അത്തച്ചമയ ഘോഷയാത്ര അബുദാബി യിൽ

August 13th, 2025

floral-decoration-for-onam-special-at-al-wahda-lulu-ePathram
അബുദാബി : ഓണാഘോഷങ്ങളുടെ ഭാഗമായി അബുദാബി മലയാളി സമാജം സംഘടിപ്പിക്കുന്ന ‘അത്തച്ചമയ ഘോഷ യാത്ര’ 2025 ഓഗസ്റ്റ് 24 ഞായറാഴ്ച മദീന സായിദ് ഷോപ്പിംഗ് സെൻററിൽ അരങ്ങേറും.

താലപ്പൊലി, തിരുവാതിരക്കളി, കഥകളി, പുലിക്കളി, ശിങ്കാരിമേളം, ചെണ്ടമേളം, അമ്മൻ കുടം തുടങ്ങി കേരളീയ സാംസ്കാരിക പ്രതീകങ്ങളായ കലാ രൂപങ്ങൾ അണി നിരത്തിക്കൊണ്ട് മ്മടെ തൃശ്ശൂർ, ഇക്വിറ്റി പ്ലസ് എന്നിവരുമായി സംയുക്തമായാണ് സമാജം അത്ത ച്ചമയ ഘോഷ യാത്ര ഒരുക്കുന്നത്. ഇതോടൊപ്പം വിവിധ കലാ മത്സരങ്ങളും സംഘടിപ്പിക്കുന്നുണ്ട്. FB

- pma

വായിക്കുക: , , , ,

Comments Off on അത്തച്ചമയ ഘോഷയാത്ര അബുദാബി യിൽ

ആൻറിയ ‘അങ്കമാലി പൊന്നോണം’ ബ്രോഷർ പ്രകാശനം ചെയ്തു

August 6th, 2025

anria-angamaly-nri-dubai-onam-2025-ePathram
ദുബായ് : അങ്കമാലി സ്വദേശികളുടെ യു. എ. ഇ. യിലെ പ്രവാസി കൂട്ടായ്മ ആൻറിയ (അങ്കമാലി എൻ. ആർ. ഐ. അസ്സോസ്സിയേഷൻ-ANRIA) യുടെ ഈ വർഷത്തെ ഓണാഘോഷം ‘അങ്കമാലി പൊന്നോണം’ എന്ന പേരിൽ വൈവിധ്യമാർന്ന പരിപാടികളോടെ 2025 സെപ്റ്റംബർ 28 ഞായറാഴ്ച ദുബായ് ഇത്തിസലാത്ത് അക്കാദമിയിൽ വെച്ച് നടക്കും.

ആൻറിയ അംഗങ്ങൾ അവതരിപ്പിക്കുന്ന തിരുവാതിര-കൈ കൊട്ടിക്കളി, ശിങ്കാരി മേളം, ഘോഷ യാത്ര, മ്യൂസിക്കൽ ഷോ മറ്റു വിവിധ കലാ പരിപാടികൾ എന്നിവയും ഓണ സദ്യയും ഉൾപ്പെടുത്തിയുള്ള ആൻറിയ ഇരുപതാം വാർഷിക ആഘോഷം കൂടി ആയിരിക്കും ‘അങ്കമാലി പൊന്നോണം’ എന്നും സംഘാടകർ അറിയിച്ചു.

കഴിഞ്ഞ ദിവസം നടന്ന എക്സിക്യൂട്ടീവ് യോഗത്തിൽ പ്രോഗ്രാമിന്റെ ബ്രോഷർ പ്രകാശനം നിർവ്വഹിച്ചു. ആൻറിയ മുൻ പ്രസിഡണ്ട് ലിജി റെജി, റീത്തു ജോബിൻ, ലൈജു കൊച്ചാട്ട്, ജിജി പാണ്ഡവത്ത് തുടങ്ങിയവർ സംബന്ധിച്ചു.

- pma

വായിക്കുക: , , , , , , , , ,

Comments Off on ആൻറിയ ‘അങ്കമാലി പൊന്നോണം’ ബ്രോഷർ പ്രകാശനം ചെയ്തു

ഇശൽ ഓണം-2024 വർണ്ണാഭമായ പരിപാടികളോടെ അരങ്ങേറി

November 22nd, 2024

ishalband-ishal-onam-2024-senthil-krishna-inaugurate-ePathram
അബുദാബി : ഇശൽ ബാൻഡ് അബുദാബിയുടെ ഓണാഘോഷ പരിപാടി ‘ഇശൽ ഓണം-2024’ കേരള സോഷ്യൽ സെൻ്റർ അങ്കണത്തിൽ പ്രത്യേകം ഒരുക്കിയ വേദിയിൽ അരങ്ങേറി.

സാമൂഹ്യ- സാംസ്കാരിക സംഘടനാ, വാണിജ്യ- വ്യവസായ രംഗത്തെ പ്രമുഖർ പങ്കെടുത്ത ചടങ്ങിൽ റഹ്മത്ത് കാലിക്കറ്റ്‌ റെസ്റ്റോറന്റ് ഉടമ കുനിയിൽ ഇസ്മായിൽ അഹമ്മദിനെ ബിസിനസ്സ് എക്സലൻസ് അവാർഡ് നൽകി ആദരിച്ചു.

നടൻ സെന്തിൽ കൃഷ്ണ മുഖ്യ അതിഥി ആയിരുന്നു. അബുദാബി കമ്മ്യൂണിറ്റി പോലീസ് ഫസ്റ്റ് വാറന്റ് ഓഫീസർ ആയിഷ അലി അൽ-ഷഹീ പൊതു സമ്മേളനം ഉദ്ഘാടനം ചെയ്തു.

ഇശൽ ബാൻഡ് അബുദാബിയുടെ ഈ വർഷത്തെ ധന സഹായ വിതരണം ബെൻസർ ട്രാൻസ്‌പോർട്ട് മേധാവി മുഹമ്മദ്‌ ഷരീഫ്, ക്യുപ്കോ ജനറൽ ട്രേഡിംഗ് മേധാവി ഓ. കെ. മൻസൂർ, ഡീപ് സീ ഫിഷ് ട്രേഡിംഗ് മേധാവി ഹാരിസ് പാങ്ങാട്ട് എന്നിവർ ചേർന്ന് നിർവ്വഹിച്ചു.

ഇശൽ ബാൻഡ് കലാകാരന്മാർ അണി നിരന്ന മെഗാ മ്യൂസിക്കൽ ഷോ യിൽ സോഷ്യൽ മീഡിയാ താരങ്ങളായ ഹിഷാം അങ്ങാടിപ്പുറം, മീര എന്നിവർ കാണികളെ കയ്യിലെടുത്ത പ്രകടനങ്ങൾ കാഴ്ച വെച്ചു.

മാവേലി എഴുന്നള്ളത്ത്, പുലിക്കളി, താലപ്പൊലി, തിരുവാതിര, കൈ കൊട്ടിക്കളി, നാടൻ പാട്ട്, മിസ്സി മാത്യൂസ് നയിച്ച ഫാഷൻ ഷോ എന്നിങ്ങനെ വേറിട്ട പരിപാടികളുടെ അവതരണം ശ്രദ്ധേയമായി.

- pma

വായിക്കുക: , , , , , ,

Comments Off on ഇശൽ ഓണം-2024 വർണ്ണാഭമായ പരിപാടികളോടെ അരങ്ങേറി

ഇമ ഓണാഘോഷവും കുടുംബ സംഗമവും

November 7th, 2024

ima-media-onam-celebration-2024-ePathram
അബുദാബി : മാധ്യമ പ്രവർത്തകരുടെ കൂട്ടായ്മ ഇന്ത്യൻ മീഡിയ അബുദാബി (ഇമ) ഓണാഘോഷവും കുടുംബ സംഗമവും നടത്തി. ബുർജീൽ ഹോൾഡിംഗ്‌സ്, നോട്ട് ബുക്ക് റസ്റ്റോറന്റ് എന്നിവരുടെ സഹകരണത്തോടെ അബുദാബി മദീനാ സായിദ് ഷോപ്പിംഗ് സെൻ്റർ ഫുഡ് കോർട്ടിലെ നോട്ട് ബുക്ക് റസ്റ്റോറന്റിൽ നടന്ന പരിപാടി യിൽ ഇമ അംഗങ്ങളും കുടുംബാംഗങ്ങളും പങ്കെടുത്തു.

niral-burjeel-holdings-and-nm-abubacker-ima-onam-2024-ePathram

ചടങ്ങിൽ ബുർജീൽ ഹോൾഡിംഗ്സിനുള്ള ഉപഹാരം റീജ്യണൽ മാനേജർ (ബിസിനസ്സ് ഡവലപ്പ് മെന്റ്) സി. എം. നിർമ്മൽ, നോട്ട് ബുക്ക് റസ്റ്റോറ ന്റ് ഗ്രൂപ്പിനുള്ള ഉപഹാരം എം. ഡി. സതീഷ് കുമാർ മാനേജർ ഷംലാക് പുനത്തിൽ എന്നിവർ ചേർന്ന് ഏറ്റു വാങ്ങി.

indian-media-rashid-poomadam-golden-visa-ePathram

ഇന്ത്യൻ മീഡിയ അബുദാബി പ്രസിഡണ്ട് എൻ. എം.അബൂബക്കർ, ജനറൽ സെക്രട്ടറി ടി. എസ്. നിസാമുദ്ദീൻ, ട്രഷറർ ഷിജിന കണ്ണൻദാസ്, വൈസ് പ്രസിഡണ്ട് പി. എം. അബ്ദുൽ റഹിമാൻ, ജോയിന്റ് സെക്രട്ടറി അനിൽ സി. ഇടിക്കുള എന്നിവർ ചേർന്നാണ് ഉപഹാരം സമ്മാനിച്ചത്.

amina-pm-scholostic-award-indian-media-onam-ePathram

യു. എ. ഇ. ഗോൾഡൻ വിസ നേടിയ റാഷിദ് പൂമാടം, അംഗങ്ങളുടെ മക്കളിൽ വിദ്യാഭ്യാസ മികവു പുലർത്തിയ ഹനാൻ റസാഖ്, ആമിന പി. എം. എന്നിവരെയും ആദരിച്ചു. എൻ. എം. അബൂബക്കർ അദ്ധ്യക്ഷത വഹിച്ചു. ടി. എസ്. നിസാമുദ്ദീൻ സ്വാഗതവും ഷിജിന കണ്ണൻദാസ് നന്ദിയും പറഞ്ഞു. റസാഖ് ഒരുമനയൂർ, സമീർ കല്ലറ തുടങ്ങിയവർ നേതൃത്വം നൽകി.

- pma

വായിക്കുക: , , , , , , ,

Comments Off on ഇമ ഓണാഘോഷവും കുടുംബ സംഗമവും

ഇശൽ ഓണം 2024 പ്രോഗ്രാം ബ്രോഷർ പ്രകാശനം ചെയ്തു

November 1st, 2024

ishal-band-onam-programe-2024-brochure-ePathram
അബുദാബി : ഇശൽ ബാൻഡ് അബുദാബിയുടെ ഓണാഘോഷ പരിപാടി ‘ഇശൽ ഓണം 2024’ നവംബർ 17 (ഞായർ) ഉച്ചക്ക് 3 മണി മുതൽ അബുദാബി കേരള സോഷ്യൽ സെൻ്റർ അങ്കണത്തിൽ അരങ്ങേറും. ചലച്ചിത്ര നടൻ സെന്തിൽ കൃഷ്ണകുമാർ മുഖ്യ അതിഥിയായി പരിപാടിയിൽ പങ്കെടുക്കും എന്നും അബുദാബി റഹ്മത്ത് കാലിക്കറ്റ് ഹോട്ടലിൽ നടന്ന പ്രഖ്യാപന യോഗത്തിൽ സംഘാടകർ അറിയിച്ചു.

തുടർന്ന് നടന്ന ചടങ്ങിൽ ‘ഇശൽ ഓണം 2024’ ബ്രോഷർ പ്രകാശനം ചെയ്തു. അബുദാബി മലയാളീ സമാജം പ്രസിഡണ്ട് സലീം ചിറക്കൽ, മാധ്യമ പ്രവർത്തകരായ സമീർ കല്ലറ, റാഷിദ്‌ പൂമാടം, ഇശൽ ബാൻഡ് പ്രവർത്തകരായ ഹാരിസ് തായമ്പത്ത്, മഹ്‌റൂഫ് കണ്ണൂർ, ഇക്ബാൽ ലത്തീഫ്, റഫീക്ക് ഹൈദ്രോസ്, സാദിഖ് കല്ലട, ബിസിനസ്സ് രംഗത്ത് നിന്നും മൻസൂർ, ഷരീഫ്, സലീം എന്നിവർ സന്നിഹിതരായി.

മാവേലി എഴുന്നള്ളത്ത്, പുലിക്കളി, താലപ്പൊലി, ചെണ്ട മേളം എന്നിവ യുടെ അകമ്പടിയോടെ ‘ഇശൽ ഓണം 2024’ ഘോഷ യാത്രക്ക് തുടക്കം കുറിക്കും. തിരുവാതിരക്കളി, കൈകൊട്ടിക്കളി, മറ്റു നൃത്ത നൃത്യങ്ങളും അരങ്ങേറും

യുവ ഗായക രായ മീര, ഹിഷാം അങ്ങാടിപ്പുറം ഇശൽ ബാൻഡ് കലാകാരന്മാരും ചേർന്ന് അവതരിപ്പിക്കുന്ന മെഗാ ഗാനമേളയും, മിസ്സി മാത്യു നേതൃത്വം നൽകുന്ന ഫാഷൻ ഷോയും ‘ഇശൽ ബാൻഡ് ഇശൽ ഓണം- 2024’ കൂടുതൽ വർണ്ണാഭമാക്കും എന്നും സംഘാടകർ അറിയിച്ചു. കൂടുതൽ വിവരങ്ങൾക്ക് 050 566 73 56 എന്ന നമ്പറിൽ ബന്ധപ്പെടാം.

 * സത്താർ കാഞ്ഞങ്ങാടിനെ ആദരിച്ചു 

ഇശൽ ബാൻഡ് സിദ്ധീഖ് ചേറ്റുവയെ ആദരിച്ചു

- pma

വായിക്കുക: , , ,

Comments Off on ഇശൽ ഓണം 2024 പ്രോഗ്രാം ബ്രോഷർ പ്രകാശനം ചെയ്തു

Page 1 of 41234

« Previous « ചെസ്സ് ടൂർണ്ണമെൻറ് : രജിസ്‌ട്രേഷൻ ആരംഭിച്ചു
Next Page » പൊതുമാപ്പ് ഡിസംബർ 31 വരെ നീട്ടി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha