ഐ. ഐ. സി. ഇൻസൈറ്റ് സമ്മർ ക്യാമ്പ് ജൂലായ് 10 മുതല്‍

July 1st, 2025

അബുദാബി : ഇന്ത്യന്‍ ഇസ്ലാമിക് സെന്‍റര്‍ വേനലവധി ക്യാമ്പ് ‘ഇൻസൈറ്റ്-2025’ ജൂലായ് 10 വ്യാഴാഴ്ച മുതല്‍ ജൂലായ് 20 ഞായർ വരെയുള്ള ദിവസങ്ങളിൽ വൈകുന്നേരം 5.30 മുതൽ 9.30 വരെ ഇസ്ലാമിക് സെന്‍റര്‍ ഓഡിറ്റോറിയത്തിൽ വെച്ച് നടക്കും. കെ. ജി. തലം മുതല്‍ ബിരുദം വരെയുള്ള വിദ്യാര്‍ത്ഥികളെ വിവിധ വിഭാഗങ്ങളായി തിരിച്ച് പ്രമുഖ പരിശീലകരുടെ മേല്‍ നോട്ടത്തില്‍ ഇൻസൈറ്റ് സമ്മർ ക്യാമ്പ് ഒരുക്കുക.

ആർട്സ് & ക്രാഫ്റ്റ്, സ്ട്രെസ് ഫ്രീ സ്റ്റഡി, സൈബർ സേഫ്റ്റി & ഡിജിറ്റൽ ഡിസിപ്ലിൻ, സ്മാർട്ട് കരിയർ, തുടങ്ങി വിവിധങ്ങളായ വിഷയങ്ങളിൽ കുട്ടികൾക്ക് വിനോദവും വിജ്ഞാനവും കോർത്തിണക്കിയുള്ള പരിശീലനമാണ് ഇൻസൈറ്റ്-2025 എന്നും സംഘാടകർ അറിയിച്ചു. ഗൂഗ്ൾ ഫോമിലൂടെ ഈ ലിങ്ക് ക്ലിക്ക് ചെയ്തു അപേക്ഷിക്കാം

ഇന്ത്യന്‍ ഇസ്ലാമിക് സെന്‍റര്‍ വിദ്യാഭ്യാസ വിഭാഗം നേതൃത്വം നൽകുന്ന ഈ സമ്മർ ക്യാമ്പിൽ പരിശീലനം പൂർത്തിയാക്കിയ വിദ്യാർത്ഥി കൾക്ക് സമാപന ദിവസം സർട്ടിഫിക്കറ്റുകളും വിതരണം ചെയ്യും.

ക്യാമ്പിൽ പങ്കെടുക്കുന്ന കുട്ടികൾക്കായി വാഹന സൗകര്യവും ലഭ്യമാണ്. കൂടുതല്‍ വിവരങ്ങള്‍ക്കായി ബന്ധപ്പെടുക. 02-6424488 / 056 7990 086

- pma

വായിക്കുക: , , , ,

Comments Off on ഐ. ഐ. സി. ഇൻസൈറ്റ് സമ്മർ ക്യാമ്പ് ജൂലായ് 10 മുതല്‍

ഗുരുവായൂരപ്പൻ കോളേജ് അലുംനി പുതിയ ഭാരവാഹികൾ

July 1st, 2025

ദുബായ് : കോഴിക്കോട് സമോറിൻസ് ഗുരുവായൂരപ്പൻ കോളേജ് യു. എ. ഇ. ചാപ്റ്റർ പുതിയ ഭാരവാഹികൾ ചുമതലയേറ്റു. സുമിതാ ജേക്കബ് (പ്രസിഡണ്ട്), പ്രസീജ പീറ്റർ (ജനറൽ സെക്രട്ടറി), റിസ്‌ലി യാസീൻ (ട്രഷറർ) എന്നിവരാണ് പ്രധാന ഭാരവാഹികൾ.

- pma

വായിക്കുക: , ,

Comments Off on ഗുരുവായൂരപ്പൻ കോളേജ് അലുംനി പുതിയ ഭാരവാഹികൾ

വിദ്യാഭ്യാസ അവാർഡുകൾ സമ്മാനിച്ചു

June 24th, 2025

scholastic awards-kadappuram-muslim-welfare-association-2025-ePathram

അബുദാബി : ബി. ടി. എസ്. പൂക്കോയ തങ്ങൾ സ്മാരക വിദ്യാഭ്യാസ അവാർഡുകൾ സമ്മാനിച്ചു. പ്രവാസി കൂട്ടായ്മ അബുദാബി കടപ്പുറം മുസ്ലിം വെൽഫെയർ അസ്സോസിയേഷൻ സംഘടിച്ച പരിപാടിയിലാണ് വിവിധ വിഭാഗങ്ങളിൽ മികച്ച വിജയം നേടിയ വിദ്യാർത്ഥികളെ ആദരിച്ചത്.

അസ്സോസിയേഷൻ അംഗങ്ങളുടെ മക്കളായ അഹ്‌ലാം അലി (ഗുജറാത്ത് യൂണിവേഴ്സിറ്റിയിൽ നിന്നും എം. എസ്. സി. ഫോറൻസിക് സൈക്കോളജി യിൽ ഉന്നത വിജയം), റിഹാൻ ഹനീഫ് (എസ്. എസ്. എൽ. സി. യിൽ ഉന്നത വിജയം), മാലിക് ബിൻ അനസ് മദ്രസ്സയിൽ നിന്നും ഉയർന്ന മാർക്ക് നേടി പാസ്സായ സുഹൈൽ സെയ്തു മുഹമ്മദ്‌ എന്നിവരെ ആദരിച്ചത്.

ചാലിൽ റഷീദ് പ്രാർത്ഥന നടത്തി. രക്ഷാധികാരി കളായ പി. കെ. ബദറു, പി. വി. ജലാൽ, സ്കീം കൺവീനർ ടി. എസ്. അഷ്‌റഫ്‌, മറ്റു ഭാര വാഹികളായ നിഷാക് കടവിൽ, പി. എ. അബ്ദുൽ കലാം, നാസർ പെരിങ്ങാട്ട് എന്നിവർ സംസാരിച്ചു.

അബുദാബിയിലെ റഹ്മത്ത് കാലിക്കറ്റ്‌ റെസ്റ്റോറന്റിൽ വെച്ചു നടന്ന ചടങ്ങിൽ പ്രസിഡണ്ട് പി. സി. അബ്ദുൽ സബൂർ അദ്ധ്യക്ഷത വഹിച്ചു. ജനറൽ സെക്രട്ടറി സി. കെ. ജലാൽ സ്വാഗതവും ട്രഷറര്‍ ഫൈസൽ കടവിൽ നന്ദിയും രേഖപ്പെടുത്തി.

- pma

വായിക്കുക: , , , , , ,

Comments Off on വിദ്യാഭ്യാസ അവാർഡുകൾ സമ്മാനിച്ചു

ജിമ്മി ജോര്‍ജ് മെമ്മോറിയല്‍ വോളി : സില്‍വര്‍ ജൂബിലി എഡിഷന്‍ ഈ ആഴ്ച അബുദാബിയിൽ

June 23rd, 2025

jimmy-george-volley-ball-epathram
അബുദാബി: അന്താരാഷ്‌ട്ര തലത്തിൽ കേരളത്തിന്റെ യശസ്സ് ഉയർത്തിയ വോളി ബോള്‍ താരവും അര്‍ജുന അവാര്‍ഡ് ജേതാവുമായ ജിമ്മി ജോര്‍ജിന്റെ സ്മരണ നില നിർത്തുവാൻ അബുദാബി കേരള സോഷ്യല്‍ സെന്റര്‍ അഞ്ചു ദിവസങ്ങളിലായി അബുദാബി സ്പോർട്ട്സ് ഹബ്ബിൽ ഒരുക്കുന്ന ജിമ്മി ജോര്‍ജ് മെമ്മോറിയല്‍ വോളിബോള്‍ ടൂർണ്ണ മെന്റ് ജൂൺ 25 ബുധനാഴ്ച തുടക്കമാവും എന്ന് സംഘടകര്‍ വാര്‍ത്താ സമ്മേളനത്തില്‍ അറിയിച്ചു.

ksc-jimmy-george-volly-ball-25-th-edition-25-june-2025-ePathram

അബുദാബി സ്‌പോര്‍ട്‌സ് കൗണ്‍സില്‍, എൽ. എൽ. എച്ച്. എന്നിവരുടെ സഹകരണത്തോടെ യാണ് ഈ വർഷം കെ. എസ്. സി- ജിമ്മി ജോര്‍ജ് മെമ്മോറിയല്‍ വോളിബോള്‍ ടൂർണ്ണമെന്റ് സംഘടിപ്പിക്കുന്നത്.

ജൂൺ 25, 26, 27, 28, 29 തിയ്യതികളില്‍ രാത്രി 8 മണിക്കു തുടക്കമാവുന്ന ടൂർണ്ണ മെന്റിൽ യു. എ. ഇ., ഇന്ത്യ, ഈജിപ്ത്, ലബനാന്‍, ശ്രീലങ്ക എന്നീ രാജ്യക്കാരായ പ്രഗത്ഭ താരങ്ങള്‍ യു. എ. ഇ. നാഷണല്‍ ടീം, എല്‍. എല്‍. എച്ച്. ഹോസ്പിറ്റല്‍, ഒണ്‍ലി ഫ്രഷ്, വേദ ആയുര്‍ വേദിക്, റഹ്മത്ത് ഗ്രൂപ്പ് ഓഫ് ആയുര്‍ കെയര്‍, ഓള്‍ സ്റ്റാര്‍ യു. എ. ഇ. എന്നീ ആറ് പ്രമുഖ ടീമുകൾക്കായി ഈ വർഷം കളത്തിലിറങ്ങും.

ലീഗ് കം നോക്ക് ഔട്ട് അടിസ്ഥാനത്തിലാണ് മത്സരം നടക്കുക. സെമിഫൈനല്‍ ഉള്‍പ്പെടെ രണ്ടു മത്സര ങ്ങളാണ് ഓരോ ദിവസങ്ങളിലും ഉണ്ടാവുക.

വിജയികള്‍ക്ക് ഒരു ലക്ഷം ദിര്‍ഹമാണ് സമ്മാനമായി നല്‍കുന്നത്. ചാമ്പ്യന്മാര്‍ക്ക് എല്‍. എല്‍. എച്ച്. ഹോസ്പിറ്റല്‍ നല്‍കുന്ന എവര്‍ റോളിങ് ട്രോഫി യും 50,000 ദിര്‍ഹം ക്യാഷ് പ്രൈസും രണ്ടാം സ്ഥാന ക്കാര്‍ക്ക് അയ്യൂബ് മാസ്റ്റര്‍ മെമ്മോറിയല്‍ ട്രോഫിയും 30,000 ദിര്‍ഹവും സമ്മാനിക്കും.

ജിമ്മി ജോര്‍ജ് മെമ്മോറിയല്‍ ഇന്റര്‍ നാഷണല്‍ വോളി ബോള്‍ ടൂർണ്ണ മെന്റിന്റെ സില്‍വര്‍ ജൂബിലി എഡിഷന്‍ കൂടിയാണിത്.

വാര്‍ത്താ സമ്മേളനത്തില്‍ കെ. എസ്‌. സി. പ്രസിഡണ്ട് എ. കെ. ബീരാന്‍ കുട്ടി, ജനറല്‍ സെക്രട്ടറി നൗഷാദ് യൂസുഫ്, ട്രഷറര്‍ വിനോദ് രവീന്ദ്രന്‍, ബുര്‍ജീല്‍ ഹോള്‍ഡിങ്‌സ് റീജണല്‍ ഡയരക്ടര്‍ ഡോ. നരേന്ദ്ര ഡി. സോണിഗ്ര, വേദ ആയുര്‍ എം. ഡി. റജീഷ്, മലയാളി സമാജം പ്രസിഡണ്ടും ടൂർണ്ണ മെന്റ് കോഡിനേറ്ററുമായ സലീം ചിറക്കല്‍, സ്‌പോര്‍ട്‌സ് സെക്രട്ടറി മുഹമ്മദലി തുടങ്ങിയവർ പങ്കെടുത്തു.

- pma

വായിക്കുക: , , ,

Comments Off on ജിമ്മി ജോര്‍ജ് മെമ്മോറിയല്‍ വോളി : സില്‍വര്‍ ജൂബിലി എഡിഷന്‍ ഈ ആഴ്ച അബുദാബിയിൽ

ഈദ് മൽഹാർ സീസൺ-3 ശനിയാഴ്ച ഇസ്ലാമിക് സെൻററിൽ

June 13th, 2025

world-of-happiness-abu dhabi-eid-malhar-3-ePathram

അബുദാബി : സാമൂഹിക സാംസ്കാരിക കൂട്ടായ്മ ‘വേൾഡ് ഓഫ് ഹാപ്പിനസ്’ ഒരുക്കുന്ന ഈദ് മൽഹാർ സീസൺ-3 വൈവിധ്യമാർന്ന പരിപാടികളോടെ 2025 ജൂൺ 14 ശനിയാഴ്ച വൈകുന്നേരം അഞ്ചര മണി മുതൽ അബുദാബി ഇന്ത്യൻ ഇസ്ലാമിക് സെൻറർ പ്രധാന വേദിയിൽ അരങ്ങേറും.

പ്രശസ്ത ഗായകൻ കണ്ണൂർ ഷെരീഫിന്റെ നേതൃത്വ ത്തിൽ നടക്കുന്ന ‘ഇശൽ സന്ധ്യ’ ഈ പ്രോഗ്രാമിന്റെ മുഖ്യ ആകർഷകമായിരിക്കും. സജിലാ സലിം, അസിൻ വെള്ളറ, സാഖി, ശ്യാം ലാൽ, സന്ധ്യ എന്നിവരും യു. എ. ഇ. യിലെ വേദികളിൽ മികച്ച പ്രകടനം കാഴ്ച വെക്കുന്ന പ്രവാസി കലാ പ്രതിഭകളായ നസ്മിജ ഇബ്രാഹിം, ഡോക്ടർ ഷാസിയ, റാഫി പെരിഞ്ഞനം, സുഹൈൽ ഇസ്മായിൽ, അൻസർ വെഞ്ഞാറമൂട്, അജ്മൽ, നജ്മീർ തുടങ്ങിയവരും മറ്റു പ്രവാസി കലാകാരന്മാരും ഈദ് മൽഹാറിൽ ഭാഗമാവും.

ഷഫീൽ കണ്ണൂർ പരിപാടികൾക്ക് നേതൃത്വം നൽകും. ഫാത്തിമ ഹെൽത്ത് ഗ്രൂപ്പ് ചെയർമാൻ ഡോക്ടർ കെ. പി. ഹുസൈൻ മുഖ്യ അതിഥിയായി സംബന്ധിക്കും.

പ്രോഗ്രാമിലേക്കുള്ള പ്രവേശനം സൗജന്യമായിരിക്കും എന്നും സംഘാടകർ അറിയിച്ചു.

- pma

വായിക്കുക: , , , , , ,

Comments Off on ഈദ് മൽഹാർ സീസൺ-3 ശനിയാഴ്ച ഇസ്ലാമിക് സെൻററിൽ

Page 4 of 148« First...23456...102030...Last »

« Previous Page« Previous « അബുദാബി മലയാളീസ് ‘ADM കുട്ടി പ്പട്ടാളം സീസൺ-1’ സംഘടിപ്പിച്ചു
Next »Next Page » യു. എ. ഇ. നടപ്പാക്കിയ ഉച്ച വിശ്രമ നിയമം പ്രാബല്യത്തിൽ വന്നു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha