ഇസ്ലാമിക് സെന്‍റര്‍ സമ്മര്‍ ക്യാമ്പ് : ഇൻസൈറ്റ് 2023 ജൂലായ് ഏഴു മുതല്‍

June 25th, 2023

insight-islamic-center-summer-camp-2023-ePathram

അബുദാബി: കെ. ജി. തലം മുതൽ ബിരുദ തലം വരെയുള്ള വിദ്യാർത്ഥികൾക്കായി അബുദാബി ഇന്ത്യൻ ഇസ്ലാമിക് സെന്‍റര്‍ ജൂലായ് 7 മുതല്‍ ജൂലായ് 16 വരെ ‘ഇൻസൈറ്റ്-2023’ എന്ന പേരില്‍ സമ്മര്‍ ക്യാമ്പ് സംഘടിപ്പിക്കുന്നു.

വൈകുന്നേരം 5:30 മുതൽ 9:30 വരെ നടക്കുന്ന ക്യാമ്പിൽ വിദ്യാഭ്യാസ പരിശീലന മേഖലയിലെ വിദഗ്ദര്‍ ക്ലാസ്സുകള്‍ക്ക് നേതൃത്വം നൽകും. റജിസ്ട്രേഷനും കൂടുതൽ വിവരങ്ങൾക്കും ബന്ധപ്പെടുക : 02 6424488, 050 119 5750, 050 167 6745.

അബുദാബി സിറ്റിയിൽ നിന്നും ബനിയാസ്, മുസ്സഫ, മുഹമ്മദ് ബിൻ സായിദ് സിറ്റി എന്നിവിടങ്ങളിൽ നിന്നും വാഹന സൗകര്യം ഉണ്ടായിരിക്കും എന്ന് ഭാരവാഹികള്‍ അറിയിച്ചു.

- pma

വായിക്കുക: , , , ,

Comments Off on ഇസ്ലാമിക് സെന്‍റര്‍ സമ്മര്‍ ക്യാമ്പ് : ഇൻസൈറ്റ് 2023 ജൂലായ് ഏഴു മുതല്‍

ഇസ്ലാമിക് സെൻ്ററില്‍ ലിറ്റററി ക്ലബ്ബ് രൂപീകരിച്ചു

June 23rd, 2023

logo-indian-islamic-center-abudhabi-ePathram
അബുദാബി : ഇന്ത്യൻ ഇസ്ലാമിക് സെൻ്റർ സാഹിത്യ വിഭാഗത്തിൻ്റെ കീഴിൽ ലിറ്റററി ക്ലബ്ബ് രൂപീകരിച്ചു. സാഹിത്യ അഭിരുചിയുള്ള സെന്‍റർ അംഗങ്ങൾക്കും അനുഭാവികൾക്കും തങ്ങളുടെ കഴിവുകളെ പരിപോഷിപ്പിക്കാനും കൂടുതൽ ഇടപെടലുകൾ നടത്താനും വേദി ഒരുക്കുക, സെൻ്ററിൻ്റെ സാഹിത്യ വിഭാഗം ഒരുക്കുന്ന പരിപാടികളുടെ വിജയകരമായ നടത്തിപ്പിന് പങ്കാളിത്തം ഉറപ്പു വരുത്തുക എന്ന ലക്ഷ്യത്തോടെയാണ് ലിറ്റററി ക്ലബ്ബ് രൂപീകരിച്ചത്.

islamic-center-literary-wing-formation-ePathram

സാഹിത്യ വിഭാഗം സെക്രട്ടറി യു. കെ. മുഹമ്മദ് കുഞ്ഞി (ചെയർമാൻ), ജുബൈർ വെള്ളാടത്ത് (ജനറൽ കൺവീനർ), മുഹമ്മദലി മാങ്കടവ്, നൗഫൽ പേരാമ്പ്ര (കൺവീനർമാർ) എന്നിവർ ലിറ്റററി ക്ലബ്ബിന് നേതൃത്വം നൽകും.

സെൻ്റർ ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി അദ്ധ്യക്ഷത വഹിച്ചു. എം. പി. എം. റഷീദ്, മുഹമ്മദ് നാഫിഹ് വാഫി, ഷാനവാസ് പുളിക്കൽ, യു. കെ. മുഹമ്മദ് കുഞ്ഞി, സ്വാലിഹ് വാഫി എന്നിവർ സംസാരിച്ചു.

ഈ പ്രവര്‍ത്തന വര്‍ഷത്തില്‍ സാഹിത്യ വിഭാഗം നടത്താന്‍ ഉദ്ദേശിക്കുന്ന ഐ. ഐ. സി. ബുക്ക് ഫെസ്റ്റ്, അരനൂറ്റാണ്ട് പിന്നിടുന്ന സെൻ്ററിൻ്റെ ഗതകാല ചരിത്രം ഉൾക്കൊള്ളുന്ന സമഗ്രമായ ചരിത്ര ഗ്രന്ഥം ഒരുക്കുക തുടങ്ങിയ പദ്ധതികൾ സെക്രട്ടറി വിശദീകരിച്ചു.

ജുബൈർ വെള്ളാടത്ത് രചിച്ച ‘എന്‍റെ ആനക്കര, നാൾ വഴികളും നാട്ടു വഴികളും’ എന്ന പുസ്തകം ഇസ്ലാമിക് സെന്‍റർ ലൈബ്രറിയിലേക്ക് സമ്മാനിച്ചു.

- pma

വായിക്കുക: , , ,

Comments Off on ഇസ്ലാമിക് സെൻ്ററില്‍ ലിറ്റററി ക്ലബ്ബ് രൂപീകരിച്ചു

മഹിതം മലപ്പുറം കൊടിയിറങ്ങി

June 23rd, 2023

kmcc-mahitham-malappuram-fest-2023-kurumba-ePathram
അബുദാബി : മലപ്പുറം ജില്ലാ കെ. എം. സി. സി. യുടെ നേതൃത്വത്തില്‍ അബുദാബി ഇന്ത്യൻ ഇസ്‌ലാമിക് സെന്‍ററില്‍ രണ്ടു ദിവസങ്ങളിലായി ഒരുക്കിയ ‘മഹിതം മലപ്പുറം’ ഫെസ്റ്റ്-2023  വൈവിധ്യങ്ങളായ പരിപാടികളാല്‍ വേറിട്ടതായി. പ്രസിഡണ്ട് കാളിയാടൻ അസീസ് അദ്ധ്യക്ഷത വഹിച്ചു. യു. അബ്ദുല്ല ഫാറൂഖി ഉത്ഘാടനം ചെയ്തു.

മുഖ്യ അതിഥിയായി നാട്ടിൽ നിന്നും എത്തിയ കുറുമ്പ ചേച്ചിയെ കരഘോഷത്തോട് കൂടിയാണ് മഹിതം വേദി സ്വീകരിച്ചത്. മുസ്ലീം ലീഗ് നേതാവ് ഇ. ടി. മുഹമ്മദ് ബഷീർ എം. പി.  മഹിതം മലപ്പുറം വേദി യിൽ കുറുമ്പയെ ആദരിച്ചു.

novalist-kp-sudheera-in-kmcc-mahitham-malappuram-ePathram

ഫാത്തിയ അൽ നിഥാരി, സാലഹ് കഹ്‌മീസ് അൽ ജുനൈബി, ഫദൽ അൽ തമീമി, നവീൻ ഹൂദ് അലി, കഥാകാരി കെ. പി. സുധീര, അഡ്വ. കെ. വി. മുഹമ്മദ് കുഞ്ഞി, ഷാജഹാൻ മാടമ്പാട്, എം. പി. എം. റഷീദ്, ഷുക്കൂറലി കല്ലുങ്കൽ, ടി. കെ. അബ്ദുസ്സലാം, അഷ്‌റഫ് പൊന്നാനി, അബ്ദുൽ റഹ്മാൻ ഹാജി, വെട്ടം ആലി ക്കോയ, നൗഫൽ അരീക്കൻ തുടങ്ങീ മത സാമൂഹിക സാംസ്കാരിക വ്യാപാര രംഗത്തെ പ്രമുഖരും സംബന്ധിച്ചു.

കെ. എം. സി. സി. മലപ്പുറം ജില്ലാ കമ്മിറ്റിക്കു കീഴിലുള്ള വിവിധ മണ്ഡലം കമ്മറ്റി കളുടെ കലാ പരിപാടികളും ഭക്ഷണ ശാലകളും മലപ്പുറം ഫെസ്റ്റിനു മറ്റു കൂട്ടി. വിവിധ ദേശക്കാരായ അയ്യായിരത്തോളം ആളുകൾ സന്ദർശകര്‍ ആയി എത്തി.

മലപ്പുറം ജില്ലയുടെ മഹിതമായ മത മൈത്രിയും ഊഷ്മളമായ പാരമ്പര്യങ്ങളും കലാപരമായ പൈതൃക വും സാംസ്കാരിക വൈവിധ്യവും മനസ്സിലാക്കാനും തനതായ രുചി കൂട്ടുകളും അനുഭവിക്കാനും കഴിഞ്ഞ മേള യായിരുന്നു മഹിതം മലപ്പുറം.

ഭാരവാഹികളായ കെ. കെ. ഹംസ ക്കോയ, അഷ്‌റഫലി പുതുക്കുടി, ഫെസ്റ്റ് കൺവീനർ നൗഷാദ് തൃപ്രങ്ങോട്, കുഞ്ഞിപ്പ മോങ്ങം, ഹുസ്സൈൻ സി. കെ., ബഷീർ വറ്റല്ലൂർ, ഹസ്സൻ അരീക്കൻ, എ. കെ. ഷംസു, മുനീർ എടയൂർ, ഷാഹിദ് ചെമ്മുക്കൻ, സാൽമി പാട്ടശ്ശേരി, നാസർ വൈലത്തൂർ, സാഹിർ പൊന്നാനി, സമീർ പുറത്തൂർ , സിറാജ് ആതവനാട് , സൈയ്തു മുഹമ്മദ്, മുജീബ് വേങ്ങര എന്നിവർ പരിപാടിക്ക് നേതൃത്വം നൽകി. ഹൈദർ ബിൻ മൊയ്‌ദു, നിദാ ഹാരിസ് എന്നിവർ സ്റ്റേജ് നിയന്ത്രിച്ചു.

- pma

വായിക്കുക: , , , , , ,

Comments Off on മഹിതം മലപ്പുറം കൊടിയിറങ്ങി

തൊഴിൽ നഷ്ട ഇൻഷ്വറൻസ് : ഒക്ടോബർ ഒന്നു വരെ പിഴ ഇല്ലാതെ അംഗത്വം എടുക്കാം

June 17th, 2023

involuntary-loss-of-employment-iloe-mohre-uae-ePathram

അബുദാബി : യു. എ. ഇ. മാനവ വിഭവ ശേഷി മന്ത്രാലയം പ്രഖ്യാപിച്ച തൊഴിൽ നഷ്ട ഇൻഷ്വറൻസ് പദ്ധതി (ILOE) യിൽ അംഗത്വം എടുക്കുവാനുളള സമയ പരിധി 2023 ഒക്ടോബർ ഒന്നു വരെ നീട്ടി. നിലവിൽ ജൂൺ 30 വരെ ആയിരുന്നു അനുവദിച്ച സമയ പരിധി.

പൊതുജന ആവശ്യാര്‍ത്ഥം റജിസ്റ്റ്രേഷന്‍ കാലാവധി ദീര്‍ഘിപ്പിക്കുകയായിരുന്നു. ഒക്ടോബര്‍ ഒന്നു മുതല്‍ രജിസ്റ്റര്‍ ചെയ്യാത്തതിന് 400 ദിര്‍ഹം പിഴ ഈടാക്കും.

പൊതു മേഖലയിലേയും സ്വകാര്യ മേഖലകളിലെ എല്ലാ പ്രവാസി ജീവനക്കാരും സ്വദേശി ജീവനക്കാരും ഫ്രീ സോണുകളില്‍ ജോലി ചെയ്യുന്ന ജീവനക്കാരും തൊഴിലില്ലായ്മ ഇന്‍ഷ്വറന്‍സ് പ്രോഗ്രാമില്‍ രജിസ്റ്റര്‍ ചെയ്യേണ്ടത് നിര്‍ബ്ബന്ധം തന്നെയാണ് എന്നും യു. എ. ഇ. മാനവ വിഭവ ശേഷി സ്വദേശി വത്ക്കരണ മന്ത്രാലയം (MOHRE) അറിയിച്ചു.

സ്വന്തം കാരണത്താല്‍ തൊഴില്‍ നഷ്ടപ്പെടുന്ന തൊഴിലാളികള്‍ക്കാണ് ഈ ആനുകൂല്യം ലഭിക്കുക. 2023 ജനുവരി 1 മുതല്‍ സര്‍ക്കാര്‍ – സ്വകാര്യ മേഖല കളില്‍ ജോലി ചെയ്യുന്ന എല്ലാ ജീവനക്കാരും ഇന്‍ഷ്വറന്‍സ് പദ്ധതി യില്‍ രജിസ്റ്റര്‍ ചെയ്യണം എന്ന് അധികൃതര്‍ അറിയിച്ചിരുന്നു. ചെയ്തിരുന്ന ജോലിയുടെ അടിസ്ഥാന ശമ്പളത്തിന്‍റെ അറുപത് ശതമാനം മൂന്ന് മാസം ലഭിക്കുന്നതമാണ് ഈ ഇന്‍ഷ്വറന്‍സ് പദ്ധതി.

നിക്ഷേപകര്‍, ഹൗസ് ഡ്രൈവര്‍, ആയ തുടങ്ങിയ വീട്ടു ജോലിക്കാര്‍, താല്‍ക്കാലിക കരാര്‍ തൊഴിലാളികള്‍, 18 വയസ്സിന് താഴെയുള്ള പ്രായ പൂര്‍ത്തി ആകാത്തവര്‍, പെന്‍ഷന് അര്‍ഹതയുള്ളവരും പുതിയ ജോലിയില്‍ ചേര്‍ന്ന വരുമായ വിരമിച്ചവര്‍ എന്നിവരെ പദ്ധതിയില്‍ രജിസ്റ്റര്‍ ചെയ്യുന്നതില്‍ നിന്നും ഒഴിവാക്കിയിട്ടുണ്ട്.

16,000 ദിര്‍ഹത്തില്‍ താഴെ അടിസ്ഥാന ശമ്പളം ഉള്ള ജീവനക്കാര്‍ പ്രതിമാസം 5 ദിര്‍ഹം വീതം പ്രതി വര്‍ഷം 60 ദിര്‍ഹവും അതിന്‍റെ നികുതിയും (വാറ്റ്) പ്രീമിയം അടക്കണം.

തുടര്‍ച്ചയായി മൂന്ന് മാസത്തെ തൊഴില്‍ നഷ്ടത്തിന് ശരാശരി അടിസ്ഥാന ശമ്പളത്തിന്‍റെ 60 ശതമാനം നഷ്ട പരി ഹാരം നല്‍കും. 16,000 ദിര്‍ഹത്തിന് മുകളില്‍ അടിസ്ഥാന ശമ്പളമുള്ള ജീവനക്കാര്‍ ഈ സ്‌കീമിന് കീഴില്‍ പ്രതിമാസം 10 ദിര്‍ഹം അല്ലെങ്കില്‍ 120 ദിര്‍ഹം വാര്‍ഷിക പ്രീമിയം നല്‍കേണ്ടതുണ്ട്.

Involuntary Loss of Employment വെബ് സൈറ്റ്, സ്മാര്‍ട്ട് ആപ്ലിക്കേഷനുകള്‍, ടെലികോം കമ്പനികള്‍, മണി  എക്സ് ചേഞ്ചുകള്‍, കിയോസ്കുകള്‍, സേവന കേന്ദ്രങ്ങള്‍ എന്നിവയുള്‍പ്പെടെ നിരവധി ചാനലുകള്‍ വഴി ഇന്‍ഷ്വറന്‍സ് പ്രീമിയം അടക്കാം. Twitter, Instagram

- pma

വായിക്കുക: , , , , , , , , , , , , ,

Comments Off on തൊഴിൽ നഷ്ട ഇൻഷ്വറൻസ് : ഒക്ടോബർ ഒന്നു വരെ പിഴ ഇല്ലാതെ അംഗത്വം എടുക്കാം

മലപ്പുറം ഫെസ്റ്റ് : ‘മഹിതം മലപ്പുറം’ ജൂൺ 17, 18 തിയ്യതികളിൽ ഇസ്ലാമിക് സെന്‍ററിൽ

June 14th, 2023

logo-mahitham-malappuram-kmcc-fest-2023-ePathram

അബുദാബി : മലപ്പുറം ജില്ലാ കെ. എം. സി. സി. ഒരുക്കുന്ന മലപ്പുറം ഫെസ്റ്റ് ‘മഹിതം മലപ്പുറം’ എന്ന പേരില്‍ ജൂൺ 17, 18 ശനി, ഞായര്‍ ദിവസങ്ങളില്‍ അബുദാബി ഇന്ത്യൻ ഇസ്ലാമിക് സെന്‍ററിൽ അരങ്ങേറും എന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.

മലപ്പുറം ജില്ലയുടെ മഹിതമായ മത മൈത്രിയും ഊഷ്മളമായ പാരമ്പര്യങ്ങളും സമ്പന്നമായ കലാ കായിക സാഹിത്യ സാംസ്കാരിക പൈതൃകവും മലപ്പുറത്തിന്‍റെ തനതായ രുചി വൈവിധ്യങ്ങളും അനുഭവിച്ചറിയാനുമുള്ള വേദിയായിരിക്കും ‘മഹിതം മലപ്പുറം’ എന്ന് സംഘാടകര്‍ പറഞ്ഞു. പ്രവേശനം സൗജന്യം ആയിരിക്കും.

kmcc-mahitham-malappuram-fest-ePathram

2023 ജൂൺ 17 ശനിയാഴ്ച വൈകുന്നേരം 4 മണി മുതൽ രാത്രി 11 മണി വരെയും ജൂൺ 18 ഞായറാഴ്ച രാവിലെ 9 മണി മുതൽ രാത്രി 11 മണി വരെയും നടക്കുന്ന മലപ്പുറം ഫെസ്റ്റില്‍ പ്രശസ്ത കലാകാരൻ മധുലാൽ കൊയിലാണ്ടിയുടെ കലാ പ്രകടനവും അബുദാബി യിലെ കലാ കൂട്ടായ്മകളുടെ വേറിട്ട പ്രകടനങ്ങളും രണ്ടു ദിവസങ്ങളിലുമായി അരങ്ങേറും.

ഇസ്ലാമിക് സെന്‍ററില്‍ ഒരുക്കുന്ന വിവിധ സ്റ്റാളുകളില്‍ നാടിന്‍റെ തനതു രുചികളില്‍ ഭക്ഷണ പലഹാര പാനീയങ്ങള്‍ ലഭ്യമാകും.

അബുദാബി സംസ്ഥാന കെ. എം. സി. സി.ക്കു കീഴിലുള്ള ഏറ്റവും വലിയ ജില്ലാ കമ്മിറ്റിയാണ് മലപ്പുറം ജില്ലാ കെ. എം. സി. സി. പതിനാറ് മണ്ഡലം കമ്മറ്റികളിൽ നിന്നായി പതിനായിരത്തോളം അംഗങ്ങൾ അബുദാബി മലപ്പുറം ജില്ലാ കെ. എം. സി. സി. ക്ക് കീഴിൽ ഉണ്ട്. അതു കൊണ്ട് തന്നെ ഒരു പ്രവാസി സംഘടനാ അബുദാബിയിൽ നടത്തുന്ന ഏറ്റവും വലിയ ഉത്സവം ആയിരിക്കും മഹിതം മലപ്പുറം എന്ന മലപ്പുറം ഫെസ്റ്റ്.

അബുദാബി കെ. എം. സി. സി. സംസ്ഥാന കമ്മിറ്റി പ്രസിഡണ്ട് ഷുക്കൂറലി കല്ലുങ്കൽ, മഹിതം മലപ്പുറം ഉപദേശക സമിതി അംഗം ടി. കെ. അബ്ദുൽ സലാം, മലപ്പുറം ജില്ലാ കെ. എം. സി. സി. നേതാക്കളായ അസീസ് കാളിയാടൻ, കെ. കെ. ഹംസ ക്കോയ, അഷ്‌റഫ് അലി പുതുക്കുടി, നൗഷാദ് തൃപ്രങ്ങോട്, മഹിതം മലപ്പുറം മുഖ്യ പ്രായോജകരായ ബുർജീൽ ഹോൾഡിംഗ്സ് പ്രതിനിധി ഡോക്ടർ. നവീൻ ഹൂദ് അലി, സഹ പ്രായോജക പ്രതിനിധി മുഹമ്മദ് ശരീഫ് എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.

- pma

വായിക്കുക: , , , ,

Comments Off on മലപ്പുറം ഫെസ്റ്റ് : ‘മഹിതം മലപ്പുറം’ ജൂൺ 17, 18 തിയ്യതികളിൽ ഇസ്ലാമിക് സെന്‍ററിൽ

Page 10 of 27« First...89101112...20...Last »

« Previous Page« Previous « അബുദാബി സാംസ്കാരിക വേദി പുതിയ കമ്മിറ്റി
Next »Next Page » ചേറ്റുവോത്സവം ഞായറാഴ്ച »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha