അബുദാബി : വേൾഡ് മലയാളി ഫെഡറേഷൻ (WMF) അബുദാബി സ്റ്റേറ്റ് കൗൺസിലിൻ്റെ നേത്യത്വത്തിൽ സ്വാതന്ത്ര്യ ദിനം ആഘോഷിച്ചു. അബുദാബി മദീന സായിദിൽ നടന്ന ലളിതമായ ചടങ്ങിനു രക്ഷാധികാരി അഷ്റഫ് നേതൃത്വം നൽകി,
ഗ്ലോബൽ കൗൺസിൽ അംഗം ഫിറോസ് ഹമീദ്, നാഷണൽ കൗൺസിൽ അംഗങ്ങളായ പി. എം. അബ്ദുൽ റഹിമാൻ, ഷാജുമോൻ പുലാക്കൽ, സ്റ്റേറ്റ് കൗൺസിൽ ട്രഷറർ ഷെറിൻ അഷ്റഫ് എന്നിവർ സ്വാതന്ത്ര്യ ദിന ആശംസകൾ നൽകി.
ഡബ്ലിയു. എം. എഫ്. അബുദാബി കൗൺസിൽ പ്രസിഡണ്ട് അബ്ദുൾ വാഹിബ് അദ്ധ്യക്ഷത വഹിച്ചു. ജോയിൻ്റ് സെക്രട്ടറിമാരായ സുബീന, അനീഷ് യോഹന്നാൻ, ഇവൻ്റ് കോഡിനേറ്റർ സബീന അബ്ദുൽ കരീം എന്നിവർ സംബന്ധിച്ചു. ഡബ്ലിയു. എം. എഫ്. അബുദാബി സ്റ്റേറ്റ് കൗൺസിൽ സെക്രട്ടറി ഡോക്ടർ. ഷീബ അനിൽ നന്ദി പറഞ്ഞു.
