വിദ്യാർത്ഥികൾക്കായി ഏകീകൃത ഡിജിറ്റൽ തിരിച്ചറിയൽ കാർഡ്

November 12th, 2026

dubai-rta-launch-dubai-student-card-ePathram
ദുബായ് : എമിറേറ്റിലെ വിദ്യാർത്ഥികൾക്കായി ‘ദുബായ് സ്റ്റുഡന്റ് കാർഡ്’ പുറത്തിറക്കി.ദുബായിലെ വിദ്യാർത്ഥികളുടെ ക്യാംപസ് ജീവിത നിലവാരം മെച്ചപ്പെടുത്തുവാനും യാത്രകൾ കൂടുതൽ സുഗമവും സാമ്പത്തിക നേട്ടം ഉള്ളതും ആക്കുവാനും ലക്ഷ്യമിട്ട് കൊണ്ടാണ് വിവിധ സാങ്കേതിക സംവിധാനങ്ങൾ ഒരുമിപ്പിച്ച് ‘ദുബായ് സ്റ്റുഡന്റ് കാർഡ്’ പുറത്തിറക്കിയത്.

വിദ്യാർത്ഥികളുടെ ഔദ്യോഗിക തിരിച്ചറിയൽ രേഖ, നോൽ പൊതു ഗതാഗത സേവനങ്ങൾ, ആഗോള തലത്തിലെ സവിശേഷ ഇളവുകൾ എന്നിവ ഒരൊറ്റ കാർഡിൽ സമന്വയിപ്പിച്ചിരിക്കുന്നു എന്നതാണ് ഇതിന്റെ സവിശേഷത.

കാമ്പസുകൾക്കുള്ളിലെ ഔദ്യോഗിക ഐഡന്റിറ്റി കാർഡായി ഇത് പ്രവർത്തിക്കും. അതോടൊപ്പം ദുബായ് ബസ്സ്, മെട്രോ, ട്രാം തുടങ്ങിയ പൊതു ഗതാഗത സംവിധാനങ്ങളിൽ 50 ശതമാനം വരെ ടിക്കറ്റ് നിരക്കിൽ ഇളവ് നേടി യാത്ര ചെയ്യാനും യു. എ. ഇ. യിൽ ഉടനീളമുള്ള വിവിധ സേവന ദാതാക്കളിൽ നിന്നും പ്രമുഖ വ്യാപാരികളിൽ നിന്നും പ്രതി ദിന ഓഫറുകൾ നേടാനും സഹായിക്കും.

മാത്രമല്ല ഈ കാർഡ് കൈവശമുള്ള വിദ്യാർത്ഥി കൾക്ക് വിദേശ യാത്രകളിലും ഭക്ഷണ-വിനോദ മേഖലകളിലും സവിശേഷ ആനുകൂല്യങ്ങൾ ലഭിക്കും.

നൂറ്റി മുപ്പതോളം രാജ്യങ്ങളിലായി ഒന്നര ലക്ഷത്തിൽ അധികം ആനുകൂല്യങ്ങൾ ‘ന്യൂ ദുബായ് സ്റ്റുഡന്റ് കാർഡ്’ ഹോൾഡേഴ്‌സിനെ കാത്തിരിക്കുന്നു എന്നും ദുബായിലെ ദൈനം ദിന ജീവിതത്തിലേക്ക് പൊതു ഗതാഗതത്തെ ഉൾക്കൊള്ളാൻ അടുത്ത തലമുറയെ പ്രചോദിപ്പിക്കുന്നതിനുള്ള ശ്രമങ്ങളെ ഈ സംരംഭം കൂടുതൽ ശക്തിപ്പെടുത്തും എന്നും സേവന ദാതാക്കളായ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി അറിയിച്ചു.

ആർ. ടി. എ. യോടൊപ്പം നോളജ് ആൻഡ് ഹ്യൂമൻ ഡെവലപ്‌മെൻ്റ് അതോറിറ്റി, ദുബായ് ഇൻ്റർ നാഷണൽ അക്കാദമിക് സിറ്റി, ദുബായ് നോളജ് പാർക്ക്, ഇൻ്റർ നാഷണൽ സ്റ്റുഡൻ്റ് ഐഡൻ്റിറ്റി കാർഡ് അസോസി യേഷൻ എന്നിവയുമായി സഹകരിച്ച് കൊണ്ടാണ് ദുബായ് സ്റ്റുഡൻ്റ് കാർഡ് പുറത്തിറക്കിയത്. അന്താ രാഷ്ട്ര തലത്തിൽ പ്രഗല്‌ഭരായ പ്രതിഭകളെയും വിദ്യാർത്ഥികളെയും ആകർഷിക്കുന്ന ആഗോള വിദ്യാഭ്യാസ കേന്ദ്രമായി ദുബായിയെ നില നിർത്താൻ ഇത് സഹായിക്കും എന്നും പ്രതീക്ഷിക്കുന്നു.

Image Credit : Dubai R T A

- pma

വായിക്കുക: , , , , , , , , ,

Comments Off on വിദ്യാർത്ഥികൾക്കായി ഏകീകൃത ഡിജിറ്റൽ തിരിച്ചറിയൽ കാർഡ്

ദേശീയ ആയുർവ്വേദ ദിനാചരണം : തൃശ്ശൂരിൽ പരിപാടി സംഘടിപ്പിച്ചു

September 24th, 2026

national-ayurveda-day-2026-ayurveda-for-a-healthy-tomorrow-ePathram
തൃശ്ശൂർ : ദേശീയ ആയുർവ്വേദ ദിനാചരണത്തോട് അനുബന്ധിച്ച് തൃശ്ശൂരിൽ ജില്ലാ തല ആഘോഷ പരിപാടികൾ സംഘടിപ്പിച്ചു. ഭാരതീയ ചികിത്സാ വകുപ്പ്, നാഷണൽ ആയുഷ് മിഷൻ, ആയുർവ്വേദ മെഡിക്കൽ വിദ്യാഭ്യാസ വകുപ്പ്, ആയുർ വ്വേദ മെഡിക്കൽ അസോസിയേഷൻ ഓഫ് ഇന്ത്യ എന്നിവർ ചേർന്ന് ‘ആരോഗ്യ പൂർണ്ണമായ നാളേക്കായി ആയുർവ്വേദം’ എന്ന സന്ദേശം നൽകിയാണ് ദിനാചരണം സംഘടിപ്പിച്ചത്.

ആയുഷ് മന്ത്രാലയത്തിന്റെ ആഹ്വാന പ്രകാരം 2016 മുതല്‍ ആയുർ വ്വേദത്തിന്റെ പ്രചരണാര്‍ത്ഥം ദേശീയ ആയുർവ്വേദ ദിനം ആചരിച്ചു വരുന്നു. ഓരോ ഇന്ത്യക്കാരനും ആയുര്‍വ്വേദത്തെ അറിയുക, പ്രയോജനപ്പെടുത്തുക എന്നതാണ് ഇതിന്റെ ലക്ഷ്യം.

ദിനാചരണത്തിന്റെ ഭാഗമായി ഓരോ വര്‍ഷവും ഒരു സന്ദേശം സമൂഹത്തിന് നല്‍കാറുണ്ട്. ‘ആരോഗ്യ പൂർണ്ണമായ നാളേക്കായി ആയുർവ്വേദം’ എന്നതാണ് ഇത്തവണത്തെ സന്ദേശം.

തൃശ്ശൂർ സാഹിത്യ അക്കാദമി ഹാളിൽ സംഘടിപ്പിച്ച പരിപാടി ജില്ലാ പഞ്ചായത്ത് പ്രസിഡണ്ട് മേരി തോമസ് ഉദ്ഘാടനം ചെയ്തു. കോർപ്പറേഷൻ ഡെപ്യൂട്ടി മേയർ എം. പ്രസാദ് അദ്ധ്യക്ഷത വഹിച്ചു. ജില്ലാ കളക്ടർ ശിഖ സുരേന്ദ്രൻ മുഖ്യാതിഥിയായി.

ജില്ലാ പഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർ പേഴ്‌സൺ ഷീല ജോർജ്ജ്, തൃശ്ശൂർ കോർപ്പറേഷൻ കൗൺസിലർ അഡ്വ. അഗസ്റ്റിൻ, ഭാരതീയ ചികിത്സാ വകുപ്പ് ജില്ലാ മെഡിക്കൽ ഓഫീസർ ഡോ. ബീന കുമാരി, ആരോഗ്യ വകുപ്പ് ഡെപ്യൂട്ടി ഡി. എം. ഒ. ഡോ. സുജ അലോഷ്യസ്, ഹോമിയോ വകുപ്പ് ഡി. എം. ഒ. ഡോ. ലീന റാണി, നാഷണൽ ആയുഷ് മിഷൻ ഡി. പി. എം. ഡോ. ജാസ് ലക്ഷ്മി, ഐ. എസ്. എം. സീനിയർ സൂപ്രണ്ട് വിനോദ് കുമാർ, പ്രോഗ്രാം കൺവീനർ ഡോ. ലെസ്ലി വില്ലി, എ. എം. എ. ഐ. സ്റ്റേറ്റ് എക്‌സിക്യൂട്ടീവ് മെമ്പർ ഡോ. ഗോപിദാസ്, വിവിധ സംഘടനാ പ്രതിനിധികൾ തുടങ്ങിയവർ പങ്കെടുത്തു.

ആയുർവ്വേദ ദിനാചരണത്തിന്റെ ഭാഗമായി ജില്ലയിലെ സ്‌കൂളുകളിൽ ബോധവൽക്കരണ പരിപാടികളും മെഡിക്കൽ ക്യാമ്പുകളും സെമിനാറുകളും സംഘടിപ്പിച്ചു. ആരോഗ്യകരമായ ഭക്ഷണം, ജ്യൂസ് നിർമ്മാണം, സ്‌കൂൾ കുട്ടികൾക്കായി ക്വിസ്, ചിത്ര രചന, റീൽസ് എന്നീ മത്സരങ്ങളും നടത്തി വിജയി കൾക്ക് സമ്മാനങ്ങൾ വിതരണം ചെയ്തു. PRD, Ayush

- pma

വായിക്കുക: , , , , , ,

Comments Off on ദേശീയ ആയുർവ്വേദ ദിനാചരണം : തൃശ്ശൂരിൽ പരിപാടി സംഘടിപ്പിച്ചു

സി. പി. എം. നേതാവ് ബേബി ജോൺ അന്തരിച്ചു

September 14th, 2026

cpi-m-leader-baby-john-passes-away-ePathram

ഗുരുവായൂർ : മുതിർന്ന സി. പി. എം. നേതാവ് ബേബി ജോണ്‍ (74) അന്തരിച്ചു. അസുഖ ബാധിതനായി ചികിത്സ യിൽ ആയിരുന്നു.

മണലൂര്‍ തൈക്കാട് ചക്രമാക്കില്‍ അന്തോണി-മേരി ദമ്പതികളുടെ മകനായി 1952 -ല്‍ ജനിച്ച ബേബി ജോണ്‍, ബ്ലാങ്ങാട് എ. എം. എൽ. പി. സ്കൂളിൽ അദ്ധ്യാപകനായി ഔദ്യോഗിക ജീവിതം ആരംഭിച്ചു.

1975 ൽ, അടിയന്തരാവസ്ഥക്കാലത്ത് ജയിലിൽ പോയി.  പിന്നീട് ജോലിയിൽ നിന്നും സ്വയം വിരമിച്ച് മുഴുവൻ സമയ രാഷ്ട്രീയ പ്രവർത്തകനായി.

1969 മുതൽ ഇടതു പക്ഷ പ്രസ്ഥാനങ്ങളുമായി ബന്ധപ്പെട്ട് പ്രവർത്തിച്ചു തുടങ്ങിയ അദ്ദേഹം 1971-ൽ പാർട്ടി അംഗമായി. സി. പി. എം. സംസ്ഥാന സെക്രട്ടേറിയറ്റ് അംഗം, ജില്ലാ സെക്രട്ടറി, സി. ഐ. ടി. യു. തൃശൂര്‍ ജില്ലാ സെക്രട്ടറി എന്നീ നിലകളില്‍ പ്രവര്‍ത്തിച്ചു.

ചാവക്കാട് നഗര സഭ നിലവിൽ വന്നപ്പോൾ (1980–-85) കൗൺസിലറും ആദ്യ സ്റ്റാൻഡിങ് കമ്മിറ്റി ചെയർ മാനുമായി. സി. പി. എം. ചാവക്കാട് ലോക്കൽ കമ്മിറ്റി സെക്രട്ടറി, തൈക്കാട്, പാലുവായ് ബ്രാഞ്ച് സെക്രട്ടറി എന്നീ നിലകളിൽ പ്രവർത്തിച്ച ശേഷം 1984 മുതൽ 97 വരെ ചാവക്കാട് ഏരിയ സെക്രട്ടറിയായി.

- pma

വായിക്കുക: , , , ,

Comments Off on സി. പി. എം. നേതാവ് ബേബി ജോൺ അന്തരിച്ചു

ധര്‍മ്മേന്ദ്ര പ്രധാൻ രാജി വെക്കാതെ സമരം അവസാനിപ്പിക്കില്ല : സി. ജെ. പി.

July 23rd, 2026

cockroach-janta-party-c-j-p-s-protest-over-neet-ug-2026-exam-paper-leak-ePathram
ഡല്‍ഹി : നീറ്റ് ചോദ്യപ്പേപ്പര്‍ ചോർന്ന സംഭവത്തിൽ കേന്ദ്ര വിദ്യാഭ്യാസ വകുപ്പു മന്ത്രി ധര്‍മ്മേന്ദ്ര പ്രധാൻ രാജി വെക്കണം എന്ന ആവശ്യം ഉന്നയിച്ച് ജന്തർ മന്തറിൽ കോക്രോച്ച് ജനതാ പാർട്ടി (സി. ജെ. പി.) നടത്തുന്ന ‘ചലോ സൻസദ്’ സമരം ശക്തമായി.

മന്ത്രി ധര്‍മ്മേന്ദ്ര പ്രധാന്റെ രാജി ഉറപ്പു വരുത്താതെ സി. ജെ. പി. സമരം അവസാനിപ്പിക്കില്ല എന്ന് സമര നേതാക്കൾ അറിയിച്ചു. അതോടൊപ്പം തന്നെ മന്ത്രി യുടെ രാജി ആവശ്യപ്പെട്ട് പ്രതിപക്ഷവും രംഗത്തിറങ്ങി.

neet-exam-paper-leaks-cjp-protestant-needs-dharmendra-pradhan-resignation-ePathram

സമരക്കാരെ പോലീസ് ആക്രമിക്കുന്നത് സമൂഹ മാധ്യമങ്ങളിൽ വൈറലായി. ഇന്ത്യൻ വാർത്താ മാധ്യമങ്ങളിൽ പലതും ഈ ബഹുജന മാർച്ചിന് എതിരെ മുഖം തിരിച്ചപ്പോൾ വിദേശ മാധ്യമങ്ങൾ വാർത്താ വളരെ പ്രാധാന്യ ത്തോടെയാണ് പ്രക്ഷേപണം ചെയ്തത്.

- pma

വായിക്കുക: , , , , , , , , , , ,

Comments Off on ധര്‍മ്മേന്ദ്ര പ്രധാൻ രാജി വെക്കാതെ സമരം അവസാനിപ്പിക്കില്ല : സി. ജെ. പി.

വേനൽ പ്പറവകൾ : സമാജം സമ്മർ ക്യാമ്പിന് തുടക്കമായി

July 21st, 2026

venal-paravakal-malayalee-samajam-summer-camp-2026-ePathram
അബുദാബി : മലയാളി സമാജം കുട്ടികൾക്കായി സംഘടിപ്പിക്കുന്ന വേനൽ പ്പറവകൾ സമ്മർ ക്യാമ്പിന് തുടക്കമായി. മുസ്സഫയിലെ സമാജം അങ്കണത്തിൽ നടന്ന ചടങ്ങിൽ പ്രസിഡണ്ട് എ. എം. അൻസാർ ഉദ്ഘാടനം നിർവ്വഹിച്ചു.

ജനറൽ സെക്രട്ടറി റഫീഖ് പി. ടി., വൈസ് പ്രസിഡണ്ട് നസീർ പെരുമ്പാവൂർ, കോഡിനേഷൻ ചെയർമാൻ ബി. യേശു ശീലൻ, ജനറൽ കൺവീനർ സുരേഷ് പയ്യന്നൂർ, വനിതാ വിഭാഗം കൺവീനർ കവിത എന്നിവർ സംസാരിച്ചു.

മോട്ടിവേഷൻ സ്പീക്കറും സൈക്കോളജിസ്റ്റുമായ അസ്‌നത്ത് മൻസൂർ ക്യാംപിനു നേതൃത്വം നൽകും.

കുട്ടികൾക്ക് വിനോദവും വിജ്ഞാനവും പകർന്നു നൽകുകയും അതോടൊപ്പം അവരുടെ സർഗ്ഗ ശേഷി പരി പോഷിപ്പിക്കുവാനും ഉതകുന്ന പരിപാടികളാണ് വേനൽ പ്പറവകളിൽ ഒരുക്കിയിട്ടുള്ളത് എന്ന് ക്യാമ്പ് ഡയറക്ടർ അസ്‌നത്ത് മൻസൂർ അറിയിച്ചു. ഓരോ ദിവസവും വിശിഷ്ട വ്യക്തികളുടെ ട്രെയിനിങ് ക്ലാസ്സുകളും ഉണ്ടാവും.

കുട്ടികളുടെ സുരക്ഷ, ആരോഗ്യ സംരക്ഷണം തുടങ്ങിയ വിഷയങ്ങളിൽ ബോധ വൽക്കരണ ക്ലാസ്സുകളും ഉൾപ്പെടുത്തും. ആഗസ്റ്റ് രണ്ടിന് ക്യാമ്പ് സമാപനമാകും.

- pma

വായിക്കുക: , , , , , ,

Comments Off on വേനൽ പ്പറവകൾ : സമാജം സമ്മർ ക്യാമ്പിന് തുടക്കമായി

Page 1 of 7912345...102030...Last »

« Previous « പാസ്സ്പോർട്ട്-വിസാ സേവനം : പുതിയ കരാർ ഡൽഹി ഹൈക്കോടതി റദ്ദ് ചെയ്തു
Next Page » കെ. എസ്. സി. യിൽ വേനൽ തുമ്പികൾ ആരംഭിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha