ഒരു ഇടവേളയ്ക്ക് ശേഷം ആരാധകരെ ഹരം കൊള്ളിക്കുവാന്‍ തെന്നിന്ത്യന്‍ ഗ്ലാമര്‍ താരം നമിത തിരിച്ചെത്തുന്നു. ഇളമൈ ഊഞ്ചല്‍ എന്ന ചിത്രത്തില്‍ ഒരു പോലീസ് ഓഫീസറുടെ വേഷമാണ് നമിതയ്ക്ക്. തമിഴ്, കന്നട, തെലുങ്ക് എന്നീ ഭാഷകളിലായി നിര്‍മ്മിക്കുന്ന ചിത്രത്തിന്റെ സംവിധാനം എ. ആര്‍. മനോഹരനാണ് നിര്‍വ്വഹിക്കുന്നത്. ചിത്രത്തില്‍ പല ആക്ഷന്‍ രംഗങ്ങളും ഡ്യൂപ്പില്ലാതെയാണ് നമിത ചെയ്തിരിക്കുന്നത്. ഐറ്റം ഡാന്‍സുകളിലൂടേയും ഗ്ലാമര്‍ പ്രദര്‍ശനങ്ങളിലൂടെയും പ്രേക്ഷകരെ കോരിത്തരിപ്പിച്ചിട്ടുള്ള നമിത ഈ ചിത്രത്തിലും തന്റെ ആരാധകരെ നിരാശപ്പെടുത്തില്ലെന്നാണ് സൂചന. ചിത്രത്തിനു വേണ്ടി തന്റെ വണ്ണം കുറച്ചതായും നടി വ്യക്തമാക്കുന്നു. മേഘന നായിഡു, കിരണ്‍, കീര്‍ത്തി ചൌള, ശിവാനി സിങ്ങ് തുടങ്ങിയവരും നമിതയ്ക്കൊപ്പം അഭിനയിക്കുന്നുണ്ട്.
അടുത്തയിടെ നമിതയെ ഇന്ത്യന്‍ സൌന്ദര്യത്തിന്റെ പ്രതീകമായി ഒരു ജപ്പാന്‍ ചാനല്‍ തിരഞ്ഞെടുത്തിരുന്നു. തടി കൂടിയതിനാലാണ് മാര്‍ക്കറ്റ് ഇടിഞ്ഞതെന്നും ഇത് തിരിച്ചറിഞ്ഞതോടെ തടി കുറച്ച് വീണ്ടും പഴയ പ്രതാപത്തിലേക്ക് തിരിച്ചെത്തുവാനാകും എന്നാണ് നടിയുടെ പ്രതീക്ഷ. ബ്ലാക്ക് സ്റ്റാലിയന്‍ എന്ന കലാഭവന്‍ മണി ചിത്രത്തിലൂടെ നമിത മലയാളത്തിലും അഭിനയിച്ചിരുന്നു. വളരെ സെക്സിയായാണ് ചിത്രത്തിലെ ഗാന രംഗങ്ങളില്‍ നമിത അഭിനയിച്ചത്.
