മെഗാ മെഡിക്കൽ ക്യാമ്പ് ഇസ്‌ലാമിക് സെന്ററിൽ

August 9th, 2025

mega-health-awareness-camp-in-islamic-center-ePathram

അബുദാബി : പ്രവാസികളിൽ രോഗ-പ്രതിരോധ അവബോധത്തിനായി ഇന്ത്യൻ ഇസ്ലാമിക്‌ സെന്റർ 2025 ആഗസ്റ്റ് 10 ഞായറാഴ്ച സെന്റർ അങ്കണത്തിൽ ഒരുക്കുന്ന മെഗാ മെഡിക്കൽ ക്യാമ്പിൽ അലോപ്പതി, ആയുർവ്വേദം, ഹോമിയോപ്പതി എന്നീ വിഭാഗങ്ങളിൽ പരിശോധനകളും ചികിത്സയും ബോധവത്കരണ ക്ളാസുകളും നടക്കും.

കാർഡിയോളജി, ഗൈനക്കോളജി, പീഡിയാട്രിക്, സർജറി, ഡെന്റൽ, ഇ. എൻ. ടി, ഒപ്താൽമോളജി, യൂറോളജി, ഇന്റേണൽ മെഡിസിൻ, ഡയറ്ററ്റിക്സ് തുടങ്ങിയ 12 വിഭാഗങ്ങളിലെ മെഡിക്കൽ ക്യാമ്പിൽ പങ്കെടുക്കുന്നവർക്ക് ഹെൽത്ത് ഇൻഷ്വറൻസ് ആവശ്യമില്ല. തുടർ ചികിത്സ വേണ്ടി വരുന്നവർക്ക് അഹല്യ ഹോസ്പിറ്റലിന്റെ പ്രിവിലെജ് കാർഡ് ലഭിക്കും. വിസിറ്റ് വിസയിൽ ഉള്ളവർക്കും സ്ത്രീകൾക്കും കുട്ടികൾക്കും പങ്കെടുക്കാം.

ഇസ്ലാമിക്‌ സെന്റർ പബ്ലിക് റിലേഷൻ വിംഗ് അഹല്യ ഹോസ്പിറ്റലുമായി സഹകരിച്ചു കൊണ്ട് ആഗസ്റ്റ് 10 രാവിലെ 7. 30 മുതൽ വൈകുന്നേരം 4 മണി വരെ ഒരുക്കുന്ന ഈ മെഗാ മെഡിക്കൽ ക്യാമ്പ് സൗകര്യം പ്രവാസി സമൂഹം ഉപയോഗപ്പെടുത്തണം എന്ന് സെന്റർ ഭാരവാഹികൾ അറിയിച്ചു.

വിവരങ്ങൾക്ക് : 02 642 44 22, 050 560 4133.

- pma

വായിക്കുക: , , , , , , ,

Comments Off on മെഗാ മെഡിക്കൽ ക്യാമ്പ് ഇസ്‌ലാമിക് സെന്ററിൽ

ആൻറിയ ‘അങ്കമാലി പൊന്നോണം’ ബ്രോഷർ പ്രകാശനം ചെയ്തു

August 6th, 2025

anria-angamaly-nri-dubai-onam-2025-ePathram
ദുബായ് : അങ്കമാലി സ്വദേശികളുടെ യു. എ. ഇ. യിലെ പ്രവാസി കൂട്ടായ്മ ആൻറിയ (അങ്കമാലി എൻ. ആർ. ഐ. അസ്സോസ്സിയേഷൻ-ANRIA) യുടെ ഈ വർഷത്തെ ഓണാഘോഷം ‘അങ്കമാലി പൊന്നോണം’ എന്ന പേരിൽ വൈവിധ്യമാർന്ന പരിപാടികളോടെ 2025 സെപ്റ്റംബർ 28 ഞായറാഴ്ച ദുബായ് ഇത്തിസലാത്ത് അക്കാദമിയിൽ വെച്ച് നടക്കും.

ആൻറിയ അംഗങ്ങൾ അവതരിപ്പിക്കുന്ന തിരുവാതിര-കൈ കൊട്ടിക്കളി, ശിങ്കാരി മേളം, ഘോഷ യാത്ര, മ്യൂസിക്കൽ ഷോ മറ്റു വിവിധ കലാ പരിപാടികൾ എന്നിവയും ഓണ സദ്യയും ഉൾപ്പെടുത്തിയുള്ള ആൻറിയ ഇരുപതാം വാർഷിക ആഘോഷം കൂടി ആയിരിക്കും ‘അങ്കമാലി പൊന്നോണം’ എന്നും സംഘാടകർ അറിയിച്ചു.

കഴിഞ്ഞ ദിവസം നടന്ന എക്സിക്യൂട്ടീവ് യോഗത്തിൽ പ്രോഗ്രാമിന്റെ ബ്രോഷർ പ്രകാശനം നിർവ്വഹിച്ചു. ആൻറിയ മുൻ പ്രസിഡണ്ട് ലിജി റെജി, റീത്തു ജോബിൻ, ലൈജു കൊച്ചാട്ട്, ജിജി പാണ്ഡവത്ത് തുടങ്ങിയവർ സംബന്ധിച്ചു.

- pma

വായിക്കുക: , , , , , , , , ,

Comments Off on ആൻറിയ ‘അങ്കമാലി പൊന്നോണം’ ബ്രോഷർ പ്രകാശനം ചെയ്തു

ഓർമ്മക്കുറിപ്പ് മത്സരം : പ്രവാസ ഓർമ്മകൾ

August 5th, 2025

ink-pen-literary-ePathram
ദുബായ് : വടകര എൻ. ആർ. ഐ. ദുബായ് ചാപ്റ്റർ 23-ാമത് വാർഷിക ആഘോഷങ്ങളുടെ ഭാഗമായി പ്രസിദ്ധീകരിക്കുന്ന ‘പ്രവാസ ഓർമ്മകൾ’ എന്ന ഓർമ്മക്കുറിപ്പ് പുസ്തകത്തിലേക്ക് രചനകൾ ക്ഷണിച്ചു. തെരഞ്ഞെടുക്കപ്പെടുന്ന മൂന്ന് കുറിപ്പുകൾക്ക് കടത്തനാട് സാഹിത്യ പുരസ്കാരം നൽകും. 2025 നവംബർ രണ്ടിന് നടക്കുന്ന വാർഷിക ആഘോഷ പരിപാടിയിൽ പുസ്‌തകം പ്രകാശനം ചെയ്യും.

താല്പര്യമുള്ളവർ രണ്ട് A 4 സൈസ് പേജുകളിൽ കവിയാത്ത നിങ്ങളുടെ പ്രവാസ ഓർമ്മകൾ 2025 ആഗസ്റ്റ് 25നു മുൻപായി pravasaormakal @ gmail. com എന്ന ഇ-മെയിലിൽ അയക്കണം.

കൂടുതൽ വിവരങ്ങൾക്ക് 055 573 9284 എന്ന നമ്പറിൽ ബന്ധപ്പെടാം.

- pma

വായിക്കുക: , , , , ,

Comments Off on ഓർമ്മക്കുറിപ്പ് മത്സരം : പ്രവാസ ഓർമ്മകൾ

ശിഹാബ് തങ്ങൾ അനുസ്മരണ സമ്മേളനം ശനിയാഴ്ച

August 1st, 2025

panakkad-shihab-thangal-ePathram
അബുദാബി : കെ. എം. സി. സി. ഗുരുവായൂർ മണ്ഡലം കമ്മിറ്റിയുടെ ആഭിമുഖ്യത്തിൽ പാണക്കാട് സയ്യിദ് മുഹമ്മദലി ശിഹാബ് തങ്ങൾ അനുസ്മരണ പരിപാടി 2025 ആഗസ്റ്റ് 2 ശനിയാഴ്ച വൈകുന്നേരം 7 മണിക്ക് അബുദാബി ഇന്ത്യൻ ഇസ്ലാമിക് സെന്ററിൽ വെച്ച് നടക്കും.

ചടങ്ങിൽ സെന്റ് ജോർജ് കത്തീഡ്രലിലെ റവ. ഫാദർ ഗീവർഗീസ് മാത്യു മുഖ്യാതിഥി ആയിരിക്കും. മുസ്ലിം ലീഗ് തൃശൂർ ജില്ലാ പ്രസിഡണ്ട് സി. എ. മുഹമ്മദ് റഷീദ് അനുസ്മരണ പ്രഭാഷണം നടത്തും. കെ. എം. സി. സി. സംസ്ഥാന ഉപാധ്യക്ഷൻ ഹംസ നടുവിൽ ഉദ്ഘാടനം ചെയ്യും. സംസ്ഥാന ജില്ലാ തല നേതാക്കൾ ചടങ്ങിൽ പങ്കെടുക്കും എന്നും അബുദാബി കെ. എം. സി. സി. ഗുരുവായൂർ മണ്ഡലം പ്രസിഡണ്ട് ഫൈസൽ കടവിൽ, സെക്രട്ടറി വി. എം. കബീർ, ട്രഷറർ പി. കെ.  താരിഖ് എന്നിവർ വാർത്താ കുറിപ്പിൽ അറിയിച്ചു.

 

- pma

വായിക്കുക: , , , ,

Comments Off on ശിഹാബ് തങ്ങൾ അനുസ്മരണ സമ്മേളനം ശനിയാഴ്ച

കെ. എ. ജബ്ബാരി അന്തരിച്ചു

July 30th, 2025

salafi-times-editor-k-a-jabbari-passed-away-ePathram
ദുബായ്‌ : സാമൂഹ്യ സാംസ്കാരിക രംഗങ്ങളിലെ സജീവ സാന്നിദ്ധ്യമായിരുന്ന കെ. എ. ജബ്ബാരി അന്തരിച്ചു. സലഫി ടൈംസ് ചീഫ്‌ എഡിറ്ററും ദുബായ് വായനക്കൂട്ടം (സഹൃദയ സാംസ്കാരിക വേദി) യുടെ അമരക്കാരനും കൂടിയായി രുന്നു കൊടുങ്ങല്ലൂർ എറിയാട് കറുക പ്പാടത്ത് ഉതുമാൻ ചാലിൽ അബ്ദുൽ ജബ്ബാർ എന്ന പ്രിയപ്പെട്ടവരുടെ ജബ്ബാരിക്ക.

2025 ജൂലായ് 30 (ബുധൻ) പുലർച്ചെ 2.30ന് മഞ്ചേരി കാരക്കുന്നിലെ ഭാര്യാ വസതിയിൽ വെച്ചായിരുന്നു അന്ത്യം. 78 വയസ്സ് ആയിരുന്നു.

അക്ഷരങ്ങൾക്ക് എന്തിനേക്കാളും വില കല്പിച്ചിരുന്ന ജബ്ബാരിയുടെ നേതൃത്വത്തിൽ എല്ലാ വർഷവും ദുബായിൽ ‘അന്താരാഷ്‌ട്ര സാക്ഷരതാ ദിനം’ ആചരിച്ചു വന്നിരുന്നു.

തൃശൂർ ജില്ലാ സർഗ്ഗധാര ചെയർമാൻ, കൈപ്പമംഗലം മണ്ഡലം കെ. എം. സി. സി. പ്രസിഡണ്ട്, കൂടാതെ നിരവധി സാംസ്കാരിക സംഘടനകളിലും പ്രവർത്തിച്ചിരുന്നു. ദുബായിലെ ഇന്ത്യന്‍ മീഡിയാ ഫോറം സ്ഥാപക അംഗവും  ആയിരുന്നു.

വിവിധ മേഖലകളിൽ മികവുറ്റ പ്രവർത്തനങ്ങൾക്ക് യു. എ. ഇ. യിലെയും നാട്ടിലെയും പ്രതിഭകൾക്ക് വായനക്കൂട്ടം പുരസ്കാരങ്ങൾ ജബ്ബാരിക്കയുടെ നേതൃത്വത്തിൽ സമ്മാനിച്ചിട്ടുണ്ട്. ശാരീരിക പ്രയാസങ്ങൾ കാരണം പ്രവാസം അവസാനിപ്പിച്ച് ഏതാനും വർഷങ്ങൾക്ക് മുൻപേ നാട്ടിൽ പോയി. അസുഖത്തെ തുടർന്ന് ചികിത്സയിൽ ആയിരുന്നു.

JABBARI : Personalities & ePathram Tag

- pma

വായിക്കുക: , , , , , , , , , , , , ,

Comments Off on കെ. എ. ജബ്ബാരി അന്തരിച്ചു

Page 2 of 14812345...102030...Last »

« Previous Page« Previous « മുജീബ് മൊഗ്രാൽ സ്മാരക ഐ. ഐ. സി. നാനോ ക്രിക്കറ്റ് ടൂർണ്ണ മെന്റ്
Next »Next Page » പള്ളികള്‍ക്ക് സമീപം പെയ്ഡ് പാർക്കിംഗ് നിലവിൽ വന്നു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha