ഉംറ തീര്‍ത്ഥാടനം ഏപ്രില്‍ 29 മുതല്‍ ഹാജിമാര്‍ക്ക് മാത്രം

April 15th, 2025

kaaba-hajj-eid-ul-adha-ePathram
റിയാദ് : ഉംറ വിസക്കാർക്ക്‌ രാജ്യത്ത്‌ പ്രവേശിക്കാനുള്ള സമയം അവസാനിച്ചു എന്നും ഉംറ വിസയിൽ സൗദി അറേബ്യയിൽ എത്തിയവർ 2025 ഏപ്രിൽ 29 ന് മുമ്പ്‌ തിരിച്ചു പോകണം എന്നും ആഭ്യന്തര മന്ത്രാലയം. ഹജ്ജിന് അനുമതി ലഭിച്ചവര്‍ക്ക് മാത്രമായിരിക്കും മക്കയിലേക്ക് പ്രവേശന അനുമതി ലഭിക്കുക. മക്ക യിലേക്ക് പ്രവേശനം ആവശ്യമുള്ള വിദേശികൾക്ക് പ്രത്യേക പെർമിറ്റ് ഉപയോഗിച്ച് മാത്രമേ പ്രവേശിക്കാൻ കഴിയൂ. പെർമിറ്റ് എടുക്കാതെ മക്കയിലേക്ക് എത്തുന്ന വരെ തിരിച്ചയക്കും എന്നും മന്ത്രാലയം മുന്നറിയിപ്പ് നൽകി.

മന്ത്രാലയത്തിന്റെ നിയന്ത്രണത്തിലുള്ള ഹജ്ജ്, ഉംറ സേവനങ്ങള്‍ക്കായി തയ്യാറാക്കിയ ‘നുസുക്’ ആപ്പ് വഴിയുള്ള ഉംറ പെര്‍മിറ്റുകള്‍ 2025 ഏപ്രില്‍ 29 മുതല്‍ താത്കാലികമായി നിര്‍ത്തി വെക്കും.

ഈ വര്‍ഷത്തെ ഹജ്ജ് കര്‍മ്മങ്ങള്‍ അവസാനിച്ച്, ഹിജ്‌റ കലണ്ടർ ദുൽ ഹജ്ജ് 14 നു ശേഷം ഉംറ തീര്‍ത്ഥാടനം പുനഃരാരംഭിക്കും എന്നും ആഭ്യന്തര മന്ത്രാലയം അറിയിച്ചു.

ഹജ്ജ് പെര്‍മിറ്റ് കൈവശമുള്ളവര്‍, ഹറം പള്ളിയിലും പരിസരങ്ങളിലും ജോലി ചെയ്യുന്നവർ, മക്കയില്‍ താമസ അനുമതി ലഭിച്ച വ്യക്തികള്‍ക്കും മാത്രമാണ് മക്കയിലേക്ക് പ്രവേശനം സാദ്ധ്യമാവുക.

ഹജ്ജ് തീർത്ഥാടകരുടെ സുരക്ഷ ഉറപ്പാക്കാനും സമാധാനത്തോടെയും സുരക്ഷിതത്വത്തോടെയും ഹജ്ജ് കര്‍മ്മം നിർവ്വഹിക്കുവാനും വേണ്ടിയാണ് ഈ നടപടിക്രമങ്ങൾ എന്നും മന്ത്രാലയം അറിയിച്ചു.

- pma

വായിക്കുക: , , ,

Comments Off on ഉംറ തീര്‍ത്ഥാടനം ഏപ്രില്‍ 29 മുതല്‍ ഹാജിമാര്‍ക്ക് മാത്രം

നമ്മൾ ചാവക്കാട്ടുകാർ സൗദി ചാപ്റ്ററിനു പുതിയ നേതൃത്വം

March 4th, 2025

saheer-babu-in-nammal-chavakkattukar-saudi-chapter-ePathram
റിയാദ് : ലോകമെമ്പാടുമുള്ള ചാവക്കാട്ടുകാരുടെ സൗഹൃദക്കൂട്ടായ്മ ‘നമ്മൾ ചാവക്കാട്ടുകാർ:ഒരാഗോള സൗഹൃദക്കൂട്ട്’ സൗദി ചാപ്റ്റർ പുനഃസംഘടിപ്പിച്ചു. റിയാദ് ബത്ഹയിലെ ലുഹാ മാർട്ട് ഹാളിൽ നടന്ന ജനറൽ ബോഡി യോഗത്തിൽ വെച്ച് സയ്യിദ് ജാഫർ തങ്ങൾ (പ്രസിഡണ്ട്), ഫെർമിസ് മടത്തൊടിയിൽ (ജനറൽ സെക്രട്ടറി), മനാഫ് അബ്ദുള്ള (ട്രഷറർ) എന്നിവരാണ് പ്രധാന ഭാരവാഹികൾ.

nammal-chavakkattukar-saudi-chapter-new-committee-2025-ePathram

ഷാജഹാൻ ചാവക്കാട്, ഷാഹിദ് അറക്കൽ, അഷ്‌കർ അബൂബക്കർ, ഷെഫീഖ് മുഹമ്മദ്, സുബൈർ, ഫവാദ് മുഹമ്മദ്, അലി പുത്താട്ടിൽ, സിറാജുദ്ധീൻ ഓവുങ്ങൽ, യൂനസ് പടുങ്ങൽ, ഖയ്യൂം അബ്ദുള്ള, സലിം പാവറട്ടി, സലിം അകലാട്, പ്രകാശൻ, റിൻഷാദ് അബ്ദുള്ള, ഫിറോസ്, സുരേഷ് വലിയ പറമ്പിൽ, നസീർ നൗഫൽ തങ്ങൾ, അൻവർ ഖാലിദ്, ഷാഹിദ് സയ്യിദ്, സലിം പെരുമ്പിള്ളി, സാലിഹ് പാവറട്ടി, ഉണ്ണിമോൻ, നേവൽ കോട്ടപ്പടി, ഫാറൂഖ് പൊക്കുളങ്ങര, ഫായിസ് ബീരാൻ, മുഹമ്മദ് ഇക്ബാൽ, ആരിഫ് വൈശ്യം വീട്ടിൽ, കബീർ വൈലത്തൂർ, സഹീർ ബാബു എന്നിവരാണ് മറ്റു ഭരണ സമിതി അംഗങ്ങൾ.

ഹ്രസ്വ സന്ദർശനാർത്ഥം റിയാദിൽ എത്തിയ ചാവക്കാട് വ്യാപാരി വ്യവസായി ഏകോപന സമിതി സെക്രട്ടറി പി. എം. അബ്ദുൽ ജാഫർ യോഗം ഉദ്‌ഘാടനം ചെയ്തു. സുധാകരൻ ചാവക്കാട് ഭരണ സമിതി അംഗങ്ങളെ പ്രഖ്യാപിച്ചു.

ഷാഹിദ് അറക്കൽ അദ്ധ്യക്ഷത വഹിച്ചു. റസാഖ് മാട്ടുമ്മൽ, അബ്ദുൽ ഹമീദ് അഞ്ചങ്ങാടി, മജീദ് അഞ്ഞൂർ, സൈഫുദ്ധീൻ എന്നിവർ സംസാരിച്ചു. സുബൈർ സ്വാഗതവും മനാഫ് അബ്ദുള്ള നന്ദിയും പറഞ്ഞു. TAG: ePathram  Image Credit : FB PAGE

- pma

വായിക്കുക: , , , , , , , , , ,

Comments Off on നമ്മൾ ചാവക്കാട്ടുകാർ സൗദി ചാപ്റ്ററിനു പുതിയ നേതൃത്വം

മദീനയിലെ റൗദ ശരീഫ് സന്ദർശനം ഇനി വർഷത്തിൽ ഒരിക്കൽ മാത്രം

December 30th, 2023

masjid-u-nabawi-green-dome-madeena-ePathram
ജിദ്ദ : മദീനയിൽ പ്രവാചകൻ്റെ പള്ളി (മസ്ജിദുന്നബവി) യിലെ റൗദ ശരീഫ് സന്ദർശിക്കുന്നതിന് ഇനി മുതൽ വർഷത്തിൽ ഒരിക്കൽ മാത്രം അനുമതിയുള്ളൂ എന്ന് സൗദി അറേബ്യ.

മസ്ജിദുന്നബവിയിൽ പ്രവാചകൻ അന്ത്യവിശ്രമം കൊള്ളുന്നതിൻ്റെയും പ്രസംഗ പീഠത്തിൻ്റെ (മിമ്പർ) യും ഇടയിലുള്ള സ്ഥലമാണ് റൗദ ശരീഫ്.

കൊവിഡ് ബാധിക്കാത്തവരും രോഗികളുമായി ഇടപഴകാത്തവരും ആണെന്ന് റൗദ ശരീഫ് സന്ദർശനത്തിനുള്ള അപേക്ഷകർ തങ്ങളുടെ വിവരങ്ങൾ നുസുക്ക് അല്ലെങ്കിൽ തവക്കൽന ആപ്പുകൾ വഴി ദിവസവും സമയവും അറിയിച്ച് അനുമതി എടുത്തവർക്കു മാത്രമേ ഇവിടം സന്ദർശിക്കാൻ കഴിയുകയുള്ളൂ.

പുതിയ നിയമം അനുസരിച്ച് ഒരിക്കൽ സന്ദർശനം കഴിഞ്ഞാൽ 365 ദിവസത്തിനു ശേഷമേ അടുത്തത് അനുവദിക്കുകയുള്ളൂ. WiKiPeDiA – Nusuk  – Twitter

- pma

വായിക്കുക: , , ,

Comments Off on മദീനയിലെ റൗദ ശരീഫ് സന്ദർശനം ഇനി വർഷത്തിൽ ഒരിക്കൽ മാത്രം

സൗദി അറേബ്യയില്‍ ഇനി ഔദ്യോഗിക കാ​ര്യ​ങ്ങ​ള്‍​ ഇം​ഗ്ലീ​ഷ് ക​ല​ണ്ട​ര്‍ പ്രകാരം

November 3rd, 2023

crown-prince-of-saudi-arabia-mohammed-bin-salman-ePathram

റിയാദ് : രാജ്യത്തെ എല്ലാ ഔദ്യോഗിക കാര്യങ്ങളും ഇടപാടുകളും ഇനി ഗ്രിഗോറിയൻ കലണ്ടർ അനുസരിച്ചു മാത്രം ആയിരിക്കും എന്ന് സൗദി അറേബ്യ.

മതപരമായ കാര്യങ്ങള്‍ക്ക് ഇപ്പോഴുള്ളത് പോലെ, ചാന്ദ്രമാസങ്ങളെ അടിസ്ഥാനപ്പെടുത്തിയുള്ള ഹിജ്‌റ കലണ്ടര്‍ ഉപയോഗിക്കുന്നത് തുടരും.

നിലവില്‍ ഇസ്ലാമിക് (ഹിജ്റ) കലണ്ടര്‍ അനുസരിച്ചുള്ള തിയ്യതികള്‍ രേഖപ്പെടുത്തുന്ന വിസ, നാഷണല്‍ ഐ. ഡി. കാര്‍ഡ്, ഡ്രൈവിംഗ് ലൈസന്‍സ്, ട്രേഡ് ലൈസന്‍സ് തുടങ്ങി എല്ലാ ഔദ്യോഗിക രേഖകളിലും തീയ്യതികള്‍ ഇംഗ്ലീഷ് കലണ്ടറിനെ അടിസ്ഥാനമാക്കി പുനഃ ക്രമീകരിക്കും.

സൗദി കിരീടഅവകാശിയും പ്രധാന മന്ത്രിയുമായ മുഹമ്മദ് ബിൻ സൽമാന്‍റെ അദ്ധ്യക്ഷതയിൽ റിയാദിൽ ചേർന്ന മന്ത്രി സഭാ യോഗമാണ് സുപ്രധാനമായ ഈ തീരുമാനം എടുത്തത്.

- pma

വായിക്കുക: , , , , ,

Comments Off on സൗദി അറേബ്യയില്‍ ഇനി ഔദ്യോഗിക കാ​ര്യ​ങ്ങ​ള്‍​ ഇം​ഗ്ലീ​ഷ് ക​ല​ണ്ട​ര്‍ പ്രകാരം

ഹജ്ജ് സീസണ്‍ അടുത്തതിനാല്‍ ഉംറ തീർത്ഥാടനത്തിന് നിയന്ത്രണം

May 23rd, 2023

kaaba-hajj-eid-ul-adha-ePathram
റിയാദ് : ഉംറ തീർത്ഥാടനത്തിന് നിയന്ത്രണം ഏർപ്പെടുത്തി സൗദി ഹജ്ജ് – ഉംറ മന്ത്രാലയം. ഹജ്ജ് സീസൺ ആരംഭിക്കാറായ പശ്ചാത്തലത്തിലാണ് ഇത്. ഓൺ ലൈൻ വഴിയുള്ള ഉംറ പെർമിറ്റ് ജൂൺ 4 വരെ മാത്രമേ അനുവദിക്കുകയുള്ളൂ എന്നു സൗദി ഹജ്ജ് – ഉംറ മന്ത്രാലയം അറിയിച്ചു.

2023 ജൂൺ 4 (ദുൽഖഅദ് 15) മുതൽ ഉംറ പെർമിറ്റുകൾ അനുവദിക്കുകയില്ല. ഉംറ വിസയില്‍ രാജ്യത്ത് എത്തിയവര്‍ക്ക് ഹജ്ജ് ചെയ്യാന്‍ അനുമതി ലഭിക്കില്ല.

ഉംറ വിസയിലുള്ള എല്ലാ തീർത്ഥാടകരും ഉംറ നിര്‍വ്വഹിച്ച് ജൂൺ 18 നു മുമ്പായി സൗദിയിൽ നിന്നു മടങ്ങണം എന്നും ഉംറ തീർത്ഥാടകരെ ഹജ്ജ് നിർവ്വഹിക്കാൻ അനുവദിക്കില്ല എന്നും മന്ത്രാലയം അറിയിച്ചു.

ഹജ്ജ് കർമങ്ങൾ അവസാനിച്ച ശേഷം മാത്രമേ ഇനി ഉംറ പെർമിറ്റ് ഇഷ്യൂ ചെയ്യുക. എന്നാൽ ഹജ്ജ് തീർത്ഥാടകർക്ക് ഉംറ ചെയ്യാന്‍ തടസ്സങ്ങള്‍ ഇല്ല. വിദേശത്തു നിന്നുള്ള ഹജ്ജ് തീർത്ഥാടകർ കഴിഞ്ഞ ദിവസം മദീനയിൽ എത്തിത്തുടങ്ങി.

- pma

വായിക്കുക: , , , , ,

Comments Off on ഹജ്ജ് സീസണ്‍ അടുത്തതിനാല്‍ ഉംറ തീർത്ഥാടനത്തിന് നിയന്ത്രണം

Page 1 of 3123

« Previous « ഫാമിലി കണക്ട് : പ്രവാസികൾക്ക് സൗജന്യ മെഡിക്കൽ ഉപദേശവും മാതാപിതാക്കൾക്ക് ആരോഗ്യ പരിചരണവും
Next Page » കരീം വടക്കയിലിനു യാത്രയയപ്പ് നൽകി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha