ലോകത്തിന് മാനവികത പഠിപ്പിച്ചത് പ്രവാചകന്‍ മുഹമ്മദ് നബി : എം. എ. യൂസഫലി

September 17th, 2025

ma-yusuffali-speech-indian-islamic-centre-ePathram
അബുദാബി : പ്രവാചകന്‍ മുഹമ്മദ് നബിയുടെ ജീവിതത്തിലെ ഓരോ ഏടുകളും ഉദാത്തമാണ്. ലോകത്തിന് മാനവികത പഠിപ്പിച്ചത് പ്രവാചകന്‍ മുഹമ്മദ് നബിയാണ് എന്നും എം. എ. യൂസഫലി. ഇന്ത്യന്‍ ഇസ്‌ലാമിക് സെന്റര്‍ സംഘിടിപ്പിച്ച നബിദിന ആഘോഷ പരിപാടി ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം.

പ്രവാചക ജീവിതത്തെക്കുറിച്ച് പ്രതി പാദിക്കാന്‍ ഒരു പുരുഷായുസ്സ് ശ്രമിച്ചാലും പൂർണ്ണ മാവില്ല, അത്രയും വിശാലമാണത്. മനുഷ്യ ജീവിതത്തിന്റെ എല്ലാ മേഖലകളെയും സ്പര്‍ശിച്ച നബിയുടെ ജീവിത സന്ദേശം സമഗ്രമാണ്.

മനുഷ്യന്‍ മരണപ്പെട്ടാല്‍, ജാതിയോ മതമോ കുലമോ നോക്കാതെ ആ ശരീരത്തെ ബഹുമാനിക്കണം എന്നും ലോകത്തെ ആദ്യമായി പഠിപ്പിച്ച മഹാനാണ്.

നിത്യജീവിതത്തില്‍ ഒരു വ്യക്തി പാലിക്കേണ്ട എന്തെല്ലാമുണ്ടോ, അതെല്ലാം സ്വജീവിതത്തില്‍ പാലിച്ച് മാതൃക കാട്ടിയ പ്രവാചകന്റെ ജീവിതം മുഴുവനും പാഠമാണ്. പുതിയ തലമുറ ഇത് പഠിക്കാന്‍ തയ്യാറാവണം.

യുവ തലമുറയിലെ വലിയൊരു വിഭാഗം ദു:ഖകരമായ അവസ്ഥയിലേക്കാണ് സഞ്ചരിക്കുന്നത്. പ്രവാചകന്റെ പ്രായോഗികമായ ജീവിതചര്യക്ക് ഇപ്പോള്‍ ഏറെ പ്രസക്തി ഉണ്ട് എന്നും അതുള്‍ക്കൊള്ളാന്‍ മുന്നോട്ടു വരണം എന്നും അദ്ദേഹം കൂട്ടിച്ചേർത്തു.

- pma

വായിക്കുക: , , , , ,

Comments Off on ലോകത്തിന് മാനവികത പഠിപ്പിച്ചത് പ്രവാചകന്‍ മുഹമ്മദ് നബി : എം. എ. യൂസഫലി

സാമൂഹ്യ മൂല്യങ്ങള്‍ നഷ്ടപ്പെടുന്നു : ഡോ. അബ്ദുസ്സമദ് സമദാനി

September 17th, 2025

samadani-iuml-leader-ePathram

അബുദാബി : സാംസ്കാരിക ഉന്നതി പ്രാപിച്ചു എന്നുള്ള മനുഷ്യ സമൂഹത്തിന്റെ അവകാശ വാദങ്ങള്‍ക്ക് ഇടയിൽ മനുഷ്യത്വവും മൂല്യ ബോധവും നഷ്ടപ്പെട്ടു കൊണ്ടിരിക്കുന്നു എന്ന് ഡോ. അബ്ദു സ്സമദ് സമദാനി എം. പി. അബുദാബി ഇന്ത്യന്‍ ഇസ്‌ലാമിക് സെന്റര്‍ സംഘിടിപ്പിച്ച നബി ദിന ആഘോഷ പരിപാടിയില്‍ ‘തിരുനബി : സൗമ്യ ചരിതം മനുഷ്യ കുലത്തിന് കരുണയുടെ ശാശ്വത പാഠങ്ങള്‍’ എന്ന പ്രമേയത്തില്‍ പ്രഭാഷണം നടത്തുകയായിരുന്നു അദ്ദേഹം.

വ്യക്തിയുടെ അടിസ്ഥാനപരമായ സത്യ സന്ധ്യതയും സമുഹത്തിന്റെ പരസ്പര വിശ്വാസവും അനുദിനം നഷ്ടമാകുന്ന സമകാലിക സാഹചര്യത്തില്‍ പ്രവാചകന്‍ മുഹമ്മദ് നബിയുടെ ജീവിത സന്ദേശ ത്തിനും അദ്ധ്യാപന ങ്ങൾക്കും ഉള്ള പ്രസക്തി പതിന്‍ മടങ്ങ് വർദ്ധിച്ചു എന്നും അദ്ദേഹം പറഞ്ഞു.

വ്യാജ പ്രചാരണങ്ങളെക്കുറിച്ച് പ്രവാചകന്‍ മുഹമ്മദ് നബി മുന്‍ കൂട്ടി പ്രവചിച്ചതാണ്. ഇക്കാലത്ത് യാഥാർത്ഥ്യം ഏത് എന്ന് തിരിച്ചറിയാന്‍ കഴിയാത്ത വിധം ഏത് രംഗത്തും വ്യാജം കൊടി കുത്തി വാഴുകയാണ്. ഇന്റര്‍ നെറ്റിന്റെയും നിര്‍മ്മിത ബുദ്ധി യുടെയും കുത്തി യൊഴുക്കില്‍ എന്തിലും ഫേക്ക് ആധിപത്യം നേടുന്ന അവസ്ഥാ വിശേഷം ആണുള്ളത്.

പുരോഗമനത്തിന്റെ പേരിലുള്ള അവകാശ വാദങ്ങള്‍ പെരുകുമ്പോഴും ദയനീയമായ സാംസ്‌കാരിക അധ:പത നമാണ് മനുഷ്യ രാശിയില്‍ സംഭവിക്കുന്നത്.

സകല മൂല്യങ്ങളെയും കാറ്റില്‍ പറത്തി ക്കൊണ്ട് മൃഗീയവും പൈശാചികവുമായ വാസനകളിലേക്ക് മനുഷ്യര്‍ കൂപ്പു കുത്തുന്നു. വിദ്യാഭ്യാസം വര്‍ദ്ധിക്കുന്നുണ്ട്. പക്ഷേ വിവരവും വിവേകവും കുറഞ്ഞു പോവുകയാണ്.

മനുഷ്യര്‍ക്ക് ഇടയിലുള്ള ഉച്ച നീചത്വങ്ങളേയും വിവേചനങ്ങളേയും തിരിച്ച് കൊണ്ട് വരാനുള്ള ശ്രമങ്ങളും നടക്കുന്നു. ഇത്തരം അധര്‍മ്മങ്ങളില്‍ നിന്നും അന്ധതകളില്‍ നിന്നും മനുഷ്യ രാശിയെ മോചിപ്പിക്കുവാനാണ് തിരുനബി ആഗമനം കൊള്ളുകയുണ്ടായത്.

meelad-ul-nabi-m-a-yousafali-with-m-p-abdussamad-samadani-ePathram

ഇന്ത്യന്‍ ഇസ്‌ലാമിക് സെന്റര്‍ ഓഡിറ്റോറിയത്തില്‍ നടന്ന പ്രഭാഷണ പരിപാടി ലുലു ഗ്രൂപ്പ് ചെയര്‍മാന്‍ എം. എ. യൂസഫലി ഉദ്ഘാടനം ചെയ്തു.

സെന്റര്‍ ആക്ടിംഗ് പ്രസിഡണ്ട് യു. അബ്ദുല്ല ഫാറൂഖി അദ്ധ്യക്ഷത വഹിച്ചു. വൈസ് പ്രസിഡണ്ട് സയ്യിദ് അബ്ദു റഹ്മാന്‍ തങ്ങള്‍, ജനറല്‍ സെക്രട്ടറി ടി. മുഹമ്മദ് ഹിദായത്തുള്ള, ട്രഷറര്‍ നസീര്‍ രാമന്തളി, കെ. എം. സി. സി. പ്രസിഡണ്ട് ഷുക്കൂറലി കല്ലുങ്ങല്‍, അഭിലാഷ് ഗോപിക്കുട്ടന്‍ പിള്ള, വി. ടി. വി. ദാമോദരന്‍ എന്നിവർ പ്രസംഗിച്ചു. FB PAGE

- pma

വായിക്കുക: , , ,

Comments Off on സാമൂഹ്യ മൂല്യങ്ങള്‍ നഷ്ടപ്പെടുന്നു : ഡോ. അബ്ദുസ്സമദ് സമദാനി

സമദാനിയുടെ പ്രഭാഷണം : പോസ്റ്റർ പ്രകാശനം ചെയ്തു

August 19th, 2025

samadani-iuml-leader-ePathram

അബുദാബി : പ്രമുഖ വാഗ്മി ഡോ. എം. പി. അബ്ദു സ്സമദ് സമദാനി 2025 സപ്തംബർ 14 ഞായറാഴ്ച അബുദാബി ഇന്ത്യൻ ഇസ്ലാമിക് സെന്ററിൽ പ്രസംഗിക്കുന്നു. പ്രസ്തുത പരിപാടിയുടെ പോസ്റ്റർ പ്രകാശന കർമ്മം ഐ. ഐ. സി. യുടെ സ്വാതന്ത്ര്യ ദിന ആഘോഷ പരിപാടിയിൽ നടന്നു.

islamic-center-samadani-speach-ePathram

സെന്റർ ആക്ടിംഗ് പ്രസിഡണ്ട് സയ്യിദ് അബ്ദു റഹിമാൻ തങ്ങൾ പ്രോലൈൻ കൺസൽട്ടൻറ് എം. ഡി. അനൂപ് പിള്ളക്കു നൽകി പ്രഭാഷണ പരിപാടിയുടെ പോസ്റ്റർ പ്രകാശനം ചെയ്തു. സെന്റർ മാനേജിംഗ് കമ്മിറ്റി അംഗങ്ങളായ അഹമ്മദ് കുട്ടി, മുസ്തഫ വാഫി, സിദ്ധീഖ് എളേറ്റിൽ, അഷ്‌റഫ് ഇബ്രാഹിം, ഒ. പി. അലി അബ്ദുല്ല, അബ്ദുല്ല ചേലക്കോട് തുടങ്ങിയവർ സംബന്ധിച്ചു.

- pma

വായിക്കുക: , , ,

Comments Off on സമദാനിയുടെ പ്രഭാഷണം : പോസ്റ്റർ പ്രകാശനം ചെയ്തു

വ്യത്യസ്തമായ പരിപാടികളുമായി ഇസ്ലാമിക് സെന്റർ മെമ്പേഴ്സ് മീറ്റ്

August 11th, 2025

vpk-abdullah-inaugurate-islamic-center-members-meet-2025-ePathram

അബുദാബി: ഇന്ത്യൻ ഇസ്ലാമിക് സെന്റർ 2025-26 വർഷത്തെ മാനേജിംഗ് കമ്മിറ്റിയുടെ ഭാവി പ്രവർത്തനങ്ങൾ പ്രഖ്യാപിച്ചു കൊണ്ട് നടത്തിയ മെമ്പേഴ്സ് മീറ്റ് പരിപാടികളുടെ വൈവിധ്യത്താലും നടത്തിപ്പ് കൊണ്ടും വേറിട്ടതായി.

ഇസ്ലാമിക് സെന്റർ മെയിൻ ഹാളിൽ നടന്ന ചടങ്ങിൽ ആക്ടിംഗ് പ്രസിഡണ്ട് സയ്യിദ് അബ്ദുറഹിമാൻ തങ്ങൾ അദ്ധ്യക്ഷത വഹിച്ചു. മുൻ ജനറൽ സെക്രട്ടറി വി. പി. കെ. അബ്ദുല്ല ഉദ്ഘാടനം ചെയ്തു.

ഇന്ത്യൻ സ്വാതന്ത്ര്യ ദിന ആഘോഷ പരിപാടികൾ, നോർക്ക പ്രവാസി ക്ഷേമ നിധി പെൻഷൻ പദ്ധതികൾ, എം. പി. അബ്ദുസമദ് സമദാനി, സിംസാറുൽ ഹഖ് ഹുദവി എന്നിവരുടെ പ്രഭാഷണം, സ്മാർട്ട് ഐ. ഐ. സി പ്രൊജക്റ്റ്, സയൻസ് എക്സിബിഷൻ, ചെസ്സ് ടൂർണ്ണ മെന്റ്, ബാഡ്മിൻ്റൺ ടൂർണ്ണ മെന്റ്, പുസ്തക പ്രകാശനം, അവാർഡ് ദാനം തുടങ്ങി സെന്റർ മാനേജിംഗ് കമ്മിറ്റിയുടെ ഭാവി പ്രവർത്തനങ്ങളെ കുറിച്ച് വിവിധ വിഭാഗങ്ങളുടെ സെക്രട്ടറിമാർ വിശദീകരിച്ചു.

മെമ്പേഴ്സ് മീറ്റിൽ പങ്കെടുത്തവരെ നാല് ഗ്രൂപ്പുകളായി തിരിച്ച് ക്വിസ്സ്, ബോൾ പിക്കിംഗ്, ബോൾഡ് ഔട്ട്, പെനാൽറ്റി ഷൂട്ടൗട്ട്, വടംവലി, അന്താക്ഷരി തുടങ്ങിയ വിനോദ-വിജ്ഞാന-കായിക മത്സരങ്ങളിൽ ദയൂ ബന്ദ് ഗ്രൂപ്പ് ഒന്നാം സ്ഥാനവും, അൽ-അസ്ഹർ ഗ്രൂപ്പ് രണ്ടാം സ്ഥാനവും കരസ്ഥമാക്കി. ഓരോ മണിക്കൂറിലെയും നറുക്കെടുപ്പിലൂടെ തെരഞ്ഞെടുക്കപ്പെട്ട അംഗങ്ങൾക്ക് ആകർഷകമായ സമ്മാനങ്ങൾ വിതരണം ചെയ്തു.

സെന്റർ ജനറൽ സെക്രട്ടറി മുഹമ്മദ് ഹിദായത്തുള്ള, ട്രഷറർ നസീർ രാമന്തളി, അനീസ് മംഗലം, മുഹമ്മദ് കുഞ്ഞി കൊളവയൽ, മുഹമ്മദ് ശഹീം, അഡ്വ. കെ. വി. മുഹമ്മദ് കുഞ്ഞി, കബീർ ഹുദവി, ഇബ്രാഹിം മുസ്‌ലിയാർ തുടങ്ങിയവർ സംസാരിച്ചു.

- pma

വായിക്കുക: , , , , , , , , ,

Comments Off on വ്യത്യസ്തമായ പരിപാടികളുമായി ഇസ്ലാമിക് സെന്റർ മെമ്പേഴ്സ് മീറ്റ്

മെഗാ മെഡിക്കൽ ക്യാമ്പ് ഇസ്‌ലാമിക് സെന്ററിൽ

August 9th, 2025

അബുദാബി : പ്രവാസികളിൽ രോഗ-പ്രതിരോധ അവബോധത്തിനായി ഇന്ത്യൻ ഇസ്ലാമിക്‌ സെന്റർ 2025 ആഗസ്റ്റ് 10 ഞായറാഴ്ച സെന്റർ അങ്കണത്തിൽ ഒരുക്കുന്ന മെഗാ മെഡിക്കൽ ക്യാമ്പിൽ അലോപ്പതി, ആയുർവ്വേദം, ഹോമിയോപ്പതി എന്നീ വിഭാഗങ്ങളിൽ പരിശോധനകളും ചികിത്സയും ബോധവത്കരണ ക്ളാസുകളും നടക്കും.

കാർഡിയോളജി, ഗൈനക്കോളജി, പീഡിയാട്രിക്, സർജറി, ഡെന്റൽ, ഇ. എൻ. ടി, ഒപ്താൽമോളജി, യൂറോളജി, ഇന്റേണൽ മെഡിസിൻ, ഡയറ്ററ്റിക്സ് തുടങ്ങിയ 12 വിഭാഗങ്ങളിലെ മെഡിക്കൽ ക്യാമ്പിൽ പങ്കെടുക്കുന്നവർക്ക് ഹെൽത്ത് ഇൻഷ്വറൻസ് ആവശ്യമില്ല. തുടർ ചികിത്സ വേണ്ടി വരുന്നവർക്ക് അഹല്യ ഹോസ്പിറ്റലിന്റെ പ്രിവിലെജ് കാർഡ് ലഭിക്കും. വിസിറ്റ് വിസയിൽ ഉള്ളവർക്കും സ്ത്രീകൾക്കും കുട്ടികൾക്കും പങ്കെടുക്കാം.

ഇസ്ലാമിക്‌ സെന്റർ പബ്ലിക് റിലേഷൻ വിംഗ് അഹല്യ ഹോസ്പിറ്റലുമായി സഹകരിച്ചു കൊണ്ട് ആഗസ്റ്റ് 10 രാവിലെ 7. 30 മുതൽ വൈകുന്നേരം 4 മണി വരെ ഒരുക്കുന്ന ഈ മെഗാ മെഡിക്കൽ ക്യാമ്പ് സൗകര്യം പ്രവാസി സമൂഹം ഉപയോഗപ്പെടുത്തണം എന്ന് സെന്റർ ഭാരവാഹികൾ അറിയിച്ചു.

വിവരങ്ങൾക്ക് : 02 642 44 22, 050 560 4133.

- pma

വായിക്കുക: , , , , , ,

Comments Off on മെഗാ മെഡിക്കൽ ക്യാമ്പ് ഇസ്‌ലാമിക് സെന്ററിൽ

Page 1 of 2712345...1020...Last »

« Previous « ഷവർമ്മ കടകളിൽ പരിശോധന : 45 സ്ഥാപനങ്ങൾ അടച്ചു
Next Page » വീണ്ടും ആഗോള അംഗീകാരവുമായി ശൈഖ് സായിദ് ഗ്രാൻഡ് മസ്ജിദ് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha