക്ക് യാത്രയയപ്പു നൽകി.

FB Page

 

- pma

വായിക്കുക: , , , , , ,

Comments Off on അബുദാബി സാംസ്കാരിക വേദി പുതിയ കമ്മിറ്റി

എം. പി. വീരേന്ദ്ര കുമാർ അനുസ്മരണം

June 14th, 2023

mp-veerendra-kumar-passes-away-ePathram
ഷാർജ : സോഷ്യലിസ്റ്റ് നേതാവ്, കേന്ദ്ര മന്ത്രി, എഴുത്തു കാരന്‍ എന്നീ നിലകളില്‍ രാഷ്ട്രീയത്തിലും സാഹിത്യ സാംസ്‌കാരിക സാമൂഹിക മണ്ഡല ങ്ങളിലും നിറസാന്നിദ്ധ്യമായിരുന്ന എം. പി. വീരേന്ദ്ര കുമാറിന്‍റെ മൂന്നാം ചരമ വാർഷികത്തോട് അനുബന്ധിച്ച് ജനതാ കൾച്ചറൽ സെന്‍റർ യു. എ. ഇ. കമ്മിറ്റിയുടെ നേതൃത്വത്തില്‍ അനുസ്മരണ യോഗം ചേര്‍ന്നു.

കെ. എം. സി. സി. നേതാവ് പി. കെ. അൻവർ നഹ അനുസ്മരണ യോഗം ഉദ്ഘാടനം ചെയ്തു. കേരളം കണ്ട ക്രാന്ത ദർശിയായ സോഷ്യലിസ്റ്റ് ജന നേതാവും പരിസ്ഥിതി പ്രവർത്തകനും ആയിരുന്നു എം. പി. വീരേന്ദ്ര കുമാർ.

പരിസ്ഥിതി സംരക്ഷണത്തിനു വേണ്ടിയും വർഗ്ഗീയത, ഫാസിസം എന്നിവക്ക് എതിരെയും തന്‍റെ എഴുത്തി ലൂടെയും പ്രഭാഷണ ങ്ങളിലൂടെയും പ്രവർത്തന ങ്ങളിലൂടെയും വീരേന്ദ്ര കുമാർ നടത്തിയ സേവന ങ്ങൾ നിസ്തുലമായിരുന്നു, അവ എന്നുമെന്നും സ്മരിക്കപ്പെടും എന്നും ഉദ്ഘാടന പ്രസംഗത്തിൽ പി. കെ. അൻവർ നഹ അഭിപ്രായപ്പെട്ടു. കാഞ്ഞങ്ങാട് മുൻ നഗര സഭാ അദ്ധ്യക്ഷ ദിവ്യ മണി മുഖ്യാതിഥി ആയിരുന്നു.

മലബാർ പ്രവാസി ജനറൽ സെക്രട്ടറി അഡ്വ. മുഹമ്മദ് സാജിദ് മുഖ്യ പ്രഭാഷണം നടത്തി. അധികാര രാഷ്ട്രീയ ത്തേക്കാള്‍ ഉപരി നിലപാടുകൾക്കും ആദർശ രാഷ്ട്രീയത്തിനും പ്രാധാന്യം നൽകിയ വീരേന്ദ്ര കുമാറിനെ പോലെ യുള്ള നേതാക്കളെ വൈരുദ്ധ്യാത്മക രാഷ്ട്രീയത്തിന്‍റെ വക്താക്കളായ ഇന്നത്തെ നേതാക്കൾ മാതൃകയാക്കണം എന്നും അദ്ദേഹം പറഞ്ഞു.

ജെ. സി. സി. ഓവർസീസ് കമ്മിറ്റി പ്രസിഡണ്ട് പി. ജി. രാജേന്ദ്രൻ അനുസ്മരണ പ്രഭാഷണം നടത്തി. ചടങ്ങിൽ ടി. ജെ. ബാബു അദ്ധ്യക്ഷത വഹിച്ചു. രാജേഷ് എ. കെ., പവിത്രൻ തിക്കോടി, രാമ ചന്ദ്രൻ, സുരേന്ദ്രൻ പയ്യോളി, പ്രദീപ്, മണി, വിജയൻ, ബാബു, ബഷീർ മേപ്പയ്യൂർ എന്നിവർ സംസാരിച്ചു. ജെ. സി. സി. (യു. എ. ഇ.) സെക്രട്ടറി ടെന്നിസൻ ചേന്നപ്പള്ളി സ്വാഗതവും ട്രഷറർ സുനിൽ പാറമ്മൽ നന്ദിയും പറഞ്ഞു.

- pma

വായിക്കുക: , , , , , ,

Comments Off on എം. പി. വീരേന്ദ്ര കുമാർ അനുസ്മരണം

പെരിയ സൗഹൃദ വേദി കമ്മിറ്റി പുന:സ്സംഘടിപ്പിച്ചു

June 13th, 2023

logo-periya-sauhrudha-vedhi-ePathram
അബുദാബി : യു. എ. ഇ. യിലെ പെരിയ നിവാസി കളുടെ സൗഹൃദ കൂട്ടായ്മ ‘പെരിയ സൗഹൃദ വേദി’ യുടെ 2023 – 24 പ്രവര്‍ത്ത വര്‍ഷത്തേക്കുള്ള കമ്മിറ്റിയെ തെരഞ്ഞെടുത്തു.

ഹരീഷ് മേപ്പാട് (പ്രസിഡണ്ട്), അനുരാജ് കാമലോണ്‍ (സെക്രട്ടറി), പ്രവീൺ രാജ് കൂടാനം (ട്രഷറര്‍) എന്നിവരാണ് പ്രധാന ഭാരവാഹികള്‍.

കുട്ടികൃഷ്ണൻ പെരിയ (വൈസ് പ്രസിഡണ്ട്) ഹരീഷ് പെരിയ (ജോയിന്‍റ് സെക്രട്ടറി), ജയ ദേവൻ (ജോയിന്‍റ് ട്രഷറർ), അഖിലേഷ് മാരാംങ്കാവ് (ഓഡിറ്റർ), ശ്രീജിത്ത് പെരിയ (വെൽഫയർ കോഡിനേറ്റർ), രമേശ് പെരിയ സ്പോർട്സ് കൺവീനർ), രാകേഷ് ആനന്ദ് (ആർട്സ് കൺവീനർ), അനൂപ് കൃഷ്ണൻ ച്രാരിറ്റി കൺവീനർ), ലത രാജഗോപാലൻ (ലേഡീസ് കൺവീനർ), സ്നേഹ കുട്ടി കൃഷ്ണൻ (ലേഡീസ് ജോയിന്‍റ് കൺവീനർ) എന്നിവരാണ് മറ്റു ഭാരവാഹികള്‍.

ശ്രീധരൻ പെരിയയുടെ അദ്ധ്യക്ഷതയിൽ ചേർന്ന ജനറൽ ബോഡി യോഗത്തിൽ കുട്ടികൃഷ്ണൻ പെരിയ പ്രവർത്തന റിപ്പോർട്ടും അനൂപ് കൃഷ്ണൻ വരവ് ചെലവ് കണക്കുകളും അവതരിപ്പിച്ചു.

യു. എ. ഇ. ഗോൾഡൻ വിസ ലഭിച്ച അംഗങ്ങളായെ രാജ ഗോപാലൻ, ഫെമിൻ ഫ്രാൻസിസ് എന്നിവരെ ചടങ്ങിൽ ആദരിച്ചു.

പെരിയ വില്ലേജിലെ നിർദ്ധനരായ കുടുംബങ്ങൾക്ക് താങ്ങും തണലുമായ പെരിയ സുഹൃദ വേദിക്ക് പെരിയയിൽ ഒരു ആസ്ഥാന മന്ദിരം നിർമ്മിക്കുവാൻ ആവശ്യമായ സ്ഥലം അനുവദിച്ച് നൽകണം എന്ന് പ്രമേയത്തിലൂടെ യോഗം സംസ്ഥാന സർക്കാറിനോട് ആവശ്യപ്പെട്ടു. FB PAGE

- pma

വായിക്കുക: , ,

Comments Off on പെരിയ സൗഹൃദ വേദി കമ്മിറ്റി പുന:സ്സംഘടിപ്പിച്ചു

Page 30 of 316« First...1020...2829303132...405060...Last »

« Previous Page« Previous « എഡ്യൂ ഫെസ്റ്റിവ് : ജനപങ്കാളിത്തം കൊണ്ട് ശ്രദ്ധേയമായി
Next »Next Page » സമാജം വനിതാ വിഭാഗം – ബാല വേദി പുതിയ കമ്മിറ്റി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha