ശക്തി തിയ്യറ്റേഴ്സ് ‘നൈറ്റ്സ് ഓഫ് കരോൾ’ ശ്രദ്ധേയമായി

January 8th, 2025

shakthi-khalidia-unit-x-mas-new-year-2025-celebration-ePathram
അബുദാബി : ശക്തി തിയ്യറ്റേഴ്സ് ഖാലിദിയ മേഖല വനിതാ വിഭാഗവും ബാല സംഘവും  സംഘടിപ്പിച്ച ക്രിസ്തുമസ്സ് പുതുവത്സര ആഘോഷം ‘നൈറ്റ്സ് ഓഫ് കരോൾ’ എന്ന പേരിൽ അബുദാബി കേരള സോഷ്യൽ സെൻ്റർ മിനി ഹാളിൽ അരങ്ങേറി.

കുരുന്നുകളുടെയും വനിതകളുടെയും കലാ സാംസ്കാരിക പരിപാടികൾ, സംഗീത ശില്പങ്ങൾ, നൃത്ത നൃത്യങ്ങളും ‘നൈറ്റ്സ് ഓഫ് കരോൾ’ ഏറെ ശ്രദ്ധേയമാക്കി.

ശക്തി തിയ്യറ്റേഴ്സ് ഖാലിദിയ മേഖല വനിതാ വിഭാഗം, ബാല സംഘം എന്നിവയുടെ പ്രവർത്തനോദ്ഘാടനം ഗായകൻ കലാ ഭവൻ സാബു നിർവ്വഹിച്ചു. കൺവീനർ എസ്. ജെ. രേവതി അദ്ധ്യക്ഷത വഹിച്ചു. ഡോക്ടർ പി. വി. സമീറ മുഖ്യ അഥിതി ആയിരുന്നു.

അബുദാബി ശക്തി തിയ്യറ്റേഴ്സ് ജനറൽ സെക്രട്ടറി എ. എൽ. സിയാദ്, കെ. എസ്. സി. ജോയിന്റ് സെക്രട്ടറി പ്രകാശൻ പല്ലിക്കാട്ടിൽ, മറ്റു ഭാരവാഹികളായ സ്മിത ധനേഷ്, സുമ വിപിൻ, പ്രീതി സജീഷ്, ശശികുമാർ, ബിന്ദു രാജീവ്, റഷ, രമ്യ ജയകുമാർ തുടങ്ങിയവർ സംസാരിച്ചു. പ്രജിന അരുൺ നയനിക എന്നിവർ അവതാരകർ ആയിരുന്നു.

- pma

വായിക്കുക: , , , , , , ,

Comments Off on ശക്തി തിയ്യറ്റേഴ്സ് ‘നൈറ്റ്സ് ഓഫ് കരോൾ’ ശ്രദ്ധേയമായി

പ്രവാസി കലാകാരന്‍ റബീഹ് ആട്ടീരിക്ക് കേരള സര്‍ക്കാര്‍ ഫെല്ലോഷിപ്പ്

January 7th, 2025

fellowship-for-rabeeh-atteeri-ePathram
അബുദാബി: കേരള സർക്കാരിന് കീഴിലുള്ള സാംസ്‌കാരിക വകുപ്പ് യുവ കലാകാരന്മാര്‍ക്ക് ഏര്‍പ്പെടുത്തിയ വജ്ര ജൂബിലി ഫെല്ലോ ഷിപ്പിന് മാപ്പിള കലാ വിഭാഗത്തിൽ പ്രവാസി കലാകാരന്‍ റബീഹ് ആട്ടീരി അര്‍ഹനായി.

ഒന്നര പതിറ്റാണ്ടിൽ അധികമായി മാപ്പിള കലാ പരിശീലന രംഗത്ത് പ്രവർത്തിക്കുന്ന റബീഹ് മൂന്നു വര്‍ഷമായി യു. എ. ഇ. യിലെ ഇന്ത്യന്‍ സ്‌കൂളുകളിലും സ്വകാര്യ വിദ്യാഭ്യാസ സ്ഥാപനങ്ങളിലും മാപ്പിള കലകളില്‍ പരിശീലകനാണ്.

ടി. പി. ആലിക്കുട്ടി ഗുരുക്കള്‍ മാപ്പിള കലാ പഠന കേന്ദ്രം യു. എ. ഇ. ചാപ്റ്റ റില്‍ വട്ടപ്പാട്ട്, അറബനമുട്ട്, ദഫ്മുട്ട് പരിശീലകനായും സേവനം ചെയ്തിട്ടുണ്ട്. യു. എ. ഇ. യിലുട നീളം നടക്കുന്ന കലോത്സവങ്ങളിലും റിയാലിറ്റി ഷോ കളിലും സര്‍ഗോത്സവങ്ങളിലും വിധി കര്‍ത്താവാണ്.

കേരള ത്തിലെ പ്രമുഖ മാപ്പിള കലാ പരിശീലകന്‍ എം. എസ്‌. കെ. തങ്ങളുടെ ശിക്ഷണത്തില്‍ പരിശീലനം പൂര്‍ത്തിയാക്കിയ റബീഹ് ഉയര്‍ന്ന റാങ്കോടെയാണ് ഫെല്ലോഷിപ്പിന് അര്‍ഹനായിട്ടുള്ളത്.

കോട്ടക്കല്‍ ആട്ടീരിയിലെ പരേതനായ വടക്കേതില്‍ രായീന്‍ കുട്ടി ഹാജി യുടെയും ഖദീജയുടെയും മകനാണ്.

- pma

വായിക്കുക: , , , , , , , ,

Comments Off on പ്രവാസി കലാകാരന്‍ റബീഹ് ആട്ടീരിക്ക് കേരള സര്‍ക്കാര്‍ ഫെല്ലോഷിപ്പ്

ശിഹാബുദ്ദീൻ പൊയ്ത്തും കടവിന് ഇസ്‌ലാമിക് സെൻറർ സാഹിത്യ പുരസ്കാരം

January 6th, 2025

shihabuddin-poithumkadavu-ePathram

അബുദാബി : ഇന്ത്യന്‍ ഇസ്‌ലാമിക് സെന്റര്‍ സാഹിത്യ പുരസ്കാരം എഴുത്തുകാരൻ ശിഹാബുദ്ദീന്‍ പൊയ്ത്തും കടവിനു സമ്മാനിക്കും. 2025 ജനുവരി 18,19 തിയ്യതി കളില്‍ സെന്റർ അങ്കണത്തിൽ സംഘടി പ്പിക്കുന്ന ‘ലിറ്ററേച്ചര്‍ ഫെസ്റ്റ്’ എന്ന പ്രോഗ്രാമിൽ വെച്ച് പുരസ്കാരം സമ്മാനിക്കും.

ശിഹാബുദ്ദീന്‍ പൊയ്ത്തും കടവിന്റെ കഴിഞ്ഞ മുപ്പതു വര്‍ഷങ്ങളിലെ സാഹിത്യ ജീവിതത്തെ ആദരിക്കുകയാണ് ഈ അവാര്‍ഡിലൂടെ ലക്‌ഷ്യം വെക്കുന്നത് എന്ന് ഭാരവാഹികൾ അറിയിച്ചു. നാടിന്റെയും മറുനാടിന്റെയും എഴുത്തുകാരനായ ശിഹാബുദ്ദീന്‍ ഏറെക്കാലം പ്രവാസിയായിരുന്നു.

എഴുത്തിന്റെ വിവിധ മേഖലകളിലൂടെ മലയാളി കളുമായി സംവദിക്കുന്ന അദ്ദേഹം കഥ കളിലൂടെയും ഭാഷാ പോഷിണിയില്‍ പ്രസിദ്ധീകരിച്ച ഗള്‍ഫിലെ കഫ്തീരിയകളുടെ ചരിത്രമെഴുത്ത് ഉള്‍പ്പടെയുള്ള പഠനങ്ങളിലൂടെയും പ്രവാസ ജീവിത ത്തെയും അതിജീവനത്തെയും സൂക്ഷ്മമായി അവലോകനം ചെയ്ത രചയിതാവാണ് എന്നും സംഘാടകർ പറഞ്ഞു.

press-meet-islamic-center-literary-award-ePathram

രണ്ടു ദിവസം വിവിധ സെഷനുകളിലായി കഥാ കവിതാ അരങ്ങുകള്‍, പുസ്തക പ്രകാശനങ്ങള്‍, സാഹിത്യ സാംസ്‌കാരിക സംവാദ ങ്ങള്‍, ഷോര്‍ട്ട് ഫിലിം ഫെസ്റ്റ്, ട്രാവലോഗ്, പ്രവാസ ലോകത്തെ മുതിര്‍ന്ന പൗരന്മാരുടെ കൂടിയിരിപ്പ്, എഴുത്തുകാര്‍ക്ക് ആദരവ് തുടങ്ങി വിവിധങ്ങളായ സെഷനുകളും ഒരുക്കുന്നുണ്ട്.

മാപ്പിള ഹെറിറ്റേജ് ലൈബ്രറി തയ്യാറാക്കിയ അറബി മലയാളം ബിബ്ലിയോഗ്രഫി പ്രകാശനവും ലിറ്ററേച്ചര്‍ ഫെസ്റ്റില്‍ നടക്കും. മാപ്പിള മലയാളം, അറബി മലയാളം എന്നിങ്ങനെ അറിയപ്പെടുന്ന മലയാള ത്തിന്റെ കൈവഴികളിൽ ഒന്നിൻറെ സമഗ്രമായ ചരിത്ര രേഖയായാണ് ഈ ബിബ്ലിയോഗ്രഫി. പ്രകാശന പരിപാടിയില്‍ ചരിത്രകാരനും ഗ്രന്ഥ കാരനുമായ അബ്ദു റഹ്മാന്‍ മങ്ങാട് സംബന്ധിക്കും.

ലിറ്ററേച്ചർ ഫെസ്റ്റിൽ മഹാകവി പുലിക്കോട്ടില്‍ ഹൈദറിന്റെ അമ്പതാം ചരമ വാര്‍ഷിക ആചരണവും നടക്കും. പുലിക്കോട്ടില്‍ ഹൈദര്‍ ജന്മശതാബ്ദി ആഘോഷത്തിനു ശേഷം ഇതാദ്യമായി പ്രവാസ ലോകത്ത് നടക്കുന്ന ഏറ്റവും ഉചിതമായ അനുസ്മരണ പരിപാടി ആയിരിക്കും. മോയിന്‍ കുട്ടി വൈദ്യര്‍ക്കു ശേഷം മലയാള സാഹിത്യത്തിലെ ഒരു സവിശേഷ പാരമ്പര്യത്തെ നയിച്ച ജനകീയനായ കവിയാണ് പുലിക്കോട്ടില്‍ ഹൈദര്‍.

ലിറ്ററേച്ചര്‍ ഫെസ്റ്റിൻറെ സമാപന ദിവസം എം. ടി. വാസുദേവന്‍ നായര്‍ അനുസ്മരണം സംഘടിപ്പിക്കും. യു. എ. ഇ. യിലെയും നാട്ടിലെയും എഴുത്തുകാരും കവികളും സാംസ്‌കാരിക പ്രമുഖരും വിവിധ സെഷനുകളില്‍ പങ്കെടുക്കും എന്നും സംഘാടകർ അറിയിച്ചു.

സെന്റര്‍ ജനറല്‍ സെക്രട്ടറി ടി. ഹിദായത്തുള്ള, വൈസ് പ്രസിഡണ്ട് യു. അബ്ദുള്ള ഫാറൂഖി, ട്രഷറര്‍ ബി. സി. അബൂ ബക്കര്‍, ലിറ്ററേച്ചര്‍ സെക്രട്ടറി ജാഫര്‍ കുറ്റിക്കോട്, പബ്ലിക് റിലേഷന്‍ സെക്രട്ടറി അഡ്വ. ഷറഫുദ്ധീന്‍, അബുദാബി കെ. എം. സി. സി. സെക്രട്ടറി ഷാനവാസ് പുളിക്കല്‍, സാഹിത്യ വിഭാഗം അംഗ ങ്ങളായ ജുബൈര്‍ വെള്ളാടത്ത്, അലി ചിറ്റയില്‍ എന്നിവര്‍ വാർത്താ സമ്മേളനത്തിൽ സംബന്ധിച്ചു.

- pma

വായിക്കുക: , , , ,

Comments Off on ശിഹാബുദ്ദീൻ പൊയ്ത്തും കടവിന് ഇസ്‌ലാമിക് സെൻറർ സാഹിത്യ പുരസ്കാരം

ഓർമ – ബോസ് കുഞ്ചേരി സാഹിത്യ പുരസ്കാരത്തിനു സൃഷ്ടികൾ ക്ഷണിച്ചു

January 6th, 2025

overseas-malayali-association-orma-dubai-bose-kunchery-literary-award-ePathram
ദുബായ് : സാംസ്കാരിക പ്രവർത്തകനായിരുന്ന ബോസ് കുഞ്ചേരിയുടെ സ്മരണാർത്ഥം  ഓർമ ഏർപ്പെടുത്തിയ രണ്ടാമത് ബോസ് കുഞ്ചേരി സാഹിത്യ പുരസ്കാരത്തിനു സൃഷ്ടികൾ ക്ഷണിച്ചു. യു. എ. ഇ. യിലുള്ള മലയാളി പ്രവാസികൾക്കായി ഒരുക്കുന്ന രചനാ മത്സരത്തിൽ കഥ, യാത്രാ വിവരണം എന്നീ വിഭാഗങ്ങളിലാണ് പുരസ്കാരം നൽകുക. വിഷയ നിബന്ധനകൾ ഇല്ല. യു. എ. ഇ. നിയമങ്ങൾ അനുസരിച്ച് ആയിരിക്കണം.

മലയാളത്തിലുള്ള രചനകൾ A4 സൈസിൽ PDF ഫോർമാറ്റിൽ ആയിരിക്കണം. കൃതികൾ പരമാവധി അഞ്ച് പേജിൽ കവിയാത്തതും 10 -12 ഫോണ്ട് സൈസിലും ആയിരിക്കണം.

രചനകൾ ormaboseaward @ gmail. com എന്ന ഇ-മെയിൽ വിലാസത്തിൽ അയക്കണം.

രചയിതാവിനെക്കുറിച്ചുള്ള യാതൊരു സൂചനകളും പ്രിന്റിൽ ഉൾപ്പെടുത്താൻ പാടില്ല. എഴുത്തുകാരൻ്റെ ഇന്ത്യയിലെയും യു. എ. ഇ. യിലെയും വിലാസം, മൊബൈൽ-വാട്സാപ്പ് നമ്പർ, ഇ-മെയിൽ, പാസ് പോർട്ട് സൈസ് ഫോട്ടോ എന്നിവ പ്രത്യേകമായി ഇ-മെയിൽ ചെയ്യണം. രചനകൾ ലഭിക്കേണ്ടതായ അവസാന തിയ്യതി 2025 ജനുവരി 15.

ഓർമ സാംസ്കാരിക കൂട്ടായ്മ, കേരള സാഹിത്യ അക്കാദമി യുടെ സഹകരണത്തോടെ 2025 ഫെബ്രുവരി 15,16 തീയ്യതികളിൽ ഒരുക്കുന്ന സാഹിത്യോത്സവ ത്തോട് അനുബന്ധിച്ചാണ് പുരസ്കാരം വിതരണം ചെയ്യുന്നത്. നാട്ടിൽ നിന്നുള്ള പ്രമുഖ എഴുത്തുകാർ ഉൾപ്പെടുന്ന ജൂറിയാണ് മൂല്യ നിർണ്ണയം നടത്തുന്നത്.

കൂടുതൽ വിവരങ്ങൾക്ക് :
പ്രദീപ് തോപ്പിൽ (055 917 2099), അഡ്വ. അപർണ്ണ ശ്രീജിത്ത് (054 435 5396), മിനേഷ് (058 920 4233)
എന്നിവരെ ബന്ധപ്പെടുക. Image Credit : FB Page

- pma

വായിക്കുക: , , ,

Comments Off on ഓർമ – ബോസ് കുഞ്ചേരി സാഹിത്യ പുരസ്കാരത്തിനു സൃഷ്ടികൾ ക്ഷണിച്ചു

കോഴിക്കോടൻ ഫെസ്റ്റ് സീസൺ -2 : ഇസ്‌ലാമിക് സെൻ്ററിൽ

January 4th, 2025

calicut-kmcc-kozhikkodan-fest-season-2-ePathram

അബുദാബി : കെ. എം. സി. സി. കോഴിക്കോട് ജില്ലാ കമ്മറ്റി സംഘടിപ്പിക്കുന്ന ‘കോഴിക്കോടൻ ഫെസ്റ്റ്’ സീസൺ -2, 2025 ജനുവരി 4, 5 ശനി, ഞായർ ദിവസ ങ്ങളിൽ ഇന്ത്യൻ ഇസ്ലാമിക് സെൻ്ററിൽ വെച്ച് നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.

കൊതിയൂറുന്ന കോഴിക്കോടൻ പലഹാരങ്ങളും ഭക്ഷ്യ വിഭവങ്ങളും ലഭ്യമാവുന്ന 30 ഓളം സ്റ്റാളുകളും ഒപ്പന, കോൽക്കളി തുടങ്ങി മലബാറിന്റെ തനിമയുള്ള കലാ പരിപാടികൾ, റോയൽ ബാൻഡ് അവതരിപ്പിക്കുന്ന ഗാനമേള എന്നിവയും അരങ്ങേറും.

ആദ്യ ദിവസം ശനിയാഴ്ച രാത്രി ഏഴു മണിക്ക് മത സൗഹാർദ്ദ സദസ്സിൽ ഓണമ്പള്ളി മുഹമ്മദ് ഫൈസി, ഫാദർ ഗീവർഗീസ്, സ്വാമി അഭിലാഷ് ഗോപി കുട്ടൻപിള്ള എന്നിവർ സംബന്ധിക്കും.

calicut-kmcc-kozhikkodan-fest-2-press-meet-ePathram

കോഴിക്കോടിൻ്റെ ചരിത്രവും പൈതൃകവും വിവരിക്കുന്ന ഡോക്യൂമെന്ററി യുടെ പ്രദർശനം, ജില്ലയിലെ കെ. എം. സി. സി. മണ്ഡലം കമ്മിറ്റികളുടെ നേതൃത്വത്തിൽ വേറിട്ട പരിപാടികളും അരങ്ങേറും. രണ്ടു ദിവസങ്ങളിലും വൈകുന്നേരം 4 മണിക്ക് തുടക്കം കുറിക്കുന്ന കോഴിക്കോടൻ ഫെസ്റ്റിൽ ഇരുനൂറോളം കലാകാരന്മാർ അരങ്ങിൽ എത്തുന്ന വൈവിധ്യമാർന്ന കലാ സാംസ്കാരിക പരിപാടികൾ അവതരിപ്പിക്കും.

പ്രവാസികൾക്ക് നാടോർമ്മകൾ സമ്മാനിക്കുന്ന നയന ശ്രവ്യ മധുരമായ കാഴ്ചകൾക്കപ്പുറം ജീവ കാരുണ്യ പ്രവർത്തങ്ങൾക്ക് പ്രാധാന്യം നൽകി സംഘടിപ്പിക്കുന്ന കോഴിക്കോടൻ ഫെസ്റ്റ്, വീടില്ലാതെ കഷ്ടപ്പെടുന്ന ജില്ലയിലെ തെരഞ്ഞെടുത്ത മുൻ പ്രവാസികൾക്ക് വീട് നിർമ്മിച്ച് നൽകും.

പരിപാടിയുടെ ഭാഗമായി നടക്കുന്ന നറുക്കെടുപ്പിൽ ഒന്നാം സമ്മാനമായി കാർ നൽകും. 13 മണ്ഡലം കമ്മറ്റി കളും 36 പഞ്ചായത്ത് -മുനിസിപ്പൽ കമ്മറ്റി കളുമുള്ള കോഴിക്കോട് ജില്ലാ കമ്മറ്റിയുടെ ജീവ കാരുണ്യ പ്രവർത്തങ്ങളുടെ ഭാഗമായി ബൈത്തു റഹ്‌മ, കോഴിക്കോട് മെഡിക്കൽ കോളേജിൽ ഓപ്പൺ ഹാർട്ട് തിയേറ്റർ, സി. എച്ച് സെൻറ റുമായി സഹകരിച്ചു നടത്തുന്ന ഓട്ടിസം തെറാപ്പി സെന്റർ തുടങ്ങിയവയാണ്.

കോഴിക്കോട് ഫെസ്റ്റിന് മുന്നോടിയായി വനിതകൾക്ക് പാചക മത്സരവും മെഹന്ദി മത്സരവും സംഘടിപ്പിച്ചു എന്നും സംഘാടകർ അറിയിച്ചു.

കെ. എം. സി. സി. നേതാവ് യു. അബ്ദുല്ല ഫാറൂഖി, ജില്ലാ പ്രസിഡണ്ട് സി. എച്ച്. ജാഫർ തങ്ങൾ, സ്റ്റേറ്റ് വൈസ് പ്രസിഡണ്ട് അബ്ദുൽ ബാസിത് കായക്കണ്ടി, അഷ്‌റഫ് നജാത്, മജീദ് അത്തോളി, ബഷീർ കപ്ലിക്കണ്ടി, നൗഷാദ് കൊയിലാണ്ടി, അഹല്യ ഗ്രൂപ്പ് സീനിയർ മാനേജർ സൂരജ് പ്രഭാകർ, ഷഹീർ ഫാറൂഖി, ഷറഫ് കടമേരി എന്നിവർ പങ്കെടുത്തു.

- pma

വായിക്കുക: , , , ,

Comments Off on കോഴിക്കോടൻ ഫെസ്റ്റ് സീസൺ -2 : ഇസ്‌ലാമിക് സെൻ്ററിൽ

Page 10 of 322« First...89101112...203040...Last »

« Previous Page« Previous « ഓണ്‍ ലൈന്‍ ജോലി : പുതിയ തട്ടിപ്പുകൾ അരങ്ങേറുന്നു
Next »Next Page » ഓർമ – ബോസ് കുഞ്ചേരി സാഹിത്യ പുരസ്കാരത്തിനു സൃഷ്ടികൾ ക്ഷണിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha